譚仔雲南米線 (已結業) 查看

五月七日將是這店的搬遷好日子，光顧了年多，這天又再前來。點了所喜的腩肉四小辣米線和魚腐三小辣米線，還有今天忽然很想吃的大土匪。魚腐米仍是水準之作。稔身的魚腐，少了煙靭，帶點粉皮的味道，還不錯。由於沒有肉的關係，辣湯仍留有魚湯的味道，不錯。還有我所喜的芽菜，清爽。至於腩肉米……或許是來貨問題吧，最近她的腩肉都偏肥；不是普通的肥美，而是激肥！不過，這店還好，給你泡煮個夠才送來，某些分店還沒泡煮好就上桌，吃不下呢！話說回來，這店的腩肉沒有太可喜，只是到一般水平吧。至於四小辣的湯則帶有濃厚的肉味，還不錯。光顧這店當然少不了她的大土匪——土匪雞翼五隻。剛上桌的時候還帶點泡泡；是新鮮做好的徵兆！芝麻味撲鼻而來，皮脆肉滑，絕對值得一試！只是她即點即做，需時啊！凍啡呢：一直覺得茶餐廳式的咖啡沒甚麼大不了；她的呢？也一樣啦，不過我好奶味，所以間中多奶的啡也不錯。總的來說，這舊址的店一直保持水準，希望到了新店也能如此，甚至更上一層樓吧！

小妹一向愛辣，特別係'譚仔'既酸辣，雖然次次都食到標眼水，但仍愛好。是晚跟弟弟來到'譚仔'，弟弟說：不吃麻辣，不如唔好食'譚仔'。於是膽粗粗點了麻辣魚腐加墨丸米線(5小辣)，土匪雞翼。果然，一食就嗆喉，條利都麻晒，眼水又出埋，仲要飲番兩啖凍檸水舒緩一下。見到細佬食到又出晒汗咁，但又不停話好食，其實鍾意食辣者，唔使食到咁下話。雖然係好辣，但佢D米線真好食，唔會太稔或太硬，好有咬感。芽菜有拖過水冇泥味又爽口，而且魚腐有魚味土匪雞翼係經典，次次都會點，肉質嫩有肉汁仲好入味，最重要係小妹食雞唔食皮，雞翼如是，但係每次食呢個土匪雞翼都會連皮，因為好香口，忍唔住唔食呀。

突然想食勁辣野可以考慮黎依間，今日叫左佢個中程度既麻辣枝竹貢丸米線。枝竹不凈止吸曬辣味，仲好林，真係食到我成個口都麻曬，不過仲試得出啲啲枝竹味既！貢丸無想像中咁彈牙！但就比想像中要辣得多！我同朋友都食到標曬汗，係呢個天氣都出汗，認真誇張！佢啲米線食到有好大陣簡水味，我就唔多中意。而且野飲要加成5蚊，我覺得幾貴下！閒閒地要多個送加埋野飲都40蚊！希望佢推出d套餐加野飲法啦！

呢度我最愛食酸辣的過橋的套餐同土飛雞翼, 酸中帶微辣, 份外醒胃。另外, 過橋套餐的清湯, 也比其餘的清湯來得清甜。但有時個味道就差d, 好似今次咁, 欠缺以往的麻辣,靜係試到清湯味道。有時酸辣湯底, 麻辣, 有時都會突然過辣。

今日中午打算去食Lunch, 但是居然無乜人,所以解決就係呢度解決,由於先前2: pm 先岩岩食左個下午茶,所以宜家就order左尖椒皮蛋及土屝雞翼jack,少有咁入好少!野食都好快上,呢間環境算OK!!尖椒皮蛋 好味,入口冇鹼水味,加蔥花碎蒜一齊食絕配呀.土屝雞翼 唔油,一口一啖,咸味辣咪適中,肉質真係好滑嫩喎.

譚仔開左甘耐 , 我食過既次數真係3隻手指數得晒, 因為次次經過譚仔都打晒蛇餅咁 ,出面都排晒長隆, 所以好少機會試到 , 但我試過都唔差, 唔係既話點會甘多人呀!今日去尖沙咀行街, 經過漆咸道南間譚仔 , 見入面仲有位 , 就決定再食!我 叫左麻辣(小),炸醬餸. 碗野黎到 , 真係好多大碗 , d米線好多 , 試下個湯底先 , 個味道我覺得麻麻地 , 好似d麻辣清湯 , 無咩味道 得個辣字, 不過d米線煮得幾好 , d炸醬料亦ok好食 ,味道似麻香既辣肉味. 不過總括黎講係好食既 ,都 明白點解會甘多人 。

番工近呢間譚仔, 所以耐唔耐就會幫親加上又夠平, 岩晒我呢D窮等翻工人士! 最鍾意食炸醬炸醬豬潤牛丸中辣, 佢d中辣都幾辣, 我算食得辣, 但都會食到流晒鼻水!記得第一次食佢個炸醬好有驚喜, 又香又夠味, 仲偏甜。其實單艾個炸醬已經好好味。佢個酸湯, 有陣特別既香味, 每次都會飲左一大半佢d湯, 至於有人話d米線過'林', 我又唔覺咼. 黎到依然爽口。豬膶望上去真係麻麻, 不過我由細食到大, 都係咁中意食, 好膶好粉好味!!!不過每次幫親都好鬼多人, 由其午餐時間!!!

其實我多數去食三哥, 因為o個度有紅薯粉同糊辣湯底嗌, 不過之前食過一次譚仔麻辣, 感覺好麻, 想重溫呢種味道, 所以又幫襯非三哥勒.一個人嗌唔到d乜, 剩係嗌左碗墨丸米線麻辣湯底五小辣. 呢間既麻辣無我之前食過既咁好..好普通, 而墨丸更加唔得, 有雪藏味囉…還好米線都仲正常, 所以最後都消滅哂成碗粉. 同場見好多檯都嗌紅油木耳, 都幾大兜, 下次兩個人黎先試下啦…同埋..下次唔好再嗌墨丸勒…

因為朋友都說去譚仔不吃辣湯就試不出真正好味.今晚決定挑戰10小辣米線!起初吃只覺得小許辣, 慢慢就感覺到嘴咀又麻又辣.不過又不致於辣到吃不到, 辣度適中, 有小小過癮.雞絲吸了辣湯, 吃上去多了一份辣味, 因為本身雞肉無鮮味, 所以辣味可以說是令雞肉生色不少.雜醬另上的關係, 所以沒有被辣湯影響, 而且一啖米線, 一啖雜醬, 另一方面可以紓緩一下口腔的辣味!今晚還有另一新嘗試, 就是麻辣皮旦.原本還以為是辣油浸皮旦, 但原來是皮旦下澆上辣油.皮旦爽口, 所謂的麻辣油確實麻而不辣, 不過不能沾到太多辣油, 好肥脷.

With "mei seen" this is one of my fav places! Maybe a tight second behind "kiu heung yuun" in central.Finally got to try their "sour spicy" soup base this time. I thought it'd look red or orange for the spicy broth but it's colorless and very clear. The "toppings" are fresh and well portioned as usual. Love their mushrooms, veggies, beef slices..Definitely will come back!!

Decent portion, and comparatively clean environment given what kinda restaurant it is and its price range!Very affordable and it fills you up. Toppings are quite fresh and the service is on par. Ordered beef (chewy treated ones as expected), lettuce leaves (fresh but portion kinda small) and mushrooms (not really marinated but fresh enough). Chilli oil are fragrant and quite spicy. Will definitely visit again.

大眾化價錢,一站式味道,呢間分店最可取之處,就係下午茶時段最易搵位【最坐得舒服的一間,】食材、味道故然好緊要,【但...如果每次都迫迫供咁食真係好辛苦】所以...每次出尖東,如要食粉麺,無他不選$23.尖沙咀食嘢,數得出仲有幾多間!!

因為返教會第三堂12:00pm，今日又晏咗起身，所以，索性來個late breakfast，食完先返啱啱好。地點揀咗路經嘅譚仔，咁早都怕未開，不過原來都係啱啱開檔，裡面空無一人，同平時嘅「盛況」差天拱地，班樓面阿姐仲係「頭圍用膳」未完，不過，見我倆公婆入嚟，都走過嚟招呼招呼。始終早餐，各自食一碗米線好似多得滯，所以就叫一個過橋米線套餐$41兩份食。話叫套餐，唔好諗住包嘢飲，想飲嘅冷熱都係加$6，所以套餐（佢仲要將「套餐」二字紅色咗）之名實在搵笨。過橋米線「套餐」，包成17款餸料，有魚蛋、牛丸、墨魚丸、竹笙、牛肉、雞肉、豬肉、腩肉、火腿、豬潤、芽菜、韭菜、腐皮、生菜、豆卜，而炸醬、酸菜另碟仔上，唔嗜辣所以要清湯底。唔好見有17款料，以為好多，丸類得嗰一粒，懶恩愛要同老婆一人一半先有得試；肉片類每樣咪得嗰一兩片，或兩三片；豆卜低成本嘢咪俾兩大舊你囉；芽菜、韭菜、腐皮都稱唔上餸料，通常食咩米線都有，只係撒上一撮咁，叫配料還可以；炸醬、酸菜叫俾得大方啲；成碗嘢唯一多嘅，咪係米線囉，好彩啲米線都OK，食落有韌性。清湯底，佢形容為鮮甜味美，小弟就覺我好一般，而咁多款餸料，亦係好普通，啲肉無乜味，白

去開灣仔果間,覺得好好食今次經過尖沙咀,見到譚仔招牌,自然入去幫襯.....wa!!!!!!個湯底係水+salt......難食到不堪!!!點解同一間公司,水準可以咁參差?!?

d人成日話譚仔有幾好食,,,有幾好食,,,今日就去試下啦,,,有傳聞話譚仔(三哥)先係正宗,,,唔理嚕,,,見到e間就試e間先,,,墨丸牛肉腐皮米炸醬墨丸腐皮米腐皮牛肉米炸醬牛肉米其實四碗野好似冇乜分別咁,,,主要係因為我地唔係咁鐘意食雲南野,,,但係食落又唔錯wo,,,下次試下譚仔(三哥)先!!!by woody