吉壽日本料理 (已結業)

我同事話介紹我食呢間放題 就跟佐佢去食上到去個環境唔係咁理想 枱同枱之間的距離實在太近 如果隔離講野大聲好似跟本傾唔到計🥲不過食物而論 性價比都算高 選擇亦算多，佢個比目魚十分推薦👍🏻👍🏻

那天是星期六的晚上，心血來潮想吃日式料理🍣🍱 想起多年前吃過這間日式放題確是不錯，於是就打電話碰碰運氣，看看有沒有位。 幸福的我們竟然有位，滿心歡喜的去到餐廳準備大吃一頓了 一走進餐廳，餐廳環境衛生很差，我們的座位上都有豉油，牆壁上佈滿污漬，未進食已經有種不安的感覺由於大家都餓了，只好抹走座位上的豉油後就立刻叫野食了。 刺身來到樣貌還感覺不錯，不過吃下去就有一陣腥味😖 其他熟食也不予置評了，選擇小之如味道欠佳🤢 如果要用這個價錢 23x加一，個人認為有更多更好的選擇

旺角區嘅日式放題店全港最多，質素方面集團式經營嗰幾間都會比較穩陣，好少伏。我自己都會選擇坐得比較舒適嘅放題店，吉壽自從幾年前裝修過之後比我嘅印象好好，卡位多咗，私隱度高咗，坐得好舒服，特別係疫情期間，感覺比較食得放心。但今次嚟到比到我嘅印象就麻麻，可能疫情穩定咗，又有消費券，多咗人出街消費，食嘢。疫情開始之後我都去過4-5 次，嗰陣呢度冇咁多人，2個人都會比4人座，3/4人會比6人座，但今次2人只可坐2人坐，即4人座一分為二，要同人搭枱，咁就坐得冇咁舒服，枱變得好細，可以擺放嘅食物唔多，每次都唔敢點太多食物，冇位放。食物質素方面感覺差咗啲。翠玉瓜有仲鑊屎燶味overcook咗。飲品方面好似選擇少咗，康師傅真係麻麻地，又好似冇解茶。$175 價錢嚟講算好抵食(17:00-19:00)另外收碟嘅速度真係要讚，效率極高，完全唔使自己開聲叫佢收碟。

以價錢來說性價比極高，可是食物的評價不高，魚生切的有點後，肥牛根本祥興平價肥牛，但是有個隱藏十分好食的菜式，那就是燒有機新鮮菠蘿，沒有酸味，燒過後十分甜美，服務員態度一般

首先真係要講一個我嘅不滿先 咁我哋兩個人去食啦等咗大概15分鐘 入到去嘅時候發現我哋張枱係另外擺出嚟嘅 係一個好迫嘅走廊位嗰度 然後隔離有一架垃圾車專放(大型灰色收垃圾盤嗰啲)我哋覺得嗰陣味一直飄過嚟 所以就有禮貌咁同職員反映左可唔可以轉第二個位 因為當時見到其他地方都有空位嘅可能未執枱 (咁我哋都可以着等一陣都冇所謂嘅)然後職員就好冇禮貌咁同我哋講 叫我哋出返去 唔坐就 出面重新攞飛 其實攞飛都唔緊要 但係個男職員態度真係好差不過我哋都照等大概35分鐘後 之後轉咗去第二張枱咁就算啦都冇所謂~~終於可以開始食嘢啦 咁第一轉就梗係叫刺身啦 雖然張枱細咗少少 不過都冇阻我哋食大餐嘅心情(⁎⁍̴̛ᴗ⁍̴̛⁎) 刺身都OK嘅 不過每一次叫嘅數量同埋嚟到上台嘅數量都唔同 另外漏單 錯單 情況都真係比較多 雖然價錢係大概$198 $200左右一個人 不過嘢食質素就冇以前咁好味 早幾年前真係好好味！ ！而家完全退步晒第二樣就係出面自己拎嘅冷盤 不別有少少海鮮同埋中華沙律嗰啲 完全係食一啖就已經唔想再食 海鮮唔新鮮就算啦 都估到嫁啦😂😂不過好似擺咗好耐連啲冰都溶埋 中華沙律都係啦 然後熟食方面壽司係OK嘅

以前有食過七八次，都叫滿意。7月1日又黎幫襯，兩公婆訂兩人位，食果陣已經發覺，雖然菜品種類同以前一樣，但食品質素，原料，味道已經相差甚遠，牛肉類都有陣雪味，飲品種類少好多，刺身類還OK，部分品種新鮮程度不如以往。有一種中伏氣氛。最慘係食完之後兩公婆齊齊屙肚，我一日痾五六次算清理腸胃。我老公陰公，痾四日都未完，要食药先停。我估係佢食佐擺出邊冇雪嘅青口先會咁嚴重，好想投訴，老公話人地開鋪不易，我真係好嬲氣！唔會再黎幫襯！

女朋友補鐘收早，早咗放工，望下個鐘啱啱七點，即刻飛出旺角同佢食晚飯，會合咗女朋友都仲未到八點，難得時間充裕，咁啱大家約咗喺地鐵站出口迪卡儂門口等，所以直接飛奔上去食吉壽上到去，雖然都好多人但都唔使等位直接有得坐。Scan qr code入menu揀嘢食刺身一如以往正正常常冇問題，不過啲蝦就唔係咁新鮮，最鍾意食海膽手捲，唔知係唔係整定，紫菜一啲都唔脆，嚟到呢度一定要食大量鰻魚同雞翼，最後要回本梗係飲多幾罐汽水，同Haagen Dazs雪糕不過唔知我記錯定真係，好似比以前少咗嘢食選擇，睇嚟睇去都唔知有啲咩揀

book 了位，通常都好快在指定時間去😀😀雖然依家放題愈黎愈多，都好多選擇，相隔多年，第二次去旺角吉壽，主要原因因為款式多，味道都唔錯，這次再去，都沒有失望.炸芋球好多都有，通常都好味，同好鍾意食。。呢到仲有炸西米球，好驚喜。。味道喜出望外，值得一試.仲有吉壽的蝦都好好味，蝦肉食落新鮮，彈牙～🦐🦐🦐🦐👍🏻👍🏻.牛乳海鮮鍋🦐🐙味道普通。。。沒什麼特別🙈.另外都仲有多款雪糕和飲品～甜品時間：

55蚊有大大碗角切魚生飯，包一罐野飲，仲有啲沙律、小食同炸物任食，食到嘔都仲得，會唔會太抵食🤣成日去旺角食放題，今日一個人，所以決定去試吓lunch啲定食得唔得。朋友話食過吉壽，好抵食，咁我又去試吓啦，上到去1215到，我見出面冇人，以為中伏啦，點知行入去廁所嘅時候，發現原來坐滿咁滯，都放心啲🤣餐牌換咗，同網上睇到嘅唔同，每個定食大概貴10蚊，不過連埋加一，都係55，已經平到我唔信，而家去飲杯咖啡都40幾喇🤣角切魚生飯一d都唔hea，大大碗，好多三文魚，仲有甜蝦、油甘魚、玉子豆腐同少少青瓜，最正係d飯上面加咗飯素，脆卜卜，幾正。任食嘅小食有水煮肥牛，都幾好味，牛肉都好多，另外魚蛋同雞翼我就冇試啦，不過夾咗d菜黎食，炸物都有3款選擇，我就鍾意食炸雞，唔係得粉，入面嘅肉都好大舊。咁平有咁多嘢食，仲想點呀🤣

最近一日(2021 年6月11號）我們一早就打電話給吉壽電話訂座了2位，當晚6點許，已準時到達。門口還沒有其他來客，入面食堂還有大把空位。因我們身形比較横胖，又放工後趕嚟，拎住一袋二袋，又帶住雨傘，所以向守門口職員，要求坐卡位，怎知這個帶眼鏡，兩側頭髮剷薄的男職員，用輕視的眼神，一句大大聲就話「冇卡位！」，但我哋睇到入面明明無乜客，好多空位！跟住我哋問佢可唔可以等到有卡位至入場，我哋可以等得，豈料這個職員繼續冷嘲熱諷咁話，成晚都唔會有卡位，要坐就坐2人位啦！態度高傲，不可一世，好似輕蔑地話「你哋都唔駛指意有卡位坐咯！⋯」佢講到咁，我哋為咗避免爭執，破壞自己情緒，唯有唔襯幫此處，黯然離去。其實我門以前也常光顧吉壽，裏面嘅delivery 服務亦算不錯。但現在這個守門口職員，狐假虎威，蔑視顧客如草芥的惡行，令人非常難堪，希望大家去前有心理準備！😱😰😡「附註：細項評分應該係負數或更低。但限於Open Rice 嘅評分條件，一定要輸入正數字，才能能給予劣評，故此唯有輸入最低嘅1分！」

昨日我哋同吉壽電話訂座2位，晚上6點許，已準時到達。門口還沒有其他來客，入面食堂仲有大把空位。因我們身形比較横胖，又放工後趕嚟，拎住l袋2袋，又帶住雨傘，所以向守門口職員，要求坐卡位，點解呢隻四眼門口狗，一句大個嚟就話「冇卡位！」，但我哋睇到入面明明無乜客，好多空位！跟住我哋問佢可唔可以等到有卡位至入場，我哋可以等得，豈料隻門口狗就用好串嘅語氣話，成晚都唔會有卡位，要坐就坐2人位啦！態度非常乞人憎，好似輕蔑地暗示我哋都唔駛指意有卡位坐咯！佢講到咁，我哋為咗避免爭執，破壞自己情緒，唯有唔幫襯呢間嘢，黯然離去。但始終都要話俾大家知道，呢隻四眼門口狗，狐假虎威嘅惡行！😱😰😡（附註，細項評分應該是負數或更低，但限於OpenRice 評分條件，一定連輸入數字，才能俾到劣評，唯有選擇最低的l分）

The choices of food and drink are ok but the corridor is narrow so it is inconvenient to walk and the floor is slippery. The sashimi is fresh overall and they placed it nicely.

👧🏻Wodafoodie in Mong Kok媽咪好耐無食放題，所以母親節帶左佢黎試呢間係雅蘭同朗豪坊對面既日式放題，地理位置好方便。訂左晚上6點半枱，自選時間，所以每人$248加一。平日夜晚指定時間<$200，好抵食！入座可scan QR code落單，超方便。食物種類都ok多，壽司，刺身，手卷，燒物，鍋物，炸物，甜品等。出面仲有d冷盤例如蝦，青口；熱盤如蛋撻，章魚小丸子等可以拎。🍣佢d壽司都幾好食，例如忌廉芝士鰻魚卷、龍蝦塔山、椒鹽鵝肝帶子脆脆等。特別既配搭但又幾match幾好食👍🏻刺身特別係三文魚，超厚切好滿足！😍😍🍡🐟小食例如蒲燒鰻魚、西京醬燒比目魚、鹽燒牛舌、鐵板香蒜炒牛柳粒、醬燒雞肉大蔥串、紫心香芋丸，都好正好好食😋👍🏻👍🏻👍🏻👍🏻不過羊架就燒得過焦，味道一般。雪花牛肉鍋得幾塊牛同好多菜，所以叫左兩次🤣360牛乳海鮮鍋好少海鮮，麻麻地。好難得既係呢間舖咁多客人，都完全無漏單👍🏻放題黎講都算平，下次要平日黎食先。📍 吉壽日本料理 (旺角)旺角彌敦道655號胡社生行5樓

價錢平，款色多，食物質素性價比高！地點係旺角鬧市，非常就腳。食物方便：刺身新鮮，炸物夠脆，料理多款。平時不食魚，今日試點西京燒，一試便愛上，平時壽司店食好貴。用App點餐，方便環保。設章魚丸、炸雞、熱盤，湯、冷盤自助區。因同行有小孩，日本烏冬、章魚小丸子岩晒小朋友食，食放題能夠滿足到大人食自己想食既野之餘，又有小朋友岩食既野，一舉兩得。雪糕有coco berry特別味，海鹽同椰子好食。另臨尾每人有一杯哈根大師，非常滿足。

往年的5.1黃金週，一定會有大批市民北上或出國旅遊。今年的5.1黃金週，市民逼於無奈留港消費。因為已經超過一年冇食放題，於是答應和家長假期過嚟食放題慰勞一下佢地嘅辛勞。我地11:50喺655樓下搭𨋢上去，條人龍長到呢！架𨋢上到五樓打開門，成個大堂逼爆，好嚇人！服務員帶我地去咗四人座位坐低，成個場幾乎全爆滿，場面認真墟冚！家長急不及待出去睇吓有咩可以攞返嚟食住等，佢地就攞咗啲湯返嚟俾我飲。而我就密密㩒手機落order啦！首先當然要嚟個刺身拼盤先啦！點咗三文魚、油甘魚、劍魚腩、帶子、甜蝦、八爪魚。按各人可以吃到嘅份量嚟點餐，以免造成浪費！刺身：尚算新鮮，三文魚同甜蝦好鮮味，反而帶子冇乜味，略為失色呀！壽司類：海膽手卷、花之戀、左口魚裙邊、深海池魚、龍蝦沙律等，一啖一件，每樣試一至兩件，啱啱好！燒物：蒲燒鰻魚、西京比目魚、燒牛柳粒、一口牛舌、燒菠蘿等。前面幾樣幾好食，菠蘿則較酸！煮物：鮑魚蠔仔粥，唔知點解有酸味！而雪花肥牛鍋就不過不失，每人都分到半塊肥牛！炸物：榴槤炸彈同埋天婦羅南瓜同蟹柳，粉漿一如所料都係有啲厚。甜品：以榴槤雪條同可可貝妮雪糕作結！２成人 （$180+10%）+２長者（$1