11
7
12
港鐵旺角東站 B 出口, 港鐵油麻地站 A2 出口
繼續閱讀
開飯介紹
小飛象葡國餐廳大廚對葡式美食素有研究，店中晚市葡式主菜多達10款，每款均依足葡萄牙當地製法，如店中得獎名菜葡式燒乳豬配鮮茄薯仔飯，材料只用肉質較嫩的乳豬仔，以秘製醬汁加十多款香料醃製至入味，以360度烤焗方法將整隻乳豬煮至均勻全熟，製法保證乳豬每部份造到外皮香脆肉質幼嫩。
繼續閱讀
營業時間
星期一至日
12:00 - 23:00
以上資料只供參考, 請與餐廳確認詳情
招牌菜
在很久前買了四張團購，和朋友一起去食。因為食過小飛象晚餐，但不是buffet，不過覺得食物味道都ok，所以才想食buffet，以為質素會差不多，點不知原來差天共地。生蠔有沙，而且不鮮甜。三文魚好多根，而且未完全解凍，有點硬，而且有雪味。熟食類，雞翼，炒飯，羊架，薯條，青口，比較好吃少少，都是正常的味道。炸蝦顏色好深，看見好長，但蝦是好細條，所以食炸粉多。芝士忌廉焗扇貝， 扇貝都不細，味道正常，但是好多油。這個所謂的鵝肝，太過乾而且又硬身，我們食了一啖就不要了。上面那個不是鵝肝，但又不是鴨肝。我吃了都不知道是什麼。總括而言，這間店我是不會再去，有人請我都不會去。
繼續閱讀
團購關係，$168位，就黎試下啦，食物款式一般，唔算好多野食，我同老公對佢自助拎既食物興趣不大，主要都係寫紙叫野食刺身普通，唔算特別，可以食得落口咁既質素啦，其次得覺得可以再叫既，係芝士焗帶子，唔錯的，生蠔好細仔，冇咩口感，鵝肝都算大舊，味道都可以，我食左4舊，係呢餐依得最多既野總結，呢個價錢，200唔洗，想平平地去食生蠔同鵝肝，都可以接受，但短期唔會再去
繼續閱讀
食物質十分一般, 連推介的乳豬飯梅既............一行人四個人坐低食野, 諗住佢有熟食同生食可以岩各人口胃。點知每樣熟食都係一試難忘, 例如咖哩豬軟骨, 豬軟骨有豬軟骨味, 咖哩味, 原全無一齊煮過甘。紅酒牛尾, 牛尾的確好大件, 但個汁唔知咩黎。仲有個唔知咩蝦, 隻隻都梅既...另外刺身係跟人數計算, 你幾多人比幾多塊你, 不過刺身算係好, 起碼無臭味...秋刀魚可以連劏都唔劏, 就甘煎, 我覺得佢連洗都無洗...乳豬飯講到好勁甘, 皮係幾脆, 飯係夠味, 但係乳豬係梅既, 唔知正宗既係咪都係甘。 如要去依到食野既話, 我覺得依幾樣野係可以食, 罐頭粟米粒, 雪榚杯, 刺身
繼續閱讀
這間自助放題留給我一個極好的印象， 原因是~~~~ 它沒有漏單…………其他的放題店食十次有九次也會漏單:-)
放題點單紙任君選擇👀👇👇 這是頭盤， 人齊後大約兩分鐘便會上， 不用叫。雖然沒有如其他放題店中華麗的裝飾， 但是刺身全都十分新鮮！😊燒羊扒😍 味道很好，但是韌性差了一點~
（ 純粹個人認為， 很多人也喜歡吃軟身的 ）
以下這個真的非吃不可， 香噴噴的芝士伴着這新鮮帆立貝， 口感十足＾＾
刺生我們點了六至七盤， 每次都即叫即到，等候時間不用五分鐘， 更沒有漏單， 與其他放題店相比服務可算是不錯～
店內環境👇* 半自助餐半放題 的模式，實在別有一番風味！ 不過在自助餐的部分， 我主要只是吃了甜品和沙拉， 皆因我在集中吃刺身
小飛象餐廳讓我滿載而歸，必回頭再試 大滿足
繼續閱讀
葡式馬介休薯茸球炸得香脆不滲油，得分。馬介休香氣不重，味道亦不鹹，或者用量太少？薯蓉細滑但都係太乾，有點太固身了馬來沙嗲雞串只是普通燒雞串沾上稠重椰香既沙嗲汁焦香淡淡，可惜雞串真係唔夠熱，有種違和感花蘭汁雞茸焗酥盒即是釀餡入酥皮盒咁知既，醬汁豐潤甚膩只係酥盒軟化受潮，變得鬆鬆透透與薄脆香柔既主觀期望顯然是距離有點遠吧脆炸香辣雞槌外皮厚身，炸得甚為香脆呢點算是扳回一城吧辣味來自七味粉，感覺很嗆口，好感普普芝士焗帆立貝賣相算是過得去，面頭香草不多但香氣配合味道外層芝士不多，焦香又係得分位，醬汁酸甜開胃帆立貝只嫌乾身了少許，冇雪味冇腥味，叫做可以食下既酥炸冬菇由外層睇已經……炸完薄身不美觀都算，加埋開始出油，一黎就已經唔想食外皮薄身脆口，而冬菇炸完都仲係有點熱感及水分，冇左怪味香脆茄子外表睇落就偏橙色少許，食落都硬皮d，脆口d茄子都係多水分，入口稔爛而非爽口版本肉燥燒茄子茄子富有燒後香氣，甚至可以趕走茄子既微青味茄子裏頭仍叫多汁爽口，唔會稔得溶爛不過講真我都唔知佢既肉燥所在地……炭燒羊扒呢度既羊扒算係大件夾抵食羊羶味被醬汁調味及醃料減去，味道變得更易入口肉質稔軟，不算嫩身，只係肉既份量比平日所見既更多葡式燒乳豬話哂食葡國餐廳葡國菜，又點可以唔試番特色菜款呢？先講乳豬，皮薄但不夠香脆，皮下脂肪微溶頗香肉質稔軟鬆化，夠哂入味，不過同想像中既皮脆肉嫩有一段差距飯底甚為油膩，味道鹹中帶甜，料足，可惜飯粒濕淋過黏，更有點爛稔木槺布甸忌廉部分奶滑香緻，味道比預料中更自然餅碎夠哂細碎，香甜不算膩滯，層層隔疊可以緩衝一下只係我見到佢個個既甜品杯都係破裂卻又唔換，呢點真係有待改善啦:^(藍莓芝士蛋糕實身硬身既質感，帶有少許粉感，芝士暫時夠哂重嗎？面頭加左藍莓醬就叫藍莓芝士蛋糕……酸甜味道都幾清新開胃既……餅底甜得黎仲要有少許韌度，又唔係淨乾電檸檬芝士蛋糕蛋糕比藍莓版粉少許，只係檸檬味道係混入主體唔係好似藍莓芝士蛋糕咁，放果醬係面頭就當黎左但朋友認為檸檬香味太過假，好人工感覺，唔夠利口:^0
繼續閱讀