326
179
69
港鐵尖沙咀/尖東站 B1/ N5 出口
繼續閱讀
電話號碼
27244408
營業時間
今日營業
08:00 - 21:30
星期一至六
08:00 - 21:30
星期日
全日休息
公眾假期
08:00 - 21:30
公眾假期前夕
08:00 - 21:30
以上資料只供參考, 請與餐廳確認詳情
招牌菜
食家推介
相關文章
10幾年前好鍾意食，知道大廈要拆，餐廳將會結業，本心諗住趁仲有嘅時候去食多餐！ 但實在太令我失望，記得第一次食嘅時候驚為天人滿滿嘅茄蓉舖面，真材實料，酸酸甜甜，連湯都飲埋！今日再去食，個湯只係死鹹嘅重茨湯底，面頭就少少蕃茄少少牛肉！幾啖就食完好似冇食過嘢咁⋯唉！
繼續閱讀
尋晚係Twins嘅演唱會，不經不覺佢地已經出道左22年，香港人見證佢地既成長。22年感覺好長，有好多事情喺中間發生，產生左好多唔同既回憶。佢哋中間經歷好多嘅挫折，但係到今日仲咁多人支持，因為佢地一直有專注於自己喜歡同埋應該要做嘅事。係香港一直唔喺主流嘅跳舞組合，可以堅持到今時今日，實在令人佩服。唔知要繼續做好呢件事再多些40年，佢地又做唔做到呢？ 66年開始經營的星座冰室，同Twins一樣，一直咁做好自己嘅本業，就咁樣已經做到第四代，時間係Twins既3倍。最近香檳大廈要重建，佢哋都因此就嚟要結業，有好多報導訪問林老闆。我覺得佢真係一個踏實又默默耕耘既人。佢既說話樸素，一啲吹噓都冇。淡淡咁道出左咁多年喺香檳大廈嘅所見所聞同各種變遷。佢冇羨慕唔同過客嘅風光，佢冇挑剔喺呢間大廈嘅各個行業。睇得出佢就係只要專注於自己所做嘅工作，融合於食客。禮記之中，敬業樂群，說來容易，我相信星座冰室喺呢66年入面，真正咁做出左個典範。 🍖我自己幫襯過星座冰室好多次，呢日又黎到午餐，岩岩聽到隔離枱好大聲咁問:呢d咩黎架？我地明明叫左蕃茄牛肉通粉，點解會有塊雞皮？林老闆不慌不忙解釋係好正常既事，要熬個雞湯出黎，裡面就會有雞皮啦。呢一刻我由心咁敬佩佢。佢清楚自己嘅食材，清楚自己既處理，簡單咁介紹俾客人，淡淡咁處理好事情。作為一個旁觀者嘅客人，佢咁講反而令我覺得佢更加君子，對佢更有信心。最重要係我知道原來個湯咁真材實料。 🍖我點左茄牛芝士公仔麵，我鍾意佢地堅持用新鮮嘅蕃茄同埋牛肉，蕃茄得好碎，本地牛肉有咬感但係唔韌,牛味好足。而芝士就係蕃茄嘅絕配。作為生果，蕃茄總係會有一啲酸，芝士就平衡左哩個味道。而且巧妙咁用左片裝芝士，咁樣芝士就好容易溶係熱辣辣既湯。但係佢又唔喺完全散哂，咁我又可以小小小小咁夾黎食。彷彿係多左一道小食。 🍖西多士就度度都有架啦，但係哩個做得相當出色。外層既蛋醬做得輕薄，而且起絲，佢炸到啱啱好金黃色，唔會炸得過火之餘又夠香脆。有時候其他嘅西多士明明都見到入邊嘅花生醬，但係偏偏又食唔到個味，主要原因就係嗰皮太厚。呢度相對薄一啲，但係花生醬足料而且感覺香濃。 🍺叫左鴛鴦奶茶嘅味同咖啡味特別分明，又互相融合。唔知係咪呼應緊呢度嘅經營之道呢？ ✨️去星座冰室，首先要經過一條走廊，然後落樓梯，轉左手邊就見到。然後你覺得好有特色，牆壁上面都係一啲好多年前加可樂廣告，用詞都係言簡意賅嘅四字成語，'經典邂逅','心曠神怡'，喺一啲幾乎冇見過嘅廣告手法，招牌嘅中文寫法，留心一睇，喺由右至左寫，呢種寫法你以為新穎，其實喺代表年代久遠。店入邊，又有好多當年雜誌對佢地既報導，佢哋冇將佢放大，當年雜誌假面係咁大size,佢就貼咁大張出黎。仲有佢用到生銹都冇換既收錢奶粉罐同埋經典款式既地磚，彷彿每一個事物都停留係以前嘅年代。而我最鍾意就係佢雖然係地底，但係竟然有戶外(店外)位置，而且好多人揀左坐喺出邊。 咁有特色嘅地方，如果唔係因為清拆，相信會一直堅持傳承落去。轉變令到好多人得到新機遇。但又令到好多值得保存嘅店舖，食物甚至文化都不能保留。衷心多謝星座冰室以及香檳大廈其他商戶，一直以來係尖沙咀嘅貢獻，我仍然相信後會有期，但係就算完結，相信仲有好多人會係心中懷念!
繼續閱讀
幫襯左呢間老牌茶餐廳已經20幾年，最鐘意係小店嘅舊式老店情懷，雖然唔可以講得上非常好食，但係咁多年都keep到水準，今日叫咗蕃茄雞絲撈蛋公仔麵$50，雞絲好夠味，而且大大碗，一定夠食!
繼續閱讀
第一次食呢間蕃茄麵係喺中學年代，仲記得第一次去食勁難搵，因為佢喺尖沙咀香檳大廈斜路嗰邊入口，仲要經過人哋間舖，行去好似後巷嘅盡頭再兜入去先係。早幾年有傳會執，好似話棟大廈會收返，但執極都仲喺度🫢 不過最唔同嘅係，愈嚟愈少人食，我上次去大約8/ 9點，得我一枱客😂基本上我單拖去食嘅話，一定係食呢個 #蕃茄豬扒麵 ，超多蕃茄汁，個麵掛晒汁，再加上個豬扒都入味。檯面有一大盒冬菜，我次次仲會落勁多食🤣🤣不過不得不提，除咗位置隱蔽之外，其實行入去條行都有少少陰暗，成日都見到有老鼠曱甴出沒🫢 衛生麻麻😂
繼續閱讀
朋友帶路嚟到一間非常懷舊嘅冰室，真係估唔到尖沙咀鬧市中會有間咁古老嘅冰室🤭連門口都要搵吓先入到😂不知不覺走入咗一個商場門口，穿過一條好隱蔽嘅走廊彷彿穿越回到七八年代嘅舊香港🇭🇰，而呢間冰室真係有超過50年嘅歷史，喺尖沙咀屹立半個世紀真係唔容易，可以喺消失前親身嚟到表示興奮🥰餐牌好簡單，分咗熱飲、凍飲、早餐、全日茶餐、小食、蕃茄麵、蕃茄撈蛋麵、其他精選粉麵同埋三文治.多士，我哋兩個人都選擇咗🍅蕃茄麵🍜各自加唔同嘅餸😋每人一杯飲品同埋再share 西多士，呢餐每人平均$83，8-9成飽！🧀🍅芝士蕃茄牛麵🐂🍜 $44➕加煎蛋🍳 $6 （可以有好多配搭每加一餸$6）😋食後感：-講到明「馳名蕃茄湯底」當然要品嚐一下以蕃茄湯底為主嘅麵啦🍅🍜有好多唔同嘅配搭可以不停加🤩我選擇咗牛肉、芝士同煎蛋😋-成碗麵勁蕃茄，啲蕃茄蓉好好味🤤👍🏻麵係平時舊式茶餐廳/冰室專用嘅大光麵，加埋牛肉、芝士同煎蛋，豐富好味😋👍🏻✅必點🧋凍奶茶 $18😋飲後感：-嚟到舊式冰室更係要飲番杯奶茶啦🧋係杯度見到奶同茶嘅融合😂突然覺得好治癒☺️-好懷舊嘅味道，茶底正甜度剛好～正😋👍🏻奶茶控✅必點🧈西多士🍯 $30😋食後感：-咁邪惡😈嘅西多士真係要同人share🤗-滿滿嘅牛奶蜜糖花生醬🤤正👍🏻✅必點
繼續閱讀
您可能會有興趣的...