盛記盆菜&盛記麵家

營業中

休息中

極度失望，住沙田一定會知盛記火煱，中午做粉麵餐廳，晚上做火煱，由細到大口碑都唔差，價錢公道，以前唔早d訂位基本上都冇得食，但近年真係差左好多，可能疫情之後，好多人都唔留港消費，盛記晚上都唔會有2轉翻枱做，更加張關門時間改到11點，食物依家不過不失，海鮮唯一係性格比高，湯底冇乜選擇就大家應該知，但近幾次去都有心將平宜既湯底話賣晒，想你叫貴，真係好好笑，晚上7點半可以話番茄薯仔同香茜皮蛋冇啦，去到10點20分就精彩啦，成班阿姐就開始出晒黎，幫你收野呀，係不停來來回回咁行去你張枱，目的大家都知，想你快d走，到10點35分，仲犀利，直頭搵2個阿姐 左右門神咁企住係度眼金金望住你，打個邊爐，傾下計都咁唔舒服，好大壓力law, 我地大大聲話11點都未到 唔駛咁呀，趕客呀！！（之前對上食過1次都有咁既情況，10點50分關冷氣，但都ok啦，差不多到11點我明白）佢地先走開，仲要5個人我地都食左2千7蚊，唔係死霸爛霸又唔食野d衰客，係我地都知依家好靜，夜晚都冇幾枱客，最後2枱你地想快d趕走早收工，但真係好唔舒服law, 終於明白香港今時今日點解會攪到咁，個個唔想係度食野，消費，盛記帶俾沙田街坊好多回憶，

今日返工lunch揀左去瀝源呢間盛記食飯。Lunch最驚一大班同事食飯揾位，但盛記有好多大枱，一大班同事坐就啱啱好啦。我叫左豉椒排骨飯，5分鐘唔洗就上左菜啦，超快手。 $54有湯或者飲品，凍飲仲唔洗加錢，另外仲有一碟菜，但咩菜就無得揀啦，多數都係菜心。排骨多汁，份量又多又好味，好快就清左一碗飯。🙊

盛記盆菜&盛記麵家🥸🙏🏻喺沙田呢個美食沙漠，要搵間好食又平嘅餐廳真係好難，如果唔介意行遠少少可以去瀝源街市食盛記！小編平時同同事食lunch 都會有時去呢間食的🙏🏻🍗無骨豉油雞$48 （小編唔記得個價錢係咪加到$50呢個價錢包一杯熱飲/盅湯， 仲有白飯雞如其名的確係無骨嘅，而且食落好滑，鹹甜適中，豉油嘅味唔會蓋過左雞嘅味道，撈飯食一流🙏🏻 盅湯都好清甜冇味精味(好似係青紅蘿蔔湯🥸)賣相：⭐⭐⭐(粒半)味道：⭐⭐⭐⭐(粒半)CP值：⭐⭐⭐⭐Remarks: 如果想食豉油雞最好打電話早一日預訂🙏🏻因為12點半到都好快冇哂🙏🏻 小編都試過食肉餅飯，都唔錯的🥹🙏🏻利申:小編自己比錢食的🤡 小編所有餐廳都自費冇打廣告的🤡🙏🏻

今晚朋友帶我去沙田瀝源邨，有個地下熟食中心，朋友話呢度打邊爐平靚正好抵食我哋八個人，俾咗張大圓枱有兩個爐，可以揀兩個唔同嘅做嘅湯底見到象拔蚌刺身，唔使$800，好新鮮，點豉油Wasabi食好好味提醒呢度食嘢都係要記住訂位，長期爆滿。同事叫咗其他嘅牛肉，味道都好好味，好有牛味，另外蝦滑油炸鬼都好正另外佢哋嘅水餃味道都好正，之後掛住食，冇乜影相佢哋無限時限刻要幾點交枱，唔駛食得咁急，坐位寬廣，唔會好迫，餐廳設計好特別，好懷舊👍🏻👍🏻

公司想搵地方食團年飯，諗起盛記可以打邊爐，膽粗粗同老細提議，難得老細贊成，即刻book, 好彩仲有位😬盛記嘅地址睇落有啲難搵，但熟路識行嘅就好簡單…只要響好運中心同沙田街市地面，向橋底方向一直行，過咗七仔向前過馬路就係㗎嘞！佢哋有一個$888嘅四人至六人餐好抵食，我哋叫咗呢個餐再加其他嘢食，湯底我哋揀咗醉雞湯底同胡椒豬骨湯底，醉雞湯超級香，一埋檯就香噴噴！有特式嘅火鍋料我哋揀咗朋友推介嘅花雕醉牛肉，因我自己唔食牛，但其他同行者都話好好食！仲有醉田雞，田雞唔係咁多地方有，入晒味，非常好味，佢哋嘅醉嘢全部都唔錯，大家不妨一試！最後每人都係$300左右，超級抵食，啲材料又新鮮，推介！

依間嘅邊爐實在太過出色💙🥘邊爐多款湯底任君選擇，就連清湯都好好味，好甜🤤🍣魚生勁鮮甜🤤聖子同象拔蚌is a must!!!! 🤩服務態度屋村黎計真係好好，唔會話坐得唔舒服🫶🏻一定會再黎😍🤤

因著小時候回憶而和朋友去盛記打邊爐，但除了湯底，就不值得再去⋯⋯湯底：有用足夠的材料，連湯也是可以放心飲，湯料也是好好味！手切牛肉$2881. 全碟得10片牛肉2. 5片雪花牛肉，5片連普通肥牛也不如的牛肉，完全咬不入。3. 明顯不是手切牛，薄如紙。4. $288連x田超市$88肥牛質素也不如。蔬菜籃$451. 包括：生菜/白菜/菠菜2. 菜是生鮮鯇魚片$881. 唔算生鮮2. 多細骨，朋友食一片就拒絕再食其他食物普通，由於手切牛肉係整頓飯最深刻的印象，因此$9xx/2位的一餐打邊爐，我絕對不推薦任何人！除非盛記能改善，否則就自己整壞自己嘅生招牌⋯⋯

係沙田依間火鍋店經常full house，因為食物質素不錯，而且價錢實惠-湯底可以揀清湯或者沙嗲，因為試咗其他味道唔算濃，一上湯底阿姐又會加啲清湯落去😂，所以成件變咗胡椒豬肚同雞湯都冇意思-食物質素整體幾好，而且又有套餐，啱晒一班人聚會，依個價錢絕對會encore

有朋自遠回來，於呼朋喚友，齊飽餐，天轉涼，甂爐也。肥牛，響鈴，炸魚皮，手打墨魚丸，手打蝦丸，桶蠔，醉雞，醉牛肉，鱆紅刺身，象拔蚌刺身，蟶子王，魚標，脆鯇，韭菜餃，雲吞等等等等～牛肉新鮮有牛味～花雕醉牛肉～有驚喜～入口有花雕味撲鼻，牛肉亦滑溜。手打蝦丸，墨魚丸，絕對係誠意之作， 鱆紅魚及象拔蚌，極鮮味。韭菜餃及雲吞，味道不錯，可以encore🤤。

📍沙田瀝源熟食中心5號鋪一間岩一大班朋友黎聚會既懷舊式火鍋餐廳我已經食過好幾次啦 質數都係好好👏🏻🔆胡椒豬骨湯 $148推薦鍾意食胡椒嘅人叫🔥 愈煲啲胡椒味更濃更重 正！湯底好足料有埋粟米,芹菜,紅棗,蘿蔔 一啲都唔Hea😋🔆安格斯肥牛(例牌) $158想叫嘅手切鮮肥牛賣晒嗚嗚🥹就叫咗安格斯肥牛Trytry佢有牛味都算新解，不過下次都會想食返手切鮮肥牛哈哈🔆 自製蠔仔餃 $58 （一份6隻）***必試***呢個蠔仔餃次次嚟親都叫～ 入口啖啖蠔 蠔仔鮮甜唔腥 皮又唔厚 認真唔錯🔆盛記炸腐皮卷 $44 (一份) ***又係必試***因為兩個人食唔哂 問左姐姐可以叫半份 都有4條 岩哂啦😍唔知大家平時打邊爐會唔會鍾意食半淋脆呢我就鍾意食 所以放一秒就已經可以㗎啦 真係浸一下就要即刻拎返上嚟😆食響鈴最怕千年油溢味，呢個腐皮卷都係佢哋自己整所以好新鮮真係非常之good good good！🔆中山脆肉鯇片 $68非常之考刀工因為個魚片都幾薄下 哈哈不過勝在都新鮮就原諒佢啦🙈 而且佢係無骨嘅 好味好味🔆雜錦菇拼盤 $58 正常發揮 就係打邊爐點都要叫下蔬菜🥬🔆酸梅湯 $15/20 忘記了😭山津止渴

有好幾年喺沙田工作，附近嘅食肆都俾我試過。唯獨盛記的蒸 永遠喺個心目中係no.1👍👍👍👍近幾年已經離開咗沙田 沙田區，就算轉兩次車都會黎 盛記 食佢 又鮮又嫩滑的 蒸魚🐟逢星期一至五 蒸魚套餐 只係 $50 ，包以下：蒸魚一尾 🤭 （鯧魚，紅衫魚，盲曹 ⋯⋯ 老闆只會將當天早上新鮮 放入蒸爐 😉）+ 圓滾滾一碗白飯+新鮮油菜一碟+湯或飲品。老闆真係超級良心🥰 我都好懷疑老闆有冇賺錢🤦🏼‍♀️當你坐咗喺，就會感受到佢哋嘅人情味，老闆同員工都好勤力。老闆有嗰種親和力的老實人，殷勤工作做好自己嘅麵，用真材實料建造自己嘅品牌👍 就算去到邊度，都好掛住老闆嘅蒸魚

我係一個住喺沙田嘅朋友介紹，都唔知有間咁嘅癮世懷舊打邊爐。一入到去好多懷舊嘅佈置，而且服務好好，每個店員都好熱情，招呼客人。講到野食，多選擇都不在話下，淨係牛肉已經有7種俾你選擇，而且係靚牛肉。價錢合理抵食之餘，份量仲好足夠！

約左幾個舊同事食飯，其中一個話打邊爐就諗起盛記，上次都限聚期間都成班人一齊食過，今次唔洗分開兩張枱，更加盡興。見到有食評話牛肉同脆鯇好快賣哂，打電話confirm booking個時留左各一份先去到落左湯底先，太多湯底唔知揀咩好，揀左好耐最尾決定食椰子雞鍋（$198）有半隻雞食下，後來朋友話胡椒豬骨係佢試過最正，咁下次再試喇叫左一碟大既手切牛，脆骨腩，雙拼墨丸蝦丸，響鈴，粟米，雜菇拼盤，後再加左黑豚肉，雙拼韮菜餃拼水餃，雙拼墨丸牛丸，豆腐同雜菜籃。睇返先知叫左咁多野食推介墨丸，我地叫左兩次，響鈴大大舊，新鮮炸起。雜菜籃有皇帝菜、生菜、娃娃菜，仲有啲菇，超級豐富。手切牛肉同脆骨腩都好新鮮，所有野連野飲都係一千二百幾，真係大件夾抵食😆相信好快又會成班人黎幫襯。有個888套餐好抵，下次都可以試下

沙田瀝源隱世文青麵家 出番post補番餐牌相 同文字紀錄（影片可以睇番尋日reel).盛記係呢區好出名 朝早6點開到夜晚11點早午餐主要做粉麵飯 而夜晚主要做火鍋環境係佢哋一大賣點 好有文青風格同外面公屋對比有好大反差入面幾位店員年紀都比較大呢日純粹想回憶記錄下呢度環境 食個早餐朝早7-8點黎到 完全冇客人見到叔叔婆婆仲喺度準備緊 包緊雲吞所以粉麵只有牛腩河選擇 如果11點會有飯提供.店員叔叔勁nice 見到成間店得我一個即刻開返部冷風機吹住我🤣⭐️牛腩河$40$40一碗對比其他住宅區高小小 不過佢都算大碗👍🏻河粉口感啱啱好幾滑 唔易斷👍🏻牛腩都軟冧 唔痴牙 部份係筋腩位除此之外 有跟幾多生菜同蘿蔔 質素中上水平 好食 加埋杯凍奶茶滿足 .#hkfunfoodrecord窮遊香港#hkfunfoodrecord_沙田#hkfunfoodrecord黃店.#盛記盆菜 & #盛記麵家 (沙田)地址：沙田瀝源熟食中心5號舖.⭐️評分：味道：3.8/5環境：3.2/5 小熱 但開完冷風機其實唔熱 環境懷舊有feel 加分服務：3.5/5 店員都好nice抵食：3.2/5 ..#飲食 #美食 #優惠

係瀝源邨內嘅食店，環境幾有特色！下午有午市套餐、粉麵等等，晚市有火鍋，一連6間都係盛記嘅據點，平日都座無虛席。鴛鴦湯底揀咗麻辣湯同冬瓜元貝雞湯，抵讚嘅係湯底，食得出純材料煲出嚟嘅湯底，特別係麻辣湯係（有啲餐廳一食就知係化學味😅）響鈴（$44）係新鮮炸嘅，所以特別脆口！而魚皮（$38）亦係好香脆😋食材新鮮，手打鮮蝦滑墨丸（雙拼$195）、手切鮮肥牛（大$268）同蠔（$118）都好正👍🏻佢嘅自家製酸梅湯（$18）好受歡迎，所以想飲最好預留，當日我地都係得返3樽，後來嘅人想飲都無了～而個人覺得除咗火鍋同食材新鮮好食外，重要嘅係無味精，所以食完唔會口渴唔舒服👍🏻⋯⋯⋯⋯⋯⋯⋯⋯⋯⋯⋯⋯⋯⋯⋯⋯味道： 8/10服務： 8/10環境： 8/10打卡： 7/10CP值： 7/10推介值：8/10⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯