18
8
4
港鐵屯門站 B 出口
繼續閱讀
營業時間
星期一至日
10:30 - 22:30
以上資料只供參考, 請與餐廳確認詳情
又是屯門，又是要等朋友的時間。選了銅猫咖啡，因為之前飲過他們的咖啡著是不俗。他們的咖啡裝璜是幾好的，也放了一些咖啡豆和餐具售賣。在場裡煮咖啡也有一些虹吸壼、蒸餾壼等等先來的是哥倫比亞極品，齋啡飲法，沒有加糖和奶。這種咖啡豆頗有果香味，酸度不算很厚，甜味反而喝不出來。與他們寫出來的評價有少少許出入，可能是貨源和水的溫度問題。之後來的是韓式炸雞脆包。炸雞味道不錯，加個辣醬卻實有啲韓風。而脆包真的很脆，散出來的包碎和麵粉超多。其實整體上這個包的味道不是差的。但因為雞肉本身是一粒粒的，基本上只是一個好睇唔好食的脆包。"唔好食"不是指味道，而是不能好像一個食那麼容易食。結果還是自己咬一口包，用叉篤一塊雞。可能轉成雞扒會好一點吧？笑面是給咖啡的。可能在這間咖啡店還是只喝咖啡就好。
繼續閱讀
今日為咗玩Pokemo Go所以去咗屯門市廣場到捉Pokemo, 捉到攰想搵間野坐下食少少野就去咗呢間cafe，而且間cafe處於2個pokestop 中間，2個都放緊花，正！呢間cafe都幾特別，門口有好多咖啡豆同埋咖啡用具賣，座位唔係好多但係都幾闊落同舒適，夜晚6-7點，都有幾多空位。見賣相幾靚，叫咗個焦糖拖肥芝士卷，真係名附其實的焦糖味同芝士味都好濃郁！佢好似蛋卷，又好似cheese cake。食落口感都介乎蛋卷與cheese cake 之間，比蛋卷結實又無New York cheese cake 咁硬, 幾特別！開頭一半好好食，但食哂成個之後太飽同好口乾，我覺得可能中間的cream太多，下次可能撥走d中間的cream會好d! 坐左半個鐘，捉到好多Pokemo整體黎講唔錯！
繼續閱讀
係屯門市廣場行到攰經過見到銅貓咖啡諗住入去休息下室內環境很舒適，坐位不多但勝在夠安靜點餐時還發現滿一百下次消費可免費送贈一杯咖啡，記得要保留收據在一個月内使用最後兩個人各點了一杯朱古力夏日奶凍和凍朱古力咖啡朱古力夏日奶凍外貌吸引，最高層有球朱古力雪糕，中層放著脆脆最底層就是重點的奶凍，雖然整杯都是朱古力但吃下去不會覺得膩意大利朱古力咖啡有著香濃的咖啡味，很適合愛咖啡人士
繼續閱讀
屋企人返了大陸度玩,這星期冇人煮飯，一個人最好外出吃飯，其中一日去了銅貓咖啡。已經有1年冇來這裡，我好少行這邊，它十分容易搵位,我叫了三文魚意粉+凍胚芽綠茶，個杯凍胚芽綠茶並不是太好飲，凍胚芽綠茶太甜了,亦冇綠茶味道可言,唯獨是三文魚意粉好味,三文魚亦冇雪味，味道尚算新鮮，服務亦OK,環境亦都OK,隔離個班大陸人好嘈,這裡整體還可以味道三文魚意粉,個汁又不是好咸,意粉煮得好淋又幾好味,三文魚味道新鮮可口蒜容包，個包好硬,唔好吃凍胚芽綠茶，這個不是太好飲，胚芽同綠茶並不是太夾,胚芽令到這杯太甜兼冇了綠茶味道服務我覺得都OK環境地方不是好大,尚算適中,座位都坐得舒適。這裡冇大陸人係度，十分清靜價錢76元貴咗些小。間中吃下就可以
繼續閱讀
呢間咖啡店我之所以稱為高階原因係佢嘅咖啡種類繁多，有坦桑尼亞咖啡、洪都拉斯咖啡、危地馬拉咖啡、頂級希達姆等等😰完全唔知有咩分別，相信唔係對咖啡有研究的朋友都唔會知，所以我叫佢高階😂最後我同老婆仔叫咗一個$52的Tea Set，包咗一杯$33的咖啡同一件Cake。其實都幾抵，因為佢D Cake都三十幾蚊一件。基於完全零知識，我地就問問侍應有咩推介，最後選咗咪道較淡的“哥倫比亞整品”同“ chocolate cream & cheese cake”。由於我個人對咖啡認識尚淺，只可以我的味覺講講感受，杯 “哥倫比亞整品”嗅覺上很香咖啡味，喝第一口時沒有加入牛奶，能喝出咖啡豆的味道，香醇而不會太濃，跟Starbucks咖啡不同，調製後甜味已蓋過咖啡原有的味道。第二口加入牛奶，咖啡變得更滑更香。對於我呢個不常飲咖啡的初哥來說，這款口味很能接受，值得推介。個Cake賣相已經好吸引，大大件，芝士同朱古力層次分明，再加上一層漆亮的朱古力。味道方面，朱古力味及芝士味好平衡，唔會太甜，而且芝士蛋糕嗰層好有質感，在口中慢慢細味。唯一不足是蛋糕中的脆脆米已經唔脆，可能是放了一段時間，但整體影響不大。另外，呢間餐廳是需要客人自己搵位的，但它的擺位不好，座位設在點餐處後方，一經過最先會注意了點餐處，完全看不到座位，而點餐時侍應又不會提示客人先找座位，這使客人容易忽略點餐後沒座位的問題。
繼續閱讀