漁屋日本料理 (已結業)

放題最岩大胃嘅朋友，我就不嬲都自認大食XD，放題緊係岩晒我啦！！今次係第二次encore嘅一間尖沙咀放題叫漁屋！上次同朋友食，今次係食完好食推介俾家人。先講刺身，我最愛嘅三文魚都帶子都很新鮮，其實吾係間間都有帶子提供的，呢間又吾洗另外加錢就有帶子食真正！另外我媽喜歡羊架，因為味道吾蘇，而且惹味。其他的小食也滿意，今次早到，所以食到限量嘅食物，例如燒三文魚頭，也好好食，但再嗌嘅時候已經冇晒了！建議大家早點去，先食到每日制量嘅美食丫！

團購$129+$75我同女朋友去食,遲到9:30先上到去今個月生日有個芝士蛋糕送不過蛋糕係結左冰個甜蝦很大隻好好味我食左20隻以上希靈魚散晒,唔新鮮吞拿魚都係散晒,仲有根最鍾意食個天婦羅送上黎全部都係熱,好好食不過無羅白茸都差不多200$下次加多少少 食間好D侍應如果好聲好氣D 會更加好

上年係荃灣食過一次，印象中水準唔錯。對尖沙咀呢間都幾有期望，但始終有d落差。前排佢地搞團購優惠，人流十分多，雖然係星期五，揀左晏d個輪(8:30-11:30)，8:15左右去到都等左20-30分鐘。一坐底，荼都未比，侍應已經講定乜野乜野冇。第一輛例牌點刺身(有幾款都話冇) 同海膽手卷，刺身賣相一般，但新鮮程度都可接受。比較中意既係佢地d挪威三文魚同甜蝦，鮮甜既。其他只係普普通通。海膽手卷就麻麻地，海膽有腥味！第二、三輪點左炸物、串燒同和食。炸物真係唔得！好多油同粉又唔熱，似係一早炸定放係到。串燒都還可以，鹽燒海蝦最可取，大隻得黎肉質鮮嫩。神戶牛舌個人好幾中意但朋友就認為硬得濟。到和食，個清酒煮蜆，一來有d沙，二來味道好淡，冇酒味，食落真係似普通水煮蜆。總括黎講，相比荃灣個間， 呢間整體真係麻麻地，不輪服務定食物質素。相信未必再黎。

突然諗番起呢間野,其實都二月尾果陣食架喇。事關就有個朋友生日, 佢男朋友揀左呢間野, 我地一行8個人, 個牌寫住6個人就有一個人免費, 所以當然係生日果位朋友唔洗比啦。其實我覺得呢個做法幾好，吸引多Ｄ客人嘛。不過想講講，唔知係我唔熟地方定點啦，我搵左呢間野好耐。。。兜黎兜去，終於見到！但我發現，佢地放係地下個牌，並冇寫明係漁屋。。。所以我係咁搵入到去，見到都幾多人，埸面都幾旺。坐左一陣就有人過黎問「你地有冇人今個月生日？」原來，如果果個月生日嘅話，佢地會熄燈播歌，然後送一件仔嘅蛋糕架～都幾窩心嘅。。。但係，朋友話，果件蛋糕好難食，我諗.......係因為送嘅，可能差Ｄ掛之後我地叫左好多野食，個魚生盤，唔知點解佢地要加多個座黎放。。。但係我地坐緊嘅梳化又矮喎，完全睇唔到Ｄ魚生，好多餘～所以我地叫佢地拎番走個座。Ｄ魚生都幾新鮮，係唔係幾中意佢地Ｄ三文魚有骨...不過都幾厚嘅，另外其他都還可以。之後食熟食，見到佢地有日本小番薯，因為呢排Ｄ人好似好中意食，所以我地都叫左好多，但係呢...有Ｄ失望，因為我第一次唔係係呢度食個小番薯嘅，記憶中，佢係好甜好好食，但係。。。呢間Ｄ小番薯冇味，唔甜其實都

見團購咁hit就搵左朋友陪我試．$129+$75服務費，佢分時段3小時，我地就8:30去，去到要係個商場到登記之後排隊到8:15先比我地排隊個d人行樓梯上去，一坐低就話冇北寄貝無咩無咩咁啦，但剔左第2次刺身又有北寄貝，之後佢話無個ｄ都有黎，好神奇好懷疑佢係咪記錯左上一段5-8點個d野可能售罄，10點就放低張單問我地有無人生日，有就一件cheese cake會全場熄燈之後同2月份既人慶祝..咁講食啦..刺身: 三文魚 ，北寄貝 ，有頭甜蝦 ，帶子 ，螺，玻璃蝦普通壽司: 火灸三文魚(賣相好靚，但油脂唔夠唔太香)，火灸芝士蝦(冇芝士味)，火灸比目魚幾香 ，火灸墨魚（可以唔食），辣味三文魚 ，鳥貝幾好 卷物: 海膽冇黎，花之戀ok，其他（櫻之戀，蝦卷）我唔會再叫小食拼盤: 非一般既中華沙律(好粗未切)，八爪魚同螺都ok炸物: 蠔（係蠔仔＋d粉唔熟)，帶子同街市買既無分別  串燒: 牛舌 ，雞翼凍+乾搞到好硬，雞軟骨  天婦羅: 蝦，蟹柳  鍋: 牛肉鍋 湯底幾好，菜好甜(但有d爛)，無豆腐有d失望，牛肉好un..但整係食菜幾好味小食: 鐵板牛油栗米 :like 食左3板

我朋友好鐘意 日式放題，呢間食過多次 佢生日食飯 今次再去。去到門口就見到成堆人係門口等位，由於早就BOOK左位，所以去到就即刻有位。不得不提係佢傳菜速度好快，落左單之後大概5分鐘就有得食。我建議大家先飲下佢D忌廉鮮奶，酸酸甜甜地，幾好味!講返食物方面蟹子沙律好味, 什錦刺身沙律又多料三文魚刺身 同 甜蝦同最正 ，鮮味都唔錯。三文魚 厚切 多魚油 每食一啖 口腔充斥魚油的芳香甜蝦 大隻 , 好甜 唔Sing希靈魚 好爽口壽司是迷你版, 飯唔硬 , 燒牛壽司勁正 , 好有牛味 ,  味道好香濃  但唔肥熟食方面，最好食係燒羊架, 火喉剛好, 唔會靭仲好juicy蝦天婦羅, 個炸醬重手左D最後講返整體評價，價錢大約$200左右，算物有所值啦

見團購不斷追捧，而且午市menu算多選擇，又有四小時任食放題，價錢比晚市平，所以帶埋屋企人來食，點知....貪平係冇好野。漁屋特色：茶水要要求先供應枱上基本用品（餐具，牙簽缺乏）嚴重漏單，火焰壽司落左三次單，到last order截單果次先有得來。生果盆冇來，落兩個一品鍋，最後得一個來印象中有好幾款食物最後追單都冇得來侍應們非常忙，唔得閒幫你追單我地食三個鐘，有一半時間係等，上菜慢到令人煩躁食物質素：最impressed得三文魚刺身，可能真係挪威入口，好鮮甜壽司非常差，連壽司嘅形狀都冇，三文魚壽司嘅三文魚唔係刺身果隻，壽司上嘅魚生唔新鮮，壽司上碟數目同落單數目不乎一品鍋，清酒煮蜆只係用熱水將食物煮熟而已，冇食物鮮味，湯底等於滾水炸物：雞軟骨，芝士年糕，炸蝦正常水準。炸生蠔非常細粒，落炸帶子最後冇來燒物：雞翼，多春魚都冇食物嘅原味，得燒嘅味道Overall, 差。服務質素唔好，但體諒佢地人手唔夠，好忙，都無謂去harsh人食物質素唔改善就唔好喺團購度話酒店級放題誤導消費者所謂送生日蛋糕得一件，咩團購五重優惠最後冇左回事

團購，食早場，5—7：30，今次第二次，第一次我好讚，今次就一般開始食刺身，三文魚，花螺，甜蝦，北寄貝，都鮮甜，第二round食都不錯。。。但係墨魚片，吞拿魚就一般了，無味呀。。再食壽司，漁屋軍艦，松葉蟹棒，好味，蟹棒又大又甜，正，花之戀人，軟殼蟹卷都可以，另外仲食左件海膽手卷，都不錯，跟住又點左日本海蜇，水蜜桃什果沙律，芝麻八爪魚等，其實呢幾味前菜，都幾開胃。。。食完凍，當然食熱啦!天婦羅，多春魚，蕃薯，日本炸帶子，燒波蘿，同出面放題差不多，但自己幾鍾意食地獄炒蜆同地獄海鮮煱，夠spicy,煱又多菜，好味，另日式燒餅都推介，good.。。。。。。當然，唔係樣樣都咁好味啦，上次食牛仔排好味，但今次唔得，味道怪，老婆直頭唔食，最攞命係羊排，係大塊呀，但勁多肥肉，又燒得唔香口，食左一啖仔，sorry,要浪費了，最後，係無左上次食過的D牌雪糕，得牛記雪糕，有d可惜。。點都好，整體係ok,價錢又抵

同朋友放工無野做,就去呢到試下個放題款式黎講都叫幾多魚生都幾厚同幾新鮮,又多野簡甜蝦好大隻,好正!!!!但其他小食就一般般,個清酒蜆有小小沙...個沙律就正正常常炸物都係熱烘烘,應該都係新鮮炸出黎,但油就比較多如果想簡簡單單食一餐呢到係唔錯既~

之前試過荃灣果兩間,所以就去埋尖咀試.不過估唔到可以差咁遠.我係買咗團購$129,再加$45服務費.第一輪我地叫咗天婦羅,炸物,刺身同羊架.好似都係事先炸好晒,等我地ORDER再炸番熱俾我地咁.羊架好UN,好鞋LO.不過刺身好正.第二輪就有新鮮既炸物食,可能真係去晒D舊既炸物,不過我地無興趣再試羊架LO甜品無晒啫喱,豆腐花連雀巢雪糕都無埋,只有MINI版既DRENEY'S雪條.

17/9朋友用group on coupon 買129per1人,3個人加錢加咗一隻松葉蟹(好似係69)但係再加埋d extra charges 竟然每人229,雖然2030入廂，食到2330,但不値得lo松葉蟹係ok ge，又有蟹羔，係細隻咗d三文魚第一round 唔得，全無魚味，但第二round又新鮮反，咁樣我好難order.最得ge 係甜蝦，真的新鮮，帶子都好食，但係太細了，油甘魚，吞拿魚都係唔得，熟食最好食係羊架，咬開軟熟，明顯有挑筋先煮煮蜆就不要食，又無蜆味，酒味又無，too bad牛仔肋骨就幾肥下，連我食肉獸都只可食2件，不過我覺得可以試ge唯一特別係有個小型㤆ge百福豆腐花，Q得黎又可以唔駛拎完一盒食唔曬雪糕係牛奶公司lo，如果收我229,我唔覺得值整體而言229我唔會去多次，因為得羊架我係滿意

點左野食等左20分鐘都一碟未黎過， 就追個侍應啦，之後出野食出得好快，成張枱都係。 但偏偏叫既刺身就催極都唔出，出哂啲熟食 huffy咁我地入紙寫幾款包括三文魚 10 quite nice!帶子 10 quite nice!甜蝦 10 quite nice! quite dirty!!!!油甘魚 10 not fresh!!!!!!玻璃蝦 10 ok la...結果油甘魚係由始至終都無食到一件the second time yes, but it wasn't fresh...其他呢,就4-5件但係我地5個人一人夾一舊都無哂我食到後既時間,我入刺身單已經係完全唔出比我做生意手法好卑鄙大部份食物都有漏單情呪,全部食物都係嚟唔齊,地方超擠迫,團購賣$129, 但加埋所有附加費都要成$2xx一個人,同walk in有咩大分別,唔會有下次! huffyd野食係好餐廳好差樓面上野既時候求其擺上枱正情擺成盤魚生喺老爸面前daddy睇到呆哂huffy清酒酒杯完全冇洗濕立立錦上枱 huffysmelled like alcohol!!! OMG!!!點可能仲有酒味呢~？碗碟極污糟!!!!!!!!!!!

普普通通既野食因為訂左枱唔洗等一坐底侍應就會放低2碟前菜俾你食住先，幾好但點左野食等左20分鐘都一碟未黎過，想問之下，隔離枱都話係佢地都等左一段時間先開始有野黎我地答左幾句就追個侍應啦，之後出野食出得好快，成張枱都係。但偏偏叫既刺身就吹極都唔出，出曬啲熟食，特別女仔最會叫我素食，栗米就勁大碟…食飽先黎果少少刺身…野食味道係正常既，但無特別推介，因為真係普通，刺身都唔係特別新鮮。但佢啲蝦真係好大隻隻隻都好有肉食，呢個值得一讚野飲就有特別啲既黑糖薑茶，清酒都係免費任飲，但試左支就知＝0＝果然免費無好，質素係食方面都係1分錢1分貨…最後因為生日月就有得送生日蛋糕，一枱幾多個人生日就幾多個。反而…個蛋糕係全餐最好食果樣…哈哈哈哈…

8月4日我地一行五人去到呢度食放題，餐廳位置吾難搵，但略嫌簡陋，好彩入面裝修吾錯。一開始就叫刺身壽司天婦羅，刺身幾新鮮，壽司以焦糖玉子壽司較特別，天婦羅則厚粉而且冇汁，後來先知要寫紙叫。羊架太多筋位咬吾開但係手卷足料，可惜紫菜吾脆。總結：壽司刺身過得去，但係食物種類吾多，炸物較為差。環境：座位寬敞，但係射燈太光猛，坐得有點不舒服。

天氣好熱，想食d凍食消暑，剌身係明智之選。趁著今日又早放工，call左朋友約係尖沙咀到食，有位朋友話前幾日先食完漁屋，所以極力推介我地都去試。我地去到的時候，只係見到出面排好長條隊，咁我地就等。終於輪到我地有位啦，埋位，即刻拿拿淋攞住成大疊的紙起勢咁點野食，尤其係一睇個名就已經feel到好好食既，一口氣就諗都唔諗就點左好多。我的最愛刺身除左普通的三文魚，就多左好少放題會有既帶子同凍食花螺，滋味十番，嘩哈哈！之後仲有限量供應，又要唔執輸剔黎食，好彩每樣我地都有得食。果然好野味，將三文魚的每個部位分開烹調，鹽燒又有，醬燒又有，每樣都有獨特的味道，雖然都係話三文魚，但就著不同部位，有不一樣的口味，一試難忘！最後，用雪糕黎圓滿結束我的一餐！