Fab Cafe (已結業)

this cafe is really disappointing!!!! dont go to eat there, the environment is really poor. some people were smoking and the shop owner and the waiter didnt stop them!so impolite and the food there was not good toothe pasta was not cooked well and it looked dry. the drink was not served nicely with decorations,there are lots of better choice in the dundas square ( the same building) than this one. 

玩完逃出密室未夠五點，最啱就係揾個地方hea, cafe一定係最佳選擇，行到登打士廣場，入口已經有幾間cafe的人在派單張，隨意揀左兩間去望下環境，望完就揀左Fab cafe, 佢環境比較舒適，白色矮sofa比較無咁壓迫感，同埋係非吸煙。每人設最低消費，但無限時，我地每人叫左杯野飲同用優惠價加左四款小食， 野食可接受, 但野飲就一般。小食推介瑞士汁雞翼, 雞翼的肉質鮮嫩同入味, 芝士焗肉醬薯角賣相唔錯, 薯角好夠條,但欠缺薯香。 對杯抹茶鮮奶有點失望, 有點苦, 沒有鮮奶的甜香味。總括而言, 這是一個不錯的地方, 可以和朋友盡情hea, 但如為了食野, 就不推介。

以後不會再黎！野食等左一個半鐘。態度又差，催左幾次都話仲有五分鐘，野飲都飲晒，完全接受唔到！最後食物味道普通！唔明點解要等咁耐？！ we will never come here again.

和朋友想找個有冷氣的地方坐下來，就來到這間cafe。公眾假期，人很多，等了約15分鐘。台很大，坐得很舒服。Cafe有提供board game，不過可能因為當日滿座，櫃裏一些正常的board game都沒了，連poker也沒有，只有一些奇奇怪怪的(你懂的)。只好放棄，和朋友聊聊天就算。有最低消費，每人必須叫一杯飲料。所以我叫了一杯蜜桃梳打(?)(forgot the name)。開始來錯了蜜瓜梳打，很快就換了一杯給我。氣泡很夠，味道則有點像康鈣c，桃味不突出。本來只打算最低消費，但坐了一會，邪惡的友人提議叫芝士焗薯角(?)(唔記得咗個名了)，分著來吃。他們點了，薯角賣相很吸引，引不注也加入他們。明明見到有芝士，但沒甚麼芝士味....肉碎頗多，但只有筷子，有點難夾。有加一。

尋日一行7人揀左去登打士廣場9樓既Fab Cafe，點知食到一肚氣!一入去已覺得唔妥，聞到有陣臭味，係一種夾雜住煙味同霉味既味... 之後坐低叫野食，等左至少15分鐘先有人嚟serve  Boardgames: 溶溶爛爛，見到個殘樣已經唔想用手掂... 佢分有普通區同 VIP 區, VIP 既要店員幫手先可以攞黎玩, 但VIP區既桌遊都好舊  環境: 一陣強烈既煙味。 原來係有客喺度煲緊煙！ 香港室內禁煙是常識吧？ 同老闆投訴，佢唔叫d人唔好食煙不但只，仲黑我地面!! 我地之後忍佢，但係成場煙味食得好唔舒服，絕對唔會再嚟服務： 佢落單/ serve 野食都係黑口黑面， 服務態度好有問題！我地係嚟食野唔係嚟受你氣食物：我叫咗個白汁吞拿魚意粉，算中等食得落肚。  友人叫咗個什麼芝士肉醬螺絲粉，咸到食唔落! 雖然食物唔係貴，但係如果其實食唔落既話，計落性價比好低咯一句到尾, 成餐飯食得好唔自在、好唔安落... 去Cafe就係想舒舒服服同朋友吹下水、玩下遊戲，Fab Cafe 無論食物環境都奇差，服務態度更加係令人忍唔住投訴既水平... 強烈建議想去依間 Cafe 既人諗清楚!! 

夜晚7點左右到果度，叫咗個3-4人dinner set...服務態度真係超好，我地去到唔知應該叫d咩，個店員好詳細同我地講解果度個肉醬意粉真係好味，唔似係罐頭咁，個賣相ok，味道真心唔錯...上左臺十幾分鐘就比我地4個人掃清掃淨......反而個黑椒天婦羅就略嫌有d辣，所以有剩...傾計玩遊戲過程中，我地都不停有嘈音製造應該成間店最嘈係我地，如果個價錢無咁貴（$120），我地會更加開心......傾計傾到差唔多凌晨1點先走，朋友都大讚呢間店，下次會繼續光顧的

很久沒見的中同REU 我們本身無咩諗定話去邊間 只係去到樓上CAFE的集散地登打士廣場是但搵間一去到樓下 就有人派宣傳單張比我地我地睇到好似覺得NG錯 就上左去D SOFA 圓碌碌好得意 成堆人圍住好開心 仲要係人少少 環境幾靜幾岩傾計我地果陣一人叫左個LUNCH SET 都有十幾款揀 然後加十幾蚊都特飲 埋單都只係五十幾蚊D雞扒厚度適中 又無煎得太過火又NG油個汁就香得尼NG SPICY杯野飲又濃又CREAMMY 不過有D甜 但我杯COOKIE朱古力係同朋友果杯特濃朱古力一樣味應該係佢果杯淡得制 我果杯仲多塊COOKIE 抵好多LOL一坐就坐左一個下晝 NG會叫你走 仲有好多NG同 GE GAME 玩 完全NG驚悶》3《

今次一班人RE－U揀左去登打士廣場既Fab Cafe，可能一開學都好多人Re－U，連BOOK位都有D難，等𨋢上樓上都要等差不多半個鐘！本身諗住叫dinner set，平D又多D選擇，點知Cafe話要等至少兩個鐘先有得食，局住要我地揀貴D既Party Set，其實最後我地都等左差唔多個半鐘先有野食，早知就叫Dinner Set！薄荷朱古力，味道都穩穩陣陣，不錯榛子朱古力，甜度適中，好飲！白汁吞拿魚螺絲粉，太咸芝士煙肉薯角，芝士太少，薯角咸左D，但整體算唔錯等左好耐終於有泡芙，味道都OK，不過不失總體尼講，間Cafe主菜味道略嫌太咸，D飯太硬好似未煮熟咁，小食既味道都OK。但最唔滿意係局我地要叫貴D但又唔算好食既Party Set！

距離補習有兩個鐘與其去starbucks用三十幾蚊坐不如去旺角樓上cafe食個set lunch價錢適中重點可以坐到2046大約十二點半我上到去一個人都冇之前睇過食評都知佢上野食好慢點知真係好慢成間cafe得我一個都要五個字嗌咗個set lunch 芝士白汁鴨胸肉長通粉加奶茶白汁冇乜味不過上面有mozzarella算僅可接受然後巧驚喜係杯奶茶佢係接近茶餐廳嗰種 都幾香下冇hea我真心個意粉如果唔計環境同可以坐耐我應該會嬲然後其實佢間野係真係幾靚 啲音樂有少少大聲 隔離吸煙區就都幾核突下埋單連加一$55宜:坐到2046gathering都幾好誠心誠意覺得間野幾靚忌:趕時間嘅人對食物素質有要求嘅人個意粉真係唔太ok

星期三黃昏....想搵坐耐D既cafe係登打士廣場樓下好多人派傳單~揀左2, 3 間~分別係20/F(上次同朋友食過, 成間紫色的,都ok), 10/F (未試過) 同 9/F最後揀左9/F呢間, 樓下個小妹妹叫得最賣力,本身都有D驚佢呃人入到去都有1/3滿, 我地一行4人佢都俾左張大枱我地~後尾見人地同一張枱坐左8個人!岩岩去到仲好早,未肚餓, 問侍應拎左杯水就玩broadgame同傾計, 6時入座, 11時埋單! 環境: 同傳單上比較，佢既sofa都幾舊下...不過可以接受, 廁所整潔度一般(但未算好難頂)        坐得算鬆動..最唔好係有D煙味 唔算好嘈設備: 有得充電        有Broadgame玩, 有個櫃鎖起既game要問店員拎就可以!!其他既game較舊...不過都夠我地玩        好似仲有得問佢借ipad??食物: so far so good!!去呢D cafe我唔要求咁多, 正常味~         白汁(吞拿魚/魚柳)意粉 X3         咖哩飯X1                                 全部都夠熱~已值得一讚!!

琴日約左幾個朋友行旺角，行完家樂坊諗住過對面食番串魚蛋，經過一幢大廈既入口，見到有一班小朋友派傳單sell樓上cafe落力得很，於是就被他們吸引左上去。但是很奇怪，我們一心想去10樓可是lift又層層開，等了頗久，lift門大開見到一間環境舒適，人流又ok所以入左去，先知原來系9/FE間cafe有藍色和綠色兩邊，我們坐在藍色弧形梳化，俾其他cafe都幾特別，我們打開左openrice睇下有乜食，點知好多既評語都麻麻，都心知不妙㗎啦，所以我哋三個都點了肉醬意粉，穩穩震震。玩左陣broadgames,食物就黎。不得不讚既係broadgame又幾整wo,連我最愛既'德國心臟病'都有。而個肉醬意粉有肉粒又唔似開罐頭都幾新鮮，芝士又幾多，意粉質地又唔錯，好過某意粉連鎖店。包一杯飲品，重有三粒雪糕泡乎送tim。難得既係連連鎖埋單嗰陣都無句，宜e度有！不錯！

昨晚與朋友到Fab Cafe聚會用餐。環境十分惡劣。不知是否為了營造萬聖節氣氛，環境很暗。細問之下，原來有數個燈泡壞了。 食物質素還可。其實我最想說staff 的態度。那兩位十來歲的女仔真是不敢恭維。不小心倒瀉水，你們用不著黑住口面，動作勁大地抺吧。上菜時，食物差點碰到客人衣服。餐具又不足夠，三崔四請才給。難道你們cafe要客人share用餐具的?拜託幫影合照，你洗唔洗倒番轉崔我地"快d啦＂。 這間cafe, 無下次！貼錢買難受！

由於成棟登打士廣場有好多cafe, 齋等搭上樓已經用左大半小時。之前食過呢間覺得幾好食，所以今日再去，點知今次啲野超難食，又冇服務。叫左個6人餐，叫長通粉但俾錯意粉，問個侍應佢就唔出聲黑面啤住你，咁我地唯有打圓場話唔緊要照食啦。個意粉係冇味既，芝士又少。個咖啡雞扒飯啲雞扒我覺得超咸，完全放唔落口，咖哩就甜甜地既，汁唔係好夠撈飯。餃子問佢拎汁，叫左2次都係冇拎來，花茶嗌蜜糖又係冇俾到，到司華力膠黎到我地都唔敢問佢拎茄汁了。友人叫左杯少冰但都有成半杯冰，我就醒目喇，叫杯熱飲，但明明叫檸檬蘆薈蜜係冇蘆薈粒既，侍應話係現成一樽濃縮用水沖開，係冇蘆薈粒喎。個餐包甜品既，但甜品未到就拎張單叫我地俾錢……不過佢地有度好細心，夜深時份呢度有吸煙區，佢地會預先請唔食煙既客人去非吸煙區，真是好貼心呢！

琴日有朋友生日就去咗Fab包場搞Party,人開始嚟到,個冷氣已經校到最低但係就愈嚟愈熱,原來部冷氣壞咗但係啲職員唔出聲.好啦到食嘢時間,賣相同份量都ok,除咗雞翼係特別好食之外,其它都好普通1)炸麥樂雞:一大盤入面,有啲好淋仲要滴緊油,有啲就勁乾!(2)三文魚意粉:佢真係三文魚意粉呀,放幾塊三文魚係面就拎去焗,但係下面啲意粉冇汁!(3)白汁吞拿魚意粉:又係好乾好少汁.(4)芝士焗肉醬意粉:呢個意粉係多返啲汁,但係就酸過頭.時間過得好快,埋單走人啦,哇!!!點知條數多千幾蚊,我哋得31人,但係佢張單寫:  人數:最少40人個女人仲要話:我比咗40人份量嘅嘢食你,我都係跟單做.最後仲要我地搵老闆先搞得掂.講真!唔會再去呢間搞Party!

這坐大廈很多Cafe，偏偏能夠同一時間容納13人的Cafe，就只有這間。我們原先打算先行Tea（時間四時多左右）一下，晚上再打邊爐，一行13人，每人一份Tea Set，有沙冰、咖啡、奶茶、薯條、瑞士雞翼等，味道一般，沒有什麼特別。反倒令我們一眾人慶過火屎的是其服務態度，四時多落單，最後最後終於齊了所有食物的時間是晚上六時多，足足兩小時！沒有什麼比這更離譜了吧？！追單追了N次，有好些飲品漏單要加回單，有好些食物對方回應：「整緊整緊，唔好意思，我哋得一個人…」，頂！一個人！但為什麼其他後來枱客可以比我們更早有食物？簡單至只是只是只是只是一客薯條，足足等了兩個小時，太過份了吧？！最後，我們吃完下午茶時間為晚上七時，我們一群邊爐沒有打，各散東西，本來好好打算的飯聚就這樣沒有了。這間Cafe，沒有下一次的光顧。