火鳥日式放題 (已結業)

依間放題啲野食都唔錯，尤其係串燒同炸物，重點推介火雞腎串同炸蠔～另外刺身(圖上)同麵豉湯都好味，三文魚切得比一般放題店厚，成塊放入口感覺好充實，不過個甜蝦就唔係咁鍾意，又有頭又有尾，食起黎麻煩仲有煎羊扒同牛肉都超好味，一定要食！！只係我唔明點解身為一間日式放題，可以連壽司手卷都做唔好，壽司飯太鬆散，紫菜唔脆，好失敗，不過反卷都ok另外唔建議鐵板帶子(右下)，蒜味好濃，無帶子味，負評題外話: 有個waiter好好人，而且個樣ok，係溫柔哥哥呀

呢篇係我第二篇食評 寫食評有好多好處記低自己食過咩野、比人睇下有咩野好介紹，最重要係將好嘅食店發揚光大 一入火鳥就即刻有位，個感覺非常好，因為太餓唔等得哈哈即刻就寫纸 例牌點刺身先有晒我好鐘意嘅刺身 都幾大份唔“孤寒”，亦都夠鮮跟著點左好幾樣熟食，太好味嘅關係無全部影晒，食左先講仲有香辣雞翼、焗蠔 不過無相抵讚嘅係d熟食全部都熱辣辣！！即叫煮好即出！食過好幾間放題都係放涼左少少先出餐！趁熱食先好嫁嘛！跟著再叫左轉刺身同熟食，同埋幾件壽司就收左山食埋個雪糕就閃人 雪糕都好味整體而言都好滿意 呢間野掂啊！下次會再黎食！！！題外話：其中有一塊係咁 見到忍唔住笑左wwww

今日同朋友四個去食放題係openrice 見到呢間應該唔差 就去試下先講食物既質素刺身緊係必食啦 叫幾多黎足咁多真係正! 有厚切三文魚 八爪魚 榮螺片 甜蝦 呢幾樣一定要一叫再叫熟食就有雞翼 牛油帶子 牛肉薄燒炸物仲有薯格 帶子 蟹鉗 粒炸蝦丸入面仲有芝士tim都食左一輪野 當然唔好比佢停 繼續叫 有個肥既短頭髮攣毛既女人好大聲咁同我地講食唔哂野係犯法!!!!!!!! 仲話要收50%付加費 隔離枱都望哂過黎!! 聽到真係笑出黎囉 點先 而家又唔係唔食!!態度極有問題好惡劣!!!! 今時今日咁既服務態度點得嫁，如果佢態度好啲我都會聽，但咁惡想點先食過其他放題都唔會咁 咁樣不如唔好叫做放題啦 之後佢係咁望住我地食野囉!! 食過飯都好似比人監視住

大約6點鐘入,入到去坐低,可能因為早同係閒日唔洗等位唔洗問緊係即刻order野食先野食好快就到左啦先來既緊係刺身啦刺身三文魚:夠厚有我鐘意食既甜蝦同赤貝 呢2樣都係勁鮮甜同好爽壽司壽司點既唔多,因為希望留肚食其他野火炙壽司: 正!!! 燒到好香, d飯酸d就好啦天婦羅呢度既天婦羅做得不錯,油份並唔算多,食落去係脆口既,相比起其他吃過既,放入口已經有陣陣既油「益」味,呢個好得多啊特別南瓜天婦羅 清甜又夠香口炸物炸蝦丸:呢樣既特別之處係入面好芝士 熱到辣親條利 好好食呀薯格:好味 好耐冇食過呢樣野 所以叫完再叫燒物焗蠔:相對細小的,芝士味都算係濃郁雞翼:都算大隻 有小小辣串燒都唔錯菠蘿串係厚切嫁, 鮮甜果肉咬入帶出左好豐富肉汁,好滾動食放題少不了的就是雪糕,呢度差唔多有10款雪糕,有雀巢細細杯的同埋有dreyer’s畢既我就鐘意畢啦 因為屋企好少有咁大桶自己畢I love ice cream!!

之前留意左好多團購放題，唔係遠就係貴，所以好耐冇食放題喇，火鳥都留意左一排，相比其他餐廳唔算貴，地點在旺角都方便，最緊要食評係笑面多過喊面，所以會想試下呢間，準時5:30到達，已經可以入去食啦，被安排坐一張單獨0既2人枱，"寧寧舍舍"坐埋一邊好突出，不過傾計方便d都幾好，即刻開始點食物，有好多張紙可以點，真係花多眼亂，如其他人士所講，場內燈光真係有d暗，寫紙開頭都睇唔真，不過適應落黎又睇到啦~交單後食物好快黎，而且keep住一直出菜，張枱細，所以好快就冇位，侍應會好主動咁幫忙左砌右砌騰空位置出黎放食物，除左傳菜0既侍應會幫你外，我地食食下執位佢地見到都會幫手，同埋收碟速度好快，值得一讚，講返食物先，刺身我只點左三文魚，榮螺及鮑片，全部都夠凍夠鮮，香辣雞中翼好味道，真係夠辣呀，芝士焗生蠔都好味，其他天婦羅，串燒，炒雜菜，沙爹炒魷魚鬚都ok，雪糕是日有雲尼拿，芒果，合桃，綠茶x2，仲有雀巢雪糕，限時2小時，不過夠鐘都冇趕我地走，可以坐多一陣，總括黎講味道及服務都幾好，會有下一次~是日晚餐：$118+39服務費+10假日費

訂左枱都要等多廿分鐘先入得 fine!入到去 餓到呢 拿起紙就劃魚生冇味道 放入口唔知乜黎 除左三文魚 未算差 有味 仲新鮮 有骨...天吖芝士焗生豪 最好食係佢了 芝士焗得啱啱好 又冇破壞豪本身鮮味洋蔥日式肥牛 似吉野X咁 好甜羊扒 羶味唔重 外層有些少蜜糖上面芝士烏冬 多芝士同芝士粉炸物 天婦羅 粉太厚 肉唔新鮮 雞軟骨 完全冇肉太細粒 薯波 冇芝士 串燒 雞腎 硬到咬唔到 菠蘿 爽甜 牛肉 死實實 雞肉似大昌買...雪糕 有2種比人清左冇人換 得芒果 雲呢拿超硬實到畢唔到 見圖 畢左十分鐘的成果...不然 食旁邊同樣雪到死實實雀巢細杯 雲尼拿 黑芝麻 紅豆 燒帶子 尚可 原粒 有鮮味燒赤貝 份量少 冇味道

勁伏既放題，貴又難食。黎到既環境，燈光好暗，揀食咩個張紙都好難睇到，睇到眼殘。一開始叫左三文魚+甜蝦刺身， 3文魚唔係好夠凍。叫左沙嗲雞肉串，火雞腎串，燒日式香草腸等等 好震憤 ，我感覺唔可以係我個口停留，前所未有既衝擊感。味道好有改善空間。雞軟骨，無乜肉，食左等於無食，好普通。天婦羅算係最滿意既一樣野食，同出面既味道都差唔多。黎左碟雞翼+多春魚+秋刀魚，我覺得雞翼好夠味，好入味。食完雞翼，發現本身下面被雞翼遮住左既多春魚應該係嚴重營養不良，叫少春魚先岩，秋刀魚超苦，加左檸檬汁都係覆蓋唔到苦味。蟹子手卷，賣相差，無口感，完全勁求其。野飲無太多選擇，+C，可樂，橙汁氣水，水蜜桃，冰糖雪梨，冰凍啤酒，7個選擇。服務態度勁差，已經跌過2次野，但2個服務員完全無覺得唔好意思。芝士焗蠔，有芝士味無蠔味，好水汪汪。請我食我都唔會再黎，除左3文魚無野擺得落口，明智既你地識揀吧容許我呢篇食評有啲粗糙。

話說約左個好耐冇見既朋友食飯,朋友鐘意食日本野 而我好耐之前又食過呢間放題,覺得唔差啵 就帶朋友黎試下 一入到去坐低 見到張枱紙同之前唔同左 而家粉紅色都幾特別;)之後緊係畫野食啦,d野食既款式都唔同左 可能係我太耐冇黎@@ 上菜都好快就講下有咩野好食啦 刺身就一定必叫啦,今次既刺身比之前更加厚切!!!正!仲好新鮮我最鐘意食甜蝦同榮螺片 勁鮮甜 朋友唔係好食刺身甜蝦都覺得好正 令佢一試難忘 刺身係我畫幾多真係黎足比我 壽司都冇叫太多 因為唔想食太多飯另外,講下熟食野啦!炸物好脆,個一口芝士拉長黎食都唔會斷 食落又唔覺好制串燒好夠熱 火雞腎串好爽好夠味 波羅串燒出黎好甜又多汁,串燒就正係叫左呢兩樣天婦羅冇左我鐘意食既茄子 不過唔緊要啦有大蝦 炸個個粉都唔算厚牛肉薄燒好香 好似有d葱同蒜蓉,但係食食下覺得咸左小小一品料理有個甜甜地既豬頸肉,第一啖食落去個邊位有小小脆嫁 睇得出師傅應該好有心機去煮 good!仲有兩樣係必食嫁:大蝦pizza同芝士帆立貝就係貪個pizza多芝士 又唔會太大塊 個底係薄脆鐘意食芝士既朋友就岩哂啦;)帆立貝同芝士都好夾 重要粒帆立貝都唔細粒, 我

生日朋友介紹我去食日本放题，呢间d野真系好好食，最正既系d野黎得好快，款式比其他放题较多款，所以值得介绍。天妇罗：炸虾同南瓜都好脆黎到果陣仲系好熱，5錯。刺身：超好味特别系三文魚同甜蝦，好鲜口。寿司：寿司d饭大舊左d，所以我宁愿食番刺身，留番个肚。座位：好舒適，得3个人比左张卡位我。超好彩！雖然灯光暗左d，但几有格調，几岩情侶黎架。

第一次黎食..之前朋友食過覺得水準唔錯,所以黎試下 講下d野食先啦叫左好多野食都算黎足哂 特別係刺身,好新鮮 三文魚好厚切好肥美 正!! 盤盤都滿哂 好好食好多款式 多到都試唔哂咁多款 仲有樣我好鐘意食既係魚生沙律 個汁酸酸地好開胃好出奇地沙律既魚生都好新鮮,唔似人地話係魚生既頭頭尾尾整埋一齊 最值得讚既係呢度既員工!! 服務態度好好,收碟都好快,成日都會黎清..問左侍應要兩杯茶飲 都會叫我地小心睇熱! 好細心:$仲有佢地每次係野食落枱之前都會講句唔好意思 可能係怕阻住我地食野;)最後走既時候行過每個員工都會同你講多謝哂BYEBYE..好禮貌 呀! 另外,我見到隔離枱全部都係外國人 員工好有禮貌咁招呼佢地又翻譯食物d名  又幫佢地落order 仲會同佢地講下笑咁

今晚食開果兩間放題都冇位，咁就唯有去試下呢間。一去到唔駛等位。入到去環境ok. 叫左d野食冇耐就上菜，但職員態度好差，問佢有冇天婦羅汁，佢竟然話"有就有，但用唒咪冇囉".而食物方面亦唔見得好食，刺身一般，羊扒薄到唔可以叫羊扒只可以叫羊片，大蝦串燒唔係原隻大蝦而係用雪蘵蝦仁好大陣雪味,蕃茄煱味道好怪好似就咁用茄汁做湯底, 蝦天婦羅炸到太實唔OK. 比較好食既只有兩款, 第一款係炒什菜,第二款係炸雞軟骨！而雪糕有5款味道可選唔錯唔錯.所以話放題係唔可以亂食. 我係絕對唔會再黎"火鳥"，唔想浪費我個胃既quota。

第一次嚐試火鳥，因訂了位，不用等位。環境一般，地下濕滑，座位與鄰座非常接近，比較逼，燈光昏暗。入座時，有位侍應把手上的一大盤刺身掉落地上，他的同事們都走來問他什麼事，但他沒有出一句聲走開了，帶位叔叔就趕忙代他清理，心想他是壓太大吧! 我們開始落單，大大盤的刺身先來，我們是五人行，那算刺身是足料的，本來應該是很滿意的，但之後就...... 全部來的是刺身刺身...就只有刺身=_= 熱食的完全沒有來......我們愈食愈凍......因有限時，我們都問問侍應，答的總是"來緊啦"... 等到最後的三十分鐘，侍應對我講"Last order"，我們異口同聲"Last order? 我們一直食的只有刺身，其他都沒有來過!!" 之後有位阿姐叫我們點多次，可能走單，講完即走了 (-__-" 其實我們前後已落了6-8次單，只是每次追，回答只是"做緊"，現在先講走單?) 最後我們唯有再落多一次，今次我們只落各款串燒，但最後只來了"蕃薯"和"冬菇"，肉都沒有...=_="非常無奈... 我們都放棄狀態埋單走人了。之後我們還要去食糖水，從未試過食放題食不飽喔!! 最初因價錢不貴，所以都對食物質素沒有太大期

是晚OT媽咪又去左廣州玩, 所以屋企冇人煮飯所以臨離開公司就睇下有冇人可以同我食飯點知真係有, 哈哈朋友就提議去火鳥度食放題(其實開始食果陣已經10點...肥到爆)相影得唔多因為都係喪食 哈哈但佢d魚生都唔錯, 我覺得幾新鮮食物選擇都有好多係好多其他正路放題有的食物 (串燒呀, 天婦羅, 麵呀果d)野飲是任飲的, 都係罐裝汽水果d喇最驚喜的是臨尾竟然有茉莉花茶送!本身係應該唔知要加幾多錢的食到爆到癲咁飲啖熱茶其實真係好好多

同同事再試團購放題，今次係旺角火鳥，$122任飲任食，連清酒都任飲，好多好多嘢食選擇，雞翼炸得脹卜卜，好脆。燒物好夠味，燒得香香的，燒粟米一叫再叫。羊架肉質好腍，醬汁都好夠味。芝士豆腐，面頭放了一塊卡夫芝士，燒得好香，但有啲怪。魚生都叫ok，未算好生鮮，但都叫好味。燒元貝，醬汁creamy，芝士味令元具更香口。每枱有一鍋辣雞煲，雞煲都好冶味，但太大煲，食完真係唔洗食其它嘢啦。魚生沙律，魚生片的頭頭尾尾，唔生鮮之餘亦不好味。壽司一般，不難食但未至於抵食。甜品有雪糕，話係Dryers，但唔似，Dryers有紅豆雪糕?不過都好好味，唯一搞笑係個雪糕柜太凍，雪糕太硬，超難刮啲雪糕出嚟。仲有一樣唔好係嚴重漏單，要order好多次先來一碟，今餐係抵食。可以再試。

網上見到有呢間ge團購優惠,好啦,就試下呢間啦!唔知多唔多人,前一晚book左位先!好肚餓呀!一黎梗係點魚生先啦!三文魚都幾新鮮,不過冇咩人食甜蝦住...因為佢係原隻上冇剝殼架...雖然都係甜蝦,不過多呢個步驟大家都唔係好想做...如果佢可以做多步咁大家都會食得開心D~壽司方面飯如果可以細舊D會好D...唔洗咁快食到咁飽!火炙唔算好正,以我咁鍾意食火炙黎講只係ok~個粟米好甜好食,不過都係細碟D好!D天婦羅都係普通啦,冇encore~野飲方面都係大路汽水!係有一個唔記得咩多士幾好食!總括黎講係miss左一次單,不過都幾奇怪,我地係7點半去食,雖然話係平日但完全唔多人@@一般啦,唔算好好食啦!以旺角區可以有更好選擇!