富泰家 (已搬遷) 新店位置

每日下午茶都係食大家X同大快_有D厭，趁有心情捐血就去旺角搵下下午茶食。門口有餐牌，選擇都可以，款式亦適合下午茶時間食就行左入去。環境闊落，燈光都柔和，適合hea下玩下手機。同場好多西裝人士喺度食，講嘢都好斯文唔會太嘈。店員有點懶散，坐低幾分鐘叫左幾次才有人黎落order。點左相片中的烏冬，不用額外加錢。食物正正常常，烏冬分量充足、湯底有味、有條菜（飲食均衡好重要）、豬頸肉表面有煎到香脆。食完沒有口渴，應該冇乜落味精。杯茶都幾大杯，剛好可以喺天氣熱的時候食湯麵降下溫。有一點缺點是餐具有少少洗潔精味，希望食店可以注意沖得乾淨徹底d XD

I think boyfriend and I should not randomly enter any old cha chan teng in Mong Kok. It seems every time we do, it always ends up with me and an unhappy face.It was getting late and we didn't have dinner yet. So, we went into a random cha chan teng. Menu was in Chinese only. There is no English. There is also no 10% service charge. The decoration of the place was cute with a very retro feel inside. There was a minimum order of one actual food item per person. That was odd as what if I only wante

係女人街搵野食實在花多眼亂呀.. 我地誤打誤撞就行左入去食呢間餐廳食..哈哈.. 初時見到Menu都感覺唔到定位所在.. 只係見Openrice食評推介撈麵..  就點左個辣腸豬頸肉撈麵..  辣腸食落去都幾好味.. 少少辣辣地.. 另外豬頸肉加左D醬汁都幾香口彈牙.. 但係本身個麵底我自己覺得馬馬地.. 一食落口就知係邊隻牌子既麵了.. 同埋我都幾怕個底有層油.. 即係個麵已經吸左唔少.. 蒜香牛柳粒撈麵 - 牛柳粒一咬都有牛肉汁.. 食落還不錯.. 不過麵底就太硬..  同埋太大汁係底.. 感覺都已經唔似撈麵.. 茉香奶茶沖得好一般.. 本身個奶茶味都無乜.. 而且杯野個面已經起晒泡睇個樣已經減晒分.. 當然可能飲返檸茶會仲好.. 跟餐點左杯荔枝玉露.. 超級的甜.. 我相知應該只係有好多好多糖水.. 味道當然都飲唔到有荔枝味喇.. (其實呢杯仲要係老闆娘推介.. 真係估唔到喎..) 最後仲有生果跟餐附送.. 不過見到呢幾粒西瓜D色水都唔新鮮就唔敢食.. 好似擺左好耐咁.. 

昨天與朋友午聚時路經此店，意外發現價格相宜的素食，便馬上入店內就坐。店員隨即送上一小份西瓜（三件）作為餐前小食，飯前果確是較健康，而且可以開胃。因為怕醬料以蠔油調味，所以特意要求走醬汁，但最後依然奉上沾滿醬汁的野菌雜菜紅米飯，有點令人失望。幸而店方肯換新一碟（其實也只是泡熱水去掉醬汁）。份量中等，希望紅米比例增加，這樣會更健康。朋友點了椰果醬雞排天使麵，結果因為太難吃而未能完成，至於其他撈麵水準一般，唯有些辣，所以建議不能吃辣的人可嘗試要求少辣或走辣（大概也是泡熱水吧！）食物沒有驚喜，不過不失，但完全沒有再次光顧的意欲。

係咁多唔同菜式既通菜街, 今次揀返中式野食。呢度附近好始有2間富泰家。通菜街呢間餐廳座位幾寛闊,  餐牌種類多。本身以為得中式野, 但原來有焗飯,撈面。叫了醬炒牛肉紅米飯, 有西瓜, 時菜, 飲品,飲品仲可以叫紅綠茶,價錢實恵。上到枱, 肉既份量多, 紅糙米飯唔會太硬,軟硬適中, 飯都算多, 紅白飯比例唔會太離譜。肉都幾夠味,面有小小芝麻, 不過汁太少。而且 肉唔夠熱。不過, 個人認為四十幾蚊個餐咁齊全已經好好, 仲有生果, 咁既餐廳好少有。

今日準備返OU上堂, 又唔想又食OU Canteen咁悶, 於是上堂前就喺度食返餐叫咗個鴨胸肉大腸撈麵, 加杯凍綠茶走冰, 共$55價錢唔係平，內容有撈麵(當然!) 同鴨胸肉三塊加條大腸order前個姐姐好好人警告定我係辣, 問我洗唔洗走辣, 雖然我食很預咗要辣, 不過都欣賞佢咁細心鴨胸肉好爽口又有咬口，條腸都幾好味，點埋個芥末醬一流。撈麵硬度同調味都適中。仲有好多款撈麵, 下次再試下先!

今日收早出旺角想食完晏先返屋企，唔想食茶記就去左食撈麵，呢度出名係芝士撈，不過我冇嗌因爲唔想太漏，瞓唔到晏覺，所以就嗌左個肉燥煎蛋撈麵加司華力腸。呢度嗌撈麵係會跟一份生果，而個生果通常都會係西瓜。再加野飲都係加4/5蚊。落完order，大概5分鐘就有得食，真係爽手，有時仲快過d快餐店呀。賣相冇話好吸引，不過都尚算ok，個份量都足夠。個撈麵係有少少辣，不過可以接受既，d麵煮得arm arm好，唔會太淋。反而我覺得d肉燥就鹹左dd。總括黎講係ok既。

今天中午放工後，我和男友去這間餐廳吃午餐，我叫了吉列魚柳芝士撈，我男友叫了脆皮雞排撈。吉列魚柳芝士撈方面，吉列魚柳是即炸的，熱騰騰的，十分香脆，魚柳肉十分嫩滑。芝士撈麵方面，芝士味十分濃郁，不過又不會太（漏），十分美味！不過芝士撈份量太小，要加底才會飽肚。脆皮雞排撈方面，雞排的皮果然是香脆的，雞排肉都算嫩滑，而且十分大塊。普通撈麵是微辣的，怕辣的朋友記得要走辣！撈麵十分彈牙，不會太淋，味道不錯。普通撈麵份量多過芝士撈，而且便宜$3，比較抵吃。加$4/$5送飲品，冷熱同價，飲品我叫了凍檸茶少冰，我男友叫了凍的水蜜桃乳酸點子。水蜜桃乳酸太甜了，凍檸茶味道都算不錯。價錢方面，吉列魚柳芝士撈$45，脆皮雞排撈$40，凍檸茶$4，水蜜桃$5，2人總共$94，價錢都算便宜。總結來說，這間餐廳的芝士撈十分美味，魚柳即炸十分香脆，大家可以一試！

在旺角換電話，找附近食店吃飯，最终在女人街内入這店試，從餐牌選了一個鐵板扒餐，有豬和牛扒，跟了薯條和菜，兩款扒夠大件，入口算有香口感，但燒汁較濃，另外一個餐選了海鮮墨魚麵，麵彈牙而海鲜夠新鲜，汁亦美味，整體不俗，跟餐的沙律、紅茶和咖啡，傾向一般餐的貨式，唔特別。

富泰家我記得係9年前有個朋友帶我嚟食，沒想到它9年來屹立不到，而且仲開埋分店！今晚食司華力腸雞扒撈麵，撈麵係用印尼撈麵，辣辣地幾好味，雞扒係炸嘅，所以雞皮又薄又脆，司華力腸就是平時食開果種，而且我係要走汁，因為我食哩間嘢食咗好耐，佢啲汁好似唔駛錢咁俾勁多你，我個人覺得好膩同埋無咁健康，其實無汁都夠味，所以次次都走汁，哩個係我俾大家嘅小貼士！

今晚去咗好耐無去過嘅富泰家，因為朋友話想食芝士撈麵。好耐以前我食過呢間餐廳嘅辣撈麵，印象中都ok嘅⋯⋯今晚我叫咗個雞翼餃子芝士撈麵。呢間餐廳有樣嘢好係叫佢d飯/麵餐有生果、菜同飲品送，雖然都只係三舊西瓜同三條菜，但感覺上好似健康dd不過芝士撈麵唔係太芝士，麵好淋，但係比起一般茶記嘅已經算中上。反而雞翼餃子幾好食，釀咗餃子餡係入面，然後雞翼係炭燒嘅，幾好食。不過希望佢個芝士麵會再改進下吸引返d芝士狂迷。

諗唔到係旺角係咩好？ 試下富泰家啦！以為間野一眼望哂 原來入面仲有排座位！推介雞翼芝士撈雞翼中間果個位係無骨架 有Surprised 啖啖肉得黎又好Juicy～雞翼尖個位既肉相比起茶餐廳既尖較肥美 啱哂想鐘意食雞翼尖既朋友仔芝士方面好足料！送上黎果陣見到係有落埋芝士粉架～芝士撈哂成個麵仲可以撈埋碗飯食都得 爽呀！附送些少菜同車厘茄 無咁dry 呢點好欣賞套餐$58 有埋生果同飲品餐牌上寫明有低糖紅茶/綠茶揀左紅茶 仲有得走糖添！試過有啲食肆低糖綠茶已經溝好左 無得走糖總結午餐或晚餐黎講其實值得食下值得再黎試其他野食

今日放工要去醫院探病,咁o岩細佬話想去捐血,點知姑娘叫我地落街食完飯先再返黎穿過銀城隔離條巷仔黎到女人街,是但揀一間就入女人街咁多餐廳,點試都試唔哂呢度座位唔迫,食飯時間亦都唔會勁爆,雖然坐門口張卡位,但又唔會覺得好難頂上餐之前有份生果,我想像得太美好,以為係鮮果杯咁點知只係3粒西瓜,不過都幾甜吉列魚柳拼牛柳粒,揀左紅米飯望落係吸引o既,都幾豐富木耳純粹係落左蒜蓉,唔係我最鐘意食o個種d菜唔係太靚,但起碼唔係俾椰菜炸魚就冇乜特別,牛柳多筋左d,紅米飯比想像中少紅米,如果可以再多d就好喇本身撈麵係辣o既,menu上面好細心咁提示左唔喜歡食辣可以走,所以我揀左走辣個汁有d似日式燒汁,甜甜地咸咸地咁,用黎撈麵真係唔錯要讚下個雞扒,脆脆地唔係太肥伴碟菜都係有菜心最後係pizza,睇到d菠蘿就知足料,size我諗都有9",share食o岩哂唯一唔好就係用左千島醬,唔記得menu有冇說明,我地就鐘意茄醬多dpizza冇餐,散叫$98就唔算好抵;但另外兩樣拉返平條數,呢一餐都係好平餐飲要左一杯凍紅茶一杯凍綠茶,微甜.如果要飲其他飲品要加錢.

在百物騰貴的香港，食個晚餐郁啲都話要成舊水，今日經過小巷，發現了這家裝修新潮以糙米飯為主的餐廳，看看餐牌，種類繁多，有中餐也有西餐。是次點了中式晚餐，見佢大大份又抵食，一來到果然不失所望，大碗飯有時蔬前菜主菜和飯後生果並包飲料。香蒜甜薯繪牛肉餐，其實是蕃薯喔！感覺上咸中帶甜味覺上也是幾特別的，而且非常健康，夠哂高纖。加上片片嫩滑牛肉和香蒜汁，送飯啱哂！糙米飯，均衡的和白米撈在一起食起來較中帶哨頭，過引！另一個煎青口配泰式豬頸肉，有海鮮又有肉，均衡營養呀！味道尚可，比較甜薯牛肉味道是較淡口的，適合口味較清的人食用。

情人節食食食活動-第一站中午出到旺角....原本係想去某間Cafe嘅....點知自己又傻豬豬唔記得睇開店時間結果摸門釘.....但係又開始肚餓喎.....點算呢....12點幾1點....旺角食肆又未開得晒，又唔想食大型連鎖式經營嘅食店。咁唯有行下女人街啦~俾我見到呢間賣撈麵嘅餐廳。佢地餐牌入面有好多唔同配料嘅撈麵選擇~(因為太肚餓，連餐牌都唔記得左影。)除左撈麵，都仲有飯類架~最後我地揀左【脆皮雞扒芝士撈麵】同【醬燒豬頸肉撈麵】每款撈麵都會有一碗水果奉送。【脆皮雞扒芝士撈麵】一上枱就聞到好香嘅芝士味啦!芝士汁好Creamy~芝士味唔太濃，食落口唔覺得溜，雞扒炸得岩岩好~唔會太乾身!讚!份量亦岩岩好。【醬燒豬頸肉撈麵】店家用咗自家製醬汁，唔會好咸，辣辣地好惹味。怕辣嘅客人可以同侍應講要唔辣。豬頸肉一樣好Juicy，外皮燒得香脆。^^另外一提，店主唔知係咪好中意八哥呢，店內掛左好多八哥嘅相，好得意。