38
7
0
電話號碼
23491340
營業時間
今日營業
07:00 - 17:00
星期一至日
07:00 - 17:00
以上資料只供參考, 請與餐廳確認詳情
食家推介
相關文章
【2023 年 9 月】#週末四圍遊在藍田和油塘之間有逾百年歷史嘅『茶果嶺村』快將清拆而在寮屋區裡面有間仍在營業嘅冰室放假就與儍爸去嘆個下午茶再四圍走走趁清拆前參觀下茶果嶺村嘅風景 ~~榮華冰室由 1962 年開業至今,已有 60 年歷史店內仍然保持著最初嘅裝潢,周圍滿佈著歷史痕跡現時買少見少 ... 刻了店舖名字嘅通花鐵閘舊式百事汽水櫃 ...牆上仍掛著開業時嘉賓題名嘅紅綢布 ...牆上嘅手寫餐牌、天花板上嘅舊式白色吊扇 ... 毛筆字手寫嘅『禁止吐痰』政府告示很特別嘅心型木製卡座 ...係懷舊冰室飲番支樽裝維他奶,特別有 feel ~~。西多士即叫即做,炸至金黃色,淋上煉奶雖然裡面冇花生醬,但是入口又酥又香,甜度適中仲貼心切好,一口一件,方便進食 ~~食飽飽就四圍走走,參觀下茶果嶺村嘅風景 但是村內仍有居民居住 ...參觀時請降低聲量,不要騷擾到居民或破壞周圍環境 ** 以上分享是以我的口味、體質和情況作出分享及感受,一試 / 合用與否請自行決定
繼續閱讀
今天又吃又玩了半天,首先我們去鯉魚門古石礦場打卡,路過年香園免費試食過多款特色美食,隨即前往茶果嶺寮屋區呢間隱世茶餐廳——榮華冰室下午茶。現場只有5張半座位,但翻枱速度快,仲聽到老闆娘接電客人開車趕緊嚟等埋佢,難怪嘅之前我哋都係五點鐘摸過門釘。然後,我們坐低只見手寫掛牆餐牌,揀咗腸蛋烏冬、餐蛋上海麵嚟錯咗丁麵、西多、凍檸茶、凍奶茶。食人情味多,期望就要管理一下,餐肉薄切西多士份量較少,不過整體都幾好味,免收加一埋單 90 元,算抵食。接着,我們在等杯凍檸茶,明白家庭生意一腳踢,周圍影吓舖頭裝修,天氣唔熱幾舒服,有幸見到老闆娘孫兒子。最後順利完成今次自助導賞遊,繼續朝茶果嶺海濱公園方向出發。新聞報道茶果嶺村分兩期 2025 年上半年遷出重建,行過隔離街坊都幾友善,可以再借埋緣路山旮旯返屋企睇。
繼續閱讀
政府將收回3個寮屋區發展,預計2025年展開工程。其中被藍田油塘包圍嘅茶果嶺村,村內有間充滿人情味冰室;人情味不變,可惜難逃時代巨輪小店位於茶果嶺村,隱蔽偏僻;1962年開業,已有61年歷史;店內播放著80年代歌曲,好有感覺;牆上有手寫餐單及手寫字句,昔日家人同名人照片,泛黃嘅上海海報,二手入榫木製卡位,天花大吊扇,Pepsi 汽水櫃,鐵信箱... 都係古董都係故事,記載著鏡叔嘅點點滴滴鏡叔係榮華冰室主理人,滿場飛一腳踢,入貨,落單,招呼,出餐,收錢,清理一手包辦;所以食物都以簡單配搭為主,不會太複雜,味道亦係預期內唔會有大驚喜。雖然清拆期將至,鏡叔都堅持每日開鋪,做到最後一日,聽完有點唏噓;又一條建立多年嘅人情村將會成為回憶片段滷雞翼尖電飯飯座熱,煮到腍化,入晒味西多士裡面無夾花生醬,薄薄的加蛋漿炸好落煉奶,切好9件上枱熱奶茶茶底唔錯,用雙喜淡奶,又另一番味道
繼續閱讀
Dining time(2:27pm tea)follow@wojengyea/@wo!正嘢 for more food info🐒 支持我哋發掘更多美食 😋朋友係英國返嚟🇬🇧,帶佢去茶果嶺食香港懷舊味道。藍田地鐵站行過去~15分鐘,唔難搵。朋友叫咗個回鍋肉腸蛋出前一丁,正常發揮。湯底唔太鹹,隻蛋煎得幾好🍳 。魚片炒米粉🐟,呢個好耐未食過,好簡單嘅食材但可以食返嫲嫲以前煮嘅味道😢😢😢,佢有啲米粉會炒埋一舊,其實最好食就係呢啲一嚿嚿煎燶燶哋嘅米粉團,難得難得。食完兩個麵意猶未盡,整多個西多士。覺得煎得有少少乾同埋燶,西多士燶就唔同講法,有進步空間。煉奶俾得好足,但冇俾牛油🧈,如果有人鍾意食糖漿🍯可能會失望。凍奶茶同熱奶茶都麻麻哋,其實睇隻顏色都知出事。☕️餐廳氛圍雖然門口個牌有寫,但我都係鍾意同啲老闆傾吓偈,老闆謙謙有禮,佢話間茶餐廳1961開始做,爸爸之後傳俾佢。係一間有63年歷史嘅茶餐廳享用午餐,好似去咗間博物館咁,要尊重呢個地方,講嘢傾偈都細聲啲🤫。平日放假去會有一種感覺就係冇乜人,個時間好似停頓咗喺70年代💈💈,一枱一凳都十分古舊,牆上嘅照片好像不知道時代嘅變遷,食吓食吓就竟然有啲感觸
繼續閱讀
一直都好想去茶果嶺睇下一個咁具香港特色既地方係點,最近睇新聞知道茶果嶺村民係下年開始說要大規模遷出🥲,就終於同朋友的起心肝,去茶果嶺行下,係呢間充滿懷舊氣息既冰室食下下午茶🍴。冰室既環境同裝飾夠晒懷舊,加上門口既鐵閘,令到成間冰室都有七,八十年代既感覺⏳。 🍞西多士($20)西多士食落外脆外軟,花生醬同煉奶都茶得好平均,而冰室都好細心幫我地切晒九小份,啖啖食落都係好juicy🥰,十分邪惡。2024 年茶果嶺村就要開始重建,唔知冰室最後嘅命運會點,大家有機會都去下呢間充滿歷史嘅本土冰室,感受下香港特有嘅風土人情啦☺️🇭🇰
繼續閱讀