仙桃源 (已結業)

昨天放工後到了油麻地，剛巧有朋友在桃源軒吃下午茶餐，我便入去一起tea一tea，叫了一客繡球小丸子湯麵加一杯凍茉香奶茶，繡球小丸子不過是加了一丁點蟹子的魚旦，全碗只有四小粒而已，麵是採用生麵比即食麵健康一些；反而那杯奶茶大大杯比較耐飲。那碗麵實在質和量都只是一般，但又不算抵食下次都係去其它餐廳。

約左人趕時間，見到呢間門面都OK，入去試下啦。我叫左個“秘製雞腿飯”餐，我老婆就叫左個“貢丸米”餐，再加碟“A菜”。我個餐D雞炸到乾哂，好似薯片一樣！我老婆個“貢丸米”，嘩！得個三粒貢丸，D湯仲係D混濁開水，一D味都冇。$17蚊碟“A菜”份量…得兩三條菜，我問個職員，我話我唔係要跟餐菜喎，佢話我地冇跟餐菜order，$17蚊係得貢多架咋……我杯珍珠奶茶，好明顯係冇打過，只係可以叫做奶茶加珍珠。我老婆杯綠茶柑桔，嘩！酸到要落三包糖至飲得入口，仲要冇綠茶味！D職員又大大聲傾計，仲嘈過架子電視D聲，好煩呀！一個字———差！

呢間野本來在對面街，但間樓要拆，所以搬來呢邊，佢裝修左之後靚左，又比以前闊落左。我地叫左一個排骨飯同貢肉根米線。個米線ｄ貢肉根都幾多，味道都還可以，不過不失啦。件骨都幾既，不過好似少左d。但由於間野大左又冇請人，好似唔係幾夠人用，服務麻麻。

假日下午茶$25 貢肉根+大鹵肉米線,熱珍珠奶茶奶茶裝於細矮玻璃瓶壼內,另附一小空茶杯及獨立白糖包;奶茶本身只是少甜,故適合不嗜甜的人茶味好香濃,的確與別不同米線夠挺身,不會太稔;大鹵肉有三件,好濃肉香;貢肉根較普通

今日上課前經過, 見新開就入左去試下. 叫左下午茶餐貢肉根米線+珍珠奶茶. 貢肉根米線味道較鹹較油, 份量以下午茶來說是ok的;珍珠奶茶就不錯,不太甜,因為糖的份量是自己控制的. 最好笑的是當我一直以為這店是新開的, 原來只是由對面街搬遷過來,還要是一個坐在我對面的德國鬼佬告訴我的!!!

the previous one in jordan was 10X better than this. yuck

台式魯肉飯好唔得ｄ汁少、肉又少加偏肥！熱豆漿過甜，仲要另俾包糖．．＝_＝仙桃源都係米線、珍珠奶茶比較好

我唔知有冇搞錯到，睇完啲食評好似講緊幾間仙桃源咁。不過睇地址應該係講油麻地唔係先達附近嗰間。上星期六原本去yokozuna食晏，去到見要等三十個number於是調頭走。行過見呢度有位於是入去食，兩個人食咗個醬汁豬扒飯、雞腿麵、滷水拼盆、茉香珍珠、青蘋果綠茶加珍珠。豬扒同雞腿味道唔錯，有碟醬我都唔知係跟豬扒定滷水嘢。麵我要錯咗幼麵，好似怪怪哋，唔多夾。滷水嘢唔好提。珍珠比煙漬癌飲開嗰啲比較有咬口。啲檯好矮，檯腳同檯腳之間好窄，冇乜可能坐到兩個人。

好想飲珍珠奶茶, lunch便周圍找台灣野食... 行下行下就搵到旺角先達後面既仙桃源.已前家附近也要分店, 不過好久之前已結業了.叫了東坡骨米線, 熱珍珠奶茶. 熱珍珠奶茶好香.. 跟之前土瓜灣的那間一樣. 東坡骨也炆得很入味.. 好林... 可惜係lunch set 太少野簡.

上個月，夜晚同fd 去完環球嘉年華，之後o黎左呢道Dinner我叫左個XX 雞扒飯連埋珍珠奶茶，我覺得好好味~ 亦可能太餓吧~ ^^\" ~ Anyway，味道唔錯，我會再幫襯d 野o黎得好快下~ 服務都ok ~我同d fd 都食得好開心$29 夜晚飯算係咁~都抵

今日我想飲水蜜桃紅茶加珍珠，但係朋友又想去金太朗食壽司下午茶，咁冇辦法啦．．．行緊去途中經過呢度，朋友又知道我既’心事’，雖然佢日日午餐幾乎都係仙桃源，不過就我一次，於是乎就入去食啦！我叫左墨魚條米線，水蜜桃紅茶少甜加珍珠＄２０朋友叫左魯水肉粒公仔麵（原名忘記了），水蜜桃紅茶少甜加珍珠＄２０個湯非常之啖（滾水黎？），想加紅醋調味點知佢地只得我最討厭既黑醋，唯有食冇味米線。墨魚條好味的。朋友個碗麵叫做有Ｄ肉汁所以個湯都有Ｄ味．．．肉粒唔錯。杯紅茶沒有少甜到，不過Ｄ冰溶咁上下之後就接受得到了，珍珠都有咬口。

前兩日旺角行到地，入呢間店食Tea，坐低叫兩個Tea Set，,一碗墨魚條米線同珍珠奶茶($19)，同行友人則叫個奶油多士及熱蜂蜜綠茶($19)。墨魚條米線湯底淡，墨魚條有似蝦條，味道一般啦！我叫杯珍珠奶茶走冰，不過杯到竟然唔滿(看附圖)！真係孤寒！我葵芳食間係水滿架！服務員現場態度一般，掛住自己傾偈！環境都算okay，不過好似間間分店都係咁上下格局！

昨晚到油麻地辦事, 先要醫肚, 所以就近走左入呢間仙桃源.點了一個餐, 秘制牛肉湯米線+ 青蘋果綠茶.原以為叫得做秘制牛肉, 應該有番咁上下. 個米線黎到, 牛肉切成一條條. 一看就知好鞋. 食後, 果然係鞋…個湯反而幾好味, 米線反而好食過o的牛肉.杯青蘋果綠茶就好有人造感覺…$29始終係抵, 醫肚o既話, 食得過.都幾多人, 可能附近比較多三星酒店, 好多自由行黎食衛生麻麻, 有蚊之仔飛來飛去…

此店以飲珍珠奶茶為主,還有其他飲品,飲杯野傾下計唔錯的,如果吃飯,他會送野飲,$29套餐,減去飲品價,碟飯同一般快餐店的碟頭飯差不多,當$20 多元,請不要有要求,但我覺得比快餐店有新鮮感.有非吸煙區,唔錯.

叫左個豬扒米線加珍珠奶茶，$29，唔算抵~豬扒係煎o既，十分普通，米線偏淋，湯低好味不過味精勁，食完幾口渴~杯珍珠奶茶亦都麻麻，D珍珠冇乜咬口~