越興園越南菜館 (已搬遷) 新店位置

今日小妹收工因為要同朋友去 美之 買衫 😻所以就經過豉油街果頭 ！好快手 朋友都買完衫啦 如是者就同朋友行下付近邊度食嘢近近地 ！👯‍♀️見到有間叫越興園嘅  餐廳好多年輕人食飯 👩‍❤️‍💋‍👨又係食越南嘢 ！即刻入咗去食！咁啱餐廳仲有兩個卡位俾到小妹我哋坐😻快快手坐埋咗落去先！睇睇個餐牌 依 ！ 竟然有我最鍾意食嘅海南雞飯 ！即刻同朋友仔叫嚟食先 ！好快 餐廳都出到餐俾我哋，大約3-5分鐘 👍🏻試試個雞先 ！咬落去 好肉嫩！好有口感 ！😽有啲驚喜 因為呢個價錢可以食到啲咁高質嘅海南雞 係正嘅 ！而黃油飯都唔錯 ～配個海南雞食 認真正嘅👍🏻

與友人在旺角找吃的最後誤打誤撞來了這店試試越菜樓下沒位子,,上了樓上～～點了豬頸肉,,越式金邊粉及牛油雞翼豬頸肉不夠香口友人認為金邊粉較乾當中以牛油雞翼最好吃香香的牛油味,,不過吃的時候還是覺得不夠濃幸好拌以炸過的蒜,,夠香口,,挽回丁點失色的分數雞翼不會炸得太油,,炸漿也不會太厚～～飲品普通點了珍多冰～～沒啥特別=3=

為姊妹慶生，但今次是補祝生日，便決定來姊妹想食的越興園。 在門口經過多次都沒有入內，今次便是我第1次前來，這裏有2層，樓上環境較好，食物味道也不錯，特別那牛油雞翼，值得前來一食。*****************************放工便前來取位，看到地舖很多人還以為要等候，沒想到他們帶我上了2樓。便安排了上2樓，環境比地舖舒適很多。炒越式金邊粉，味道炒得很香，材料十足，再配上越式酸辣汁又很開胃，和泰式相比又另一番風味。牛油雞翼。姊妹說今次的牛油雞翼已失色了，但對我第1次食的人來說，做得很好。脆醬脆口得來很香牛油味，入口也不會很油膩，雞翼也調得入味，值得一食。越式豬肉蝦片，香乎茅豬肉雖入味，但這個蝦片上配上粉絲後淡口了些，但算做得不錯。炸墨魚餅，和泰式的很不同，入口不彈牙，鮮味也不足，有點普通。西檸炸蝦，真的好味，可以說他們的脆醬很脆又不油膩，西檸汁又新味配上蝦又很好，都值得一食。我便要了凍檸茶，因為食了那麼多炸物，要解油膩。

越南牛河味道一般！牛肉片是厚切，肉質林，但可惜無牛肉味！湯底又不是濃郁的牛肉湯！所以不是太滿足！叫了兩個小食: 炸蝦丸和蒸粉包。蝦丸不夠彈牙，5小粒就要＄30幾，真的貴了點！ 蒸粉包就好好味！皮薄薄又有彈性，雖然餡料少了點，但可以接受！大家可以一試！

難得一晚, 出市區行夜街, 搵下嘢食. 時間已經不早, 都零時十分了(真的是00:10), 經過這間都幾十年嘅"老店", 就好想食"香茅豬扒"及"生牛肉河". 所有就入咗去喇.好後悔, 真的好後悔!點解一間"老店", 會變成咁? (下文詳述)很難想像, 今時今日旺角舖租咁, 依啲店舖都仍然可以生存到!?!?其實, 食物並不是太差(但肯定屬於差的級別.), 價錢亦比預料中平(我咁講, 並不代表物有所值.)我們兩人, 點了以下東西1) 鮮牛肉粉 (唔正宗, 本來不太差, 但啲河粉太腍及太碎 )(2) 炸蝦餅 (冇蝦味, 主要係豬肉構成.... )(3) 香茅豬扒蟹柳煎蛋飯 (香茅豬扒 + 蟹柳 + 煎蛋都對版, 但個飯, 充滿豉油, 飯底好似一個"豉油水塘"咁. 點食呀??? )(4) 椰汁綠豆冰 (唔好飲, 啲綠豆蓉係一舊舊嘅! 好似飲緊浠奶水咁, 感覺好核突  ) (*本來想飲越南咖啡, 但冇...!?!? )(5) 椰汁紅豆冰 (唔好飲, 紅豆硬, 紅豆少, 唔夠甜. 都係好似飲緊浠奶水咁, 感覺好核突. )-----到重點: 係嗰度嘅人 - 好有問題.全部員工服務都唔專

衛生環境不好喎!! 影響食慾!!! 而且食物又唔好味喎!!!我叫左個牛腩湯濛, 佢地整既牛腩好差, 又冇味又un又多筋, 好困難先咬得開!!! 差! 冇下次! 入黑名單! 一定唔推介俾朋友!

今日１１點幾行開個邊，本來想食金川，不過同學話想試下越興園，見鋪面都幾乾淨，就入去試下。我去既時候仲未有人，侍應好爽快咁叫我地坐卡位同遞餐單上黎我諗左一陣，最後選左鮮牛肉粉＋雪碧（＄３２），餐單上面舊牛肉鮮紅色，好有感覺遺憾係上黎既時候已幾近全灰色，不過雖然唔係好滑，但食落真係幾香，就係嫌ｄ粉好似略為不足。地方光猛開揚，坐落都幾舒服（可能因為無咩人既關係），不過卡座有寫繁忙時間２人要一邊坐，唔鐘意逼既就要諗諗啦！

數年前第一次吃越興園的時候覺得很驚喜的很好味但之前光顧的是旺角另一分店，不知是否因為咁有如此大的落差??店內桌子之間的空間很小，座位挺擠擁，卡位的話在晚餐時段如只有2人免不了要搭台今天我們二人order了牛油雞翼和中學小食部的炸雞翼差不多，沒有牛油味，非常普通越式辣鳳爪是無骨的，不是太辣，連我唔食得辣都食到，味道一個字 "酸!"，真係好酸!!! 酸得來又不是太好吃全場最正常的菜式，但都是冇咩特別，隨便找一間茶餐廳也炒得出來的水準比較深刻的是它用了原隻菠蘿，而我就把底部的菠蘿弄了一點出來當飯後果吃XD，意料之外的鮮甜多汁令人失望的三色冰在裡面找到綠色的條條和橙色的珠珠，而這2種東西都不好吃是難食板的椰汁糕，質感很削，而沒甚麼味道總括來說，環境座位擠逼嘈雜，也不坐得舒服，雖然不是說很難食但只是普通的茶記級數好吃的茶餐廳用這個價錢有太多選擇了~ 下次不一定再來~

前兩日同朋友食哩間，以為分店一樣啫，因為平時去開女人街入面果間既。哇...尼間完全唔得囉，一入到去又污穢又逼夾，女人街果間舒服好多囉，仲有牙，杯凍檸茶d檸檬酸那到完全飲唔到，咪叫個人換過杯啦，哇，d人d態度呢，以為我冇錢比咁比說話我聽，不突止，碟炒飯黎到佢就咁飛落枱，真係想鬧佢囉，換你一杯檸茶啫，晤那洗咁既服務態度㗎！仲要碟炒飯係濕炒咁，成口油，唉！收錢多謝都冇句，唔希罕咁既樣，我認得架，（企收錢果個女人），下次咪洗指意我再黎哩間呀！人地女人街果間都唔係咁既，服務態度好好多，就算唔係四萬咁口，但人地點都有歡迎光臨同多謝先啦，我都係做服務性行業架，禮貌同招呼好緊要，你地一d都冇，你老細點出糧比你架，真係陰公！學下人地女人街d服務先啦！女人街d姐姐好熱心，收錢果個又好記性，知道我成日黎，因為我係附近返工，一lunch我同d同事都會過去食，講真，女人街果間d野食好食好多！

越興園開左甘多年，去開旺角經過無數次都未試過，今晚終於入去試下味。店子細小，座位比較逼，價錢貴左d，份量亦唔多。要左 3 個菜，味道都幾好，但很油膩。鑊仔越式炒粉微辣、配合酸酸甜甜既汁幾野味。牛油雞翼炸得十分多油，炸粉頗厚，幸好雞肉醃得入味，炸完亦保持肉汁。炒雜菜鑊氣十足，菜炒得唔老，但油太多了。味道是 ok 的，但認為食一次便夠了 …… 覺得去九龍城食會抵D和有風味些。

又是一天上班的日子，放工男朋友來接收工去旺角辦點事， 男友話食埋晚餐才回家，那好吧... 突然他提議去吃越南菜 好久沒吃了！ 原來他帶我來越興園，他說他大概有五年沒來了！一進去，待應就手指指的叫我們撘枱……枱好細！有點逼！坐下看看餐牌，點了個二人餐 $218三款小食（香茅雞翼，越南扎肉卷，蝦餅）雞翼>好味！ 好入味！札肉卷>麻麻地，不算好食！沒有札肉味…蝦餅>成餐最不好吃就是這個！ 完全不像蝦餅，像一團粉加水，雖然下鍋煎！炸軟殼蟹唔錯唔錯！夠熱！吃的時候要小心！！ 尤其是怕熱的女生！只是炸粉有點過多 但好夠味！ 分量也不算少！咖喱湯麵（忘記全名）都幾多料在入面有八爪魚，青囗，蝦八爪魚好正呀可是麵有點硬，湯底也有點過油環境方面，很嘈！很逼！待應的態度也很差，一食完就收起你的碗，像趕你走一樣！！

其實好似之前讀書年代已經有去開食野不過眼見服務真係愈來愈差由入店開始入坐唔比客人選坐位經常有人會因為咁樣而走但店長會在客人走左細聲話走左的人就算坐低位又細枱又細叫多兩款都冇位放點菜又冇一人餐又貴仲要經常落留野食物份量細左好多我食撈檬比一年前細左好多我之前食仲可以算有7成飽而家連5成都唔知有冇連加一都41蚊裡面仲有好多硬到冇朋友的物體(唔想深究)服務我兩個人去食叫左兩個撈檬加一碟菜兩個人都食完撈檬碟菜都未到放下筷子不到1分鐘就有人問左一句"唔要啦可"但我未答就想動手收野我好聲好氣同佢講"我仲有碟菜未到"佢就走開左又不到1分鐘又有另一人問左一句"唔要啦可"我又好聲好氣同佢講"我仲有碟菜未到"第二個人又走開左再不到1分鐘又有第三人問左一句"唔要啦可"今次我只好恨恨大聲講一句"我仲有碟菜未到"第三個人都走開左之後不到1分鐘第四個人走過來又問"唔要啦可"....這些係咩服務態度....碟菜係成件事發生後5分鍾先到由落單到出現都有半個鍾食菜中途傍邊男士食完剛放下仲有少少的飲品又有另一人問左一句"唔要啦可"想收野男士問左一句"你地都唔洗咁急收野姐,同埋我杯野仲有少少"我真想代答"見你食完,等你快啲走

見完工再出旺角，出到去先知自己拎漏咗嘢，所以變咗要下次先去到，見肚餓就去咗附近食午餐。黎咗呢度食，主打越南菜，平時次次夜晚經過都會見爆哂入唔到去，今次lunch比較少人，所以我入黎試試。 我叫咗個set lunch，炒金邊粉。炒粉一定會落好多油，我好唔鐘意，好似食成口油咁，但係今次食就唔會，可能我少食，加上調味好正，好鐘意。鹹檸七太淡，一d 都唔鹹，唔係太好飲。裝修有d 舊，當然，人地專打老字號招牌。

今日男友很罕有地說吃越興園,我見好耐無食檬粉了就答應了,下午4點,見有幾多位就入黎坐,點知原來d卡位都放咗留坐牌響度(起碼4張),叫我地坐中間d位同人搭台,男友超不滿想轉頭走,唔知果個係唔係老闆娘立即好醒目咁比張卡位我地坐,以前食開烤牛肉,今次要改食烤豬肉撈檬了,佢一定要食飯就揀左薄切鹽燒牛肉配越式扎肉蛋飯每個卡位都會有一張過膠的卡片貼在牆上,都是什麼座位有限,2人要只能坐一邊,但還有下面一張寫著"繁忙時段"4人卡位,請坐一邊,如果是繁忙時間,我相信9成人都好樂意咁做,但如果是那麼多位的話,就恕難從命,留座牌子,是這間店的常用技倆,看到之前的食評都在說他們大把卡位都唔比人坐,非要中間的位置坐滿才給人用,就算給人用也只能坐一邊,真的十分趕客的做法,希望員工們能改改手法!先說回食物,7min左右上台,先想介紹一下這裡的魚露這個魚露有點甜酸,底部有好多碎的紅紅橙橙的(應該是辣椒和紅蘿蔔吧),用來配檬粉和春卷都不錯,個檬粉其實賣相都唔錯,不過份量就只夠我7分飽,豬肉都幾"淋",平常吃我都會將魚露當湯汁用,檬粉吸了魚露味道一流,至少我在其他越南菜的地方找不到這個味道的魚露(外面的不是太酸就是太咸

平時經過次次都見到好多人等位以為間餐廳應該不錯！今日竟然無人等位就走咗入去試下！其實普通一間餐廳我對服務都不會要求太高！但啲員工講野傾談超大聲當正全場啲客人無到！仲要夾雜很多粗囗真係唔明老細點解會容許自己間餐廳形象係咁差好似街邊檔咁！服務方面落單員工落漏咗飲品我們追單啦就黑面!轉頭小食來完又來落多了單又黑我地面！我全程都感覺很委屈！食物質素味道真的好一般般！我們叫了豬扒檬粉~烤牛肉檬粉~份量都幾細淨食一定不夠飽，落埋嗰支酸酸地醋他整得不好味令到整碗粉都失色晒！越式春卷生菜包~無咩特別味道只知係件炸野擺左入口又硬食左二件都不想食仲要成$40真係唔抵！飲品增多冰和青檸梳打都唔好飲！青檸是切到切橙咁一件件扁哂的！我感覺就是俾水吧揸到扁晒出汁放落去咁！食完即刻走不想再逗留以後都唔敢再去！