10
0
1
特色
浪漫情調
適合駕駛人士
慶祝紀念日
營業時間
星期一至日
12:00 - 00:00
以上資料只供參考, 請與餐廳確認詳情
招牌菜
本身係想去黃金海岸酒店入面試新扒房，點知原來要Book。所以盲中中，中左去呢間平時游水只會略過嘅餐廳。未行到去門口，入面個員工已經笑容滿面咁喺入面走岀黎介紹個Menu。叫左個二人餐，啲嘢食岀乎意料咁好食，個沙律果D唔知乜葉，睇個樣以為會有陣青味，點知好好食。個鵝肝好令人難忘，食落去會知道無黎錯地方。果兩個湯飲一啖就知道好有心機煮，好濃好滿足。啲員工好體貼，每道菜會清楚介紹，好好笑容，食梗個扒時又會遞上牙簽。每個員工表現好專業。可能平時去開D好多人排隊嘅食肆，都唔好奢求有乜服務質素，已經麻木哂，所以今次真係要比滿分。
繼續閱讀
我在open rice預訂了 2位，原本坐出面，但太熱坐入面，坐入面差唔多包埸咁滯，首先佢地服務太態度好好面帶笑容，而且細心。轉左手之後今次我第一次食原本我冇期望過會有幾好食，點知佢每一樣食物都非常有質素，服務又非常好，完全超出我所料。我覺得不得不得食評
繼續閱讀
結婚週年第一次試這間餐廳，天氣涼涼地選擇了坐outdoor，可以聽住海浪聲食飯，感覺好正，唯一唔好係 outdoor 可以食煙 ，侍應態度非常有禮貌，對食物都有認識，地方寧靜寬闊，坐得好舒服，整體上好滿意，下次會再黎～
繼續閱讀
嗰日有啲陽光，同老婆帶埋仔仔去黃金泳灘玩下沙，少少涼都幾舒服。去到沙灘，已經見到呢間係沙灘旁邊嘅餐廳。日頭有唔少人係outside邊飲生啤邊傾計，感覺幾relax。6點左右，我地梳洗玩都黎左食晚餐。我本人比較細化海水味濃啲嘅生蠔，於是侍應向我介紹左 Gillardeau and Ancelin 呢兩款，啲蠔好鮮 ，佢地係選材方面都好俾心機。 之後我同老婆各自叫左個一人晚餐share，幫仔仔點左香草帶子意大利飯。 首先係一人晚餐C嘅阿根廷紅蝦，口感肥美，配埋隻酸辣汁一流。 食完紅蝦，晚餐B嘅Parma Ham Caesar Salad，柚子伴帶子刺身，仲有晚餐C嘅油甘魚伴帶子都出場啦！呢兩碟帶子嘅配搭新奇,帶子爽口、鮮嫩。 牛油果蟹肉蘑菇同餐廳送嘅五頭南非鮑魚都到。仲有仔仔嘅risotto，個意大利飯好香，侍應同我地講係risotto上面加左少許松露油，所以咁香！龍蝦湯同白松露菌湯，本人就比較喜歡龍蝦濃湯，口感綿滑，蝦味濃郁，一個字正！ 晚餐B嘅main course 係西冷扒（6成熟），肉汁鎖得剛剛好，食落非常juicy，肉質鮮嫩，好食！ 晚餐C嘅main course 係 Sea Bass，用煎嘅方式烹調，切開肉唔會散曬，而且好滑，都係好食，冇得輸！ 最後甜品係 Parfait 同 Tiramisu，餐廳home made。 另外，可能係冬天嘅關係，少人去沙灘，唔算太多人。食物水準同員工質素高，待客有禮，與客人交流、互動，非常值得一試。
繼續閱讀
下午同女朋友在黃金海岸沙灘游完水，專程睇埋黃昏日落。然後帶有幾分餓意，就去搵野食 一換完衫就見到有間餐廳，埋去睇一睇，服務員都好主動介紹餐單嘅野，就介紹左個二人餐比我地。一入到去，個陣都已經成七點，外邊天色都好暗啞，只有幾棧路燈照明。唯獨是餐廳內枱上都點有一棧棧爉燭燈，燈光亦不太光不太暗，襯托番爉燭燈上的光，十分浪漫 還有被安排坐卡位，感覺十分舒服！！！開始入正題講下啲野食先 第一道頭盤: 鵪鶉肶波菜苗沙律 而個沙律用波菜苗黎做，配埋廚師特製嘅醬汁撈埋。咬落啲菜到好爽口，每一塊菜都平均沾有醬汁嘅味道。而沙律面頭放左兩隻鵪鶉肶，雖然只係利用最簡單嘅香煎方式。但係食落去好香口，表皮好脆，唔會好多焦，而且啲肉好鮮嫩 第二道頭盤：鴨肝配脆皮蜜餞波蘿 第一眼望落去好靚好特別！面頭放左一塊鴨肝，同樣都係用香煎方式，食落去同樣好香口。而鴨肝下就放左一舊類似點心嘅野，係用一個脆皮酥包住啲糖沁波蘿。我覺得製法幾特別 第三道頭盤：波菜帶子焗珍寶菇&白松露菌忌廉汁煮鮑魚 經服務員解說後得知菇上原來用左波菜蓉加芝士連埋帶子再焗。味道很好 旁邊個隻鮑魚食落去個汁好creamy小小甜，好滑，好入心。而且啲汁好平均入到鮑魚肉裡面，每一啖都好彈牙入味。值得一試 "經過左一番各具特色嘅頭盤後，到主菜啦 "第一道主菜:香煎深海白鱈魚 第一啖食落去，表皮帶脆，並不帶油膩，好香口。肉質細嫩，仲唔會散修修。真係好食 第二道主菜:秘製伏特加酒煮虎蝦配墨魚汁扁意粉 整體都用左廚師秘製嘅伏特加酒煮，虎蝦肉質並無煮到好淋好散反而夠口感。而墨魚汁扁意粉每一條都沾透辣汁的味道，亦唔會煮到淋曬，真係係出面未必食到咁特別嘅汁。同埋好難將全部材料都可以沾透汁嘅味道。實在有口褔 順帶一提，而道菜有分大，中，小辣。服務員推薦中辣係最好食，但我地唔食得辣只選了小辣，已經好入味好好食，有機會一定要試下中辣 總括黎講每一道菜都有佢嘅特色，別具一番風味。仲有每服務員都好nice，每一次都會上菜後加以詳細介紹同埋會說明每一道主菜嘅特色再比我地自己比較選擇，今次成個二人餐都係經過服務員一番解說再簡出黎。簡直係食過番尋味，下次一定會再黎
繼續閱讀