漢陽苑韓國料理 (已結業)

年幾前食過一次, 當時已經覺得幾差, 今日又再去試多次, 結果, 更差 !!! 簡直可以用四個字形容, 不知所謂 !!!!先講食物, 選擇真係唔算多, 一如其他食評所講, 真係全部生食肉類都係同一個味道, 而且唔算太新鮮 !!!最激氣, 就係三文魚刺身, 成個鐘頭先出一round,仲要每人得三小片, 仲要係唔算好食既, 根本行慢兩步已經食唔到 !再講飲品, 我淨係飲左個夏桑菊, 除左少許澀味之外, 同水無分別 !!價錢方面, 晚市138, 要加一同茶介都算數, 仲要無啦啦有行極細小既字, 話星期五六日同假期, 每位加10蚊 !!埋單, 166蚊 一位, 如果咁既價錢, 要食咁既質素, 我寧願去食放題好過 !呢個價錢, 大把更好既選擇, 唔需要選擇到呢間囉 !!!!服務態度, 不過不失, 但係d員工真係稍為無乜禮貌, 拎住d野食行黎行去, 撞到客人仲要 "瞄" 咀 "瞄" 舌 !!臨埋單時, 仲要比我見到d 極之令人震驚既事, 咩事就唔再講啦, 但對於一間食肆黎講, 如此行為, 真係任何食客都不能夠接受囉 ! 淨係呢樣野, 已經足以令呢間野係我心目中永久 black list !!!!

因為六時左右就黎到,所以唔洗等位就入得去嚕!!入到去 冇咩特別令我驚喜既野 不過不失種類都算ok多, 牛肉算係唔錯既選擇既種類之一5個人坐,都唔係話好逼,但野食就真係一般如果係純粹想搵個地方,heahea地食一個韓燒,呢個都唔錯既地方~~~如果真係想食d好d既韓燒又住呢頭,其實元朗都有d ok既韓燒,自己search啦XD提下大家~~雪糕就比較難裝呀 要用d技巧先可以裝到個球形,因為我見到好多人都整到雪糕一片片= =....其實你只要不停順住一個方向咁'產',個球形就好易出黎嫁啦

忽然很想吃燒烤食物, 又不想去燒烤場浪費時間,便去這兒未試過午市, 看看有何分別。生的食物少了一點而已, 新鮮求也差了一點, 不過也可以的。但是肉的部分很多都多筋, 甚至咬不到...熟食少了一點點,不過基本的都有心理作用下, 可能多數食物是隔夜的, 也沒所謂。豆漿幾好飲。冇咩人食, 我地比較遲去, 到尾聲時d人已在執野。78元再加一貴左少少不過同晚市相差不遠, 反正晚市d野多到食唔哂, 唔介意食物差少少, 食午市好過。

我覺得嗰度d食物好好味......同埋d food 好am 我食... ...仲有 d 員工服務周到,but 要等位, 不過唔悶, 可以傾計er......我好想食漢陽苑 d 東西......

朋友請客我總不能撿飲擇食,多多要求呱他說想食韓燒近近地就來到這裡讓我從食物類來評:1.牛肉/豬肉/豬頸肉 - 全部都是同樣的味道,同樣的口感.真恐怖!2.魚柳 - 只有胡椒味同鹹味3.冷盤 -不好吃,但是還是可以接受.4.熟食 - 唔食也罷,垃圾!!!5.甜品/湯 - 蕃薯糖水-OK / 人參雞湯-淡貿貿 / 茅根竹蔗-淡貿貿 / 冬陰功-不香不辣 / 豆腐花-硬如豆腐你有見過用迷你香腸來做壽司的嗎??如果沒有,你就要來這裡大開眼界啦!看到都唔開胃!吃飽了,完全沒有滿足感,在打算埋單時,一個女侍應走過來,好像發生大件事咁對我們說,前面有三文魚刺身,要就快D去排隊啦~~!一直到我們埋完單走到門口,都唔見有三文魚,跟沒有所謂的人龍,哈哈哈! 整體來說,這是一家執咗都唔使恨的餐廳,真的是垃圾中的垃圾!!!

今日突然心血來潮想食韓燒~於是由同老公提議去漢陽苑試下~去之前都有係OPENRICE度睇下食評~不過食評麻麻~始終要自己去試試先知既去到門口~阿姐係度鋤指甲無咩禮貌~入到去~即刻出去拎野返黎燒~因為得個半鐘...(5人以下個半鐘, 5人以上2個鐘)出到去食物區~款式俾我想像多~豬、牛、雞肯走唔甩~仲有牛舌tim...夾咗幾件試下...知道燒都要一段時間~拎d熟食先~熟食都有好多選擇個人最好認為最好食既 係通菜+豆漿話就話個半鐘, 但我地都食咗兩個鐘可能無人等位吧!!!食到飽飽~後黎見到出面人頭湧湧咁..老公出去睇~哈哈~有我至愛既三文魚當然期望不要過高~但味道都算ok~諗住最後去拎d生果食~種類不多~只有橙+火龍果~想食既西瓜也沒有之後俾我發現我漏咗拎雪糕~嘻嘻即刻嗱嗱聲拎~雖然唔知什麼牌子~但雪糕都好好味!!十分滿足的一餐!!!下次要再去!!就連唔係太鍾意食韓燒的老公都話ok啊

為了與朋友食飯，book了漢陽苑食其實三間大店..漢和、梨和園及漢陽苑都食過這間分店星期五、六最多食黎食...一去到，即刻拎牛肉、雞肉黎燒...還有炸雞翼，當然少不了人蔘雞湯不過好多熟食的食物，有好多都好食炸多春魚..賴尿蝦...其實我對漢陽苑都係ok...但三文魚壽司及一般壽司，真係好一般感覺到不夠新鮮反而韓燒食物不錯..雪糕，好食..個雪櫃夠凍此終不及梨和園好食..因為沒有冰凍雜果西米露

入到去...見到都算幾多野食咁~~~d阿姐都算ok~~叫佢幫我地換一換個鐵板都冇黑面.....係有時顧住睇電視~~唔係好收下d碟咁....d熟食都唔可以話好好食.....可以入到口喇~~~~燒既野...冇話好唔好食ga呢.....d糖水都幾好喇.....d豆腐花仲好似有少少薑味tim~至於d湯~~就真係幾好味喎~~~由其個冬陰公、人蔘雞湯~~~~正到飲左幾碗~~

上星期日畀屋企人老點之下食左餐韓國野，今晚呢餐又衰多一次韓國野......呢間野響屯門都好多年，之前響屯門市廣場，果陣o的野好好食，後來搬左呢個位之後都無食過。細佬之前去過兩次之後都痾到七彩，但阿媽同妹妹想試之下，都去左呢度一試。一分錢一分貨，經驗告訴我，除了五星級酒店自助餐外，絕不能對一個價錢任食的餐廳有太太期望。因細佬的慘痛經驗，我們沒有吃壽司、泡菜、芽菜等冷盤。因肚餓，我主力食左幾樣熱盤先。坐定了，行去拿野食，有一張自助餐檯，客人可以拿自己鍾意的食物，然後返去享用。雖則是任食，但可供韓燒的食品選擇實際不多，反而熱盤及壽司種類不少。西瓜汁：未喝過如此稀的西瓜汁！好似飲水咁，飲左兩杯都解唔到渴。薯餅（熱盤）：很脆，外皮唔硬，吃下去是熱的。通菜（熱盤）：炒得唔錯，我拿了三次。缺點是凍的，要放上鐵板加熱。粉絲（熱盤）：味道OK，但略為焾了一些。炸餃子（熱盤）：放得太耐，凍冰冰的，皮硬到咬唔開，餡料只有韭菜，非常難食。雞翼（熱盤）：夠入味，皮很脆，吃的時候還熱，有脆漿的更好吃。冬蔭功湯：與其說冬蔭功，不如說是酸辣湯。個湯一味酸，唔夠辣，完全無香茅味，冬蔭功即食麵的湯底仲地道過佢。牛仔骨（韓

好耐無食韓燒啦, 8點去到, 話仲有3張枱, 結果等到8點半.... 不過好在無人等位, 可以食到10:30~ 不過如果有人等位就只得個半鐘食, 食慢d真係會有d到喉唔到肺...肉類同以前一樣都幾好味~仲有好最鍾意既豆腐花~貪心既我就o岩晒啦, 有咁多唔同種類~ 不過呢... d三文魚刺身就好唔店... 無味, 唔凍, 感覺唔到新鮮... d WASABI仲要比人攞晒, 又無人refill.... 用完既碟又無人收...抽風都ok, 不過隔離枱燒焦晒d野, 搞到有一陣"law"味..... 耐唔耐食下都ok~

果日約埋幾個朋友一齊去食...不過都唔係咁清楚點樣既...身為第一次去食既我...好迷茫^^跟住就跟住朋友一齊喇...我覺得佢D雞肉好好食....所以食左好多牒...不過呢...我就厭佢個牒唔夠大...細到死- -''夾一野....就滿.55個鐵...''龍''左.不過我唔知可以換過塊(都係睇下面D PO先知)...所以無換.= =''慘.食物種類又真係唔夠多既...不過都夠食.^^(可能因為我食死一樣既關係.有雪糕食...不過我認為佢可以再加多唔同味落去...例如:綠茶朱古力.(我至愛.^^如果夠多人係唔係可以入房架?!(因為我見有間房裡面有人...環境唔錯...^^夠哂靜.飲品都應該再多一兩種...咁就好喇.^^(最好杯大D.同埋電視最好放係唔同角度既位都睇到就更好喇.^^因為我果晚睇唔到最奴巨聲= =''收錢果陣真係好好禮貌= =''壽司...如果再多D同埋多D種類就更加之好喇.^^甜點<++我無食到- -''(成日唔記得左拎...放係當眼位置就好了.如果每張台都比條毛巾就真係好喇.因為隻手有時整到D油,,,油''林林''咁...有點兒超不朱服.= =''我見到人地有炸

小妹非常鍾意食韓燒, 趁約到四個朋友就一齊去附近的漢陽苑食lunch. 平日lunch盛惠$69一位, 價錢相宜, 所以亦都不應期望太高.如果只單純食韓燒的話, 呢度都算唔錯, 多款式選擇, 味道不錯 (只限韓燒), 飲品的選擇也很特別 (西瓜汁, 豆漿, 夏桑菊, 水蜜桃綠茶).但係熟食方面就真係不敢恭維...其實嗰啲熟食我都冇乜試過, 不過賣相已經唔係幾得, 啲炸野一啲都唔脆, 都唔知擺咗幾耐...甜品方面完全唔得, 除咗豆腐花之外, 其他都唔知係咩嚟, 口感差, 冇味道. 但係個豆腐花真係好得, 一定要試吓, 係熟食裏面唯一值得食.要提吓大家, 如果覺得塊鐵板太過燶, 要主動叫waiter過嚟換咗佢, 因為佢哋唔會咁細心自動自覺幫你.

早前老公突然話想食韓燒, 我們便揸車去最近的屯門漢陽苑, 其實熟食和生的燒烤食物都幾多選擇, 而且味道都唔錯, 都唔係其他人講到咁差啫! 可能係六時多便入座, 所以食物擺放仍然企理, 而且有些熟食還是剛剛煮好拿出來, 仲有咖哩蟹,青口同瀨尿蝦, 不過我都係鍾意食蔬菜,芽菜同薯餅多啲。燒烤食物方面最愛牛肉同紅腸, 仲有鮮蝦提供任燒。 甜點方面就一般, 我比較喜歡豆腐花同朱古力雪糕。仲有幾款果汁同涼茶供應, 亦是任飲, 不過就溝淡咗。服務方面不過不失, 要求換鐵板都無黑面。價錢合理, 想起在韓國吃的燒烤, 便會覺得這裡算不錯了。

我記得細細個已經成日食架喇,加上自己係鍾意食肉既人緊係覺得正啦!今日又岩岩食完黎...都ok啦.肉黎講我覺得佢d味奄幾好,但係如果鍾意食淡味既就會覺得咸左d.除左烤肉我都鍾意食炒菜,薯餅, 炸茄子,豆腐花,雪糕(雖然味道假但都好好味,特別係朱古力,真係好好味!!)野飲就鍾意飲菊花茶,好似可以清清d熱氣咁.

門口明明寫9:30-12:00。入到去佢話食到11:45，都ＯＫ無問題！正常丫～點知明明只係11:15，已經有個侍應企定定我地張枱旁邊stand-by喇。11:25，佢地就已經黎幫我清野。仲差ｄ執埋我ｄ私人物品當垃圾！好彩我老公眼利睇到咋！如果唔係真係今餐蝕埋比佢！我都明白想快ｄ收工的心情，但真係唔想佢地做得咁揚同求其囉。