8
4
0
電話號碼
2798 6698
營業時間
星期一至日: 11:00-21:40
以上資料只供參考, 請與餐廳確認詳情
係腦閉塞時諗食咩, 米線係最好選擇, 呢間分店又多, 梗有一間係左近, 今次又係食返我最愛既鷄肉配三小辣, 其實真係好想試下二小辣但成日都無勇氣去試, 真失敗! 三小辣先黎飲啖湯喚醒一下個味蕾, 辣中帶麻香, 好過癮! 份量一貫都唔少, 香滑鷄肉配上爽口米線好夾呀, 配料有D腐皮, 芽菜同韮菜, 唔會一條"菜"都無!聞到隔離枱叫左香草鷄翼, D 香味傳到過黎, 搞到我都忍唔住要叫返碟, 皮香肉嫩, 上枱時熱辣辣, 送米線一齊食就絶配!
繼續閱讀
前一排有少少喉嚨痛，所以冇去食譚仔好耐，但我始終係忠實嘅譚仔粉絲，所以一好番又番黎食譚仔。通常以前食譚仔，都係食麻辣多，但今次去到見到個重慶酸辣湯底，莫名想試。其實之前都唔係冇食過重慶湯底， 但係係其他米線店食嘅重慶酸辣粉，係紅薯粉，但食米線又真係冇食過。湯底顏色很紅，非常之香，彌補左我唔太鍾意食嘅湖南酸辣湯底唔夠香嘅問題。而且味道同出面嘅重慶酸辣粉有啲唔同，感覺上酸度冇咁重，亦都冇花生等配料，但係好食嘅。過左幾日我又去食重慶酸辣米線，不過今次係去譚仔三哥食，感覺上，譚仔三哥嘅湯燙口感比較強，但味道上就分別不大。
繼續閱讀
其實每日中午都諗食乜都幾頭痛，今日天口又熱熱地，嚟食啲醒胃小小嘅午餐其實去親佢地旗下嘅鋪都真係無邊一間你係唔需要等嘅，今次都係等咗10分鐘左右啫而佢地每間既食物質素又的確唔係間間一樣，真係要撞口神喇~今日點咗個墨丸豬潤酸辣米線墨魚丸就有4粒，粒粒都大大粒，食落唔太彈牙，而豬潤份量都幾多吓，嚟到時仲見到中間部份紅紅哋，入口唔柴又唔粉米線就稍微腍咁啲但又不至於糊口喇!今次呢間連一齊食嘅朋友都話個湯底好夠味喎另外點左皮旦小食賣相乾淨，麻辣味適中，酸度又夠，皮蛋結實，唔會一夾就散，超開胃呢呢個又係必食!如果都擦得吓嘅朋友就啱晒啦，我已經走九菜少米線但依然比大大碗你，真係抵食架!
繼續閱讀
食親譚仔都會諗起三哥，人人話三哥好食過譚仔，但其實譚仔都係因為有三哥先有譚仔，唔係個branding，而係佢地背後嘅故事今日米線癮發就去左譚仔，冬菇米線小麻辣，姐姐問係邊隻小麻？我話就係小就得喇，因為佢地小辣都分十個level架冬菇厚肉爽口又入味，而且菇味好重，真係上品，米線更係熟得剛好，冇硬又冇淋湯更係越辣越想飲，熱熱的也要喝兩口
繼續閱讀
是日午餐食譚仔，其實肯搵到一個陪你食譚仔既女人真係心足。唔需要日日大魚大肉，好食就係好食，兩個人食得開心又滿足，小弟已經好知足。譚仔豬肉5小辣，女人要魚腐3小（我成日話佢係辣妹，因為佢真係好食得辣）再加蒜泥白肉就足夠我倆午餐。等餐期間見到佢地有promotion，獎品係iPhone 6s，諗唔到唔玩既理由，噢。。。原來要埋單拎左張飛仔先有得玩，如果可以等餐時玩就好了。不過原來玩落都幾複習，小弟最後放棄左。。。因為好餓，係咁望住佢個廚房，終於等到。。。雖然依家樣樣都貴，不過譚仔依舊抵食，三十蚊唔使大大碗，女人每次都食唔晒，我包底。豬肉好多塊，肉質嫩滑，一d 蘇味都冇。5小辣湯底。。。點解好似冇以前咁辣既？唔通我跟得辣妹多，食得愈來愈辣？！米線硬度剛好，加上大量芽菜同菲菜，正！蒜泥白肉(細)上面有好多蒜泥，不過冇乜蒜味，仲有小小苦. 雖然話譚仔係街坊食肆，但都要注意下衛生，我嗰碗底有幾條米線痴左係度，唔知係咪姐姐洗得唔乾淨。。。
繼續閱讀