康樂茶餐廳 (已搬遷) 新店位置

再一次晨早走到旺角吃過早餐後才回去辦公室博殺。記得上次來這裡時還因太早廚房仍未準備好而過其門而不入，今趟學精了遲了一些才來，這樣就穩陣得多....預料下午可能無啖好食，故此早餐就要食得豐富一些才行。先吞一大碗五香肉丁麵進肚，肚子實際上已被填滿了一半。這裡的麵底很大手筆的用上一丁的，通常在其他地方都事先張揚要加錢才有得吃，但這裡就不需另外破費，以一個頗合理的價錢就可以食得到。麵本身處理得不算太淰水準是中規中矩；好久沒有嚐過罐頭肉丁了，久違的它仍是如此的香辣惹味，與湯麵或米永遠是一個天仙配....奄列內的饀料是外頭少見的切粒紅腸，不過味道卻是十分麻麻，主因當然是在於那塊弄出來又嚡又乾的蛋皮；此外那件多士又是硬梆梆之餘牛油量亦極少，吃得人蠻不爽的....茶走也是奶味大過天，茶香是全然感受不到。是水準以下的出品....吃完後，肚子是被填飽了，但心靈卻是甚空虛及不能被滿足，誠是可惜....

旺角一間極具質素, 其貌不揚的茶餐廳, 總愛球賽後跟一群波牛來下午茶吹水一番這天球實前一個人來餐肚, 心神恍惚隨手就點了鮮牛肉撈麵, 送上來時才回魂一看, 發覺自己點錯了食物, 本想要乾炒撈一丁的, 而不是這種中式的生麵但將錯就錯反而有驚喜這個有茨汁的撈麵蠻特別的起初望著這個怪怪的撈麵, 食慾一般, 心想味道不會太好, 但既然點了, 也要吃吧幾口落肚, 漸沖吃出真味, 濃郁的茨汁比起普遍用蠔油撈麵更勝一籌, 提升了清淡麵條的味道麵條也很彈牙不帶鹼水味, 牛肉雖被梳打粉折磨過, 但還有陣陣牛肉的鮮味反而配上的湯淡而無味, 我只當水般喝下就算了

每每經過廣華街,除了添好運常旺外,「康樂」也常滿。人手不足,店員做得踢晒腳,還說請人請了一年,也沒人應徵。Order了,等了五分鐘才到飲品。奶茶很傳統的茶記味,口感濃厚,只欠靚茶葉香,但味道也非常合格的。再等五分鐘,酥炸雞翼(餐$22),金黃色的,炸得很有家的風味。鬆脆香口!星洲炒公仔麵(餐$28),材料豐富,除了靚义燒,還有芽菜、韮皇、炒滑蛋!蛋炒至半生熟狀,增加蛋香的炒公仔麵,很有鑊氣,和功架!很喜歡吃炒公仔麵,這裡把炒公仔麵變得「出神入化」,而且還很好吃!真是港式茶餐廳的另一新代表作!

今晚同老婆行開廣華街就試下經常好多鬼仔鬼妹幫襯個間茶餐廳 , 諗住以為多人食就唔慌差得去邊啦 , 結果踩哂屎...... (因為好奇好多外國人食所以一直都想試) 1. 小菜要等好耐 , 要吹佢先黎 2. 小菜水準和賣相比一般茶餐廳差好遠 3. 白飯完全唔好食(一舊舊) , 裝飯的碗好似佈滿上手食完既污跡 , 俾我感覺似無洗 , 叫佢換兩次隻碗先乾淨.... 真係唔好以為多外國人食就係好....

看過此店不錯的食評，好奇地進去試試。與朋友點了兩個下午茶：1)法蘭西多士配凍檸檬咖啡2)南乳豬手撈麵配凍奶茶本人從未聽說過檸檬咖啡，雖然平日不喝咖啡，但還是決定試試檸檬與咖啡的配搭。喝下，感到檸檬香，但又同時伴隨著咖啡的苦澀味（其實此店沖的咖啡不算苦，亦很滑），檸檬味與咖啡味各自暉映，不會搶走對方的味道，很有特色，客觀而言質素中上，但未合個人主觀口味。至於法蘭西多士，沒嚐過甜度剛好而不膩的，的確高水準，麵包鬆軟，醬料份量得宜，多吃幾口也不覺甜滯，非常好！奶茶亦如網評一樣好喝，有奶味，不過甜，亦滑。南乳豬手撈麵的豬手肉質稔，醃味夠，撈麵雖有點鹼水味，但吃下感到十分爽口，伴湯感覺由蝦煮成，有甜味，不錯；同時菜的份量值得讚賞。將來有機會再試試其他呢！

又是一個旺角的早上, 呢一日行左黎人煙比較少的廣華街. 原本目的為寄信. 寄信之餘, 又夠時間. 當然要享用一個早餐才開心快樂. 於是選擇了呢一間細細又人多的康樂茶餐廳。近日追看了亞台的有飯開, 搞到現在不太敢朝朝食公仔麵餐. 不過, 食此麵之前, 那個節目仍未出台, 所以, 繼續食麵. 而且仲要係五香肉丁麵.麵, 是福麵麵底, 不過因為五香肉丁的關係, 令到湯粉本身的味道顯不出來. 亦國為咁, 五香肉丁既味道就成為了主角. 夠辛辣, 味道香, 肉粒不散, 香口好食. 另外煎蛋, 總覺得放湯食既蛋, 煎熟一點會好口感一點. 不夠熟, 一夾就散, 蛋黃汁滿湯, 弄得有點兒不夠開心.用有限的時間吃早餐, 吃飽, 就要努力地.....工作.

平日經過眼見這間茶餐廳周不時都幾多客人幫襯，心想佢應該唔會太難食，今日下午茶時份見有D肚餓，就黎呢度醫下肚。下午茶時間非常多人，由其是餐廳外既位置，個個揸住枝煙坐滿哂。佢下午茶都有好多野食，炒粉麵，普通茶餐三文治等等，見好耐無食過西多士，就叫左西多士餐，加埋野飲索價$22。等左大概 5 分鐘多D就有得食啦，開頭眼見西多士表面有D怪怪既顏色仲有D驚，再望真D發現原來係蛋黎既，西多士既表面同底部都有雞蛋，變左食落去好有蛋香，幾好食呀。不過出到黎都係凍左D，變左個多士側邊無咁脆淋左少少。入面依然有好香既花生醬香，加埋牛油同糖漿，絕對唔會難食得去邊。眼見佢D小菜都好似好多選擇幾抵食咁，反正係屋企樓下，下次又可試下。

拿破倫意大利粉、例湯+凍檸茶 $33 (lunch)原來茄汁炒意粉嚟啫所以覺得味道唔多特別，配料有腸仔、火腿、鮮菠蘿、芽菜。但因為我鍾意食菠蘿仲係新鮮都幾好火腿同腸仔份量都Ok，意粉份量簡直係多似茄汁嘅拿破倫汁都夠味道不過我都係覺得勝利道嘅燴意粉好食D例湯非常非常淡見佢有白菜同蘿白。見到牆上貼上介紹例湯冇加味精，味道濃香對唔住我完全唔覺所以一啖我就收手。重要有條菜起個碗邊半天吊

食完甜品, 同好友食家"乜都放入窿"行左一陣, 行到攰攰地, 決定搵個地方坐底抖抖啦, 本來諗住飲下咖啡, 無奈星巴克好快收工, 坐得唔耐, 最後兩人盲中中就入左黎呢間食店喇!坐底後就柯打左一杯熱檸茶同一杯凍檸茶! 冇叫野食個伙計好似有d失望呀, 等一陣就有得飲喇, 師傅就要左杯凍檸茶, 凍檸茶味道一般, 最主要係茶底唔夠, 淡淡的一d都唔好味, 檸檬份量都夠, 但以凍檸茶黎講味道一般!如果唔係咁夜師傅都相信都唔會黎左呢間食店, 仲有冇機會再黎, 相信都幾渺茫, 而笑臉都冇可能比! 不過坦白講師傅好耐都冇同好友食家"乜都放入窿"齋坐喺茶餐廳度吹水, 呢個深宵茶座又確實係得喎!

中式set餐2小菜.渴.反.另油菜1碟味道幾好炒得好有抵食何以一試

我同我2個fd上完堂去食lunch, 去左li間~ 真係超抵食的>< lunch都係22$$ 仲要凍飲同熱飲同價,不用+$2(很多冰=.=\")我地叫白汁腸仔雞扒飯~我個子較小(17歲), 碟飯對我來說份量ok, 但對於我2個fd來說不夠吃, 但他們都說抵食~同埋佢d野都係幾好味, 做到平凡就是最好的感覺...街坊價來說是很滿意的了!因此, 來這裡吃的人都是ar叔, ar嬸, 工人那些...感覺很雜=.= 全沒年青人我的fd還留意到的是,他洗手間的牌子方向是指住正門出面的=.=哈(ps: 見你地唔好在入面小便, 出去找公厠吧)位子也很逼的說@@

琴日我點半鐘去到康樂茶記，打算食個碟頭飯醫肚。午餐有三四款，賣廿五蚊，送湯送野飲，算幾抵啦。我要白汁火腿石斑飯。白汁都算做夠味，唔會太稀，幾好。石斑其實係斑塊，我估係炸完再同白汁一齊煮，煮得夠熱，冬天食就會感覺到幸福。斑塊okay啦，都有魚味，炸粉唔太厚。例湯聽講唔落師傅，清清地，有少少住家feel。一定要強調，伙計好友善，會同你閒聊一兩句，面口又唔黑，旺角之中實是非常罕見，同花園街九龍燒味完全極端。我推介食客去試，唔係食物好味，而係食得自然okay，服務認真，野食中規中矩啦。

16/3(五) 8:15pm上課時肚子已響起警號若干次;放學後,我倆二話不說要找點吃的.涉足廣華街,給予男友三個選擇:康樂,許榮記,明園.腦部不願啟動的男友選了近街頭的康樂.晚上8時多,食客已坐出至後巷,老闆忙透了!我倆走運地覓得一2人桌.略略瞄過牆上簡單的菜牌後,點了二人餐$76:例湯,豆腐雙腩煲,沙嗲金菇肥牛煲,炒菜(清炒芥蘭);另要了炸雞翼$10五隻.例湯--節瓜滾芥蘭湯;味雖不濃,幸而清甜沒味精.豆腐雙腩煲--豆腐及斑腩乃隔夜貨,味帶微酸,教人倒胃!火腩味道平平,再鹹香度可再提升.沙嗲金菇肥牛煲--水準亦未見起色!肥牛煲毫不惹味,吃不到沙嗲的真味;而肥牛肉質韌如嚼膠;安慰的是西芹尚挺入味爽脆!清炒芥蘭--沒半點油膩,芥蘭份量慷慨,而且口感爽脆,味道簡樸家常!炸雞翼--賣相雖未算超飽滿;雞翼倒炸得乾身而香脆,帶濃郁的香料味,$10五隻吃得過!老闆忙至一頭煙,那親切窩心的態度卻是恆久不渝;遺憾的是食物質素大滑鐵盧!

20/7(四) 6:30pm返學前來個快餐,知道此餐廳質素不俗,一於一試.6時半食客有3-4臺,小小店子環境四正整潔,構圖趣緻的餐牌貼牆,加上桌面有趣地舖上外國地圖(估計是德國地圖),頗趣緻!此時仍有下午茶供應,點了拿破崙炒意粉跟凍飲$24,凍飲無須加錢確實抵!要了凍檸茶少冰少甜.拿破崙炒意粉--腸仔火腿蘑菇粒相當多!意粉炒得夠乾身,而且彈牙入味,加入茄汁同炒,甜甜酸酸頗開胃!熱凍飲同價-檸茶茶香甜度適中.服務方面阿姐及老闆皆十分平易近人!老闆周到地送上小圓櫈讓我放置隨身物,臨走時又說:"阿妹,走啦!多謝晒呀!阿妹!"埋單$24,食物有質素,服務體貼窩心!strongly recommended!!

呢間茶餐廳我都係約兩年前開始黎食的，第一次係我姐夫帶我地黎食，佢話電台有介紹過的。第一次食係dinner，一大班人叫左好多碟中菜，事隔太耐啦.. 唔記得食過d 咩，不過佢地既價錢幾抵，又炒得夠火喉！仲有，佢都唔同我地計，俾夠人頭湯同飯我地，再加飯都無額外收錢。(可能因為上次一大班人)之後，我拎左張外賣紙，諗住平時可以叫(因為公司都係果區)。誰知，第一次叫佢既早餐，佢話呢個area 唔送，咁唯有算啦。有次lunch 幫襯，估唔到老闆仲記得我(呢次係第二次幫襯)，我仲係對面馬路，但佢就已經向我揮手，佢仲好nice 好好客咁招呼，問我做咩咁耐唔去幫襯。我同佢講太遠啦，咁我順便講左聲，話有次叫早餐，但你地話唔送，之後佢就話下次送。所以我而家... 間唔中都會叫呢度既早餐或者下午茶(佢既lunch 其實都貴左少少架，~$30- 一個set lunch) 但早餐就食得過($17)。早餐- 回鍋肉湯米線+紅腸奄列(呢度既沙爹牛肉唔係咁得)跟牛油方飽/多士加杯熱飲都係$17- (凍飲+$1)下午茶- 主要係炒粉麵飯跟杯冷或熱飲都係$24-今日o係澳洲牛奶公司摸門釘之後，就叫左個下午茶外賣- 拿破崙炒通