龍島 (朗豪坊)

營業中

休息中

🌟72% 黑朱古力蛋糕｜$52今日咁岩經過想食甜野所以買左件食下，蛋糕細細個岩岩好，唔會太罪惡又滿足到依甜品既慾！。蛋糕🍰入面係濃郁幼滑既黑朱古力慕絲，配搭朱古力海綿，而且佢個底係榛子朱古力脆脆，個蛋糕整體有好濃既朱古力味咬落又好似金莎咁脆脆地，食落有多重口感，非常好味，😋。

買蛋糕俾朋友慶祝生日，首選係龍島，因為cau返工地方，拎完個朋友屋企都好方便。價錢唔算話係好貴，但呢個價錢買到呢個質素我覺得值。呢個味道係黑朱古力味，唔會太甜，而且賣相都好精緻，朋友都覺得好好食。份量可以幾個人share都好夠食。

👑⚜️【 LUCULLUS 龍島 】⚜️👑⋄ —————⧫♟⧫————— ⋄超rich的朱古力蛋糕😳❤️💓香濃細滑😋採用高級比利時60%純黑朱古力，中間夾著朱古力海綿蛋糕，唔會太滯。⋄ ┄ ┄ ┄ ┄ ❖ ┄ ┄ ┄ ┄ ⋄🍫「皇者盛世」60％ 朱古力軟心蛋糕（$318）⋄ ┄ ┄ ┄ ┄ ❖ ┄ ┄ ┄ ┄ ⋄⋄📍地址：LUCULLUS各分店⋄

路過見到朱古力蛋糕嘅賣相非常精緻，總共試咗4款，其中小蛋糕係買3送1(平均$150就買到4件)，另外亦試咗一個4寸黑森林。總括講全部都有好濃郁同軟滑嘅朱古力，同埋畢竟係中高檔定位，每款都有相當足料嘅蛋糕海綿體，而唔係用大量Cream去撐大同撐厚件嘢。伯爵茶係60%朱古力，食落真係有少少茶香。另外果件72%朱古力香濃軟滑之餘，底部有一層脆脆哋嘅薄層。另外果件好多朱古力碎塊同最後件4寸黑森林上面幾粒車厘子有酒味，蛋糕部分朱古力嘅香濃同上述都係差唔多。以呢個價錢同品質再加源於半島酒店嘅大名，無論係送禮定自用都好體面。

今日幫朋友慶祝生日，喺旺角朗豪坊行完街就去咗龍島買蛋糕，再出發去朋友屋企。龍島一直都係我幾鍾意嘅蛋糕店，蛋糕賣相吸引之外，感覺亦好真材實料，貨真價實。因為朋友好girly，所以今次揀咗賣相高貴夢幻嘅法式焦糖紅茶蘋果慕絲蛋糕$410俾佢。外型真係好靚好吸睛，打卡一流，粉紅色雲石鏡面再加上幾塊金博，真係令人難以抗拒。除咗外表吸引外，味道都好好，紅茶味好清香濃郁，口感creamy順滑，蘋果蓉酸酸甜甜令味道更清新，蛋糕底係焦糖朱古力脆脆，香甜脆口，令蛋糕口感更有層次，甜度適中。好味😋！

十分清新嘅芝士蛋糕食蛋糕一般就最怕漏同太甜，而今次買嘅兩件蛋糕都冇呢個問題，特別係柚子軟芝士蛋糕，食落去好清新，煥然一新嘅感覺，柚子嘅酸味加上芝士甜味，兩者夾得十分之好！

Too sweet!!賣相好精緻，望落去好靚，但食落去實在係太甜啦！買返屋企慶祝生日，諗住朱古力實冇死，點知個個都嫌太甜，好漏呀，人人口味唔同，適合鍾意甜嘅朋友食。

朋友生日，但又唔想買好大個蛋糕，呢個真係必選。口感豐富，好濃郁的朱古力味，賣相也很吸引，價格也很划算。72%的黑朱古力蛋糕，鍾意食朱古力的朋友一定唔好錯過，買黎做下午茶都抵

無諗過要用「餿」來形容蛋糕。因為想評到分（滿200字），噏一輪先。今次係第二轉買呢間店嘅cake。第一次係被個樣吸引，又略有耳聞（以為好似lady m咁），覺得可以一試。買咗陶瓷杯蛋糕、朱古力同柚子，總共三件。味道、口感一般，有d乾硬，東海堂可能仲好d，性價比一般。但鑑於阿媽好為食，佢今日經過又買咗三件：朱古力、芒果栗子及芝士白桃。而我知道佢又買嘅時候，反應係：食完飯開晒出來，準備食之前聞到d怪味，我以為係芝士嘅發酵味，件粉紅色嘅芝士蛋糕又確實有d芝士臭味，塊外皮超奇怪，好似泥膠咁。跟住個芒果栗子就來料啦，一叉過來，又聞到酸臭味，好肯定唔係隔離個芝士，係芒果。估計係蛋糕夾層嘅芒果唔新鮮（已經熟到變色），個栗子都有d問題，食咗一啖已經放棄。我媽唔識死，食咗大半舊，剩翻嘅真係唔敢搏。已經唔係好食與否，係衛生問題。蛋糕無可能完全新鮮，但呢件芒果栗子好明顯喺製作過程已經不妥當，先會一層拖一層，到最後成為一個餿嘅蛋糕。朱古力係正常的。（係咪我太腌尖，就來變負皮聖手）

一直都覺得龍島朱古力🍫同蛋糕好食，屋企人生日都會買下佢啲蛋糕但就無乜試過佢既曲奇🍪，上星期放工有啲餓又未食得飯住，就去龍島買左件特濃朱古力蛋糕醫下肚好快就中秋節🥮見佢有中秋系列曲奇就望左一陣，個sales教我download APP做會員有迎新優惠，買$250以上既曲奇有得減$50於是即場做左會員，買左盒🐰月兔鐵盒曲奇～～裡面有超過80塊，十六種口味既曲奇🍪，每次開盒都聞到好香，中意佢細細塊，口味多，每次開盒都忍唔住食左好多塊佢啲曲奇唔會好甜同好漏，而家諗住叫老公做埋會員，買多盒比媽媽

龍島蛋糕同甜品就食得多今次唔係因為朋友送俾我，我都唔知原來佢哋有出曲奇餅🍪第一次試佢哋嘅曲奇，估唔到都好有驚喜。少少甜，唔會太難入口，口感都好鬆化一盒味道都好多元化。

行街經過龍島Lucullus, 被好多靚靚蛋糕吸引，最後買左柚子軟芝士蛋糕返屋企，慢慢食😋鮮黃色柚子忌廉點綴，賣相簡約精美🥰一入口芝士蛋糕香甜，口感輕盈；柚子酸甜，減輕芝士膩感；芝士味同柚子味很平衡，酸甜混合，好清新。蛋糕入面仲有一塊塊柚子肉，口感豐富😍食完都唔覺膩👍🏻

今次我去咗龍島買生日蛋糕因為呢度好多款式而且我朋友比較鍾意卡通公仔所以我就揀咗呢款小熊木糠蛋糕龍島嘅蛋糕價錢都合理如果大家下次經過都不妨可以試吓味道都唔錯評分：4/5（5分滿分）

朋友生日，約咗另外幾個朋友去揀蛋糕，因為知道朋友要求比較高，已經睇唔上一般嘅餅店嘅蛋糕，例如美心、東海堂嗰啲蛋糕已經滿足唔到佢，所以只能去一些睇起身高級少少嘅店買蛋糕。最後揀咗lucullus，Lucullus係香港都算是連鎖，以前淨係食過佢嘅朱古力，覺得好好味，今次路過見到蛋糕都幾吸引，而且價格不算貴，睇上去又比一般面包店嘅高級少少，於是就揀咗呍呢拿拿破崙蛋糕，298一個，性價比都算高，4個人食唔晒，味道幾好，值得一試

臨急抱佛腳要買個蛋糕 仲要嗰日中午就要攞到 但係中午好多蛋糕未開門 然後就去sogo訂咗龍島蛋糕🎂起碼確定佢到時一定開咗門先😅🐝蜂蜜堡壘 - 蜂蜜柚子蛋糕 $338 (寫生日牌+$20)個蛋糕係訂俾小朋友嘅🐝但係11歲又唔算好細 揀咗個簡單啲但又帶少少小朋友元素嘅蛋糕😅雖然呢一個蛋糕🎂得6吋 要分9份 但係其實蛋糕永遠主要嘅目的都係影張相😂每人食少少就夠🍰所以呢個蛋糕分9份都絕對足夠🥰入面蜂蜜味同柚子味都好香濃 因為佢唔太甜 大家都好喜歡😘大家都好怕蛋糕好漏 呢個一啲都唔漏 就算嗰日飲完茶食都OK😋總算成功完成到呢一個訂蛋糕任務😂