0
3
0
以上資料只供參考, 請與餐廳確認詳情
態度勁差買佢野仲要受佢氣，叫佢係學校門口，佢走咗入去學校入面，仲要鬧我地!話我地電話打唔通,係學校開得電話架咩?!條友勁無禮貌話(我點知你地學校唔開得電話!)咩服務態度啊!!仲話下次訂野留班別.要唔要埋學號啊?下次唔訂你啦!次次打去送貨時間都唔同,第一次話1:00,第二次4:00,今次先12:30,仲要同我地講每樣野要加十蚊!仲要比埋的士錢!12樣野加埋的士錢$423,咖哩仲要得兩條魷魚.3粒魚,最少5-7舊蘿蔔,要$25咩料啊:0總之唔會再叫呢間野!我一定會打去投訴!
繼續閱讀
許留山最新「鮮果Choco系列」令我有強勁衝動衝入鋪幫襯, 系列廣告中提及是用100%鮮果粒與香濃幼滑朱古力攪拌而成, 有3款口味分別是士多啤梨、香蕉及蜜瓜。 我當然是為香蕉朱古力而來, 結果是香蕉未買, 只能提供士多啤梨, 蜜瓜就完全無提過, 算把啦~ 蜜瓜同朱古力都唔襯。外表非常吸引, 齋睇外表...飲品索價三十多元都唔算貴, 點知......這是杯飲品嘛? 我想所有材料要打至幼滑才能飲嘛! 粗吸管一啜可以滿口碎冰、朱古力碎粒及士多啤梨碎, 士多啤梨碎我接受到, 果粒嘛~(不過好酸) 可是作為飲品原料的朱古力及冰塊, 又怎能沒攪至液體呢? 朱古力味已被過多冰粒冲淡, 我買的是朱古力飲品而不是朱古力思樂冰許留山首創的海底撈嘢, 炒雪糕可以話係許留山帶起, 海底撈嘢應該是先把椰汁放在有凝冰能力的檯面, 再快炒至為雪糕狀, 質地應該好似sorbet。 可惜這海底撈嘢, sorbet已經雪到好似一嚿嚿硬冰, 硬到連羮也插不入, 只好硬着頭皮放入口咬.....冰到牙關震 質數唔好就唔好賣俾客人啦~曲奇凍餅, 優惠價$15得兩小件, 每件大約有一食指的長度。 (小)食就真係多滋味, 因為忌廉濃厚潤滑再配一些軟身曲奇, 那口感芳香醇郁。 餅上那些士多啤梨粒絕非點綴咁簡單, 帶酸的味道能夠中和口腔的油膩感, 與凍餅同吃也能提昇出忌廉中的奶油味。不斷創新是好, 但也不要忘本。
繼續閱讀
今晚(6-11-2010 Sat)同男友食完大記後行一陣順便買o野飲,經過許留山睇睇,有蘆薈系列,就想飲西瓜蘆薈爽,佢一杯$18.00,兩杯$28.00,男友話唔問吓幾大杯先,咁我問吓,亞姐話細杯o既,加$3.00就可以有大杯.男友話咁一杯大o既夠,我就話要一杯大,亞姐o既反應就幾大咁問:’一杯呀?’佢唔知係訝異定覺得我幫襯得太少,但畀我o既感覺係唔好.一陣間後整好喇,顏色好靚,紅紅綠綠,飲落,每一啖都有軟腍腍o既蘆薈啫喱,我要將飲管整返高至飲到西瓜汁,味道飲到最後食到新鮮蘆薈,但味道怪怪,竟然有啲似龍眼乾,奇.
繼續閱讀
好耐冇去過許留山食甜品喇~不過果日睇完戲男朋友忽然話要食甜品喎~~居然係佢話想食而唔係我要求去食!果頭冇咩特別好既店,於是就去許留山~唔黎都唔知道..原來許留山已經出左d新野~不過唔係好知點解..果日又唔係好想食甜品於是平平地就叫左個幾吸引我既水蜜桃流心黎試下喇~水蜜桃流心$15外層係水蜜桃味既布甸~流心部份係北海道牛奶加乳酸!我估應該係布甸而唔係奶凍~因為奶味唔算太重,應該只有中間先係用牛奶~布甸都算幾震騰騰~但係質感都唔算係好水呈jelly..流心部份就係乳酸同牛奶,唔算好酸,同peach味夾埋又幾fresh喎!$15我覺得都ok!不過唯一不足之處就係比例係5:1...流心部份如果可以fill多d咁我諗應該更不錯!下次想過口癮叫外賣啦~仲平d添~
繼續閱讀