潮樓 (已結業)

琴晚同左兩個fan去左呢暑店到食晚飯,一上到到就見到無敵大海景,即刻食欲大增啦.叫左個蠔仔粥,大蝦伊麵,滷水拼盆,海捷手撕雞,所有野食都有水準,尤其係個拼盆同伊麵,好入味,好香,d蝦都叫做彈牙,蠔仔粥份量好多,三個人食,每有都有三碗,而且好甜,每人埋單都係一百蚊有找,食個景都要啦.

本人到此酒樓多次，喜歡她有維利亞海景， 食物保持水準， 畢竟是大酒樓一間。 奶皇包: 有流沙奶皇， 包的質感做得好好。鮮蝦腸粉: 蝦味道尚新鮮，質感都可以, 有少少彈牙。芋棵: 潮州傳統食物，內有芋蓉作料，外包著的是由糯米做成的皮，軟糯感十足。蘿蔔糕: 普普通通的三件蘿蔔糕，沒有超水準，賣相也沒有浮誇，傳統的一件蘿蔔糕。糯米卷: 細細件，好易食，我一個女仔兩啖就食掉一件。咸水角: 一般賣相，配料都是豬肉及其他，都可以一試。雷沙湯丸, 值得一試, 糯米做得很好, 軟糯感十足, 芝麻配料很很甜, 甜度啱啱好.餃子, 皮是比較厚, 或者對其他人來說尚算可以, 一般普普通通的餃子, 沒有等別不同之處.最後要試一試中式糖水:芝麻糊: 烏黑的芝麻糊，芝麻香不夠，我估可能沒有炒過吧。杏仁糊: 很“結身”，味道夠杏仁，並不是即沖的杏仁糊，食出這是杏仁加了米漿磨成的，喜歡杏仁或不喜歡杏仁香味的人也可以試一試, 因為不是很濃杏仁香味。甜品以小點計算, 好抵食, 髓知味10一碗.兩人消費合共153包括加一服務費，不過不失。補充, 本人曾在這酒樓邊欣賞維多利亞夜景邊享受晚飯, 和朋友或者和愛人一起晚飯都是享愛

由於有親友到訪，早於幾日之前已經特意致電食肆訂位，還千叮萬囑希望可以預留窗口位置以便讓外地來港親友能夠對香港夜景留下一個美好印象。他們的職員還說如果想要有較佳位置建議我們早一點到，結果我們決定了提早預訂時間半小時。想不到結果竟然令我們很失望。首先那晚一到酒樓，伙計便帶我們到內堂的位置，不是窗口位不特止，還是連方向也是向內街。更離譜的是，我們八個人，看到的那張所謂預留的飯桌，竟是由兩張連高低都不平的四人枱拍在一起而形成的一張長枱。試想想在這種情況下吃中菜是如何的不方便。之後在我們強烈要求下，疑似部長的職員才說不如拿開其中一張四方枱，並在餘下的一張枱上放上圓板，將之變成一張圓枱。眼見親友都餓了，而且又真的不想令外來親友感到難受，我們只好接受他們的安排，誰不知在放上圓板後，我們發覺那張枱的尺寸竟然畀一般六人枱還要小，試問我們八個成年人又怎能迫得下去。我們唯有再提出要求，說這張所謂圓枱真的是太小了，得到的答案竟是那位疑似部長說﹕「這裡只能放下這尺寸的圓板，我也沒有辦法。」本來尚可按掣住脾氣的我實在覺得他們太過份了，只得回應說我們早已訂位，想不到得來的就是這種服務，要知道問題出在他們身上，理應由

又有親戚係外國回來了, 一早打電話給我們, 約了在尖沙咀. 在天星碼頭等齊人, 食飯地點呢. 未決定. 姐有idea, 負責打電話問問有冇位. 我們驚訝地得知, 北京道潮樓唔駛等.........不用再想了, 就潮樓吧.本來安排了一張大檯的, 但要傾計嘛. 要求一張細檯. 近打冷櫃, 亦近窗口. 不錯. 看看 orfer 紙, 聽聞的一蚊雞今日沒有, 反而有一蚊鳥頭. 一碟鹵味加一蚊, 便有一條凍魚. 不過落 order 時, 烏頭賣晒. 部長話可以轉其他魚. 有大眼雞, 當然要一條凍大眼雞, 好似抵D. 鹵味有鹵大腸, 鵝片, 鵝翼, 豆腐, 豬耳, 同蘿蔔. 算是應有盡有. 鹵水汁又不是太過咸果隻. 仲有阿嫂未到. 邊食邊等. 冷盤嘛, 慢慢食住得. 凍魚, 從來都是食大眼魚多, 味道幾好. 清淡地帶點咸味. 而且起哂骨, 對我呢d不擅長拆魚骨既人, 直情是 Very good. 不過, 用黎點果個豆醬, 就咸得好過份啦.另外一個孖寶, 是糖醋麵, 加一個砵仔海鮮雜菜. 感覺上雖然係孖寶價錢, 但係散叫都係差唔多. 糖醋麵, 外面夠脆, 加少少醋已經好好味. 砵仔海鮮, 感覺有少少

好耐冇黎....是晚6點幾到等左10分鐘就有位.....4個人...食左:金瓜烙 - 好味....金瓜少左D...但係好好味....川椒一口牛 - 牛肉唔油....香口....一蚊雞 - 一隻怕太多....先叫半隻...真係 $0.5半隻....雖然平...但係味道一D都唔差....再叫多半隻.....糖醋煎麵 - 比想像中好食....蒜蓉白菜仔 - OK馬蹄片綠豆爽 - 略嫌稀左D....如果加埋清心丸便完美埋單$360抵食.....服務又好...幫我地落單的亞姐親切又好笑容....個個都好有禮貌....仲有窗口位....抵哂

久不久同同學的一次聚會又選中了北一的潮樓野食普通, 呢一次既聚會我真係諗唔到有邊碟值得寫不過寫既係佢地既服務咸菜豬肚湯d豬肚明顯未食哂, 仲有10幾舊豬肚, 個侍應A可以收左去, 得, 我地叫你拎番泥, 冇事問侍應B張信用咭個甜品優惠, 講講下明顯未講完可以走左去做自己野部長C換杯碟我杯,我杯水係大半滿, 而佢又無失手, 佢可以係粗手粗腳的"登"左D水出泥. 要搵人幫手, 叫野舉到手都軟. 難以置信呢個係集團式的系統之下既質素......無言

本來打算新年與家人到潮樓吃飯，打電話到潮樓訂枱。接電話的服務員稱訂枱需要先落訂金，訂金為每位價錢的一半，而每位價錢則視乎欣賞煙花的景觀而定。我表態，我只是為晚飯而來，並無意欣賞煙花。服務員態度極差劣，回應：「你唔睇煙花，我幫唔到你」，之後就掛斷電話。我決定以後不會到尖沙咀潮樓用饍，為免受氣，大家都請別去了。

2008-12-19原先想食好耐都食唔到o既鼎泰豐，可惜o的人唔合作，話到明無得訂位要早o黎拎位先，都做唔到………唯有即諗唔太貴又好坐的地方好彩我諗到呢間食過一次o既潮州o野北京道一號，有海景，又唔貴o既，我諗得呢間鹵水拼盤 - 有o的豆腐係底，對的鹵味不過嫌淡。腩肉好肥哩蠔仔粥 - 好像鹹了點，不過蠔仔都算多，米就無乜喇蠔餅 - 有驚喜，好似係我食過中最對味最好食的，無以前食過o個o的腥味糖醋麵 - 始終無以前細過食過o既咁好食，硬係無o的香口感覺，落完糖都無o個種感覺可以俾我o地傾到十一點幾都係我o地自己話走，勁爽好食，是俾個蠔餅的

上星期約了舊同事一行五人嚟潮樓食七點, 貪佢坐得舒服, 聽聞食物質素都唔錯.點知食到一肚氣個個收完工好肚餓, 一坐低就即刻叫野食. 個侍應係咁sell我哋食貴野, 不過我哋都係叫幾碟小炒.等咗幾個字, 冇野上, 就叫侍應催吓. 催完佢叫我哋等多陣.再等多幾個字, 都冇野食, 就搵部長催(穿西裝嗰個)佢追一追, 竟然, 根本冇落單!!!慶到爆, 叫嗰個侍應漏落柯打都算啦, 催嗰個算點呀, 查都冇查就話催咗.部長不斷晒冧, 又話管教伙計得唔好算, 見有個肯承擔既部長, 我哋再等, 等多陣終於有野食, 但已經八點幾.有餸就梗要叫白飯.搵侍應叫, 等好耐, 再催, 竟然又冇落單!!搵部長嘈, 失埋蹤!!催到冇白飯, 餸都食晒, 又要加餸, 點知...(見到我既語氣, 大家都應該估到發生咩事)原來班侍應要叫兩次先做野!!到埋單..大家都估到, 都要叫兩次!!走既時候已經係十點幾!!為咗保持我哋做人既一點點專嚴, 我哋決定一毫子貼士都唔俾!!旅遊區果然唔同啲, 做客都係一次過, 冇諗住你返轉頭!!但咁既服務, 簡直係香港之恥!!!

和同事和舊同事，一共六人，去左TST北京道一號，食「潮樓」很貴....... 連菜都要$68一碟幸好我有AIG信用卡，AIG信用卡那個4人餐比較抵，只係$368但係我地6個人，叫多個2人餐，點知誤以為那個"友誼餐"係2人餐，埋單時才驚見那是：$299/位..... 叫菜時，我也說成是2人餐，waiter又沒提醒，只是一味hard sell幾千完一圍的餐 加上我地係香港人，在遊客區不受歡迎，服務態度很差，夠鐘就即收野趕人走就算是食海景，8:00pm維港兩岸的幻彩詠香江，因為玻璃好反光，結果唔係好看得到，看到遊客也拎晒相機，但相信什麼也影不到總之.... 唔抵不過也喜歡他們把餸平分每人的份量才上枱，相信是形合西方人的飲食習慣但對我們這樣一大班香港人，便出現碟滿之患，而waiters也只是盲目的把碟放了上枱便算

上星期去慶祝家姐生日.....一行8人....一坐低....個侍應剩係放左兩張手寫既餐俾我地......然後就狂sell....仲suggest我地叫半席然後加每位200蚊...份量就會夠8個人....全餐飯...最好味只得隻每人只分到一隻腳仔既凍蟹........d侍應全部愈叫愈走.......份量好飄忽....一時有6件....一時有8件....至於食物質素....就好一般...........埋單仲要1800蚊.....真係有d唔抵....

親戚年前食過覺得好味, 故此一行7人到北京道潮樓食飯卻換來了失望...鵝片同鵝肉味道退步左, 且擺得亂糟糟, 以前好似扇形咁排在碟上, 美觀得多蝦餃皮較厚, 蝦肉尚算彈牙咸水角拼芝麻豆沙丸: 無甚特別蛋散: 是全場最好味的一樣, 鬆化香脆水晶包: 無食到, 媽咪話一般木魚茄子: 唔錯, 醬油伴茄子好入味, 木魚用來吊味幾特別鮮蝦腸粉: 腸粉ok, 幾滑, 蝦仁有咬口除左食物質素下降之外, 服務態度差先係致命傷, 除左一個男經理之外, 個個都口黑面黑真係唔會有下次幫襯!

幫襯過幾次都係飲 lunch 茶, 印象不錯, 但晚飯就真係未試過, 除0左因為自己地頭實在太多水準潮州菜館, 亦因為對大集團酒樓無乜好感 (當然, 例外係有的, 但一定唔包括稻香!)... 呢日一行 10 人0黎食生日晚飯, 由佢0地拍板叫0野食, (食送)菜並唔係 100% 潮州0野, 食完印象亦十分麻麻 -- 相信搞手選址呢度, 應該係貪價錢經濟, 及有個靚景?- 鹵水鵝片 (豆腐底): 鹵水汁聞落都幾香, 但食味淡淡的, 麻麻; 薄薄的鵝片一般入味, 肉幾嫩滑, 意料之外, 不過去皮唔去肥, 都唔知 lur 唔 lur d 肥出0黎好; 豆腐一般滑一般入味, 麻麻.- 鹵水豆腐: 呢個比墊鵝片底0個 d 滑身, 但更唔入味, 又係好麻麻.- 海蜇併牛(月展): 牛(月展)薄切, 食落爽脆, 帶鹵水味, 但味道好「現成」的感覺, 麻麻; 海蜇夠爽脆, 味道 ok -- 其實都好難會好難食吧?- 蠔仔餅: 叫「蠔仔煎蛋」比較貼切, 都唔知佢有無落薯粉的... 蠔仔 size 一般, 食落無乜味道, 好在條邊煎得幾脆口; 魚露鹹而不香, 唔掂.- 梅子排骨: 賣相係「咕嚕色

來香港當然要給他安排的飲茶嚕!!我找到這間位於尖沙咀的潮樓，又可睇海景先前就先做好功課，一坐下就俐落的勾選菜單如下：香煎蘿蔔糕(中點)→超有蘿蔔糕味的蘿蔔糕，嘴裡餘香，推推!!楊枝甘露(中點)→喝起來就像芒果汁酸甜酸甜，整碗瞬間一飲而盡，讚蜜汁叉燒腸粉(大點)→ 蜜汁搭配上入口即化的滑溜外皮，意猶未盡!!香滑奶皇包(中點) →餡料如名真的是香滑，甜而不膩的餡料，讓人一口接一口 潮仙蝦餃皇(特點) →蝦餃之皇當之無愧，無須多說的外皮搭配肥厚大隻新鮮的蝦仁，老闆讚啦!!!!!竹笙灌湯餃(特點)→重點在它的湯頭，沒有過多的味精參雜，喝起來清淡開胃，讓我不想說話，低頭猛吃，哈哈!!

從酒樓看到的風景雖然不算非常漂亮，但這天陽光重現，透過落地玻璃窗，室内外的光暗對比，仍然讓人看得心曠神怡。兩點半左右，應該是下午茶時段罷，酒樓坐得滿滿的。跟朋友坐在中央的升高位置，雖然不是靠窗，但也感受到那份開揚感。午市主打是一般廣式點心和粥麵包點。較有趣的，有鮮蝦脆腸粉。用平常腸粉，包着炸脆了的鮮蝦腐皮卷，再淋上豉油。趁熱吃，吃得到腸粉軟-腐皮脆-蝦仁爽，口感頗爲特別。另外一個是南瓜粟米肉碎粥，一小窩，也夠兩人分來吃。米煲得開爛，帶點肉香和瓜果的甜味，味道可口，我們之後還多添一窩。下午茶時段，六七個點心，也是八十多塊錢，在尖沙咀區，實屬便宜。潮樓初開，也來吃過晚飯。這裡的食物，味道可取，但不是會震撼人心那一種，雖然如此，偶爾來吃飯聚餐，亦未嘗不可。另，吃到半路，電力中斷，至埋單也沒有修理好，無燈無冷氣，幸好還有點天然光，否則大家都要摸黑進食。堂堂一大食肆，應該做足各樣檢查及維修管理，這方面店方要認真檢討一下。