26
4
15
附加資料
星期一至六：12:00nn-2:30pm (最後落單時間)；\r\n星期日及公眾假期除外。
以上資料只供參考, 請與餐廳確認詳情
食評 (51)
已經有一段時間無去過對上一次去係2006年平安夜, 當時對呢間餐廳印象都仲係好好, 因為$160幾一位任食係尖沙咀真係難得~ 上兩個星期諗住同一大班朋友去食下shabu shabu聚下, 點知大失所望... 一來就帶我地去到遠離人煙既地方, 即唔係不嬲食開個一面, 唔知係以前我未去過定係新開~ 人影都無.. 就連waiter都時有時無...去到坐低佢先話我知宜家d shabu shabu 無得自己"look"係廚房整好出來. 唔緊要就當我無問清楚兼太耐無來唔知, 你有得俾我食都ok. 但我地10幾人一叫叫左兩鍋佢好耐都唔來. 三催四請之後終於來到. 大家一睇就覺得唔對路, d牛肉熟過頭, 食落去好似象筋咁. 鍋野又烯又無味...追加多兩鍋叫佢唔好煮到d牛肉咁熟,又要等好耐先有, 出到來又係110%熟...好失望~~ 以前呢度係俾你自己"look"再不停供應一碟碟肥牛, 又可以再加蔬菜. 到最後d湯底變到好濃要來"look"烏冬岩哂..宜家變左係你叫親一鍋就咩都有無得揀又唔可以揀幾熟... 又無左一人一碟醬汁叫佢要汁佢又俾得一小碟.. 我10幾個人一齊點落去呀?叫其他野食, 煎炸食物就好快到而且order幾多來足幾多...壽司唔係來得快但都可接受. 但三文魚刺身來左幾客之後就停哂...再加order都無來, 我地10幾人幾客夠邊個食!!~ 又要三催四請又只係來左幾客, 要發火鬧先多幾客, 但當時大家已經食左好多其他野唔多想再食三文魚..shabu shabu 慢都話廚房要煮, 三文魚叫極唔來完全覺得間野係想"dum"你時間等你係有限既個半鐘入面唔好食咁多值錢野...個蟹籽沙律就最離譜, 用個豉油碟裝住, 得一"bad"仔又出哂水好似人地食剩咁樣...忠告: 唔去好過去!!! 完全縮哂皮又想呃人
繼續閱讀
It was first time to try. I really can't say anything (both food and environment) good to this resturant. My sincere advice--> pls don't go, You must regret.
繼續閱讀
上次食完松屋後路過，見到有$99任食，早兩晚同男友去試。$99 冇刺身，但壽司都多款選擇。點完冇耐，侍應拎左個gas爐先知送三文魚刺身(每人兩片)同肥牛(每人兩碟!) 肥牛幾好味，但係食食下覺得有d 漏。由於入坐時好餓關係(又想食湯麵)，冇麵揀情況下選左牛肉烏冬。個碗雖然細(都大過平時飯碗)，但係佢俾得好滿!開頭仲以為會好少，見到有點後悔點左。壽司都係細細粒，但飯非常鬆散，一夾起點豉油，一半飯留o係豉油碟，要好快速先掂。炸物味道一般，真係即叫即炸，但特別係炸帶子，外皮非常硬兼裡面冇味。串燒方面燒冬菇最好食，燒得好乾身。而燒大蔥就只取裡面嫩部份，冇咁難o趙。我地冇訂位去到都只係等一等就ok，坐問口張大大正方枱(每邊可以坐四人)，唔好坐，我都唔係腳長，但係好頂腳，冇得向前伸。基本上俾碗牛肉烏冬同肥牛食飽左個人，唔係試到太多。侍應都幾好禮貌。
繼續閱讀
今日同同事去食任食lunch buffet,食完之後都覺得以後唔使旨意再黎.首先係食物既份量啦,sushi一客=一件,所有既食物份量都少到你想像唔到,而且除左果o的完全冇味既牛肉之外(因為牛肉質素差,所以佢一定任你食,食到你飽為止,咪可以唔order咁多野食)所有食物都係等左好耐先黎左一部份,而且你要有心理準備大約2/3叫左既食物係會漏左單,大約半個鐘先上一o的,sushi既size細到同一個男人既手指公一樣咁大,師傅好厲害,咁細件都可以做到,任食既sushi唔夠新鮮,只有佢送既一件三文魚刺身係屬於正常既質素,食物完全可以講唔合格,所謂既任食一次只可以order兩客,有冇搞錯!而服務都係麻麻地,唔夠冷氣啦,而且俾我見到侍應用手分牛肉,即時飽晒,而當我地問侍應我地點解咁多食物都未到,佢到既答案係話你地order既野已經上晒lu,真係our爆左頭,有大半既野食係完全未出現過,有冇搞錯!
繼續閱讀
bf 話這間酒店有日式火窩buffet, 做緊promot 要同我試下, 之前試過此酒店西式buffet 唔係幾好, 對此酒店日本餐廳水準也未敢期望.環境很不錯, 每人2碟薄牛肉及一客三文魚剌身, 牛肉很滑很美味, 但三文魚所謂一客只有一件??? 都幾新鮮但份量令人失望, 海膽手卷很鮮甜, 可惜紫菜很un 欠新鮮, 形響了口感, 各式壽司也很新鮮, 另有數十款串燒、小食等, 份量很小, 也好, 可以試多幾款, 全是即做質素ok, 炸三文魚皮要試, 幾得意, 但面食及飯類份量比較多, 餸卻很少不夠送飯. 上菜也很快沒有漏單, 有很多waiter, service 太殷勤, 像有人看著吃東西, 有點令人吃不消.缺點是開了暖爐, 吃火窩實在太熱了, 飲品只有熱茶, 但百多元一位也算超值了!
繼續閱讀