影片
一大班人有d話想食火鍋，有d想食飯，所以去左吉野家。個火鍋套餐都幾多野食，牛肉有肥有瘦，一d都唔靱。個湯底好夠味，浸d烏冬落去簡直一流，好入味。個芝麻醬好香，更加可以帶去d野食嘅味道。另外，個和風牛肉飯都唔錯，牛肉好淋，唔肥膩，好夠味，牛肉汁撈飯仲更加好食。
繼續閱讀
咁多間連鎖快餐店既火鍋之中,我最愛就係吉野家.原因好簡單,佢啲牛好食同埋個芝麻醬一流,所以成日都會黎幫襯.呢晚經開又前往食下,但令人失望.....個湯一向都知要等好耐先滾...今次等左差唔多15分鐘....隔離枱都食完走左啦....今次啲牛肉完全沒有解凍，全部黏在一起.....搞到我要將全部一次過放落鍋內......烏冬就依然咁正,放左入濃湯浸一陣已經好入味好彈牙!
繼續閱讀
第一次光顧吉野家好像係10年前，今日來到屯門戲院睇下有咩電影睇見到隔離有間吉野家就入咗去睇餐牌後就點了咖哩牛肉菜飯配日本茶，今日可能係星期六人客比較多所以選購食物前已去霸定位，睇見份餐賣相都幾好而食落就覺得味道算可以，而咖哩汁帶小小辣，牛肉就係肥牛，這個價錢也可以接受，而這裡環境衛生及服務員嘅禮貌都幾好。
繼續閱讀
今個月有張coupon係買2客下午茶,第2客享半價優惠,好抵~ 點知去到付款果陣,職員話 呢張coupon唔可以用於新推出的食品, 但之前明明無咁o既rule 架喎,所以都話俾個職員聽….可能佢做得耐,睇佢個樣都話得下事…唉..算啦,唔同佢嘈喇,但之前明明有試過向呢間分店的其他職員買新推出的套餐都可以同呢款coupon的… 唯有照正價買黎食吧…粟米雞扒掛烏冬(配日本茶) $22雖然食得出粟米汁係來自罐頭湯,但整體的味道仍是不錯的,共4切件的雞扒,烏冬相當爽滑~口感一致!日本茶100%熱~
繼續閱讀
見到吉野家出左個芝士鍋，諗住貪新鮮試下，但有少少失望一開個煲，就見到有4隻青口，比我預期多，但本身都唔係好鐘意食青口，所以冇乜特別跟住就食左啲娃娃菜個啲，都冇乜特別個湯底雖然話就話係泡菜湯，但其實啲所謂既泡菜湯係睇唔到有完整既泡菜，得啲碎，冇乜驚喜去到重頭戲，就係食個麵，泡完麵，加芝士碎，但食落口冇乜芝士味惟一要讚既係個年糕，煮左好耐都冇溶到，食落去覺得好軟，不過食落去都冇乜泡菜湯味惟一要講既係牛加seasame醬好好味service方面,d員工都ok,會主動問你駛唔駛加湯底總括而言，呢個鍋要$62.9,但唔值呢個價，如果貪新鮮既可以試下
繼續閱讀