68
32
20
營業時間
今日營業
11:00 - 22:00
星期一至日
11:00 - 22:00
公眾假期
11:00 - 22:00
公眾假期前夕
11:00 - 22:00
*最後落單時間: 21:30
以上資料只供參考, 請與餐廳確認詳情
招牌菜
食家推介
今次去咗‘屯門市廣場大門拉麵’食下午茶，叫咗個‘叉燒炒飯拼煎餃子，煎餃子（5隻），炸魷魚’黎試吓。我用咗唔同嘅角度去分析一下今次嘅餐飲體驗。份量：兩個大人食下午茶嚟講份量相當十足。味道：之前都一路食開佢嘅叉燒炒飯，今日經過覺得有少少肚餓，又好耐冇食過佢嘅叉燒炒飯，所以你食個下午茶試吓佢嘅水準有冇保持到。果然冇令我失望叉燒炒飯能夠保持到同以前一樣咁好味。另外佢嘅煎餃子水準亦都保持到煎得好靚，亦都好脆咬落去亦都好多汁。炸魷魚炸得相當乾身，唔會太油亦都相當惹味。整體嚟講唔會太油亦唔會太鹹。餐飲：有冰水供應上餐速度：正常速度店員態度：正常店內環境：下午茶時間連埋我得兩台客，所以相當舒適。付款方法：Visa Master八達通消費：$131
繼續閱讀
可能因為天氣又有少少轉涼，蘑菇今日突然好想食沾麵，於是前往一間相對平價嘅日式拉麵店食晚餐🍜赤大門沾麵（$75）📝評分：7/10作為沾麵愛好者同無辣不歡人士，見到餐牌有呢款就忍唔住試下。可惜沾麵湯有少少寡淡😅同埋唔夠熱，只可以話係暖🥹希望店家可以改善。入面有兩片海苔（如果另上更佳）、幾塊碎叉燒同少量蘆筍，唔夠足料，但叉燒好入味，湯底鮮香濃郁，麵質硬身爽口。🍜鬼門拉麵（$72）📝評分：8/10大碗又夠晒辛辣🌶️豚肉足料，配上蔥絲好惹味😋麵質爽身可口，缺點係湯底偏鹹。🍗炸雞（$38）📝評分：8.5/10熱辣辣炸雞，有成五六件，價錢相宜。炸雞好juicy，擠上檸檬汁同點埋微酸口味蛋黃醬更加有滋味😋
繼續閱讀
位於Aeon 附近，入口喺比較入面嘅位置，晚餐時間都會見到有人排隊。鋪頭唔算大間，不過座位唔會太迫👍仲要免加一！大門特製拉麵$82有叉燒、紫菜、筍、蔥同埋糖心蛋，拉麵喺粗身嘅，麵偏硬身；湯底味道適中，唔會太咸亦唔會太淡。
繼續閱讀
突然間想食沾麵 屯門又冇咩沾麵店一搵就搵到呢間身處Aeon入去嘅餐廳有拉麵、沾麵、油麵同混麵價錢由$62-88不等 唔使加一大門叉燒沾麵 ($88)賣相唔錯 沾麵湯幾濃郁入面有2-3塊大叉燒同竹筍 叉燒偏肥枱上面有教食法 最後可以落木魚湯飲埋個湯但個湯頗油又偏咸 飲埋第二朝應該勁腫🤣不過沾麵粗度係我鐘意嘅粗度而家幾彈牙 幾掛麵 值得一讚👍🏼大門叉燒拉麵 ($85)呢個賣相吸引d 有3大塊叉燒👀湯底偏向似醬油湯底 比沾麵湯淡d其他同沾麵一模一樣🤣如果係屯門想食拉麵可以一試😂
繼續閱讀
9月開學啦！9月開學啦！9月開學啦！重要既野要講3次，連媽媽我都1表示好興奮。我哋去左屯門市廣場買返學鞋，仔仔繼續trouble 2 feel咁，吾肯落地，吾肯試鞋，唯有度下腳仔，買左差吾多尺寸先，到時真係吾岩14日內仲可以換。買完鞋仔就醫肚仔，好耐無食大門拉麵啦，都等左幾個字先有位。大門拉麵：湯底夠濃偏鹹，麵係粗麵但可以煮淋少少，配菜有叉燒，紫菜，荀干。鬼門拉麵：以前都食過，但感覺今次湯底比之前辣，媽媽超鐘意。*我哋另外再加左麵底比呀仔📍大門拉麵 (屯門市廣場1期)📌屯門屯順街1號屯門市廣場1期UG
繼續閱讀