東城酒家 (已結業) 查看

山長水遠由元朗搭車，再穿越屯門商場嚟到呢間酒樓飲茶，係因為佢嘅蒸飯做得好出色，又係飯底d飯夠硬，甜豉油好掂👍 不過最近食幾次個飯好似變咗落多咗水，變大碗咗，但咁係當堂會失色嫁，唔該變翻之前硬飯啦 😢 潮州粉果個皮造得非常好，無一間酒樓夠佢嚟，一定要讚，薄得嚟都仲會" 煙 un " ，個餡都好有誠意，一d唔求奇，花生都係脆嫁，我每次食一籠係唔夠😂😂 另一隻雜箘餃都好好味，馬拉糕，糯米卷都好食 ...... 因為我係兩個人，試唔得咁多，唯有要彈係地氈好污糟，令到環境都有陣味 😣 除咗新裝修時 ok外，後期好唔掂

今日約左家姐同埋我地兩個男人近近地在家附近打邊爐尼個酒樓其實已經黎過幾次，連順安分店都去過，因為真係好抵食屯門尼個分店最正既地方係佢比其他分店多左片皮鴨同熟食非常多選擇其實一坐低我就急不及待搞熟食啦熟食一早炸好既就真係麻麻。即整既蛋撻真係好好味另外必食佢既桂花糕、蘿蔔酥、即蒸馬拉糕、紅豆沙 忍吾住食完再食。手寫落單款式實在不多，因為好多都係自助夠晒方便飲品方便款式就比較少啦不過都係任飲或者可以飲番茶至於湯底就免費揀一個，尼個清湯就認真麻麻材料來講都算幾新鮮、魚🐟同肉仲有蝦都可以，蔬菜就自助款式都多。調味類亦好齊全自助配搭。到左每日限定既片皮鴨時間啦，假日經常要排隊的，平日幾乎任你拎無人爭。質素就一般啦皮太厚同硬不過任食係咁上下啦整體來講每人連加一先百四蚊真係超抵食

前往小時候住過屯門這地方，今日有幸重來。午飯在置樂東城酒樓，點心款式算多。熱騰騰點心的味道有曾相識感覺，小時候最愛鼓汁鳳爪，和紅豆糕。今日最有驚喜是臘味炒飯，食得出㕑師比有心炒。(可惜我忘記拍)

突然想打邊爐，於是一行三人去，每位138全包，火鍋配料款式有很多，大部分都以自助形式擺放出來讓客人自行選擇，另外肉類及海鮮就要落單形式才端出來，此外還有很多美食，例如糖水，點心，小吃，熟食，飲品，雪糕等，多不勝數

今日12點半左右去左東城酒家飲茶，唔係好多人，所以唔駛等位。我地叫左蝦餃： 我中意個皮！夠簿同埋易夾，最怕蝦餃一夾就散，同埋粒餃漲卜卜，好食！千層糕： 中間個餡係奶皇加nuts，但係餡太多，反而太少包，但個餡係好食既乳鴿瀨粉：正！30.8抵食！唔需要點淮鹽已經好夠味！個瀨粉湯底好香😁😁😁鳳爪：味濃，都幾多隻星洲粉米：大大碟，多餸，惹味！灌湯餃：皮太厚啦，但係都係湯好味，熱辣辣食正呀紅油抄手：酸味過重，辣味足，都可以期待今晚再過黎打邊爐！

酒樓有兩個門口， 乘客要上落 不過都要行樓梯， 唔好處係太多公公婆婆那樣會不方便 ，電梯可能有不過我沒有見到。 位置很方便，在街市上面， 食完就可以落街買餸。 平日也很多客人幫襯， 做街坊生意。不過價錢也不便宜。  食物方便 點心都是一般。 最好味是 迷李鳳爪排骨飯選擇都很多， 如果要特價食品就要排隊，出去等時間攞。

之前見到東城做套餐，三餸套餐賣138閒日，168就假日，但可惜，裝修後就新人事，新作風。冇套餐賣嚕，只有散叫，不過唔緊要啦！其實散叫價錢都唔算太貴，但佢裝修完後，重點主要都係做任食火鍋為主，都唔多人食小菜，的確任食火鍋係幾抵，128一個人，偷望隔離枱，啲料都唔錯，哈哈。今次試吓小菜，味道尚算可以啦，不過服務就爭啲啲，餐具齊哂，就係冇俾水杯，可能唔夠侍應，衛生方面就普普通通啦！不過新裝修咗，感覺係光猛咗嘅。

今日諗住同爸爸去 打邊爐食團年飯因為哥哥佢哋都鍾意食屯門嘅東城酒樓所以我哋今次不二之選都會喺揀呢間食打邊爐,之前食開都吾錯，點知新人事新作風勁失望冇下次。見到湯底幾特別就試，點知黎到同水冇分別有幾條炸枝竹同少少蜆，冇胡椒味，坐下就話冇蝦，再之後第二輪要豬肉又冇黎，要吹幾次先有，野食款式少過之前，其他野食一般普通。我地九點入去食左一小時左右已經收野，最後連雪糕，紅豆沙同飲品都冇。講真如果知我地九點黎食大可同我地講十點執野，起碼我拿定甜品和飲品，所以吾會有下次。

中同聚會唔知食咩好 決定去打邊爐坐耐啲見到門口好多人等 明明都幾大間舖但都坐滿哂人任拎野食 多款食物選擇梅花牛幾好食野飲都多選擇埋單每人唔洗$200 平平地打邊爐都算係咁環境寬敞 適合聚會

在屯門飲下午茶於東城酒樓，由於做街坊生意，附近居住人都是去呢度飲茶。雪山叉燒包，總覺得是好好味道的點心，今天有機會食，真是味道唔錯。濃湯浸油麥菜，有杞子同菌類，喜歡食蔬菜。

去完旅行返黎，想食返啲香港美食，突然想食點心，去左呢間街坊酒樓食，訓左一個長覺，起身好肚餓，叫左好多嘢食。鴛鴦燒賣，兩樣都唔錯，黃色果個肉幾爽口，另一款牛肉燒賣，就同山竹牛肉差不多，都對味。左上 鮮竹卷 好唔得，包得好鬆散，餡係韮菜同蝦，唔似平時嘅料，亦無咁豐富。右上個紅油炒油個味亦古怪，個汁似豉油。蘿蔔糕普普通通。鹹水角幾鬆脆，熱辣辣，味道似樣，呢個好抵食。鳳爪較深色，味道普通。叉燒腸，都算幾多餡。雞扎件雞幾滑，有火腿冬菇同魚肚。當我地飽飽地時，最後先黎個魚香茄子炆米，份嘅份量非常多，淨係呢碟都夠兩個人午餐，但料就偏少，食落個味都唔錯，如果料同粉比例平衡啲就好啦。

今日揸車入屯門見客！係附近搵左間茶樓飲茶慢慢傾！本來諗住去大型連鎖酒樓到飲，點知等得太耐！就轉左去一間屯門置樂小區一間酒樓！間野叫東城酒家！眼見無乜人等！以為唔係太受歡迎😅😅坐低後，叫左一壺水仙我點左飲茶必備既蟹籽燒賣皇！餡料好充足！豬肉包住兩隻蝦！口感一流！仲點左牛肉球！靚既牛肉球一定係攪得肉實！唔會一咬即散晒甘！加埋喼汁！一流！仲點左潮州鮮蝦粉果！係粉果mix蝦餃！餡料包括蘿蔔絲，雲耳，蝦！味道不會較蝦餃差！對比蝦餃，佢只係中點！性價比高！最後，仲叫左一碟叉燒腸！碟腸有少少敗筆之處！因為佢d叉燒食落好似唔新鮮甘！加上太瘦！好彩腸粉皮米香十足！拉返少少分！

我地係兩個人去食 第一次畫左蝦 半個鐘後來左兩隻蝦仔咁多 簡直當我地係黑衣 每次畫好左嘢食遞交俾拒地 都無上過一次蝦 仲要我地係咁開聲同拒地講 最離譜就係 開左幾次聲都話幫我地睇下 得把口 以為換返同另外一個部長講 點知都係一樣 話幫我地睇下 睇睇睇 時間就過左 睇左左成個鐘都係無動於衷 仲洗食咩 寫明任食架嗎 唉 真係寧願去#天悅# 服務好過東城好多

服務態度差就不在話下，環境衛生差，餐具又濕又污糟，肥牛肥到呢⋯⋯食得落肚咩？食物種類少並且唔新鮮，新開所謂的＂韓燒鐵板＂係有塊板燒一些餃子、雞翼、魚真是無語……只有飲品和雪糕比較好，有3種味道的雀巢雪糕，有多款飲品例如jolly shandy,啤酒,汽水衞生真係好到呢⋯⋯視覺的衝擊使我食欲不振

平民的價錢，未必不能吃到好味的餸菜。小區裡總會有一至兩間的酒樓，主要客源當然是小區內的居民，雖然現在大部份的酒樓主要都在做火鍋放題任食，但總會有想吃小菜的客人，所以都會保留小菜形式的晚餐，價錢還很實惠。這間酒樓也不例外。先來片皮鴨一隻兩食$138。第一食，整隻燒鴨會由店員操刀，一刀一片的把燒鴨皮連肉切下來，整齊的放在碟上。現在已很少酒樓保留片皮鴨這菜，就算有，也很少會將燒鴨脾原隻上碟，用手拿起鴨脾，大啖大啖的用口撕下咀嚼，這感覺真的很懷念很滿足。配上薄薄的麼麼皮（麵粉皮），燒鴨醬汁，青瓜絲及大蔥，與鴨肉放在一起包圍起來，放進口內，超讚。鴨肉質感很嫩滑，汁液也很滿，肥而不膩，外皮脆口。可惜忘了影另外一食，是涼瓜炆鴨件。沒有浪費到整隻鴨身，切開一件件，再以涼瓜炆煮，肉質仍然很滑，沒有乾乾的感覺。超抵價的一味兩食。燒雞半隻$78，這間酒樓的燒烤技術真的不可不讚，太強了，連燒雞都可以做到外脆內嫩，外皮燒至金黃色，很脆口，肉質也完美地保留得很滑嫩，雞油仍在滲出，很香很滑。燒乳鴨半隻每位特價$12.8，每枱每位可以享有特價的優惠，我們四人有兩隻，都只是$51.2，小小的乳鴨，肉質亦很Juicy，看