萬豚屋

營業中

休息中

厚彈石鍋烏冬，香醇濃湯配足料配菜，冬日穩陣好食之選🔥・・・・・・・・・・・・・・・・・・・・🐷 三味豚手打烏冬 配香菌濃湯 HK$95＞ 厚切豚肉、薄切豚肉、豚大腸・味道：除咗薄切豚肉係普通豬腩片外，厚切豚肉肥友相間咁幾香豬油味，唔羶。豬大腸洗晒入面啲肥膏，食落可以呃自己冇呢嚿嘢冇咁邪惡XD。個湯幾香黑松露味，仲滲咗少少蘑菇香，但唔鹹，飲完湯都唔會好渴，加分！btw完來入面有隻原粒溏心蛋，讚欸！・口感：豚肉入口好淋，啲肥膏融咗好正！烏冬係厚身彈口嘅，不錯。🦐 Daily Catch海鮮手打烏冬 配魚介豚骨 HK$109＞ 活蜆、海蝦、帆立貝、蟹柳・味道：海鮮整體幾新鮮，湯底都有滲到海鮮鮮甜。而且海鮮份量都幾多～・口感：同上XD🍳 木魚豚肉玉子燒 HK$58・味道：好多餡嘅玉子燒，肉粒同粟米好多好滿足XD，蛋香味幾重。少啲沙律醬更好！・口感：口感好豐富呀，軟熟嘅玉子配脹卜卜嘅粟米同木魚，配搭幾新鮮同時幾夾。🧋本格香滑奶茶 HK$22 👍🏻・味道：呢支奶茶好飲喎，係好好飲嘅程度，完全surprise咗我！3分甜左右好香醇嘅奶同茶香。茶奶平衡，香而不澀嘅茶底，係會想買多支飲嘅程度。・口感：飲

難得有機會平日同老婆出街食，睇App發現哩間萬豚屋幾吸引，同老婆走去食。坐低睇完餐牌叫左2個主食1）厚切豚肉4件烏冬鍋,2）燒牛肉井， 及一個炸雞小食食物到左賣相ok, 食落味道仲幾好，岩食。豚肉湯入味，牛肉井豐富料多，仲有 黑白芝麻七味粉自己添加。另外有一位女員工好細心，發現到我老婆大肚，問我地要全熟蛋，Nice.但係我個人覺得最不能接受及敗筆嘅係當我要求要2杯水時，某男員工表示無水提供，另有樽裝水售賣可選擇，感覺焗你買野飲，熱飲加3元有茶嘅， 雖然係三蚊當時我地都唔想飲。個人感覺係一間連杯水都無得比你嘅餐廳，食物同服務幾好，我感覺到強差人意囉，唔好話要唔要飲水先，用黎洗下餐具都要吖個人需要。所以我唔會再幫襯，你地感得呢？

服務態度惡劣，冷氣出風位打風咁強，吹正係客人個頭度，就係為左等你個石鍋快啲凍，快啲食完快啲走，味道譚仔好過佢，有興趣食譚仔三倍價錢貴但味道差過佢既野可以一試，保證一試難忘。其實咁多人中伏都係因為香港少石鍋之類既日式餐廳，收得呢啲價位真係認真做好難？只怪自己無上OpenRice 睇吓所以跌錢買難受，超過100個既100%唔會係有好結果是常識吧，大家唔好中伏，100個笑你食完未必識笑，但有100個你食完都仲識笑我真係弓喜你呀

一踏入萬豚屋，我點咗三味豚手打烏冬。食落，厚切豚肉彈牙得嚟又咁juicy，薄切豚肉呀，真係輕輕一咬就化咗喺口中，豚大腸啲香味，咬落去又脆又有勁，真係正！湯底那個菇菌的香味掂晒，令成碗烏冬湯飲落令人暖笠笠！凍嘅選擇，我就試咗豪快活蜆鰹魚湯稻庭烏冬。啲烏冬絲爽滑得黎都唔會過於軟熟，隨住那碗清甜的活蜆鰹魚湯一曬，嗰種清新感覺，簡直夏天嘅最佳搭檔！至於小食，墨魚炸彈同串燒一口牛，墨魚果然係一啖爆汁，而串燒牛肉咁香口，燒得啱啱好，入口即化。飲品方面，本格香滑奶茶飲落去，係甘香滑嘅好味道，而嗰杯完熟水蜜桃梳打汽水，清新嘅口感，仲可以清新下味蕾，準備再戰第二輪！落完口，我只能講決定不負此行，食物質素一流，份量足，價錢相宜，下回定必再光顧！🍜😋🐷

食物份量不多，勉強夠食，女仔份量。豚肉數量唔算多但主要以肥膏為主，肉質軟腍但欠肉味，因為主要味道被過量醬汁蓋過。以為這個價錢會有相應質素，可惜沒有。如果$68還可以，這個價錢無飲品太貴了。整個飯嘅味道很單一，因為醬汁實在太多，肉香油香根本吃不出來。比較同類型的豚肉飯，這間可以說性價比接近零。佢主打是石鍋烏冬，同檯朋友有點，試了一口魚介湯，也是單一沒層次。整體就是定價過高，不值一試。地方太窄，座位安排差，要食客起身才讓到鄰座離開。

同朋友去尖沙咀食野，行行下突然諗到原來好耐都無食過萬豚屋，不如去食下啦，不竟係那些年嘅回憶。。。。由於係平日夜晚，所以餐廳可以直入任坐😆今次點返香菌湯底，吉列豬排好鬆軟，湯底仍然好香❤️❤️朋友點嘅蛤肉香辣都很不錯❤️❤️係回憶嘅味道

之前聽朋友講好味，終於經過可以一試，胡椒蜆好味，烏東滾熱辣上枱，最啱天冷，食完暖粒粒，吉列豬扒外脆肉嫩，好正，重試埋個蟹肉牛油果沙律，份量大，都係98元好抵食，正體價錢响尖沙咀尼講，都唔算太貴，值得一試

試左兩款烏冬，一個係上級牛肉配黑蒜油豚骨，一個係豬軟骨配魚介軟骨，個人覺得兩款都唔錯，感覺似真係自己熬出黎，而唔係味精。餐廳飲品就唔推介奶茶，感覺要少少伏。整體係尖沙咀黎講價格都算實惠！值得一試！

見到呢個餐廳用石鍋上烏冬 幾有gimmick 係OpenRice又有400幾個like 滿心歡喜嚟試吓點知佢個烏冬仲難食過759阿信屋自己煮嗰啲個waitress仲要係我面前剪指甲 啲指甲彈到周圍都係 😨係客人面前都咁污糟 可想而知客人見唔到嘅地方衛生程度有幾好😥我當晚嗌咗厚切豚肉烏冬（4件）魚介湯個石鍋烏冬被充滿草青嘅豆苗覆蓋住豆苗加烏冬呢個配搭 本人真係唔識欣賞 好臭青🤢我只好問店員拎個碗仔夾晒出嚟烏冬好淋 一啲口感都無 無牙阿婆都岩食可能石鍋本身熱 個烏冬基本上唔洗煮就咁擺係到都淋晒厚切豚肉唔好食 似煲完湯既豬肉咁肥瘦不均 成舊肥豬肉都夠膽拎俾客食魚介湯底唔特出 唔講都唔知自己食緊咩味問店員有無水 原來餐廳不提供免費飲用水要飲水就俾錢買我最後嗌咗杯熱茶 $5好彩另外嗌咗個牛肉飯 味道算正常起碼無個烏冬咁伏總括嚟講呢間餐廳係難食 自己煮一定仲好味

🥢🍥🍲熱辣辣石鍋烏冬▫️冇水提供的，要飲野就要叫飲品☑️ 吉列豬扒手打烏冬/香濃菌湯🍲-$92個吉列豬扒會另上的，真係幾好食，外皮超脆口，而肉都鬆軟吾會難咬，配蛋黃醬好食。這款湯底選了香濃菌湯，有一小匙黑松露醬係面，而配料會切好嘅菇，有鮮味而且索完湯好味，另外仲有菜苗、粟米粒同一隻雞蛋，口感都豐富，但烏冬未算彈牙。🆗 厚切豚肉手打烏冬（4件豚肉）/黑蒜油豚骨湯 🐷-$92豚肉的確好厚身，吾會好肥，但會痴牙，黑蒜油豚骨湯個人覺得一般，蒜味太重會有少量苦澀味。除左冇左菇，其他配料都是一樣的。🆗木魚豚肉玉子燒 🍳-$58呢個玉子燒好似蛋包飯甘，只係飯換左做豚肉碎、椰菜粒、粟米粒、同埋蟹柳絲，上面仲有蛋黃醬同埋有木魚絲及紫菜絲飄下飄下，配料口感都十分豐富，食完好滯。

難得係尖沙咀搵食但滿街都係人，突然諗起久違咗多年嘅萬豚屋便行嚟睇吓，幸好此店捱得過疫情又唔使等位，立即坐低開餐。凍奶茶幾大樽，茶味可以，不過甜咗啲。清酒係店員推介，酒唔啱我，朋友就話好飲。上枱時烏冬窩仍滾緊，厚切豚肉炆得好正，有油香又唔柴，好彩揀咗4件版本，烏冬就一般，加$10轉稻庭烏冬會好啲，湯底算係香濃嘅。玉子燒份量幾大，上面有好多沙律醬，入面又有好多好甜的豬肉絲，最啱鍾意甜口味的食客。一口牛係煎炸唔係燒，一啲炭香味都無，嚡口又無牛味，下次唔會再叫。日式炒雜菜帶甜，算是正常發揮。

第一次食，話明萬豚屋，當然要試吓佢哋嘅豚肉，所以我叫咗厚切豚肉石鍋烏冬，吉列芝士豬扒同埋木魚豚肉玉子燒📝呢度嘅落單模式係自己喺餐牌上面填完再俾職員～🍲豚肉石鍋烏冬滾住咁上枱～個鍋咁熱都辛苦啲員工有四款湯底 我揀咗魚介豚骨作為湯底烏冬煙靭，厚切豚肉肥瘦適中，帶有少少油脂嘅香味，本身我唔鍾意食肥豬肉都覺得呢個唔錯！食食吓發現原來入邊有一隻雞蛋，係生打落去個湯底度等佢自己熟，不過貌相唔討好，我寧願佢整隻糖心蛋或流心蛋。🧀🐖吉列芝士豬扒粉漿夠薄，芝士仲溶緊，豬扒軟硬度適中，整個配合都幾有驚喜！不過要趁佢熱辣辣就好食晒佢～🍳木魚豚肉玉子燒初頭以為玉子燒係長方形個種，最後原來係蛋包飯嗰種，只係食到好多木魚，冇咩豚肉，所以整體上似食緊蛋包木魚。如果本身係好鍾意食蛋同埋木魚嘅話，呢個絕對係你嘅選擇。環境方面，在位置都比較狹窄，而且冷氣溫度唔夠高，本身食湯麵都已經容易熱，一路流着汗咁食💧不過值得一讚豚肉方面佢做得幾出色👍🏻❇️會再去指數：3/5

夜晚八點幾行過呢條巷見到萬豚屋竟然冇人排隊喎，見10幾年冇食過，一個人都入去試吓啦。餐牌推介，所以就點咗上級美國牛肉石燒烏冬香菇濃湯底。嗰一大Pat嘅香菌真係好香好吸引，一如以往加埋啲蛋花同豆苗，配襯個湯底勁熱辣辣真係好好味。可惜佢哋推介嘅上級美國牛肉就好嚡唔好食。入邊有幾舊切件嘅大啡菇，聞起上嚟就香，但係食起上嚟就有啲苦味。仲有烏冬麵偏淋身，未有彈牙煙靭嘅感覺。枱上放咗幾種唔同嘅醬料，本來諗住想試吓，但係咁啱店員就喺我面前收晒所有嘅醬樽，放晒喺一個大膠箱入邊，可能想準備添加醬料。可惜到我食晒碗烏冬，佢哋都未放返嚟😮‍💨🥲。都係夜晚八點幾啫，今早準備收工😅😅😅

好鍾意食烏冬 呢間仲要用石鍋上烏冬 完全滾住咁上枱比你食 天氣咁熱都要去食啊 🍽️厚切豚肉手打烏冬（2件豚肉）$86揀左香濃菌湯 用大啡菇整個湯底 面頭再加左黑松露醬 菇味香而濃郁 飲落仲帶少少creamy口感 另外加左粟米粒係湯底 粒粒都好香甜厚切豚肉方面 肥瘦適中 厚度夠厚 烏冬夠滑身無酸味上面落左啲豆苗 口感爽脆 連埋烏冬一齊食豐富左口感

店舖位置好易搵👍🏻，石鍋烏冬啲湯每次都係滾住上枱，好彩佢嘅冷氣都好夠🌬️，所以完全唔會因為熱辣辣而食唔到😙🔸香菌濃湯上級薄切豚肉手打烏冬💲95評分(5星滿分): ⭐️⭐️⭐️⭐️⭐️每次都必揀香菌濃湯，佢有一大羮嘅黑松露醬，撈勻後，個湯真係好香好濃郁好好飲😋 喺條片度，你會見到佢嘅料一啲都唔少，有蛋、冬菇、溫室豆苗、粟米，同埋上級薄切豚肉，全部都吸晒湯嘅精華，非常惹味😚🔸香辣麵豉吉列豬扒手打烏冬💲89評分(5星滿分): ⭐️⭐️⭐️⭐️(有3分係因為吉列豬扒👍🏻)🤭第一次試香辣麵豉湯，如果鍾意食辣嘅，就請留意佢係香辣麵豉湯，而唔係香辣湯，所以一啲都唔辣 係鹹鹹地😂。而吉列豬扒超大塊，外脆內嫩，炸粉算薄，肉質有汁😍。佢哋嘅芝士吉列豬扒係限量供應，之前試過一次，真係有拉絲效果，有好濃郁嘅芝士味🧀️服務質素: 🌕🌕🌕🌕🌑回頭率: 🌕🌕🌕🌕🌕