牛涮鍋 (已結業)

牛涮鍋食過幾次，但樂富呢間第一次試，質素真係差到爆炸但琴日真係太肚餓，唔想再等，唯有去食唔洗等既牛涮鍋啦。但經過今次之後下次唔會再去食d唔食等位既餐廳，而隔離既餐廳係大排長龍個湯一黎到係唔熱既，開左個爐成15分鐘先開始滾。望一望個蕃茄湯係紅到好假，又無蕃茄味；甜豉油根本就係清湯，兩個字：無味。。。d豬肉又切到勁薄，夾都夾唔起，雞肉又鞋，成餐得d丸同菜係ok...咁既質素埋單都要180幾蚊

牛涮鍋佢係以牛為主,就好似佢今期DBS聯盟既所有85折餐,全部打折既都係牛牛餐~今次我地個個都叫左豚肉,湯底係骨膠原雞湯,補一補啲collagen先,嘻嘻~牛涮鍋放題除左肉之外,仲有好多新鮮材料我地就自己整左個蔬菜拼盤,有: 蘿蔔 粟米 娃娃菜 蕃茄 金菇 雞脾菇...另外有啲丸類,豆腐,蒟蒻...等等今次用會員apps換左碟海鮮拼盤,有帶子,蝦,魷魚同蠔~ 睇落去個海鮮拼盤好靚,但隻蠔就好腥吓,嗚呀～而飲料新增左石榴味,好香甜喔⋯⋯唔能夠唔講既係佢個雪糕,係自己斟咖,個個朋友黎親都要食至少2杯,佢仲有啲toppings俾你自己加,我記得有彩虹糖,麥片,脆脆圈,朱古力漿⋯好多好多種~好開心呀!

一個禮拜食兩次 頭次同老公食原價午市放題 上牛的速度都還算唔錯.食著五碟牛 不過我的選的也是138一位的.比著一張第二位半價優惠卷.隔著一天 我帶埋妹妹 媽咪 同朋友一齊去食 4大一小童.我還專程問是減大人 還是減小童半價 佢地話 4大減2⃣️大半價 小童收小童價.👌入到選了4個鍋底 問題就來啦！ 我的選埋野菜 仲等著10分鐘都冇上牛.终于盼到三份牛一份肠肉 我的4个人呀！就3⃣️份，食埋牛再叫就是 结果让我的等半个多钟先上2份牛 还是软扒扒 分量超少的两碟 我当时有些生气 再叫时 我话 唔该两份牛 唔该快点 么太耐 结果佢的仲要睇份单先 再上比我一份牛 我最后食完埋单走人 我真是好气 先上三份 再叫三份 你比我两份 我再叫两份 你比我一份 我们4个大人共食6份牛 我同老公个日就食了五份...佢地咩态度 半价就这样对待？最尾是减一个大人半价 减一个小童半价 六百几的单减100蚊左右 我的是占牛涮锅的便 还是佢地欺我的家人是讲普通话 以及好欺负 还好我的亲人食得唔多 野菜都只食了两碟 你的歺厅优惠做不起就别做 服务做成这样也是服你们了 亏我还专门帮衬你的.照片当时忘记照了 以下是最后一份的样

星期日放假好多時訓到日上三竿， 連早餐都冇食， 所以個人特別肚餓。相約朋友逛樂富， 行下十蚊店同UNY， 路過見到牛涮鍋有位即入， 就決定醫左肚先。我地叫左肉類都放題的午市套餐。比起其他牛x連鎖店， 依度係先上一大碟牛肉， 牛肉好肥， 卷到小肥羊咁。另一碟係豬肉+雞件。竟然連雞件都有， 真係好少見。不過有規定想再叫肉就要清曬依兩盤野先。配料都非常多。有數款特別丸類。圖中扁圓形果舊好似魚腐， 很少見， 好食。另外仲有我中意既芋絲， 唔肥又飽肚既健康之選。最有趣係飲品有個汽水機貼住張紙教你點溝杯特飲出黎。幾得意。嘗試過三四次。聞就香喇不過飲就好淡。百幾蚊食到飽飽， 仲有軟雪糕嘆， 真係要講句我充滿力量喇。

尋日同朋友去左打邊爐，諗住近近地簡間順便慶祝生日。野食一般般之外，牛肉肥膏佔左一大半，真係肉既部分得好很少！最中伏係個蕃茄湯，完全無蕃茄味之餘仲染色咁d肉染哂橙色，完全唔想食！湯底個味清到飲水咁，成煲鮮橙色都唔係蕃茄咁既色，當消費者傻的嗎？同個經理講，肯換返正常湯底。只可一不可再！

年紀大開始怕吃到超額十倍但求回本式放題，一來自己辛苦，二來抱着愛護動物及環保的態度，希望盡量減少食肉，三來又可以省錢，所以喜歡牛涮鍋的宵夜時段，逢星期日至四，晩上9時後入座，半自助式放題為時60分鐘，一份肉，自助Bar任飲任食，作為日常晚餐算很豐富了～過往豬牛雞訂價同為$68，現在牛肉加價了，要$78份，如果覺得不夠肉可以多付$15加大湯底我喜歡骨膠原雞湯～豚肉賣相和味道不錯啊～肥牛肥瘦參半，很不錯～火煱配料選擇雖然不算特別多，但已足夠日常一餐～多菜小肉，人都健康啲～隔離枱點了加大份量～惟一扣分是試過幾次發現有發泡膠粒在菜葉上，有次下了鍋才發現，發泡膠加熱會有毒嗎？吃多少攞多少，珍惜食物～牛涮鍋會有優惠劵獎勵珍惜食物的客人，同時會捐$5給環保促進會60分鐘可能有點趕，但客人可以離開前才斟雪糕邊行邊食，樂富店的雪糕機能保持優質的雪糕裝態，之前試過旺角店的雪糕長期都軟軟及出水的，所以從比我們較喜歡樂富店～是日晩餐$157.3～*P.S:駕駛人士緊記入座後先問店員取泊車單並提前辦理泊車優惠，因為領匯晚上十點就停止辦理啊～

上星期三lunch又同同事黎食牛涮鍋基本上係喺樂富商場最適合聚埋吹水嘅餐廳，而且一年四季都可以打邊爐都幾過隱。今次我哋叫咗個昆布湯底加蕃茄湯底，昆布湯底比較清淡，而蕃茄湯底越煲越有味。我哋揀咗60分鐘放題嘅套餐，肉類無得refill但其實都幾夠食，薄切豬肉真心好薄，一放落鍋就食得咁濟，豬肉入口軟熟，值得推薦。雞肉亦都唔錯，幾嫩口，不過就要煮得夠耐先熟得透。其他任揀嘅配料都唔錯，不過呢幾次黎都無我哋最鐘意嘅芝士魚餅同墨魚丸，有少少失望。飲品方面有任斟嘅汽水機，而且仲有雪糕機，食到好飽。店員嘅服務好好，好有日式餐廳嘅風範。因為我哋成日黎食，所以join咗member有九折，每人68蚊埋單

其實好少去樂富，當日剛巧有事到附近便同老公去樂富廣場覓食。咁啱行過牛涮鍋見唔駛位便選擇在此晚餐。我們點左日本極上黑毛和牛，牛肉質素幾好，而且碟碟都係一樣，唔會愈食愈走樣，有D任食牛肉涮涮鍋真係可以碟諜唔同樣。而且牛肉上得好快，一坐低仲幾細心咁問我們要唔要豬同雞。我們兩個牛魔王當然選擇唔要喇。仲有一碟海鮮送，而且都幾新鮮。最後當然係食甜品喇，軟雪糕令人驚喜，好香濃

今日唔駛湊仔， 兩公婆去左食打邊爐， 四年前食過一次， 之後無機會再食。去到門口， 有好多款餐揀， 有任食肉既餐， 大概$15x ~$26x, 有有限肉食， 其他野任食， 大概是$69～$12x.我同老公不是食肉獸， 所以揀了$69既餐。午飯時間一時半入座， 大把位， 都有十零枱客人， 有個任食bar 枱， 有多款菜(油麥菜， 生菜， 娃娃茶)， 冬菇， 雞脾菇， 各式丸類， 有芋絲， 烏冬， 拉麵， 蒟蒻， 水餃， 有炒飯， 白飯， 還有不同醬汁。我個餐有一碟牛肉拼雞肉， 老公的是牛肉拼豚肉， 叫了蕃茄， 豬骨湯底鴛央鍋。個人覺得豬骨湯底好味過蕃茄， 因為蕃茄味好假， 像是落左好多茄膏似的。牛肉同豚肉好好味， 當然有點肥， 但好好吃， 雞肉就好一般， 份量都夠我地食。自助bar所有食物都試齊， 最好味的是蒟蒻， 餃子， 烏冬都唔錯， 我狂食菜， 個牛肉炒飯都好味。大致上都無咩係唔掂， 我仲揀左麻醬， 點菜點肉都好正。這裡有任飲汽水果汁， 仲有乳酪食， 都唔錯。我們埋單都只是百零蚊， 食到飽飽， 好抵食， 有下次。

牛涮鍋其實可以話係香港日式牛火鍋既始祖? 自從有左佢之後，香港就出現在好多間牛乜乜牛物物既火鍋啦! 好彩，佢都keep到水準!揀左豬骨同蕃茄湯底，蕃茄湯好好味，又唔會太酸。而豬骨湯就好似出前一丁豬骨湯麵咁既味@@有豚肉有雞肉!記得揀左好平幾set，估唔到都有雞肉，因為出面好多間都無! 雞肉係雞脾肉黎既，好滑。而豚肉都有驚喜，因為出面食嗰啲豬會好鞋，次次食幾塊就唔想食，但呢個豬會有encore既衝動!而菜既選擇亦都好多，最開心係佢有呢個比豆卜仲好食既油揚，雖然真係好油，但吸哂個湯同肉既味道，真係食多多都唔夠!主角牛肉當然亦相當不錯啦! 睇個樣就知半肥瘦適中，又唔會痴牙但又唁會太肥喎，最重要係我地order左應該有4,5次，每一次都俾同樣質素既牛肉我地，呢個真係要大讚一下

香港人喜歡打邊爐，港九新界都有邊爐打，有中式，日式，台式，韓式，咩式都有！有時貪方便就會去啲連鎖火鍋店，打下邊爐。今次去到呢間日式火鍋，都唔係第一次光顧，只係貪佢有唔同價位既牛肉種類可選擇，有啤酒放題，可以只加一人，不用全台一齊加錢！因為有啲人唔飲，可以唔洗加錢！食物都算有選擇，有白飯，牛肉飯任裝，重有埋氣水機任飲，不用另加收費。個人最愛食佢既拉面，因為湯底款式都算多，每次都可以食到唔同湯既拉麵！但牛肉供應方面就不是太好，每次光顧都不同質素，時好時壞！通常第一輪來到的牛肉都不錯，但越叫越差，供應又慢！（希望日後能有所改善）最值得讚揚的地方就是幾年來都能保持場地的乾淨度，地方清潔，企理！

晚市放題--美國特上小牛排放題，包括可選五款肉類。店員先奉上一碟小牛排，一碟豚肉。湯底可選兩款（鴛鴦鍋），最喜歡醬油湯底，因為這湯底灼的食物不用沾汁也很夠味。今次再選新湯底-櫻花蝦湯底，湯裏有櫻花蝦子，很香口，湯味則普通。其他配料是以自助形式取用，推介雞肶姑，蘿蔔，腐皮。菜類也多種類。飲品和雪糕都是任食。等位需時，故是晚九點幾才入座。夜了，食物都不會少，頻頻添配料，供食客選擇。

今日同屋企人去食牛涮鍋，四個人叫左個上貴少少既牛。入面既野食幾多，有芝心丸、烏冬、金菇菜等等，幾多野食幾好味。個湯底都幾濃幾香，好過出面既其他打邊爐湯底。仲有牛同其他肉類係任叫既，質素都唔差，雖然上菜係慢左少少，要叫幾次先會上到一碟，不過D肉係幾正既。

樂富尼間牛涮鍋而家做緊3人同行1人免費(60分鐘LUNCH放題)最岩成班人一齊去涮下涮下 RE-U好去處👍可能我對食物唔太嫌占 個人認為打邊爐靚少少同普通既牛涮完唔會差得遠 所以嗌左最普通既60幾蚊SET加醬油湯底60幾蚊雖然得一碟牛/豬揀 但出面配菜同野飲任夾任裝 唔算多種類但都可以接受 始終一分錢一分貨包括:1.丸類+其他 --- 腐皮鮮蝦卷(即係春卷) 韓國年糕 芝心丸 包心香芋丸 吞拿魚丸 芝士腸 芋絲2.蔬菜類 --- 白蘿蔔 京蔥 韮菜 娃娃菜 金菇菜 唐生菜 蕃茄 冬菇 雞脾菇 粟米 粟米芯3.麵類+熟食 --- 拉麵 烏冬 和牛炒飯(熟食) 白飯(熟食)4.軟雪糕 --- 朱古力醬 士多啤梨醬 焦糖醬 彩針 OREO碎 石頭朱古力 麥圈 *不要期望太大 只係雀巢軟雪糕味*5.飲品 --- 橙汁 蘋果汁 汔水6.醬油 --- 日式胡麻醬 明太子醬油 唐辛子醬油(辣豉油) 七味粉 辣椒醬 普通醬油etc店員好細心會提供個衣蓋比你蓋住放係凳後面既衫 防止吸味 夠鐘亦都唔會即刻趕你走只係補充出面食物既速度有啲慢😓

一個人去樂富食牛涮鍋，選了$98再加一任食牛豬，食90分鐘。坐下了拿其他食物，有菜有丸有菇豆腐等，但坐返位後一碟牛肉都末上，追了不下6次，剩係識話廚房切唔切，多單，我是一點幾入座的，估計坐滿。但大老呀，你廚房大老切唔切牛肉係你店problem，人手不足，我等左四五個字先上牛肉係咪你補返時比我呀，明知放題係計時的，呢Dproblem根本不應出現，嬲到我發晒妏，又吹佢唔漲，我食98元餐都係想任食牛姐，唔係選食1個鐘包一碟牛仲平啦。最尾佢上牛肉，可能客人走緊D，鬆動了，仲打孖上兩碟比我添，但係到我食唔切，累我少左半個鐘食牛肉，而且牛肉無味又鞋囗，仲有渣添。又推張單比我，我急急忙忙甘，我走時拿埋乳酪出去食。食過牛一，牛陣，牛涮鍋。日牛未試，暫時牛一食了兩次是最好的，只係牛涮鍋有呢個問題，希望將來佢地唔會被淘汰吧。