Izumi Curry (已結業)

第一次嚟hysan place 的food court 食lunch. 上到嚟見到呢間日式咖哩店，好似好好食，又好正宗，仲唔駛等位，就入咗嚟試。Order咗＂蕃茄奄列咖哩飯套餐＂。前菜有蔬菜沙律。蔬菜很乾身，配沙津醬後十分爽口，like it! 之後飯嚟到。蕃茄蛋配咖哩感覺很清新，啲蛋唔會好滯，啲蛋仲有少少蛋汁，很嫩，蕃茄也沒有過熟，很好。略嫌咖哩味好像稍淡了。餐飲選了蘋果汁，也很好飲及很大杯。這餐感覺很健康、很滿足。會再嚟食

有天我們到愉景灣散步，回程時來到TST SOGO 用餐去試我期待了很久的咖喱，嘿嘿....份量有沒有很巨大?!!芝士重型漢堡扒咖喱 漢堡扒上薄薄的芝士，它很香奶味而且還可以拉絲漢堡扒很厚很大塊，裡面的肉嫩嫩的而且還富肉汁，好好吃哦蘋果汁 清甜的蘋果汁，很解辣只是可惜太小杯了啦這裡的咖喱飯的確不錯，但FOOD COURT位置不多而且又有太多旅客在休息，要找個位置坐也太難了

蛋 - 正！不太熟，最怕太熟的蛋...吉列豬排 - 扣分，過實，不夠鬆軟（敗筆之處）咖哩 - 還好吧，不太甜，如這份量的飯，咖哩真是浪費！咖哩真是多得很！咖喱牛肉飯 (HKD59)5粒牛肉...偏硬，不大吸引跟可樂+$5如這價錢，這質素，在food court...沒下次了

之前成日係開飯網睇到其他人話呢間既咖哩有幾特別，又見有唔少既雜誌報導過，一直都心思思想試下。終於琴日搵到時間出尖沙咀，就順便走去試下佢既咖哩係咪真係咁好味。我就叫左個雜菜咖哩飯二分辣，家姐就叫左個蕃茄奄列飯一分辣。食完之後，我淨係覺得同平時食開既日本咖哩的確係有D唔同，但係話好食又算唔上，只係唔係我鍾意既類別。同埋我既二分辣一D都唔覺辣既，食食下都唔記得自己叫左咖哩黎食，搞到我原本充滿期待咁黎都愈食愈失望。而且我愈食就愈覺得個咖哩好鹹，好似淨係得個鹹字咁。成碟飯唯一可取既地方就係有好多唔同種類既蔬菜，都食得出係新鮮既。家姐既蕃茄奄列飯，冇食過，所以不予置評。但係我家姐都話個咖哩係好鹹同埋一分辣係唔覺辣既。而且佢話食落覺得好大陣藥材味，之後成日個口都會無神神有D藥材味湧返上黎，俾我笑左好耐。總括黎講，想試既都可以去試下既，但係我同家姐就唔會再試啦，因為唔岩我地口味同埋偏貴。

三千煩惱絲縱剪得斷, 但理還亂。個人認為要處理這點小事, 相當費時, 所以一般都儘量減少理髮。而正值相約理髮, 可是工作忙得不可開交, 那便唯有急急吃個飯。到附近想想吃吃便來到了這裡, 這家鋪在food court入面的一角, 不算隱蔽但由於色澤較沉而不容易發現。餐廳主打當然是如招牌所示的日式咖哩, 而且還可以選擇不同辣度。由於是快食, 沒有多考究菜式, 只點了他們的頭號招牌, 咖哩吉列豬扒蛋飯, 我還要最高的兩倍辣。初時還以為是蛋包飯, 但原來只是一堆蛋放上面。點菜是一般food court形式。可是點完菜後未見餐店同事即時回應準備, 結果簡單的一個飯足足等了最少十五分鐘才準備好。大前題是高峰期已過, 根本無人在我前面等, 我苛刻嗎?! 飯與咖哩已一早做好, 炒蛋不消一分鐘, 吉列豬扒也只是很快完成, 所以如果要等十五分鐘的確是效率見拙。效率是其次, 味道卻是重點。招牌的咖哩吉列豬扒蛋飯, 咖哩汁多多的覆蓋飯面原是好事一樁, 不過連吉列豬扒也被熱熱的咖哩汁覆蓋的話就不是一件好事。因為吉列豬扒利用炸粉將外皮及豬扒鬆開, 變得脆口而有鬆軟彈性, 但如加上重重的汁醬就會令豬扒外皮變重, 令

我個日叫左個(軟滑奄列咖喱飯)$55,呢個咖喱飯認真麻麻地,首先講個奄列蛋油味重,分量少,食左好似無食過咁另外d咖喱係算幾辣,不過辣中帶有少少苦,因為有少少苦關系不覺得有咖喱味,所以呢個咖喱飯算有點失敗

香港的拉面戰雖然尚未停下來, 不過另一股日式蛋包飯/咖哩飯熱潮近日開始慢慢地湧過來.斷早一輪的COCO壹番屋, 再來有北角生原創蛋包飯, IZUMI CURRY, 秀殿...等等, 加上還有不少日式餐廳也開始做起蛋包咖哩飯來, 訂位訂不到, 人龍越排越長, 情況有點像拉面戰初期.在香港一直少吃蛋包或咖哩飯, 但每次去日本反而都會起碼有一餐是吃其中的一款, 尤其那邊做的蛋包飯每次吃完都令人回味不巳.今天放工來到尖沙咀補給了些日用品, 經過SOGO心想好久沒吃, 不如去試試IZUMI個咖哩吧!IZUMI CURRY就在SOGO地庫, 以FOOD COURT形式售賣. 來到時巳是8時半左右, 過了晚飯時間, 人不算很多.咖哩飯有好多款, 不過店方大大隻標榜著最人氣的是奄列吉列豬排咖哩飯 (HKD$75).原來現在SOGO感謝節, 連食肆都有9折.加多罐雪碧, 折後HKD$72.一碟都幾大, 豬排跟飯都被濃濃的深啡色咖哩汁蓋著, 反而令鋪面的滑蛋看起來更鮮明更吸引.滑蛋顏色對路, 蛋味濃不過感覺有點乾, 狀態是差不多全熟的感覺, 不算差但應該不是我所追求的半熟帶蛋漿那種奄列. 咖哩呈深啡色質感

繼拉麵店之後，日式咖哩店近年有越開越多之勢，與拉麵一樣，在日本料理之中，算是消費低廉了，區區數十元便可以叫做吃個日本料理，所以廣受大家歡迎。我不會再用洋洋數百字，去介紹日本咖哩的特性，無謂給人一種穿鑿附會，叻唔切的感覺，吃過日本咖哩的朋友，都會認為其最主要的味道，就是甜。這一點，很多人都知，不用刻意去花一大段去解釋。近期的咖哩店新貴秀殿，訂位狀況非常緊張，每次致電給該店，日藉店主總是給我一個失望的答案，直到今天，還沒有機會前往，只好無奈地接受，這叫沒緣份。相反地，在尖沙咀崇光百貨公司內的Izumi，已經到訪過兩次，而兩次都是吃同一樣東西：芝士奄列咖哩飯！以芝士，滑蛋蓋著飯，咖哩汁淋在飯的旁邊，賣六十多元一客，滑蛋上的芝士濃香，半溶在滑蛋上，口感香滑中帶Cheesey，單憑此個芝士奄列，已經勝過屯門的白熊咖哩。深色的咖哩汁，固然有日本咖哩的甜，但不失辣度，整體上的味道濃厚，甜辣兩者兼得，並非一味得個甜。將芝士，滑蛋，咖哩伴勻，再配日本飯吃，無以尚之。聽身邊好些朋友說，不要吃這裡的炸豬扒，水準教人失望，所以，在Izumi，我只吃芝士奄列咖哩飯。差點忘了，原本有牛雜咖哩飯？哎呀，我走漏了眼，

我很喜歡奄列飯，被它金黃色的外型所吸引，加上無飯不歡所以老早把這間Izumi Curry放在list上星期五的下午３時多，其實早已吃過午飯但因為男友還沒有吃，就打蛇隨棍上，介紹他吃這間咖喱店那麼我就可以分著吃，嘻嘻平日的下午，尖沙咀 Sogo的food court不算多人看到Izumi Curry的counter也只有零星食客在排隊那麼我就可以慢慢在玻璃櫃前看看有什麼款式選擇可是選擇一多，選擇困難症又發作了最後男友就說不如試試人氣No.1的奄列蛋吉列豬扒飯吧先講賣相，金黃色的滑蛋已經非常討好光看面頭還有半熟的蛋漿在搖晃，就知合哂河車至於下面的吉列豬扒整齊排列，份量誠意十足浸在香噴噴的｢咖喱湖｣上真是賞心悅目我急不及待分著吃，果然滑蛋非常嫩滑濕潤，幾乎入口即溶咖喱汁的份量剛剛好，先聲明我很愛醬汁伴飯，醬汁可以令飯更軟身和有味道我不嗜辣，但咖喱的辣度在可接受的程度，反而令人更開胃吉列豬扒反而有點失望，首先吉列外層被醬汁浸軟了是一個問題而且豬肉沒有肉味，又有點鞋口，這點的確需要改善一下希望下次試試牛肉，看看水準是否比較好

在一眾崇光地庫食堂的食肆當中，最為人熟悉的固要數到主打日式咖喱的"izumi"....上一趟只是一個人來，今次則是一家大細前來幫襯。小友由於不能吃辣的關係只能光看，一大碟的流心芝士漢堡扒飯，就由我倆分享 (大家不用擔心小兒沒得吃，我倆早已準備在其他食檔買給他，那自然是後話了)....一看這碟東西的賣相便知是夠晒噸位 ---- 我看那漢堡扒應有至少多過一吋厚的，再加上一大pat半溶的芝士以及杰又濃的辛辣的咖喱汁，叫一份給兩個人共享，亦是最正路不過之事....先咬一口漢堡扒，肉汁尚算豐盈不會太"乾爭爭"，不過最大的缺點便是有太多的筋，吃至中段更要不斷的在吐渣....咖喱汁仍是夠辣且帶點來自蔬菜的甜味，味道是比平常傳統的"甜不辣"日本咖喱複雜多一點，滋味亦是較勝一籌....吃完大半碟後已是膩滯得很，可以連晚飯也省掉....

受尖東站內的廣告吸引，令我們去試一下所謂的正宗日式咖哩。該鋪的訂價頗高，一碟奄列咖哩豬扒飯就需75元，而且飯不多，不太適合吞飯的朋友。奄列所用的蛋不是依常見的甜蛋而製，可說是清淡，和吉列豬扒一樣，沒有什麼味道，而咖哩又甜又酸，較為獨特，咖哩飯最重要的是咖哩，所以吃一次就好了。

揀了咖喱奄列豬扒飯，埋單先知要$75，仲要無飲品，打左個突。入正題，整體賣相討好，所謂奄列其實只不過係有塊滑蛋係面，不過幾滑。講到個主角 – 豬扒，略嫌炸得不夠脆，個廚師又將D咖喱汁淋係塊豬扒上，食到第三塊豬扒時已經淋，有待改善。咖哩作為整碟飯的靈魂，對食得辣的我來說辛辣度只是微辣，聞到陣陣香料味，但咖喱汁好少，如果添多點就好了。以FOODCOURT 食物質素來說都算中上，正所謂價錢反映一切，經過TST SOGO可不妨一試。

奄列蛋咖哩豬扒飯 ($75)估唔到開係Food Court裡面嘅Izumi Curry係日本過江龍，咖哩汁每日用上大量蔬菜、牛肉及１５種香料共熬足十多小時而成，先甜後辣。朋友揀咗呢個＜奄列蛋咖哩豬扒飯＞，深啡色的咖哩汁杰杰的偏甜只帶一點點點點辣；滑蛋處理得好，好滑蛋味濃；吉列豬嘅幾大及算幾厚度，可是唔腍肉質實的的，唔太好食；白飯當然係用上珍珠米，彈牙有嚼口。

之前行 SOGO 時, 老婆已經想試呢間, 但剛剛嗰日係 SOGO 特賣日, 人超多, 我話不如下次先啦. 撞啱今天有件重要事情必須去尖沙咀一轉, 所以晚餐要係附近解決. 於是乎, 下次就是今次了.晚上六點半左右去到, 睇完收銀處旁嘅餐牌, 結果叫了人氣 No.1 & No. 3人氣 No.1: 奄列吉列豬扒咖哩飯, $75人氣 No.3: 重型芝士漢堡扒咖哩飯, $99另外每人加咗 $5 要了杯果汁大約十分鐘後, 人氣 No.1有得攞, 再五六分鐘後, 到人氣 No.3.奄列吉列豬扒咖哩飯真係唔知點解可以成為人氣 No.1, 塊吉豬嘅大小及厚度中等, 但炸粉唔見得好薄, 豬扒又炸到過哂火, 乾哂, 內裡舊肉啲肉質又鞋又韌, 坊間好多茶餐廳塊吉豬仲好食過佢多多聱.除咗個炒滑蛋夠香同滑, 咖哩汁一般OK外, 真係十分之失望.重型芝士漢堡扒咖哩飯真係估佢唔到, 呢個又唔差喎, 件漢堡肉份量足, 又大又厚, 咬落內裡仲有啲啲肉汁及肉香添.另外放係最面塊芝士口感不錯, 煙煙韌韌好趙口, 但香味同味道一般.一款就唔太得, 另一款就OK可以, 質素好大差距, 真係睇你揀邊款嚟食嘞.

自從吃了coco咖喱就愛上了日式咖喱, 從開飯食評得知原來這裏有一間日式咖喱都是不錯呢. 最吸引我的是咖啯牛什飯因為夠特別. 當晚時間不算早已是差不多九點. 美食廣場很細少, 雖然不是最旺場的晚餐時間但坐位少所以亦不易找到. 而家多數是遊客他們吃後都會坐下來暢談一番. 點了食物需要輪號碼取食物, 由於即叫即整所以等候時間會比較耐一點, 各位要耐心等待. 當晚由於夜了吃晚餐所以不選擇吃飯選了沙律, 誰不知..................竟然是那麼大碟, 因在廚窗看模型的時候是一碗細少的. 但賣相非常之吸引.很喜歡啊~~~~~~~~~陣陣咖喱香味樸入我鼻裏, 我忍不住要動手了..又誰不知........................豬扒那麼乾呢~~~~~~~~~~真是令人大失所望, 幸好配上香濃咖喱汁總算還可以. 沙律份量很多, 最終都不能夠清碟~賣相又是一流....跟模型的分別不大, 先說滑蛋真是十分十分滑蛋味亦十足. 咖喱香濃但偏辣, 但這種辣度是可以接受的. 明明是牛什但整飯牛什飯只有牛腩和牛肚..那麼其他呢???難道日本人不知什麼是牛什嗎???而家主角份量比較少. 飯方面亦腍