正宗上海生煎皇 (已結業)

7-4-2013 (星期日)是日跟媽媽於旺角逛街,行經某戲院附近,頓時發現原址在太子的【正宗上海山煎皇】就在眼前。見尚未吃午飯,我們二人就決定駐腳在此啦!自助形式的在點餐紙上剔食物及數量,交給店員就會有單放回檯上。先上桌的是四川麻辣燙。嚐辣的的我由於要遷就媽媽的原固,總覺得小辣的辣味與麻的程度均不夠。再來就是新鮮熱辣的土匪雞翼。這個味道很好,唯較為咸了一點。最後是主角山煎包。相信亦是新鮮煎出來,要小心翼翼的往口裡送,免燙傷小咀~涵了十足亦多汁,可惜包皮的底部太硬,像翻煎般。

對這家店的印象挺深刻的, 或多或少是因為由前樂隊Bliss成員Oscar所開設, 得知他當年毅然放棄娛樂事業, 到上海學藝後便回港創業, 一手一腳打造屬於自己的美味。 需知道背後那份決心和動力, 也是相當大的。 當然愛吃的我還是著重食物本身, 時刻在找機會探求真味。店子清一色供應上海美食, 由湯、冷盤、包點都找得到, 只見門口那大鐵鑊, 填滿密密麻麻的肉包子, 看來很對胃口, 令人萬分期待。 即點即煎的關係下, 實需要耐心地侯上一會, 但見如此有誠意, 也是值得的。 生煎包一客$22有四隻, 個子的骰, 計起來還是比餐館相宜。 當時座內僅餘的位都坐滿了, 索性在街頭立食。看包身一片雪白, 不是脹卜卜圓潤的樣子, 反而有點凹凸不平, 面頭灑了些葱花和芝麻, 多添幾分香口色水。 整個底部呈現誘人的焦黃色, 成了一塊結實的脆皮。 小心翼翼咬下頭一口, 生怕裡邊的湯汁濺出, 會燙傷咀, 外皮不過厚, 柔軟不感死實, 但就是不太像麵包軟綿的質感, 倒像水餃皮, 組織較薄身, 同時間又感受到一份酥脆, 藏著滿滿的肉餡, 鬆軟鮮嫩, 邊吃肉汁邊感受到豐盈的肉汁, 難得一點也不混濁, 反是那麼清甜不油

今日突然好掛住上海既生煎曼頭, 無奈唔可以立即飛去上海.... 想起小儀介紹旺角有間小店舖, 上openrice找, 專登坐的士去食.店舖坐位得幾張, 而且係高椅, 好難坐, 但其實都冇expect過要坐得舒適. 叫了客小籠包, 4隻有兩隻都是穿了, 上面D皮是硬的, 而想信是翻蒸的. 糖醋排骨, 都幾唔好味, 但絕不及棻飯, D米D味甘既唯一好D係鍋貼, 皮厚小小, 但D淊OK, 生煎包也OK, 但湯汁未及上海食果D.總括而言, 有D失望.

生煎包是我最愛的包點之一，今天專程來試歌星賣的生煎包。大約七點多鐘來到星期六晚上店內一個人客也沒有？女服務員態度很好知到我想點生煎包及豆漿時建議我轉配紅油抄手的套餐，只須另加四元。生煎包很快就送到，我本來想說他們搞錯了，因為從來沒見過這樣的生煎包。回頭望向廚房煎生煎包的大鍋，裡面賣剩的二十來個生煎包全是這樣，看起來包子在鍋內已經放了一段時間；對比牆上海報生煎包的樣子可是完全不同。吃了一口樣子像糯米糰的包子，麵皮乾硬雖然餡料有點湯汁但四個裡面多寡不一，包的底子也不鬆脆只得一個硬字，為了不想浪費只有吃了肉餡及較為軟熟的麵皮也就算了；肉餡的味道還是可以的。喝了一口豆漿不冷也不熱，味道與一般豆漿不同也就不敢再喝了。跟著來的紅油抄手，餡料少得可憐醬汁又不是傳統的味道，完全唔掂只有放棄。我嘗試為歌星計算他的運作，店子雖小但是要賣七種不同的麵點、六種泠菜、四款麵食再加上酸辣湯與菜飯。店鋪細小工作面積不大如果不是集團式運作有中央廚房，又真的像媒體專訪所說每天要賣過千客的生煎包再加上其它出品，人手唔夠要搞這麼多種類的出品可能每個水平都會拉低，為何不集中火力真真正正的做好一兩樣出品呢？我回頭望了一眼廚房裡

1:23 —— 在香港的日子僅僅佔有我這個土生土長上海人的人生的二十三分之一365 —— 來到香港之後雖時不時回上海複診探親等等，但好像每一次回鄉都從未跑去光顧上海幾家做生煎包出名的店鋪來回味上海的味道，現在算來，自己與許多上海小吃已是有超過一年未曾相逢，前段日子吃著這裡的冰皮月餅以及廣式月餅，就突然十分想念上海的鮮肉月餅！於是，連著幾周便開始不自覺的在周圍尋找頗有口碑的上海味道（不包括那些已經改頭換面走高檔路線的上海菜館）。上海眾多小吃中，自己最愛的要屬生煎包與鍋貼，還記得【小楊生煎】的招牌大個頭生煎包，最愛那厚到不行咬口硬脆的厚底以及做的超薄的麵皮，咬開個小口瞬間湧出滾燙鮮甜的肉汁！小小個的鍋貼麵皮既薄又軟，厚底稍軟韌些，裏面抱著晶瑩蛋白色的肉餡，伴著鎮江醋來食，一口一個不提有多滿足！還記得某週三夜晚看TVB 的【街坊美食】介紹到旺角的街坊美食，其中之一便是這家專營上海小食的小店，出名的當然是香港人比較熟悉的生煎包以及小籠包；這日特地到訪想要來驗證一下是否名副其實的“正宗”；店鋪小小的，生煎包，小籠包，豆漿，菜飯這四大上海本地小食（菜飯不算小食吧。。。）可以單買也可以組合跟餐，價格

是日同朋友於太子逛街期間竟然無意中發現呢間由一名前歌手經營既上海食店，其實之前於網上睇完食評之後已經有興趣想試，但無奈一直都未實行。今日既然一場黎到，就順道入去試一試基於同友人都唔肚餓既關係，就只叫左最出名既生煎包，個包果然係即叫即整，個皮尚算薄，而且外脆內軟，仲好JUICY添，一咬落去啲肉汁真係即刻湧哂出黎，搞到我同我朋友都食到狼狽萬分，建議大家一定要帶備紙巾，唔係一定會食到污糟哂加上該名前歌手真係駐場既師傅黎架，大家可以睇到佢煮野食，感覺好新奇呢

同內人, 朋友HC同朋友KF飲完夜荼就特登過黎試一試。朋友HC話呢一間野係明星開, 仲係個明星親自下廚!黎到一見, 真係佢係廚房, 但可能辛苦, 瘦左好多 叫左四粒生煎包一人一粒 (因為飲完夜茶好飽-___-)個包其實幾普通, 好熱, 味道一般。勝左佢有好多汁, 如果唔小心會爆汁 (一黎好熱, 二黎整污糟)價錢都還算公道, 如果真係純粹口痕既, 都OK既。

呢間(生煎皇)以經唔係第一次聽佢大名.飲食習誌又見到.睇報紙又見到.講到有幾好食.幾巴閉.今日終於可以試到.去到入面舖頭超細,眼見只得6個位,(真係好細),我們叫了(生煎包)上枱真的很熱.所以食的時後真的要小心咀巴.味道都ok.最鍾意係食落口果時包內迎有很多的肉汁爆出黎.包底有小小脆口.合格(鍋貼)做發應該同煎包大同小二.子係小左那份肉汁.(小籠包)黎到反而可以比到我最多驚喜.因包內的汁.應該叫做湯先對..一食落口又係爆出黎的.所以呢啲先可以稱得上是小籠包.味道都幾好.推界(紅油抽手)麻麻地.唔講(酸辣湯)這兒的酸辣湯真係一般貨色.所以唔點也絕對唔會可惜的........最後我覺得黎呢到其實應該食小籠包會好啲.至於生煎包一試都無防.但係真的冇那些飲食習誌寫得那麼好食!!!!!!!

猶記得這兒剛開業時已試過她的上海生煎，那時已覺水準與真正正宗在上海吃的還有一段頗大的距離。想不到事隔多時，今次重臨再吃同一款東西，退步的感受是如此的明顯...看見掌勺人Oscar仍在爐頭旁打點一切，按道理差極也應有個譜吧....不過事實卻是勝於雄辯，不由你不信....包裝的紙盒確是比從前精緻及實淨，不過內藏的味道卻.....打開盒一看，包頂上只有散落的白芝蔴粒，青葱花是全然欠奉；咬一口，包底已不再香脆，甚在是帶硬難咬的；肉餡還算新鮮，不過肉汁卻是少得可憐....光就此一點，已是完全沒法跟正牌的上海生煎相比。現在這刻滿腦子想起的，便是"小楊生煎"帶來的滿足滋味....身旁的鄧sir此時忽然一時錯手夾不到，讓其中一件掉在地上。小弟馬上沒好氣的說 : "反正是水準如此，沒所謂啦"....

今日揸車經過上海街,好似係邊度見過E問嘢。記起在旺角道見過,左轉右轉同老婆都要去試試。去到set 1~6 有生煎包/窩貼/小籠包+菜飯 + 豆漿結果叫了小籠包+菜飯和一兩餸套飯兩餸套飯-手撕鶏和雲白肉雞似瘦肉又冇味只有小許麻,而外貌也有點似狗糧多D雲白肉似火腿多D 又係冇味至於菜飯 正 第一次見,飯後再加菜 攪在一起一啲菜飯應有的都沒至於小籠包 - 369貨色豆漿 也不見出色食唔飽,再叫佢最最最出名的生煎包要等10~13分鐘,好 因好多明星也讚 就試試結果 窩貼大皇比他好上倍硬似石頭

第一次來試..幾經辛苦終於找到此店, 好SURPRISE沒有人在等..幸運!!點了香酥餅($22)和生煎包($22)我叫的香酥餅是芝士火腿味, 很大眾的味!芝士很濃, 很香, 也很多=]而香酥餅雖然要$22, 但其實好大塊!!食一塊都飽了;P可是餅只是香, 並不酥, 有點硬, 顯然是因為整好了再重新煎過, 因為餅的油不多, 也不酥。不過餅味尚不錯。而生煎包我是放了3-4小昤才吃, 都不新鮮了。不新鮮就連肉汁也沒有了, 都怪自己沒有即時吃啊!可是吃得出包底還有點脆, 只是皮有點厚而已。因為下次吃一定要新鮮吃!!

我係一個唔多食過返轉頭既人,旨因佢為一個為食同鐘意食野既人梗係鐘意左試右試但呢間店既生煎包真係令我念念不忘,於是特登返去食係呢個星期五既黃昏,好多人係門口等緊外賣,而我就係係佢只係得5-7個位既店內堂食生煎包最少要點4個,$22當我係店入面等緊既時候,老闆係出面唔少人等緊既時候,佢優先俾左啲生煎包我,老闆真好!我講緊既老闆係相中人, 入面埋頭苦幹煎緊生煎包哥位, 係一位後生仔!知佢係老闆係因為之前佢有上過雜誌,講佢既奮鬥史,原來佢之前仲係歌手,真犀利!仲有一個姐姐係隔離努力包生煎包講返個生煎包, 係誇張地爆汁既,真係一咬落去啲汁好澎湃.....噴汁....我都唔好意思...各位食既時侯真係要小心一路食啲汁一路流出黎另外,生煎包煎得又香脆,外皮唔會好厚好實, 入面既肉除左多汁,仲好夠淋,每個細細個食落又唔覺好飽 走哥陣都忍唔住同老闆講左聲"好好食呀"加油吧,老闆

有拍枱叫好的衝動!光顧了很多次，今次的包底皮煎得最好。包底皮沒有過厚過硬的問題，煎得極為香脆。餡一貫的多汁，一不小心又中招，滴了在褲上。希望店主繼續努力，繼續進步。

記得此店既酥餅好好味, 心思思上星期六放工就行來醫肚. 幸運無人排隊仲要岩岩生煎包出爐唔洗等好耐,2個人叫左一客4件生煎包再叫左個芝士肉鬆酥餅share來食. 生煎包細細過比起一般既細d咁樣食就岩la..以前食一個生煎包都已經飽左一半, 這店份量小咁樣可以一次試多其他野. 生煎包外皮脆卜卜, 入面多汁好香好好味, 感覺就似食小龍包但比小龍包更香口...酥餅即叫即整, 所以都等左一陣先有..不過為酥餅而來反而覺得個酥餅麻麻地, 首先餡料其實好少少到連有芝士都唔覺, 加上酥餅都幾油下, 所以下次都叫多一客小龍包/水餃來試好過.

係呢度食左幾次,不過質素有下滑ge趨勢之前將軍澳分店開張有優惠.而家無左,生煎包要$5粒,好貴餡都仲係新鮮好味,但d皮愈黎愈厚,D肉汁都畀D皮索晒...............希望佢可以KEEP番之前ge水準啦!!值得一提係staff好nice~~