Cafe 1950歐陸餐廳 (已結業)

去過幾次，早，午，晚都去食過⋯只因地點近及無需等位⋯除了晚餐食過的德國咸豬手是覺得比較出色，及下午茶的米蘭肉醬長熱狗之外，暫時無一樣食物覺得係好食嘅！只感覺是又中伏了！焗飯或意粉，街外食飯，很少中伏的，但在這裡，仍然是伏⋯ 之前一直都覺得這裡的餐具比較唔乾淨⋯但今日因爲小朋友跑咗入去坐低咗先，我之後行到入去⋯竟然傳來陣陣尿押味。馬上轉枱到門口附近位置,但仍隱隱約約傳來臭味，唯有快快手手，食完就走！ 呢款芝士粟米汁焗煎魚柳飯，聞落都唔錯，但塊魚柳'薄切切'，又無嚟味道⋯我家二少爺食剩半碟，寧願'畢'大少的米蘭肉醬煎蛋飯食。

1.食物的質素一般。雞扒也比較硬，不好吃。 2.服務員的態度非常差，我問店務員取份餐牌看看，等了不久便給我。不過是把一份餐牌飛過來，仲拋中我的手😡。3.餐具十分唔衛生，用紙巾抹過也有污穢。與其去呢間餐廳吃東西不是享受而是受氣，不如自己在家煮可能會更好😒我絕對不會再惠顧。大家想到此餐廳惠顧前，請停一停，想一想才好。大家也可以先看看其他人的食評再決定，因為相信惠顧過的客人應該也曾經有這不愉快的經歷。

難得放假早起諗住可以食個早餐，點知揀錯左餐廳。因為見依間唔洗排隊，所以就揀左依間，見佢個餐牌同一般茶餐無咩分別，而且好耐之前有試過都ok，諗住應該無事la！點知中哂伏low！！！間餐廳除左裝修無變，其他都同之前唔同哂。d 職員愛理無理咁，想落單又無人理，掛住係度傾計，服務已經唔太好la！！！而且客人唔算多，但都等左勁耐個餐先到有，出得勁慢，最大問題係黎到竟然係唔熱，仲凍凍地咁，好似放左好耐先比你咁，真係好失望！！！

有日經過探親戚，肚餓就搵啲嘢食下，以前友愛安定都好多嘢食，依家就冇乜選擇。 真係唔係成日都嚟呢邊， 見到這間裝修不錯就入去試下 ，果然係唔試唔知伏， 之前聽朋友都食過， 我自己就今次第一次試， 味道就麻麻地雞髀太過入味太鹹了，不知道是不是落了很多味精， 他們有加咗醬之後令其更加鹹， 食完飲咗好多水，個口好乾， 好彩有杯嘢飲。本來都係想打個ok ，但係返到屋企個口都係仲好乾，食咗個橙都仲乾，他們真係落咗好多味精，以後選餐廳都要小心

ｰ食物款式來來去去都係個啲…食到厭😖ｰ啲員工全部都係新仔…唔識做野😵ｰ跟午餐既餐湯應該一早送來…但係餐前飲既湯變左餐後飲既湯😓ｰ啲新仔棒住啲野食漫無目的咁唔知做嘜…擺係a枱…a枱話唔係佢既…擺係b枱…b枱話唔係佢既…又擺去c枱…咁唔洗食啦！😒ｰ落單仲要甩甩漏漏…叫走蔥冇走蔥…冇叫少冰少左冰😥有冇搞錯！！！😩如果唔係冇野食…都唔會食佢囉！！！😡之前新開係幾好既…但係越黎越差…杯擰茶原本大大杯…之後縮曬水！！！😔

以前好好食，但最近服務差、食品差、出餐時間慢......好嬲，無下次！好少員工、廚房好似無人做野咁，係個洗碗阿姨最友善！其他員工會企埋一齊傾計，唔做野！唉.....我自到有客入嚟，都想叫佢哋走，太差喇！

食了幾次，食物款式一次比一次少客人也越來越少食物的味道其實是可以的，稱不上非常好吃但環境及餐具真的不太清潔叫了兩個鍋，韓式部隊鍋及清湯牛肉鍋部隊鍋味道可以，但食材不太多，最多是菇而牛肉鍋很濃牛肉味，但無奈肥牛太肥，整鍋也是肥油浮面

很久沒有來這家餐廳~ 以前來的時候都需輪候~ 記憶中是坐得舒適食物選擇也多的地方~ 沒想到昨天與友人來吃飯卻發現水準下降了很多~ 我們兩人點了忌廉海鮮寬條麵、牛肉石鍋飯和小食韓式炸雞~ 侍應先送來兩個餐湯紅湯~ 我倆喝第一口馬上皺眉放下湯匙~ 實在太太太鹹了！！！小食韓式炸雞明明是辣的醬汁但明顯偏鹹~ 寬條麵卻又太淡味而且麵質有點硬~ 相比之下石鍋飯雖普通但已是最正常的味道~ 這樣的食物質素怪不得沒什麼客人 (當晚只有幾檯客)…下次不來再來了…

今日星期日十二點多到餐廳用膳，奇怪人流不多，有很多空枱。點了午餐，但發現今次沒有餐湯，便叫侍應來，問:想問宜家午餐有冇餐湯？答:現在星期六日冇左餐湯。再問:我上次黎都有喎，宜家改左冇嗱。點知個女侍應好串咁話:唔夠人手呀小姐！跟住就走左。我當堂呆左。我好聲好氣咁問，你公司唔夠人手關我咩事，原來個餐可以唔夠人手就冇左個湯，但又冇減番價。不如唔夠人手你地唔好收錢丫笨！出到門囗，原來好多人等位。但係入面都係六成滿。其實樓面都五六人，我覺得唔係唔夠人，係d人唔想做啫。

之前看過食評，看到pizza和部隊鍋等都好像很不錯，便在下午帶母親去一嚐。看見掛在門口的餐牌除午巿外還有其他主菜牌，看似蠻不錯便没多想就座了。結果真的吃了“蠻不錯”的一餐。一、坐位：進去時大概早上十一時多，人流很少，但地下已經有不少垃圾和食物碎屑。布面的卡位黑漆漆的污漬多得根本讓人不願坐下。幸好時值冬天穿的是長褲，要是穿短褲感覺一定不是味兒。二、餐牌：進去後問待應才知只有午巿一個餐牌供應，明明門口當眼處食物款式超多，就算是我看漏備注的供應時間，感覺仍很被騙。三、食品：最後我倆點了韓式部隊辛辣麵和韓式醬油豚肉炒烏冬。結果上菜是一碗茶餐廳式的湯麵(不過公道點那是真的辛辣麵)，以及一碟“上海粗炒”，椰菜和豚肉炒烏冬，夾硬套上“韓式”兩字，豚肉更間中帶有羶味。說真的，要是不加“韓式”並没有那麼失望，但現在真的很有受騙之感。我不知道晚巿食品如何，但若是要找一頓名副其實的好味午餐，我絕不建議大家去試！！我絕對不會再惠顧和推荐這家餐廳！！

新年期間，好多餐廳都冇開，經過呢間見個Menu都算吸引就打算試試看。其實餐廳入面有好多吉位，但等候嘅人都好多，皆因人手嚴重不足:收銀的唯一一名員工既要負責收銀，又要接待來客﹑落單和清潔餐桌，絕對是一腳踢!!等左20分鐘終於可以入座。入到餐廳基本上是沒有招呼人客的職員，見到鄰近的人都紛紛自己到職員桌自己斟水。我們很辛苦才叫到侍應過來，點了西班牙海鮮燴飯和焗豬扒飯。在等待的途中，我們打算叫侍應上餐湯，可是侍應卻說了"現在很忙，待你們吃完主菜再上吧"的笑話。哪有人最後才喝餐湯????我們堅持要她即時送上她才勉為其難地幫我們落order。食物於點餐後的10分鐘送上，不知是否肚餓的緣故，味道尚可，份量適中，但熱度不足。餐湯只有羅宋湯一個選擇，挺辣及多渣!最後點的檸檬茶都送上，沒有特別。雖然不收加一服務費，但食完後的3小時都極度口渴，味精多到不得了!!!!!真係要俾個字呢間餐廳:伏!!!!

今日下午茶時間同屋企人去1950食，落單叫左牛肉飯又咸成咋汁，肉就得2嚿仔，33蚊都唔使整成咁比人食，上次去食下午茶啲飯又硬又凍，都唔知廚房啲人點做野，下次都唔會同屋企人再去食。

Cafe 1950 好在就地方大多位，所以基本上唔需要點等位就入到去，而都坐得幾舒服。次次黎都會叫佢個豬手，百幾蚊有隻豬手食真係好抵。豬手皮焗得好脆，亦唔會太咸。入面就配埋食豬手會有嘅酸菜，不過黑椒太多，搶曬所有嘅味。海蝦焗飯就普通，有兩隻炸蝦都抵嘅，不過就普普通通，不過不失咁。蜜糖芝士炸雞，上枱有個鑊剷，好得意，食時候會有個火係下面熱著，店員就叫我地不斷攪拌 令芝士唔好痴底。芝士都有熱嘅時候都有拉絲效果，但好快凍左就唔得。同埋蜜糖太多，甜度太高。

好老實呢間野初初開個陣真係好得，又有啲set呀二，四人餐咁樣配，價錢正路但最重要係佢質素好，又好味。但唔知點解會一落千丈，係走哂啲廚房同樓面？啲食物個樣仲可以keep到，但味道根本唔係個回事。尋晚同朋友嚟食，間鋪靜到好似無開鋪咁，麥當勞都旺過佢，我叫咗個安格斯，朋友叫咗西冷，加多個pizza。嚟咗個餐湯，暖嘅，而且咸，湯可以係暖嘅，間鋪連煤氣都要慳？之後啲扒到，除咗舊西蘭花係熱嘅之外其他都係暖嘅，係暖唔係熱，連塊扒都係暖嘅，真係夠啦。初初旺到6點幾已經等位等到傻，而家要等位都唔會揀佢，呢個變化管理層都唔覺得有問題嘅，不如真係執咗佢唔好係度浪費時間啦？初初同而家嘅質素都可以有咁大差別，你地覺得仲可以熬幾耐？廚房出品差，大廚有責任，但經理都無去處理過架話，呢間野真心可以收工。做飲食唔係咁，做一間有良心嘅飲食更加唔係咁。除咗間鋪個裝修，無樣好。睇落個樣係唔差，但暖架。成碟野得西蘭花係熱嘅。

我諗住下午近近地吃個飯。之前黎吃午餐同晚餐都算吾錯。甘咪再去吃，點知d質素愈來愈差。一入去應該有人帶位，我地企左系到幾分鐘，個侍應望左幾次先帶我地入去坐。甘都算。。叫野吃果時個侍應好像未瞓醒甘，態度又吾好，好似吾想做甘。最後我就叫左個牛排（五成熟）配薯條，而我媽就叫左個芝士焗豬排飯。甘黎野系算快。甘我個人覺得豬排飯算過得去，40幾算系甘。但系牛排先系伏，我叫五成，佢俾全熟。甘都算，個質素同某快餐店一樣甘難吃，應該系難吃過佢。最激氣既系佢地d態度真系好差，有幾個侍應講野好似兇人甘。我聽到隔離枱叫咖啡佢地話咖啡機壞左。叫奶油多變奶醬多。仲要冇烘底。找人理論就話多士爐壞左，點解吾可以用平底鍋黎烘呢？甘簡單都吾做…話就話做街坊生意姐，但都吾駛差成甘！