季季紅風味酒家

營業中

休息中

明白中午繁忙時段工作人員都繁忙，但從落單到點心上到，需時約35分鐘。當前後分別問及兩名侍應時，他們的答覆均為「我唔知，我唔係負責蒸個個」。其實我都係想了解有否甩單而已。最後點了5至6個點心，只上了3個，是否甩單，不得而知！

新年同一眾好友過節 🔥新年期間選擇唔多 估唔到季季紅有新年餐可以揀即刻就訂左幾款出名既野食同朋友一齊食😎外賣直送到樓下 好方便 保暖做得唔錯 仲熱辣辣唔洗出街行 安坐家中就可以輕鬆食到美味既拜年飯🥳有米豬🐷🐷乳豬仔 好脆皮好香口 唔會太肥🤤炒飯蝦米味好出 而且充滿乳豬仔既肉汁同油香惹味又好食 份量都夠😚盤滿缽滿 - 盆菜相當足料 差啲就食唔晒🤣大蝦 明爐燒鴨 新鮮切雞 大花菇 元貝 髮菜 等等魚蛋同魷魚吸晒啲醬汁 彈牙又鮮味✌🏻季季紅龍門雞🐔原味白切雞 濃郁雞味 雞肉又嫩滑又結實唔錯Overall 好食 會再幫襯！方便指數: 3/5 環境指數: 4/5回頭指數: 4/5地址: 屯門藍地大街1號

「有米豬」取其名即係乳豬入面有飯！ 意頭好好，所以我爹哋成日都嗌，食過好多次 每次都食唔停！外賣速遞服務涵蓋範圍好廣我知道由屯門去到觀塘都可以送到由於製作需時，建議起碼三日前網上預訂！唔使出街都食到乳豬真係好正訂購時已經安排 下午 5:30至 7:30 送到，5:30 打電話來確認，未到六點到咗！.乳豬新鮮速遞 運送過程會保溫打開時熱到盪手，大概二個幾鐘後食，豬仍然熱、脆！炒飯好好食😋好甘香可能吸收左啲豬油😍.糯米飯炒得好香唔會太油膩一啖飯，一啖乳豬口感一流！值得翻單！.📍 季季紅風味酒家 (屯門)屯門藍地大街1號

來過幾次，每次都係朋友請食飯。好地道既餐廳食物：啲野係好味既。每次都點砂鍋粥，好夠料。同埋送到黎仲有泡泡。叉燒包同埋腸粉都幾好味。服務：普通啦。侍應都好熱情。響呢啲餐廳，對服務冇乜要求。環境：環境係我最唔滿意既，啲餐具真係有待改進。好多碗碟筷子都有污跡，有些擔心餐具有冇洗乾淨。。。餐廳既衛生有進步既空間。環境偏舊有得選既話我自己唔會過黎食，但係附近真係冇乜選擇。旁邊有間茶記，除此以外好似附近冇其他餐廳。

今日老友約去屯門藍地一間舊茶餐廳，話果度有特別野食，咪幾遠都去啦！藍地都係舊區，大部分鋪頭都係一層樓，第一間就系出名地下石爐燒豬，行過仲有半隻未開，等一陣tea完過來買。食完tea行去，已經換了一隻新豬。前面都有一兩個客人剛剛買完。特價80蚊一斤，比外面便宜，師傅一砍，77蚊，刀功利害，裝入個大盒，滿曬，抵食。當然最主要係味道得唔得，公平起見，馬上現場搵牙籤篤一舊食。好老實，掛係度感覺有d乾，但一食真系好正，皮薄得來係‘’鬆‘‘’’化‘，腩肉肥得來唔覺得油膩，瘦食得來唔乾唔實，

1月13日，眼科大sir，在此店讌請眼科同事，提早食今年嘅年夜飯，揾食肥華和靚媽，有幸獲邀出席，首先在此誠心，多謝大sir嘅邀請。因為幾年前，大sir，亦在此店讌請過同事，食晚飯，亦有柯打此店，招牌名物，有米豬給同事品嚐，但此道菜色，同事話味道唔係咁好，且豬身内嘅米飯及配料，都偏肥膩，此店呢道鎮店名菜，令人失望。有見及此，大sir，今晚改點咗，此店另一名物，當紅燒乳豬，今次呢款乳豬，皮脆，肉肥瘦適中，味道又好，大獲同事好評，可以講係完勝有米豬成條街，而今晚其他多款菜色，水準亦高，碟碟都食到美人照鏡，再加上，兩位同事帶來嘅，意大利及澳洲紅酒，各一枝，再加上肥華個瓶，咸亨雕皇，今餐可說是，佳餚美酒共冶一爐，真係衷心多謝，大sir，呢餐美宴🙏🙏🙏🙏👍👍👍👍

尋日叫外賣，但因爲朋友屋企中咗招，打佢同佢講轉地址。話唔比。個阿姐直頭唔想做。最候我話你照送來，我掉咗佢。佢至死死地肯轉送貨地址。呢間嘢以爲出咗名就乜都惡晒。離晒譜！🤬

早前前往藍地季季紅酒家購買燒肉，購後發現有一半燒肉係無法進食，燒肉的肥膏多到不得了，食得嗰啲部份瘦肉，鹹到不得了，差啲要入醫院洗腎，佢啲嘢不嬲都好唔掂，係近來給他在門外的燒肉吸引所以購買，心諗有冇搞錯，一盒燒肉有半盒唔食得，其實佢啲嘢已經差咗好多，出面嗰啲一盒盒餸菜已經一路都冇幫襯購買，加上職員服務又唔係好，寧願幫襯隔離嘉爵好過，喺斑馬線見到佢哋個廚房又污糟邋遢，無論怎樣肯定肯定也不會再幫襯這間酒家！

前後幫襯了二次季季紅，第一次去食感覺上還不錯的，那天點了燒乳🐷,挺香脆可口，醬汁也不錯😋例湯都好味第二次幫襯，我哋有6個人食，所以就點了招牌有米🐷,但有點失望肥膏過多，飯也不好吃，例湯也不好喝

入開藍地探人當然要搵下附近有無特別野食...睇OPENRICE 先知原來有間酒樓 仲要拎過米芝蓮當然要試試佢啦 早茶黎講,唔知附近係無咩選擇定點 ..佢都算幾爆場!!叫左幾樣野,都有D酒樓已經買少見少既點心BO~牛肉球 - 正正常常 無特別咖哩土魷- 麻麻,咖哩味濃但土魷好UN 好難咬薄餐 - 依家真係買少見少既點心,不過佢無咩料同唔夠脆邊 燶返少少就FIT啦燒賣 - 都算大粒 都係正常發揮蝦餃 - 叫做最好食果樣 但都係正正常常總結: 米芝蓮可能出名既係晚市 唔係點心既早市早市就算係普通街坊酒樓 係未名過於實?要試埋晚市先知

啲人話呢一間食燒豬燒鴨好出名，今日終於可以同屋企人一齊過嚟試一試。原來原隻燒豬嘅味道真係好特別，同平時食嗰啲燒腩仔好唔同。原隻燒豬皮脆口，個皮超脆，一咬落去就聽到嗰啲令人滿足嘅卡卡聲！肉質鮮嫩多汁。咬落去，真係好正！😋🐷🔥至於燒鴨，皮薄脆、肉嫩滑！肉質鮮美，咬落去帶出濃郁嘅燒鴨香氣！咬落去又唔會好韌🦆🔥😍不過，都要注意返，啲肉嘅油脂含量相對較高，有啲人可能會覺得有啲油膩。建議叫返多啲菜食。

前年都有食過季季紅最出名嘅有米乳豬🐷, 但當時因為疫情關係, 冇得堂食, 外賣返屋企, 覺得水準唔錯但未算有驚喜, 今次喺酒樓堂食, 估唔到咁有驚喜店員解釋畀我哋聽, 佢哋嘅乳豬全部用炭火燒烤🔥, 而且唔係細隻豬, 專程揀選中型size嘅豬🐖, 仲會喺我哋預約訂好嘅時間剛剛燒好, 等客人可以享用到熱氣騰騰嘅乳豬乳豬端上枱嘅時候係未斬, 但已經好有睇頭, 店員好好, 畀我哋手機食先🤭, 影完相之後先幫我哋攞去剪開, 剪開後香氣撲鼻, 真係見到好多煙, 未食都感受到隻乳豬熱燙燙, 咬下去, 乳豬皮脆到有聲, 皮脆肉嫩, 因為係"大"乳豬, 所以好多肉, 肉質真係好鮮嫩, 炒飯亦都好香, 好好味😋

今日去買點心，出面個姨姨已經冇禮貌我話比八達通，要收貴啲！真係唔明白！點解電子消費會貴之後又話收銀唔收出面點心八達通，唔想做生意！仲要問有咩點心，咩都冇🥲🥲其實佢D點心冇標價錢！都係佢哋話幾多錢！越嚟越覺得失望😮‍💨冇下次🥲🥲🥲🥲

成日啲朋友講到幾好食幾好食？今日真係去試吓？完全唔覺得好食真係試一次就夠叫咗例牌乳豬椒鹽豆腐豬肺湯炸乳鴿，芥末大蝦這款送餐牌真係可以正式下架😂啲蝦「霉」嘅！炸粉太多！嗰醬汁唔好味！一碟有六隻⋯⋯食咗2隻就唔想再食叫經理過嚟望吓⋯佢話換過幾隻比我😂你送俾我都唔會食⋯換俾我有乜用？ 這款菜式大家根本唔值得叫晚飯時間會送糖水⋯⋯經典🫣🫣個紅豆沙糖水⋯有煙出，但係唔熱嘅，水還水，紅豆還紅豆🫘！完全唔覺得係紅豆沙？這碗叫紅豆水😂😂全部都名過於實食一次就夠唔會再去

趁今日放假，就來藍地走走，搵間茶樓食下野。兩個人，叫左燒買，腸粉，牛肉，雞扎，再加碟燒肉飯。 燒買質感飽滿，味道唔錯，腸粉叫左叉燒腸，都香口，而牛肉都覺得唔錯，唔會太粉，雞托都足料，味道唔錯。 最後個燒肉飯，有火煙味，脆皮，咸味適中，老婆就話個燒肉飯既白飯就一般、食落糊口，所以要扣分。 最後，水滾都茶靚，唯獨裝修舊一點，洗手間衛生情況差少少！