45
3
3
港鐵油麻地站 A2 出口, 步行約5分鐘
繼續閱讀
電話號碼
3521 1666
營業時間
星期日至四: 15:00-02:00
星期五,六及假期前夕: 15:00-03:00
以上資料只供參考, 請與餐廳確認詳情
招牌菜
若非唔喺朋友嘅介紹，真喺唔會嚟到Spark Cafe食飯，老友喺樓上咖啡餐室嘅覓食之友，鍾意捐窿捐罅「上樓」搵食，油尖旺叫佢俾幾間選擇，其中之一就喺Spark Cafe，佢嘅評語就喺抵食夾大件，咁又睇睇有無所言非虛先 。佢地址印3樓，依商場扶手電梯上去，點知喺間雞煲店，原來，上Spark Cafe要入去搭商廈電梯，正確嚟講，餐廳喺晌商廈，而唔喺商場。至於餐廳內格局，跟一段西餐廳分別唔大，最入處有個小舞台，可以夾吓band，又有電子飛標機玩吓。反而，趁着有啲秋涼，出面嘅露天位感覺仲爽，不過，有冒着吸二手煙嘅風險，但我哋見無人食煙（至少嗰刻無囉），就坐出去，亦叫店員安排得坐邊少少。本身有晚餐供應，都唔見得好平，嚟嚟去去都喺啲乜扒物扒，所以，少有哋改為散叫唔要套餐，因為計過度過散叫似乎仲底 。散叫嘅選擇都唔少，由小食、頭盤、沙律、主菜、海鮮、意粉、意大利飯、餐湯、到甜品都一應俱全，亦無焗限邊一度嘅地方菜式。既然喺酒吧餐廳，各款酒品當然唔少得，不過，我哋都喺非好酒之人，所以，老友揀咗汽水、檸茶，小弟就揀杯好耐無飲過嘅奶昔 。 芒果奶昔 $48 奶昔打得好香滑，多夠冰凍，不過芒果味未夠強勁，一般嚟講都喺搵芒果雪糕跟鮮奶打成，以前曾飲過一間小店會再加入適量芒果汁，真喺難忘佢嘅超香滑。 小食拼盤 $128 拼盤有芝士餃子雞翼、煎魚餅、絲網春卷、炸生蠔及洋蔥圈，每款有三幾件，啱晒三五知己共享。雞翼去骨釀入芝士炸，唔喺咩新奇菜式，但一啖雞翼，一啖奶昔，一樣咁正；煎魚餅喺泰式做法，配個酸辣醬，魚餅彈牙，蝦味十足；絲網春卷應該喺越式小食喇，外層鬆脆可口，味道不俗；炸生蠔，淡淡蠔味，炸得唔油膩；洋蔥圈個粉漿唔太厚，都收貨。個拼盤集唔同地方嘅特色小食，更可讓唔同人選取自己嘅心水小食 。 意大利香醋海鮮沙律 $115 簡單嘅油醋沙律菜，配上大量海鮮配料，有帶子、鮮蝦、魷魚、蜆肉，再唧上自家醬汁，味道酸香醒胃，難得帶子、蝦肉及魷魚都鮮甜，尤其帶子，原粒大大隻，非常有睇頭，夠肉地，沙律菜亦夠冰涼清爽。 法式烤焗寶貝乳豬脾 $248 外觀猶如中式嘅燒乳豬，外皮閃亮金黃，店員更窩心幫我哋先切件，方便食用。一咬咔嚓脆開，皮脆無庸置疑，因為喺乳豬關係，皮下脂肪少，唔會食到一口油，但仍有一份油香，肉質軟腍好食，沾少少芥辣，就仲惹味，不愧為「鎮店豬寶」 。而乳豬底下墊有軟滑嘅薯蓉，唔怕唔夠飽肚，我覺得一份乳豬最好就4人分享 。 茄皇大蔥藍青口天使麵 $118 刻意將藍青口直插圍邊，令個天使麵賣相更立體。天使麵煮得啱啱好，唔會太餬，麵條質感柔滑如絲，而配以蕃茄醬底，酸香鮮活，比預期更好。由於菜式嘅份量都比想像中大份，所以大家都食得夠晒皮，甜品一環就放棄了！整體做菜嘅水準不俗，定價唔貴，份量又十足，值得支持嘅樓上店！
繼續閱讀
早前，看到有食友分享一張乳豬脾的相片， 而供應的餐廳則是位於旺角的樓上酒吧西餐廳 Spark Bar & Restaurant！ 於是，相約朋友一起來吧！當晚放工後，我搭地鐵到油麻地站，知道好景商業中心在哪兒，原來要走上三樓，先一直走入大堂，分單數層或雙數層排隊搭 Lift! 上到商業大廈 3樓，轉左就是 Spark Bar & Restaurant！酒吧西餐廳格局佔地半層，走入去才知道，餐廳範圍有室內亦有室外！比預期大！ 另設有飛鏢、Live 唱歌表演，增添不少現場氣氛！ 原來店主很有愛心，不時跟慈善機構合作攪活動籌款，甚至在中國建學校；牆上貼上多張「感謝狀」，可見店主是熱心又有愛心的青年人！值得支持與鼓勵！ 看看餐牌之餘，亦想先點杯飲品解渴！這裡除了酒精飲品之外，其他飲品款式多元化！ Honey drinks ~ 熱桂花蜜 $38本身已配上蜜糖，清甜滋潤！ 卻是偏甜人工化的蜜糖味，桂花香及味道輕微！ 反而用上的圖案優雅的餐具，令整杯飲品更亮麗得體！ 燒帆立貝雜菜油醋沙律 $105燒帆立貝與沙律菜同食，冷熱共融！口味清新又有新鮮感！ 用上黑醋混合橄欖油，食落又夠油潤，都幾開胃！ 雞翼拼盤 $118包括：水牛雞翼、柚子雞翼、餃子雞翼及脆炸雞翼！ 成品看來幾乾，淺嚐了兩隻！脆炸雞翼香脆惹味！ 並非想像中那麼差！內裡的雞肉熟透之餘，亦不會嚡口！不過不失！ 柚子雞翼酸甜清新！同時有助減膩！ 芝士黑松露巴馬火腿烤雞伴鹽燒虎蝦 $168有趣的是，餐牌上的中英文名稱有出入，中文名稱叫虎蝦，英文名則叫 Grilled shrimp! 有點取巧之嫌！ 所以這道菜送上桌時，見到隻蝦並非虎蝦而令人失望！ 巴馬火腿跟黑松露，兩者屬於濃味的美食，走在一起，反而弄巧反絕！變得更重口味！ 虎蝦 size 是一般的蝦，並非虎蝦！而且缺乏鮮味！ 肉厚的烤雞夾雜一點脂肪，保留一點肉汁！ 薯蓉質感略為稀薄，不太討好！ 法式烤焗寶貝乳豬脾 $248聽老闆講，這道菜色很受食客歡迎！這是餐廳的招牌貨，可算是「鎮店之寶」！不容錯過！ 即叫即製，甘香薄脆的乳豬皮，下層夾雜一層脂肪，令肉質特別鬆化， 完全符合皮脆肉嫩的條件，令人回味無窮！ 甜品~日本蕃薯 (原個) 雪芭 $78自家製天然口味，真材實料！ 每一啖也是濃郁香甜蕃薯味，同時夾雜奶香，卻是外來貨色！ 期間，鄰桌食客慶祝媽媽生日！ 老闆及男店員即席彈結他為壽星媽媽賀生日！ 充滿人情味！臨走，負責人告訴我們，由於被無良業主迫遷的關係，餐廳將於十月尾結業！心感婉惜！ 意想不到第一次來這裡，卻是最後一次！聽老闆講，他會物色新舖位。我會留意一下店子的社交網站，從而得知最新消息！
繼續閱讀
旺角樓上鋪不嬲多選擇，今日黎到好景既spark restaurant。可能太早，6點零鐘去到得我地，可以自己揀坐邊～餐廳outdoor都有位置，雖然有吹風機，都係室內嘆冷氣好啲。餐牌都幾多選擇，牛、豬、雞、羊、海鮮都有，不過竟然未有得飲酒，有啲可惜呢。頭盤首先食左燒帆立貝雜菜沙律、水牛雞翼、忌廉藍青口，沙律好香油醋味，帆立貝燒得香口，又大粒。水牛雞翼比較細隻冇咁多肉，不過醬汁味道好搭救，整體唔錯。忌廉藍青口用上班露酒入饌，酒味好香，青口都幾多架！雖然都有幾隻唔新鮮開唔到，但食得既起碼都有廿隻。主菜方面，叫左德國咸豬手同意大利飯。咸豬手份量相當多，兩個人都爭啲食唔晒！外皮炸到金黃香脆，怕膩仲可以點蘋果醬。parma ham南瓜risotto，本以為係南瓜蓉咁既，點知上到嚟見個飯咁白先知係南瓜粒！配上香香嘅parma ham又幾唔錯，不過份量幾多，兩個人真係食唔晒一整個飯呢。餐廳暫時未有酒類供應，有點失望......唯有飲住無酒精嘅mocktail先啦。
繼續閱讀
以前覺得有個BAR字就一定是飲酒的地方較少去, 但近年出現了很多酒吧餐廳, 就算不是太會飲酒的朋友都可以跟朋友們來飲野及吃東西, 因為食物質素也不會太差, 而環境又OK的, 今晚就來到這一家跟好朋友吃個慶生飯!!!在旺角感覺會比較熱鬧及嘈吵, 因為繁榮及人多, 而上到來這裡卻發現原來MK也可以有較為安靜的地方; 不過上來的路也要找不找, 畢竟我也是少來MK的年紀, 哈哈!! 但地點較為大家回家的中點站, 所以都會揀~~~講返餐廳室內是較為似酒吧感覺, 但也有WARM的地方, 例如一些擺設及公仔, 尤其有隻大熊在角位, 一定成為大家及女士們拍照之處~~~室外就是一個露天位, 今晚天氣不太熱, 所以我們就坐了露天的位置, 雖說露天, 但也是有少少頂及傘可以遮的, 而氣氛幾靚幾好, 同埋幾有情調, 朋友說同老公都未去過咁有情調的地方, 那就跟好姐妹我們來吧, 哈哈!! 個人覺得如果搞PARTY多人可以包這裡, 氣氛應該蠻好的……看看餐牌, 選擇不少, 也很西式, 於是便選了幾款朋友跟我也想吃的了!!!水牛雞翼 ($82)~~~先來一個頭盤, 一上枱就聞到香味, 好多醬汁在上面, 佈滿整隻雞翼, 好鍾意多汁的東西, 吃著味道有點酸辣汁, 好味, 裡面的雞肉都算幾嫩, 果然是餐廳推介的一款~~~燒帆立貝雜菜油醋沙律 ($105)~~~不過不失的一款, 因為個人來說對沙律菜麻麻地, 不過個油醋汁幾香同開胃, 而且菜都感覺幾新鮮, 加上燒的適中帆立貝, 味道不錯…….牛肝菌汁野山菌意大利飯 ($108)~~~很喜歡的一款, 都說過我是鍾意多汁的人, 而且CREAMY的最岩, 這款就真的好MATCH!!! 加上我個人鍾意吃菇, 又好味又健康!! 這款一放上就能聞到菇的香味, 牛肝菌真係幾香同有益的食物, 除了有牛肝菌仲有野山菌, 配合個汁及意大利飯, 好CREAMY, 每粒都有汁包位, 真係吃唔停, 同埋又唔會好膩, 好喜歡的一款!!!拿破崙海鮮盛會 ($288)~~~朋友生日要豪一豪氣佢吃個海鮮盛會, 有很多款, 如龍蝦、蝦、藍青口、海螺、翡翠螺及蜆等, 睇到未食都開心一陣~~~加上個自家咖喱汁, 有不同香料及蔬菜弄成, 沾著法包吃, 入晒味, 不算太辣, 最岩鍾意吃辣又唔可以太勁的朋友, 材料都幾新鮮, 尤其龍蝦肉好彈牙, 而螺肉都好彈同煙韌啊!!朋友很滿意的一餐, 大家也很開心能傾傾吃吃, 環境令我們可以坐耐少少, 吃著東西吹吹風等, 很不錯的, 今次無緣吃招牌的燒豬脾, 希望下次有機會又跟朋友們來吃…….
繼續閱讀
火花不等愛人，變幻太多。應該珍惜過程，還是結果。聽到好朋友決定取消籌備良久的大日子，我腦袋空白了，不知可以說什麼，呆呆的看著短信.....------------------------------相約一起吃個晚餐，希望可以靜靜地談談近況，選了一間樓上咖啡室西餐廳。本想一酒解阿愁，但餐廳目前在續酒牌，沒有酒供應，有點失落。點了杯peach & lychee smoothies.清甜的味道讓自己舒暢了一點。燒帆立貝雜菜油醋沙律清新開胃，帆立貝熟透度剛好，表面烤香內裡軟諗，鮮味十足。心情有一點blue, 就叫一個酒煮忌廉藍青口很creamy的汁，陣陣奶香又不會膩，多吃幾隻也不怕青口份量口感都不錯主菜叫了德國脆皮咸豬手外面一陣香脆的豬手皮但切開內裡仍然保持嫩滑肉質，而且很入味，加下伴旁的蘋果醬，減去油膩感又醒胃。------------------------------知道有時候感情不能勉強，認識你十多年了，這個決定不易做但只希望你能無悔，說過希望你能以後幸福過每一天，願望仍然不變，選你喜歡的人過得快樂便足夠。
繼續閱讀