百份百餐廳 (已結業)

今晚我和朋友合共在屯門桌爾廣場品嚐了一頓😀百份百的鋪面十分乾淨 整齊 😊然後入到去 服務員禮貌地帶我地到一張寬闊舒適的位置坐下，送上三杯白開水，於是就開始我們的點餐。餐牌上有着各式各樣的讚岐拉麵或烏冬。餐牌上的各類飯和意粉。咖哩牛坑腩飯👍咖哩濃度適中，很香，不算辣，有香噴噴的牛坑腩，香上去很是吸引，讓人口水都流了出來😍，牛坑腩肉十分滑嫩而且很入味，可見主厨烹飪十分用心，除了牛坑腩是焦點以外，咖哩薯仔也是不容忽視的，薯仔很小一顆連着皮，卻是滿滿的咖哩香味，飯的份量也適中，很好吃。😉香滑熱奶茶，濃淡適宜的紅茶中和淡奶，加上丁點白糖，製造了一杯香滑誘人的熱奶茶，聞一聞，香味宜人，飲一飲，精神滿分！京都燒雞扒拉麵👍第一件事就是豚骨濃湯很棒，的確很濃，很香，拉麵很滑，自動滑入嘴巴，易咀嚼，有半顆雞蛋和一片燒雞扒，雞扒燒的很香而且還是大大一片，還有木耳，粟米和蔥花作配料，無論是顏色配搭還是味道配搭都很不錯。唯一的美中不足就是麵的份量太少，身為一個小女生的我也吃不飽。九州叉燒湯拉麵👍配料和京燒雞扒拉麵一樣，都有木耳，粟米和蔥花，雞蛋，唯一的不同是那幾塊叉燒，一點都不韧，肥瘦相間，口感良好，也非常入味

今日同屋企人去新墟買餸，經過卓爾居，就去百分百餐廳下午茶啦。以前就算唔餓，都會入黎嘆下，因為以前有個黑白豬仔包餐，１２蚊有包食又有野飲，不過唔知係咪太平啦，依家cut左，但其實佢Ｄ茶餐都幾抵食，於假嘆下去開新墟都會來食野。簡簡單單都係叫左特價下午茶餐。魚片頭米線：２４蚊包埋紅豆冰，都幾抵食，魚片頭幾夾口彈牙，米線就太淋，紅頭冰唔太甜幾好飲，不過不失。海南雞飯：２７蚊有個迷你海南雞飯，碗仔翅和柑桔檸檬特飲，幾抵食，海南雞幾滑，雞油撈飯亦幾好食，碗仔翅就差啦，無乜味道，唔好食，至於柑桔檸檬特飲幾好飲，唔錯。

在百物腾貴的曰子，要找好味又抵食的餐廳不容易，屯門卓爾居廣場的百份百是好選擇之一，日前吃了份輕量魚片頭米線的下午茶，雖説是輕量版都有四件魚片，爽口冇腥味，而且算幾厚身，連凍飲收費二十七元，她的凍奶茶有一定水準，茶味濃而滑口，所以有一定捧場客。

來過百分百餐廳好幾次，但通常都是星期六、日的下午茶時段到訪，來吃晚餐還是首次. 這天到大澳閒遊，晚上乘船回屯門後已經7時半，反正也要吃晚飯，倒不如乘輕鐵到蔡意橋站旁的卓爾廣場用膳.來到餐廳已8:00pm，不用等位已可直入，但原來內裡客人超多呢! 選擇不少，多款小菜配白飯、例湯/熱飲都只是$5X-$6X，價格便宜，怪不得客人如此多.我們選了一份2人套餐，另單點了一客小菜套餐，足夠我們享用有餘.精選2人套餐 ($128) 包括: 土魷馬蹄蒸肉餅、傳統果香咕嚕斑球、蠔油靚時蔬、白飯& 例湯.例湯熱度夠足，而且很大碗，內裡有紅蘿蔔、瘦肉等，味道偏鹹，不過不失.土魷馬蹄蒸肉餅即叫即蒸的肉餅，內裡有不少爽口的馬蹄，用來拌飯就最好不過.傳統果香咕嚕斑球熱度不足，不是即叫即煮的，應該是預先煮好再盛出來而已. 酸酸甜甜的魚柳尚算嫩滑，可惜不是即炒!蠔油靚時蔬生菜都幾翠綠，清清淡淡都幾健康.魚香肉鬆茄子煲 ($56)跟餐送白飯及例湯/熱飲，都幾抵食，可惜食落就覺得好麻麻. 雖然以煲仔奉上，但同樣是熱度不足的，又是煮好再放上煲仔上而已. 而且份量亦少，幸好味道是偏淡的，感覺比一般的魚香茄子健康一點. 但至於

出差，一單工程做到收工，順道可在五時來個下午茶，焉知非福。想不到這一家連鎖餐廳，竟然真的有十多元的下午茶。雖然只是一個包加一杯熱飲，但是不少＄20吃到下午茶，也算是小確幸☺️。菠蘿包不太大，但也絕非普通麵包店三蚊貨色菠蘿包。外皮微軟，菠蘿皮有點脆，輕夾也會掉落😬，中間牛油新鮮切再夾進去，完全未融的固體，還不錯😬。熱奶茶中規中矩😌，菠蘿包加熱飲只是$11.8毋可呵求。霸著小商場入門第一個舖位，而設有特價下午茶，容易吸引食客進店😏。

又係到食飯嘅時候,行到卓爾居,見到這間餐廳頗大,,座位好多.有好多嘢食,就入咗去,叫咗個我的至愛生炒骨套餐。有湯,好多料,無咩味精,唔錯。嚟個主菜啦…個買相不是太好,都不是每件骨都沾了醬汁,而且有點靭,甜甜酸酸,味道唔錯。但份量都足夠因為要了餐湯,所以,無餐飲.雖然今次有啲失望,但可以再來食其他食品

放左工趕入屯門跳舞，又忘記買個包搭車時充飢，結果空著肚跳，落左堂鬼甘肚餓，即刻沖涼去附近餐廳食晚飯，去左呢間百分百餐廳，問職員有冇啲輕食既食物如三文治沙律等，佢地話冇，但又好肚餓，甘唯有坐㡳睇下餐牌，見到有拉麵即叫，於是乎叫侍應落單，我點左 "京都燒雞扒湯拉麵" 跟住侍應問我要不要轉烏冬，在我猶疑之際，佢話轉烏冬加$2,我即刻唔使，佢跟住係度偷笑。跟住又問我要咩湯底，我要左豚骨濃湯，這個係沒有餐茶跟，故侍應比杯水我。等左一陣，拉麵到，睇下拉麵賣相先用一個有斜度的碗載住，幾靚幾特別。望真啲仲有木耳絲和蔥粒放係雞扒上面。木耳絲爽口，有口感。而蔥粒除左有點綴的作用，其實有時連麵條一齊咬落去，有蔥香味道。雞扒都幾大塊喎，咬一啖雞皮有燒香味道，再咬啲肉，肉質唔夠嫩滑，有啲"鞋"，但味道入味。如果雞扒另上就唔會浸淋左雞皮。跟住飲湯底，豚骨味都幾濃味，不會過咸過油。至於麵身夠爽身冇皂水味，唔，可以食到聲。雖然麵條唔係好多，但對於我夠食啦！原來仲有半隻蛋，可惜唔係溏沁蛋普通恰蛋。原來有豚骨濃湯/蕃茄濃湯可以揀，如果轉辣地獄湯+$1,轉讚歧烏冬+$2每張檯都有柜桶放叉，刀，匙羮，筷子和糖等食用物品

放假最好就係嘆下午茶,嚟到依間餐廳，2點鐘就有下午茶bond 叫了  香烤豬扒包配脆脆薯條,即磨咖啡。 香烤豬扒包,豬扒很大件,包果然是香烤,很脆,豬扒可以同包一拼咬開,很鬆軟,配以醬汁,很美味。但薯條比較幼和林身,並不是脆脆的。即磨咖啡很香濃,唔苦,不加糖也好好飲。請裏也不需加一只是28元很抵食。

上次吃過tea set覺得又平又好食，所以隔了一排又再去過.黃金魚片頭麻酸辣湯米線 ($27)家人依舊選了魚片頭米線，份量也多. 魚片頭有嚼勁，再加上惹味的麻酸辣湯底及煙韌米線，酸香且辣，相當開胃.香烤豬扒包配脆脆薯條 ($28)至於這次我捨棄了星級三文治而選擇了豬扒包，麵包香脆，內裡豬扒薄薄的但頗大塊，加上蕃茄片及生菜，賣相也不錯! 不過醬汁卻用上了我不喜歡的照燒醬，如果用上沙律醬，個人覺得會更夾. 至於薯條也香脆熱辣，冒着出暗瘡的危機也要吃!熱檸茶茶色混濁，只算普通.以這個價錢來說有這質素已算不俗，難怪吸引如此多街坊到來吃下午茶.屯門石排頭徑1號卓爾廣場地下G9至G12舖2527 8100

屯門卓爾居廣場的百份百餐廳，是我經常選擇的食肆，因其價格實惠，出品大都保持水準，今日吃了份鮮茄雞扒焗飯的茶餐，炒飯㡳夠乾身，雞扒同芝士烘得恰到好處，配熱飲三十三元，朋友吃的雪菜肉絲炇米，配料同肉絲份量足夠，米粉煮得柔韌富彈性，略嫌味淡，凍奶茶茶香口感滑，比熱奶茶出色，埋單七十元，有兩份如此水準的下午茶，相當不錯。

假日下午，想起很久沒到過茶餐廳吃下午茶，就來到卓爾廣場的百份百餐廳. 由於當日是星期日，所以也要等位才能用餐，不過10mins內已可進入. 下午茶餐款式很多，由煎炸食物、三文治、湯粉麵以及炒飯、麵都有供應，價錢亦只是$21-$36，如此划算，怪不得全場滿座!黃金魚片頭麻酸辣湯米線 ($27)魚片頭都幾彈牙，配上香辣惹味的麻酸辣湯底，輕易就把米線吃清光. 米線看似漲卜卜，索滿湯汁，咬下仍不失煙韌. 星級三文治 ($32)三文治洪得很金黃，內裡配料很多，包括: 蕃茄、芝士、生菜、雞蛋、餐肉&火腿等，豐富得身. 以這個價錢來說，超值飽肚.熱好立克不知多少年沒喝過好立克了，好立克粉下得夠多，不用加糖已夠甜，當回味兒時的味道!甚少到茶餐廳用餐，但間唔中吃一餐，又覺得幾好食喎!屯門石排頭徑1號卓爾廣場地下G9至G12舖2527 8100

十二蚊有找茶餐邊度搵？ 答案係屯門卓爾居廣場地下百分百餐廳！呢間餐廳我好多時都幫襯因為價錢同出品尚算合理同合格，但講到抵食當然係佢由四點開始供應既波羅油加熱飲只賣11.8，日前經過本來不肚餓也不自覺行入去， 歎左客波羅油加熱奶茶。波羅油尚可十二蚊有找唔期望咁高，但杯只是暖口既奶茶就令超值程度大打折扣。大家都知而家乜野天氣，而元兇就係杯奶茶放係出品位三分鈡有多先有侍應送到，睇黎呢間餐廳長期人手不足，特別係四點到六點時段，真係要改善下喇。

十二蚊有找茶餐邊度搵？ 答案係屯門卓爾居廣場地下百分百餐廳！呢間餐廳我好多時都幫襯因為價錢同出品尚算合理同合格，但講到抵食當然係佢由四點開始供應既波羅油加熱飲只賣11.8，日前經過本來不肚餓也不自覺行入去， 歎左客波羅油加熱奶茶。波羅油尚可十二蚊有找唔期望咁高，但杯只是暖口既奶茶就令超值程度大打折扣。大家都知而家乜野天氣，而元兇就係杯奶茶放係出品位三分鈡有多先有侍應送到，睇黎呢間餐廳長期人手不足，特別係四點到六點時段，真係要改善下喇。

今日下午我們去咗又再去咗屯門卓爾商場嘅「百份百餐廳」食下午茶！我們叫咗沙嗲牛肉公仔麵、特式蒜香鷄翼公仔麵、蕃茄濃湯腸仔煎蛋公仔麵同菠蘿油！沙嗲牛肉公仔麵嘅牛肉都幾嫩滑，沙嗲醬嘅味道亦唔會太鹹，公仔麵好爽口彈牙！特式蒜香鷄翼公仔麵嘅鷄翼好香脆，蒜香味都幾香濃！蕃茄濃湯腸仔煎蛋公仔麵嘅蕃茄濃湯一啲都唔濃，只係普通鷄湯加少許蕃茄膏，真係令我大失所望！另加$8蚊有碗足料碗仔翅，味道就不過不失！下午四點有個超優惠嘅菠蘿油套餐！一個菠蘿油加一杯飲品都只係賣$11.8咋！真係超抵食！菠蘿油係新鮮出爐，包質相當鬆軟！

今日下午我們去咗屯門卓爾廣場嘅「百份百餐廳」食下午茶！我們叫咗星級公司治、脆炸鷄脾拼火腿三文治同特色蒜香鷄翼公仔麵！星級公司治嘅包身烘身好金黃香脆，蕃茄同生菜都幾新鮮，鷄蛋好厚身同好嫩滑！脆炸鷄脾拼火腿三文治嘅脆炸鷄脾炸得皮脆肉嫩，火腿三文治嘅包質都幾軟滑！特色蒜香鷄翼公仔麵嘅鷄翼外脆內嫩，公仔麵亦好爽口彈牙！