三記飯店

營業中

休息中

未見過食店可以地面滑捋捋！行上層更恐怖😱，樓梯更滑，睇住一個女仔滑在地上。黎呢樹食飯，先要接受污糟！地面多年都係咁，可能諗住做街坊生意，街坊接受到就得，但都要安全丫，個個客著安全街黎食飯咩？

通常食打冷都係鳳凰村嗰間 有朋友話呢間都唔錯 於是今晚嚟試下三記有兩間舖 同埋有得上樓上 所以都好多位白灼鵝腸夠爽口 份量多 鵝腸夠肥 如果有埋新鮮辣椒豉油就正打冷必叫嘅鹵水鵝呢到鹵水鵝同平時食開好唔同 個汁唔會好濃鵝肉偏翻 食到本身嘅鵝肉味不過個人覺得可以切薄啲口感會好啲 椒鹽豆腐份量好多 唔會好油膩 不過椒鹽味偏少 同埋有啲炸蒜炸得太燶 搞到豆腐苦苦地薑蔥桶蠔係時價 今日食$168 有六粒大大隻蠔 都幾抵食 蠔邊有脆嘅效果 加埋薑蔥好惹味 呢個正另外仲有個臘味炒芥蘭 我覺得唔夠香鑊氣 不過臘味都俾得幾多～人均價錢250 仲有叫啤酒 我覺得都唔錯幾抵食下次可能會試下羊腩煲

今次去慈雲山呢間三記打冷，價錢實惠，蠔仔粥多料惹味，滷水拼盤，韭菜猪红，豉汁蒸魚腩，每樣也好味又唔貴，可惜好多其他打冷食物已沽清，下次必再試!整體評分：3/5抵食：4/5

慈雲山講打冷一定係三記，今晚同屋企人去食，叫左個西檸雞，幾開胃，魚香茄子煲魚香味重，好岩送飯，椒鹽九肚魚，又有蒜香味，點醬食岩岩好，三記即叫即炒，所有野食都好有風味同香口，好彩住得近，間唔中都可以落黎食，而且唔貴！

上個月試咗佢哋嘅外賣自取叫咗豪餅豪餅很好食 有勁多蠔仔同埋係睇住店主即炸的鬆脆好味 但又唔會太油膩 會再食跟住叫咗一份鵝片 滷水好入味 亦都唔會太咸有好多豆腐 花生係底分量十足呢間係慈雲山老店值得去食嘅

呢間打冷由細細個就幫襯多大，以前既餸都做得好出色，但係近年來水準開始下降，自己一家人都比較少幫襯啦，上星期食嘅時候仲覺得鵝片少豆腐多咁樣有啲唔係太抵，其他菜式都冇乜特別，豪餅既麵粉佔得好多，希望仲可以提高返個水準吸引返客人嚟幫襯啦

屋企人聚餐，間唔中都會黎呢到食，潮州打冷，又快手，又好食，食左咁多年好有感情。坐樓上閣樓仲有大冷氣，唔會愈食愈熱。韭菜豬紅鵝肉拼盤鵝腸炸韭菜餃金銀蛋莧菜炸蠔餅椒鹽魷魚鬚 炸乳鴿蠔仔粥腐乳炒通菜

三記係慈雲山開左好多年，以前同來開都會順道去三記一試，呢到啲嘢好好食,抵食夾大件,今日去咗慈雲山搵食，所以再返來回味下，6點幾來到已經有人等， 2個人入去要8點交枱，同朋友兩個人叫左:-(1) 炸蠔餅($68)炸蠔餅係新鮮炸起的，蠔餅炸得香脆可口，香而不油,上檯時鐵板都仲“jar jar"聲，邊位脆卜卜, 中間則有薯粉的煙韌，蠔仔新鮮大隻，忍不住吃完一塊又一塊，配上魚露能夠提升鮮味。(2) 鹵水雙拼 – 墨魚、豬耳($60)墨魚一啲都唔硬，好爽口彈牙，完全無煙韌，加醋一齊食，味道就更加清新。豬耳夠晒淋同入味，兩樣最爽脆既野，仲要勁索汁。(3) 白飯 ($10)叫有啖飯落肚。(4) 鹽水雞腳 ($40)實情係沙薑雞腳，外賣左一份返屋企當消夜，雞腳軟硬適中，夠曬入味又爽口，再蘸沙薑醬，沙薑非常惹味，味道剛好。成餐人頭都洗一百蚊就飽住走。

夏天仲係室外食真係吾係非一般嘅熱 但野食好味就咩都抵返返啦一家人坐埋一齊 熱辣辣坐室外食打冷 三間舖位都爆哂 仲要室內滿哂人 好彩都有2把大風扇 仲有自然風 未算熱得哂🤣🤣蠔餅係必嗌 完全冇炸過龍 食落吾會太乾又吾會好油 吾會過量蠔仔 新鮮上台 岩岩好我地仲嗌左牛仔骨 西檸雞 滷水拼盤 椒鹽椒魷排骨飯 蠔仔粥 乳鴿 小炒 份量多 價錢相差平 雖然坐室外會熱啲 係勝在氣氛好夠熱鬧同貼地 但如果室外多啲燈就好 因為我地坐係帳篷下面 有少少暗但整體都吾錯嘅

有親戚回港的指定餐廳!變左我一星期食左2次 , 哈哈唔怕! 百吃不變!第一次閑日走上黎原來閑日係無胡椒豬肚湯不過佢啲湯係正的我地都叫左個木瓜雪耳 夠清潤呢排啲木瓜又甜 勁正! 個湯成4個人飲都有淨少少.舅父真係勁識食呢個我咁耐都未叫過叫左個3寶 (MEUN 上係無架)其實就係前菜野 , 只係我唔識叫原來係比錢前面走過去就有得簡而且仲勁平 呢道咁樣都係$20 咋!酸菜係勁入味 , 我仲走左叫左碗粥送佢仲有呢個荀蝦 , 唔係有蝦係乾荀 , 我都係第一次食佢一拎出黎真係香到呢! 食指大動! 不過有冧左少少 , 如果爽啲就正!其他餸就唔介紹了 , 啱啱上星期先食完(好味的.... 所以係會繼續)

最愛的打冷舖頭暫時覺得佢的水準真係最好 (加多少少回憶係真係無得輸))只係要專登走上山有啲遠但係值得架蠔餅係好脆 ~ 又多蠔仔而且佢炸得好厚 唔似係街到的薄吱吱豉椒鵝腸真係超級邪惡! 勁肥勁香鵝腸仲要啱啱好 唔韌架! 唔會好似食香口膠咁洋蔥都好味 望落去係生但食上口唔生 唔瀝 仲甜!!!!馬友本身想食大眼雞 但賣晒馬友其實仲滑~ 魚味仲香架大眼雞就肉實啲 我自己一個都可以食到半條!

光顧了三記好幾次了，當初都是住附近的朋友介紹的。七個人食晚飯，點了八餸一湯，四個靚仔兩個白粥來到以潮州打冷起家的三記 鹵水野是必食的鹵水三拼 – 墨魚、大腸、生腸墨魚好生腸都好爽口彈牙  大腸好肥美，處理得乾淨 無臭味 正呀!如相所見 份量都好大份 每人每日都分到多於一舊鹵水鵝同鵝腸份量也大大份好多件 一樣好好味 好入味鵝肉食落唔嚡口 而鵝腸更是我全晚既最愛 如果有買過新鮮鵝腸自己處理的話 都知整鵝腸好花工夫 前一晚要清左d屎 刮走污穢野 剪肥膏 飛定水待用 呢到既鵝腸真係處理得恰到好處 無論係事前功夫定係煮既過程 食落口既口感依然係爽口彈牙 而且十分入味 真係一定要叫黎食其餘既小菜有金銀蛋浸西洋菜、粟米班塊、鮮魷炒西蘭花、西芹炒黑椒牛柳粒、韮菜豬紅我另一最愛就係粟米班塊 呢樣係私心推介 因為我本人係好喜歡食粟米班塊呢到既粟米班塊唔會太厚粉 亦完全唔油 粟米好甜 芡汁唔會稀亦唔太杰身 都係一般既小菜 雖然無好驚豔既的感覺 但都比一般大排檔出色 起碼所有野上枱時都熱辣辣 無論菜定肉類都唔老最後埋單700幾蚊 ~~~~ 好抵呀 人頭都係100蚊到乍總括黎講我都大推呢間餐廳 原因好簡單 價錢

好久都沒有食打冷店的小食 ，突然之間經過慈雲山一間， 想都沒想就去 食 ，一嚟就叫了招牌的蠔仔餅， 鹵水拼盤。因為得兩個人關係 不能做得太多 食不了 就浪費 ，蠔仔餅方面 有少少油 但非常脆口， 豪都比較多 ，價錢都還可以接受。

太耐冇食三記 口痕痕又貢去食下滷水雙拼-滷水豆腐+豬耳滷水蛋佢d滷水好入味d豆腐好滑 豆腐都好香 滷水味唔會come過哂豆腐香味 豬耳爽口金銀蛋時菜嗰日得白菜仔 冇乜特別 普通純粹為食菜而嗌😂😂😂漁香茄子煲偏咸左少少😳但用黎撈飯一流菜甫煎蛋去親三記一定嗌 但覺得比以前差左d以前佢會煎得燶邊d脆口d 好食d而家成塊都冇乜脆邊既感覺但因為佢夠厚 個蛋中間有 juicy既感覺 唔會似d乾爭爭既煎蛋 係另一番既滋味黎既但個人都係喜歡燶邊多d😂

去到慈雲山就會想起去三記打個冷，呢度以前可以擺好多接抬係門口，非常熱鬧，但近年已經冇呢支歌仔唱，所以如果星期五，六、日就必定要係門口排隊等位入鋪。呢度唔洗講最出色一定係滷水鵝，鵝肉肥瘦適中，滷得好入味；生腸、粉腸、墨魚🦑亦係我至愛，仲有就係煎蠔餅，雖然油左小小（食呢d就預左）蠔肉算好多，點埋魚露好鬼正。豉椒鵝腸唔可以唔叫，鵝腸唔會太肥，爽爽脆脆咁，又夠鑊氣，正到爆；唯一要彈就反而係蠔仔粥，好多時食食下就開始水注注🙄。三記係慈雲山區，無論老、中、青都愛吃嘅打冷食店