譚仔雲南米線

營業中

休息中

今日嗌Diliveroo戶戶送，都係照舊，好似中學咁，炸醬三小辣，凍華田。好味就當然啦，可能呢間好忙好忙好忙，我住得比較近，都等咗一段時間，不過唔緊要啦，最緊要食到。

話說我黎過幾次，今次也如是，目測入面明明有好多位，出面個個排晒隊，職員都唔叫號碼，問佢又話未清晒台，叫人等陣！我企咗喺度等左3個字，冇一個人入到去，最後等位的7、8個學生等太耐全部走了，得返我自己一位，職員依然堅持未清到台，唔俾客人入，我好肯定呢間譚仔真係唔優做！職員冇禮貌，明知有咁多客喺出面一張枱都唔識得去清下！

突然心血來潮想食譚仔，就係美食外賣平台叫咗，加多個名物小食，令今次嘅lunch 豐富一啲😊😊😊要留意用美食外賣平台order 會貴少少🤏🏻- 雞肉豬膶米線(酸辣湯底) $51味道正常發揮，米線熟嘅，唔硬。雞肉份量都多，但豬膶略嫌少咗啲啲，得3-4塊，薄薄地。湯底開胃，有辣味，但酸味較重少少🤏🏻- 土匪雞翼(大) $40今次嘅賣相吸引啲喎😆😆😆以為佢燶咗，其實係孜然粉多咗。送到嚟外表依然脆口，入面仍然嫩滑多汁。今次嘅雞翼好食😋😋😋

沒有嘗試過譚仔，好奇口味如何，於是專門去品嚐，排隊人很多，本以為會特別好吃，預期值太高就會更失落，兩份都是重慶酸辣口味，但整碗都是生辣椒面的感覺，不香，吃到一半實在吃不下去了不知其他口味如何，這個重慶酸辣湯底真的很失望

一向都有幫襯開譚仔，但今日同屋企人去西九龍中心呢間食米線，員工態度真係極差，屋企人唔食得太鹹，同個阿姐講話清湯要淡D，佢話得淡，無D嘅😠繼而碗過橋米線黎到，起初都唔覺有問題，直至食左一部分嘅餸同米線，啲湯少左，先發現隻碗污糟到不得了，搵紙巾抹啲污漬，仲係可以抹得甩嘅。正值疫情期間，識得叫食客用安心出行，但啲碗洗完都咁污糟，裝米線嘅見到咁仲要放啲米線落去，請問有諗住令食客安心，有諗住保障食客嘅安全咩？同個阿姐反映，佢話啲碗係咁架喇，一啲歉意都無，就連唔好意思都無諗住講一句，見我地話影左相要放上網，仲即刻收走左隻碗，然後若無其事咁。講到話要成為負責任嘅企業，仲要攞唔少獎，衛生情況同員工態度實在令人無法接受，完全唔見得係有良心嘅企業。就算幾好食，都令人以後無信心再幫襯。

心思思想食雞翼，就諗起譚仔嘅土匪雞翼。西九龍中心嘅譚仔幾大，成日坐到密密麻麻。今日早去， 十一點幾，加上疫情關係，暫時冇乜人。點了清湯墨丸米線 + 細土匪雞翼 + 凍檸茶小冰小甜，好滿足😍😍😍墨丸有六粒，口感麻麻，感覺不太新鮮。米線出色，軟硬適中。入面有芽菜、韭菜、腐皮，份量唔少。最期待嘅土匪雞翼。想叫五隻，但擔心食唔晒，最後都係點三隻。雞翼保持水準，外皮香口，肉質嫩滑多汁😋😋😋點杯凍檸茶去膩，同上面嘅嘢絕配！

今日想食米線，入到店內等待員工姐姐執枱，她們只顧住談天說地，等咗十分鐘先肯去執枱。餐牌又唔比，要自己行去拎。叫餐都等咗十分鐘先有人走黎問。上次黎已經唔夠人手，今次又係唔夠人手。

因為想試新出的脆肉鯇米線，所以去試試。先講食物，我叫了一碗豬潤脆肉鯇米線+檸檬茶，兩種配料都爽脆，鯇魚不腥，但份量略為少，如可多少少就更值四十幾元一碗。但我從未試過食譚仔食到一肚氣。入座安排、店員態度及店鋪的防疫措施都令我甚感不快。我今天獨自一人光顧，也相當明白會有「搭枱」的安排。但是，在我取票輪候時，發現有客人不用取票打尖店員也安排他入座，而且可獨霸一張四人桌。而輪到我時，店員卻指因為我一個人，所以只可以搭枱，而且是沒有擋板和其他人打對面坐。現時疫情嚴重，與陌生人沒有擋板、沒有1.5米安全距離下一起用膳其實都令人擔心。在場所見，我看到也有其他一人食客可以自己一人坐，對面沒有其他不認識的顧客。因此，我要求店員安排我入座對面沒有陌生人的座位。但店員表示「你一個人，係要咁坐㗎啦」，我回應「點解人地可以？」，店員即黑面表示「咁你等下」。因號碼已叫過，我追問收銀店員「你記得㗎可？」，她用極不友善的眼神「睥」了我一眼，沒有回答，態度極為囂張和惡劣。而店員下一張又再次安排對面有陌生人的桌子給我，令我甚感不滿，因我之前已明確拒絕，當時等候的客人只有我一個，不存在太多人所以忘記的可能，於是我再次拒絕，

明明係佢後面叫佢，都可以當聽唔到，當咩事都冇，直行直通，咁既服務態度真係冇得頂。員工態度又串又唔俾人話得，你做得唔好，叫你地改下啫，使唔使咁惡呀，唔講仲以為我食霸王餐。

今晚諗住去食下譚仔，點知食咗成肚氣返黎！叫咗碗麵之後。。等咗好耐都無黎到，就問下人，點知唔啋我，我好似透明咁繼續等，最後，碗面仲要等咗25分鐘！我記住我落單嘅時間，係8點59分，9點25分左右到。。。到咗都算了，d麵仲要係唔熱既(我真係又餓又凍)！之後嗰位叫AL08既丫姐仲要我即刻俾錢，態度就好似我爭佢錢咁！仲要大聲話，頭先如果你叫我，我唔會唔理你囉！我自問自己脾氣不嬲都幾好，但今次我俾佢地都搞得好嬲。。。AL08丫姐，我明白你地要收工，我亦都唔會阻住你地，你地做服務業，打份工都要尊重份工，譚仔米線本身係好食，但因為服務員既態度令我覺得，我以後都不會再光臨囉！

喂！係呀又嚟咗深水埗，又係啲到啲西九龍中心。今次唔去頂樓嘅樓美食廣場度食嘢，變咗去咗位於1樓嘅譚仔雲南米線都叫外賣，不過最後都係去咗美食廣場都食。雞肉、墨魚丸，麻辣大辣少米線唔該，再加個木耳。超級大滿足。

今晚七時多來到找座位，個阿姐從後大叫座邊度啊？回頭望一望她一副非常不滿意的樣子，再問坐呢度定坐個度？我坐下之後她就拋下餐牌，轉身離去，以為做戲至有的情節，可以發生在這裡，唯一理由是店大真係可以欺客，點樣對你哋都係要來吃，即時上網找渠道投訴，沒有用，是沒有投訴渠道的，唯有這裡可以舒發一下。

中午時段黎譚仔真係好多人，但好彩撞正啲人食完一輪，好快就入得。平時食開麻辣三小，今日想轉下口味就叫左碗蕃茄十小辣米線，餸揀左雞肉同魚腐。不嬲都好中意食蕃茄湯，但係譚仔食就真係第一次。蕃茄湯唔係好濃，但加左十小辣有帶出左蕃茄味，而且唔會太辣，食到蕃茄湯既酸甜。雞肉真係幾多，好似食極都有咁，而且對比我上次食啲肉好似冇咁乾。魚腐就一如既往咁好味啦，好彈牙。土匪雞翼每次都一定要食，雖然落左好多調味料好熱氣，但真係太好食喇，自己食一碟都唔夠。啲雞翼又大隻，咬落去好多肉汁。

昨天晚上和家人一起到西九龍的譚仔吃雲南米線，我們到達的時間約8時，看見餐廳內已經坐滿了客人，不過幸好門外等候的人不多，（記得到門外右手旁的票機取票，不然就白等了）我們等了大約15分鐘就有位置了。我自己叫了一個雞肉麻辣雲南米線，雞肉配上麻辣真的十分好吃，因為雞肉表面有肉紋，形狀也不一，故湯汁容易沾上在雞肉上，吃時更為惹味。如果你是香港人，相信你也曾經食過譚記的米線，所以今次我就不多說，主要想說說小食方面。香草雞翼，雞肉肉質嫩滑，不會太乾，咬下會有肉汁流下，而且大大隻，表面的香草也很香，不過有些雞翼表面放等太多，食時就會弄得嘴巴有滿滿的香草，味道方面不會太咸，食時有淡淡的香草味。蒜泥白肉，必食之選。蒜泥磨的細緻，口感一流，不會有渣，白肉切得非常薄，配上麻辣汁，真的是一百分，除了好食，更有口感的享受。最後是麻辣豬耳，也許有些人不會吃這些東西，但是它這個豬耳是軟骨的部分，切得薄，口感爽脆，配上辣汁，很好食，可是比較辣，就看你能否吃辣。除這些以外，這有其他小食，你們就自己試試吧，也許會有意外的發現，而且價錢也大眾化，值得一試。

剛剛去西九譚仔，叫左碗「竹笙腐皮米缐」！碗米缐來到的時候，見到d竹笙有d黑色污糟野(好似跌落地下執番咁既樣)，幾條竹笙都有，跟侍應說，佢話換過！跟住新個碗d竹笙明顯乾淨番，咁就開始食！食到一大半，係個底度挾了條竹笙，點知又係有黑色污糟野！再望真d，仲有隻細細粒的蠢仔係度！個侍應起初仲要話竹笙係好難洗乾淨，知道有蟲就話唔好意思，扣番個竹笙錢！真係即時咩胃口都冇哂，佢話煮過碗比我我都唔要了！以後都不會再幫襯！😡