48
27
14
營業時間
星期一至日
11:30 - 00:00
以上資料只供參考, 請與餐廳確認詳情
招牌菜
食家推介
珍妮姐提議走到屯門聚餐，什麼地方都無所謂。雖然落雨，但我地依然堅持要坐出面，空氣好、又開揚 ﹗室內感覺有點侷促又嘈吵，坐得不舒服。食店門口設置個海鮮檔供食客挑選食材，格局真係勁似泰國笆堤雅呢，真令人懷念 ﹗細看下發覺海鮮選擇不太多，眼測不太新鮮呢。有澳洲鮑魚、長腳蟹、魔鬼魚、虎蝦、大頭蝦、大眼雞、烏頭、倉魚、等等，全部都是冰鮮貨，並沒有游水活海鮮供應。參觀完個冰鮮櫃，大家坐低討論一下點什麼菜色好呢。燈光暗淡，影相真的有點難度，全部都看不清楚。還以為香辣屋係泰菜餐廳，原來越南菜都有喎。鮮椰青，室溫椰青正常過正常，清甜多水生津止渴，蠻可口的。泰式無骨雞腳，平凡中的平凡，室溫不夠冰涼，剛剛撈上泰式酸辣汁，微酸微辣完全唔入味，雞腳爽脆還可以。泰式雞肉生菜包，雞胸肉碎又乾又鞋，味淡不香不辣亦不酸，用爽嫩生菜捲住當食沙律啦。泰式糯米釀雞中翼，糯米調得太甜喇，糖味太過強烈，食落好滯。雞翼外層香脆，整體味道單調，雪蔵雞翼近乎無味道，十足十翻熱食物，不喜歡。泰式小食併盤，油膩怠爆燈，較好的只有炸蝦餅，麵包糖金黃鬆脆緊緊包著蝦膠，蝦味有得鮮味欠奉，質地食實欠爽彈。魚餅，油淋淋又腍劈劈，咸咸的散發著檸檬葉清香。素春卷，口有蔬菜及粉絲做餡料，除了春卷皮的味道沒有其他味，沾上甜酸醬都沒什麼大分別，只是甜笠笠的味道。薄餅，羶軟香噴噴，最喜觀軟薄餅的質感，咸香非凡，簡單而滿足，不過無咖喱沾來吃呢，少了點情趣。馬拉盞炒椰菜苗，微辣強油，爽嫩甜美可口。比想像中好食，因為以前係大埔紅螞蟻食過，粗鞋又帶著草青味，已經嚇怕了。香芒腰果羊肉，見個菜好特別，專登叫黎試試。羊肉丁鬆軟，毫無羶味，而且甜味強烈，唔講唔知食緊羊肉，麻麻地。蕉葉燒魔鬼魚，慢烤的嗎？只得微溫不熱，油淋淋又有點燶，魚味淡及無鮮味，非常失望，硬著頭皮食完去。烤大頭蝦，淡水蝦天生味淡，最好加海鹽同燒會較好。依家爽彈得沒有味道，淋點魚露好少少啦。烤大頭蝦，非常長的蝦拑，不要浪費，慢慢食埋去，都係清淡得可憐，沒有味道。
繼續閱讀
好耐無黎呢度，印象中佢既泰菜唔算出色，環境氣氛就非常好，坐戶外嘆下啤酒，吹下海風，一樂也!今次主打係燒烤同飲生啤，不過真係食海鮮還是三聖好，但呢度既Mac's beer好抵飲 $48，海鮮則嫌略貴，而且味道實屬一般
繼續閱讀
好耐之前响洪水橋果陣就有幫襯過, 搬咗嚟黃金海岸咁耐, 都未幫襯過, 今次趁老豆生日, 嚟呢嚟慶祝下先, 由於聽聞呢度好多人幫襯, 所以都預早咗兩星期book枱~呢度有得選擇室內同室外, 但由於我地比較怕熱, 同埋又係雨季, 都係選擇室內好d, 雖然室外好似風味好d, 而室外好似煙d, 不過都冇辦法, 唯有下次秋涼時嚟室外試下~除咗menu有的餸菜外, 門口仲有d海鮮同類任你選, 選完煮好會有人拎上枱, 當然價錢係貴少少~ 菠蘿炒飯原個菠蘿上的, 唔知會唔會重用呢? 其實用菠蘿上, 除咗賣相好d之外, 仲可以裝少d, 每一間用菠蘿裝飯的, 份量都一定比用碟上的少~味道方面都唔錯, 但海鮮好似唔係好多, 都係蝦同魷魚咁上下, 但佢加咗提子乾, 而呢d提子乾唔係乾到硬果只, 係有d汁果只, 提升咗個飯d口感同味道~ 串燒 - 牛比較熟咗d, 所以好有咬口, 當然最重要就係個醬, 好香好夠味, 又唔辣, 啱我~ 肉碎生菜包生菜唔夠, 因為肉碎太多, 所以要額外叫多一碟去包, 肉碎都幾肥下, 而且偏辣, 唔係我口味~ 馬拉盞通菜看似好重口味, 幾驚佢又鹹又辣, 好彩都剛好~ 印度薄餅 洋蔥 : 第一次叫洋蔥味, 但唔知係咪太多人整唔切, 等得又耐, d洋蔥又未焗熟, 直情好似未焗過咁, 因為d洋蔥仲好辣, 我唯有走洋蔥~ 蒜茸 : 呢個係後加, 因為見個咖哩蟹仲有好多咖哩淨, 反而呢個好好味, 好香蒜茸味~ 咖哩炒蟹個兜就超大, 咖哩都超多, 但蟹都係得一只, 呢個味道唔錯, 最鍾意佢唔辣, 好香椰香味, 個汁夠杰, 用嚟點薄餅最正, 唔會太濕~ 雖然比d汁蓋過哂d蟹味, 但都仲食得出個蟹好鮮味~ 泰式鳯爪冇骨鳯爪好耐冇食, 雖然明知佢好辣, 但都忍唔住要試一只, 果然好辣, 不過辣中帶酸, 都暫時頂得住, 而且好爽口~ 乾炒泰式金邊粉看似辣的, 因為又紅, 又有辣椒碎, 但食落一d都唔辣, 又唔會又油或者太乾, 啱啱好, 不過就好似冇乜餸, 芽菜就多~ 燒厚牛扒呢個就係响門口點的, 佢有sample, 而且話有1kg重, 但燒完之後縮咗少少水, 冇咁巨型, 有少少失望, 而且太生, 雖然係叫medium, 但偏生囉~ 又怕叫佢翻燒會熟得濟, 所以中間偏生的, 留返唔怕的家人食, 我只食最邊邊最熟果舊, 不過真係超林, 又有肉味, 冇點醬食都OK~ 椰青都叫做幾甜, 但老咗d, 搞到食唔到d椰青肉~ 青檸梳打雖然見到只有一小片青檸, 但好夠酸, 唔知係咪仲加咗嘢? 而果小片青檸只係裝飾? 芒果乳酪沙冰都幾有芒果味, 少少酸酸甜甜, 而且夠哂冰凍呢度都好多人幫襯, 有段時間你係見到d伙計走來走去, 想有個停低比你叫都難, 所以加單都要等好耐, 不過d餸都叫上得快, 係個薄餅耐少少, 而且呢度唔會趕住做兩輪, 你可以坐下傾下食下, 一大班人吹水食飯係不錯的選擇, 但要記得預早book枱~
繼續閱讀
每次入黎黃金海岸, 都會在此食飯, 原因係呢間在此區價錢, 已經較為化算, 故重遊此食店 今次人多, 可以食多幾款明爐烏頭 - 太酸, 除酸味外, 鮮味麻麻 .串燒 - 雞,牛,豬 - 太差, 肉質用鬆肉粉奄得太勁, d肉質感怪怪. D 沙茶醬不夠香燒豬頸肉 - 超好味, 燒得香噴噴, 肉質爽脆, d汁酸酸辣辣, 好夾柚子沙律 - 好味, 柚子甜甜酸酸, 超開胃炸蝦餅 - 全場最好味, 蝦肉彈牙咖哩羊 - 有d so, 但咖喱汁d香料太重咖哩雞-咖喱汁d香料太重牛尾煲 - 是茄汁味, 不大喜歡, 不夠濃味炒通菜 - 疾脆菠蘿炒飯 - ok 菠蘿太少, 食落似一般炒飯印尼燒餅 - 等好耐先黎, 留番d咖哩汁點黎食, 但因太耐, d汁涷曬, 曬料 ………整體差左
繼續閱讀
相隔兩年再一次寫食評=] 本身受媽媽影響所以非常鍾意泰菜, 而剛好最近朋友都紛紛提出想食泰菜... 之前都有試過屯門既香辣屋, 雖然未到100分好味, 但亦覺得不錯, 所以再次黎食!好!正式介紹食物... 第一樣係我最鍾意既TOM YUM KUNG=) 可能好多人都知道, TOM YUM其實係指個湯既煮法同佢獨特既味道, KUNG就係"蝦"既泰文。有部份泰國餐廳會用魚代替蝦, 咁其實就唔再係冬蔭"功"啦! 每間餐廳既冬蔭功其實都有唔同既味道, 而呢間亦ok符合我既口味...先講辣度, 稱唔上辣, 相信平時少食辣既人都可以接受; 其次係酸度, 佢既酸度非常適當, 可以刺激味覺但又唔會過酸; 香味, 比起其他餐廳, 椰子既味道相對突出, 算係呢間餐廳既特色; 最後係材料, 亦算足料, 有三隻中蝦, 尚可以啦 第二樣就係肉碎生菜包, 都係比較popular既泰莱之一。今次叫既係豬肉, 對比起頭先既冬蔭功, 唔算太辣, 但對於平時唔食辣既人黎講, 可能就未必食到。肉既味道同生菜非常合拍, 簡直係yummy yummy! 但略嫌太乾, 肉汁更多會更好味 青咖喱雞, 平時我都鍾意叫青咖喱, 因為有椰汁香味又唔辣, 適合大眾口味。我個人認為呢度既青咖喱普普通通, 唔太特別, 下次可能會叫其它咖喱試試...每次食印度菜或者泰菜我都一定會叫酥皮, 配咖喱汁食! 今次叫既係蒜蓉味道, 但唔太有蒜蓉味, 同原味差唔多...不過勝在酥皮本身幾香, 再配咖喱其實非常適合, 但似乎比較適合配黃咖喱或紅咖喱 總括黎講其實一如以往, 可以再試=) 期待下次會有驚喜!
繼續閱讀