0
1
1
營業時間
星期一至日
11:00 - 23:30
以上資料只供參考, 請與餐廳確認詳情
突然間想食日本野，住附近的我免為其難咁走入金水。間餐廳唔多人，三四枱客，叫野食時舉手舉左30秒都冇人理，要一大聲“唔該”，先會有人出現，講聲“轉頭黎”。我媽媽點左一個和牛烏冬，d 所謂和牛，煮得太熟了，硬到咬唔開，同咬香口膠感覺差唔多，如果大家想食下牛肉味嘅香口膠，不妨試試。而我就食個鯖魚定食，條鯖魚比以前細左好多，算啦，百物騰貴物價通脹嘛。飲品款式都係哩間金水嘅特色，要乜冇乜，因為我大肚，冇得飲凍野，要飲熱檸水，好彩佢有。我媽媽就慘，想飲熱奶茶，冇。想飲熱咖啡，都冇。原因係唔知乜野個師父冇煲茶定乜鬼，總之個理由非常牽強，我同我媽真係呆左，一間餐廳想飲杯咖啡奶茶都冇，不如收檔啦！食完嘅感受係真係唔會有下一次，尤其係食lunch。同埋如果冇心經營的話，不如退出，留比有心做嘅餐廳吧啦！
繼續閱讀
做完野返黎岩岩10點10分，6折岩岩開始，所以就入左去食壽司。要自已寫no.咁都幾好，環保啲，唔駛一張紙淨係想食一樣野又浪費左張紙。燒雞翼同冬菇雞翼我無食，所以唔知咩味。冬菇面舖滿木魚，冬菇仲好juicy，唔會燒到乾哂。八爪魚、帶子刺身刺身都有6折，但個賣相真係麻麻。帶子薄切，八爪魚得3塊。煙肉帶子串、煙肉三文魚腩串上面有啲芝士粉，唔太襯。唔知係咪由細食到大，都係覺得煙肉腸仔好味啲其實呢兩串都唔差，不過煙肉味太濃，食唔出帶子同三文魚。火炙壽司火炙一向係我既最愛，燒到微焦，香噴噴熱辣辣非常好味！三文魚燒得熟左少少，蝦配上沙律醬減輕油膩感。燒海膽第一次食，估唔到又幾好味，燒完無咁水汪汪，連唔好海膽既老公都話好味。普通壽司軍艦新鮮即整，紫菜好脆。三文魚唔夠肥美。其他不過不失。燒蠔呢個係唯一無特價，但好想食蠔所以都照叫。好味，芝士味香濃，蠔又好juicy。
繼續閱讀
見屯門良景村開左金水, 裝修好似幾好, 咁又見無乜人唔使等所以揀左閒日去食飯, 一開始就揀左兩個餐, 一個係牛肉烏冬, 又有好多配菜, 好似好抵食..........另一個就係豚肉飯咁見佢又前菜又壽司又手卷又湯又野飲........成餐飯跟女友都好滿意......諗住有下次之時, 點知.當埋單就發生左件奇遇.........話說, 到埋單, 張單寫HKD180, 我都唔為意, 仲諗住幾抵下, 咁多野食, 但係明明個烏冬餐HKD68, 加特飲就8蚊, 我個豚肉飯HKD78, 點加一都加唔到HKD180丫嘛.......跟手同個待應講話要CHECK返之前張單, 當佢地左搵右搵之時, 搵到, 原來佢地打大左我張單, 加特飲變HKD18(下圖示), 我諗要退返, 點知佢地一個推一個仲要對唔住都無句, 只話打錯左, 退返HKD11蚊俾我,........嘩.....講到我發現佢有錯好似我有錯咁..........頂.........
繼續閱讀