新世界韓式食品

營業中

休息中

這間小超市/餐廳是我和家人常常幫襯的地方。剛才提到食評覺得都幾驚訝。今日簡單自己一個人買嘢返去食。深知自己腸胃都一般般。所以將吞拿魚飯卷放入電飯煲整返熱。呢度印象加埋大概係$112 。八爪魚淨係畢咗少少出嚟，仲有好多喺雪櫃。因為驚電飯煲癡底或者燶咗，墊咗一張牛油紙，其實吸到都比想像中多油。不過就幾好味。食落肚感覺都健康。八爪魚呢個小菜，酸酸地，所有嘢都適中，覺得總括嚟講，兩樣嘢加埋可能貴咗$20。始終又唔係即時堂食，又冇服務。不過都係何接受的。

早幾日買左泡菜，醃蠔，醃蝦，明太子，醃八爪魚，外賣反到去夜晚食左2隻蝦，其他都係食左好小，之後訓醒已經唔舒服，又肚痛又想嘔，訓得好差，唔知係邊樣出事，食蠔啲蠔係好腥所以食2舊就食唔落想反胃，到而家重係好辛苦一食野就想嘔，以後都唔敢再買呢間，未試過食生野會食到咁放埋相，全部真實評價，相入面個幾樣係隔左3日而家拎去掉左佢，睇相都已經係無乜食過都可以搞到我唔舒服，浪費哂金錢，好多菌以後真係唔敢再信餐廳食評

好恐怖，呢間嘅招牌寫住泡菜專門店，諗住啲泡菜好好食啦，點知啲泡菜真係麻麻哋，好恐怖，好鹹，以為自己食緊鹽，食完之後覺得自己真係會腎病當然佢可以話係韓國口味啦，不過我去韓國超過10次，我真係未食過喊到咁嘅韓式伴菜，好似食緊鹽咁⋯買咗呢個辣紫蘇葉，真係好恐怖，極度咸，冇話食唔到落口嘅，不過就一定會腎病囉⋯我真係唔建議大家買呢樣嘢，我建議佢個老闆試食一盒俾大家睇，如果佢老闆可以食到一盒，咁我冇嘢好講！辣魷魚都好恐怖，好鹹，冇可能食到，我係格眼溝粥食。分幾日食，一家人食咗一半已經極限⋯另外都覺得佢哋價錢唔算好平，比起超級市場賣貴超過一倍不論價錢同食物質素都一般

尋晚係呢間食店聽到有韓式豬手賣， 第一時間買隻番去試下， 番去打開食， 淡而無味， 好似食柴皮咁， 好乾， 接受唔到，一個字 ～差！！！根本係敗壞韓國豬手嘅名聲，勸其他人請勿中伏。

成日都好鍾意食韓國嘢見到依間舖頭好似受韓國人嘅喜愛就諗住買嚟試一試買咗個辣豬肉飯卷入面嘅料畀得好足,有蘿蔔、雞蛋、青瓜等好多蔬菜配住啲辣炒豬肉可以減低油膩感食完都唔會有咩罪惡感

同女朋友去左行尖沙咀，佢話想食韓國野，就去左韓國街買外賣返屋企食~韓國街有幾間相似既小食店，我地今次試左新世界~除左有醃菜之外，當然唔少得韓式飯卷，另外仲有熱食，好似蛋卷、韓式炸雞，辣炒年糕，泡菜煎餅等等..我地叫左個韓式原味飯卷，仲有炒年糕，醃菜就要左生醃八爪魚同埋醬油蝦~🍙韓式飯卷真材實料，有青瓜絲、紅蘿白絲、醃蘿白絲、腸仔等等，一啖成個口都係餸，好滿足~🥢炒年糕因為外賣返到去已經凍左，不過翻熱左就好好食醬汁夠辣，年糕煙煙韌韌，再加埋洋蔥絲同魚蛋，好食🐙生醃八爪魚既八爪魚好粗身，超爽口彈牙，醬汁濃味，就咁食會有D偏咸，我同女朋友鐘意加入生菜包飯一齊食~🦐醬油蝦好鮮甜，辣醬油令到醬油蝦更加鮮味，呢碟令我諗起韓國食過既醬油蝦，認真唔錯~

食物價錢係貴咗但質素咁多年都尚算穩定，一個月嚟幫襯一次韓食，我一定去韓國街搵老闆娘李太！今日中午時間嚟到，等咗陣就買到Bulbogi Kimbap同蛋卷做lunch. 無得飛韓國嘅時候就更加需要真。韓食解下相思之苦！如果鍾意食韓食前菜嘅朋友，就更加唔可以唔試李太嘅招牌前菜系列！前菜必食有：堅果魚仔、kimchi蔥、辣雞泡魚、漬牛榜、醬油蝦、醬油蟹! 與其出去同人迫，不如買啲牛肋條、雞肉、豬扒返屋企自己他他條條自家韓燒，飲下燒酌，煲埋韓劇，絕對一流！

之前曾經喺NamDaeMoon Plaza買過醃生蠔🦪調味唔算特別鍾意，好鹹！所以都冇話想特別想再試😔直至有個YouTuber介紹，話佢每次去新世界都會買好多零食😋所以我都係忍唔住買來試吓🤪-相較之下蠔🦪比較細粒🤔但係調味方面出色好多！辣啲，同埋唔係死鹹🤢亦都可以遮到d腥味-而辣泡菜唔覺得辣，食真d食到菜既甜味但係我覺得冇乜特別-而飯團都係冇乜特別🍙烤肉比較散，亦都無乜味蘿蔔就幾好食-不過始終係生野，如果大家腸胃冇咁敏感嘅可以試下估唔到醃生蠔都可以食到蠔既鮮味🦪

韓國美食人人愛🤘🏻係香港想食返地道韓國野尖沙咀金巴利街有好多選擇二人韓食套餐 (原價$514 ; Set價$463) 🇰🇷 包括◾️蜂巢式五花肉 400g◾️Chef & Taste 醬醃牛排骨 1pc◾️抱川式醬醃牛排骨 5pc◾️辣泡菜 (中)◾️原味韓式捲飯 1 pack前菜係一個辣泡菜，屋企人同我都好鍾意❤️新鮮又唔會好辣，兩種辣度選擇醬醃牛排骨煎完之後都好滑嫩，牛味十足！唔洗配醬汁已經夠晒味道，本身已經醃好咗唔洗煩！抱川式醬醃牛排骨 ，係會比較細條既牛排骨，一樣豐富肉汁😆五花肉，煎完之後油脂香味濃郁最後唔洗唔驚飽，原味韓國的紫菜捲飯！蛋、肉條、蟹柳和青瓜，以為好簡單嘅材料其實加咗麻油香味嘅韓式飯，已經超級好味

想喺屋企食韓燒🏠我就喺集合正宗傳統韓國美食「新世界韓式食品」叫咗個set🛒.二人韓食套餐🔥原價$514 set價$463💁🏻‍♀️包括蜂巢式五花肉400g🐖Chef & Taste醬醃牛排骨🐂抱川式醬醃牛排骨🐄原味韓式捲飯🇰🇷泡菜🌶五花肉燒到有少少金黃微脆✨油脂豐富😋醬醃牛排骨🐮醃完都唔會遮晒啲味，仲食到好重牛味🤤辣泡菜唔會好辣，入味開胃，仲可以燒少少食😗韓式捲飯一打開就好香芝麻味💨仲好足料👍🏻有煎蛋🍳餐肉、蘿蔔🥕菜🥬蟹柳等🦀另外仲有其產品可以選購🛍例如金槍魚泡菜湯🥣韓國即食飯🍚

I didn’t know Hong Kong had a K-Town. When I discover this place at the end of Kimberly road I was surprised how many great finds I’ve found. It has a lot of restaurants and snack stores from Korea. We went to this place because I was attracted by how many side dishes they had. We got a bunch of side dishes and I fell in love with the kimchi. Just wrap the lettuce with pork, some kimchi, some bean sprouts and alittle of sauce - makes an incredible wrap! Also there were various of choices on kimb

終於到咗大家期待已久嘅復活節長假期啦，除咗出街食飯之外係屋企都可以同朋友聚下係屋企食大餐😍小編最近就喺尖沙咀呢間好出名韓國小菜嘅食品店買咗個韓燒套餐同朋友一齊食💜套餐裏面包含多款配料，一次過滿足大家嘅需要😋_🇰🇷Korean BBQ Set (Portion for 2) $359(Portion for 4) $679套餐包括：（配料或有所不同，詳情請向店員查詢）◽️蜂巢式五花肉 ◾️CHEF &TASTE 牛排骨 ◽️抱川式醬醃牛排骨 ◾️辣泡菜 ◽️原味韓式捲飯 ◾️燒酒◻️金槍魚泡菜湯包◾️ 韓國午餐肉蛋蓋飯由小菜、湯品、主食、肉類及飲品一應俱全，小編最愛蜂巢式五花肉😍厚切五花肉充滿肉汁，食落去有嚼勁🥰另外有名的小菜辣泡菜同樣出色，白菜爽脆夠入味，配埋支燒酒一齊同朋友飲就perfect啦🤩

金巴利街出名專食正宗傳統韓國美食呢間新世界韓國食品更加係首屈一指以前勁鍾意嚟呢度買韓國粉絲、泡菜、漬物食幾年之後竟然出埋網上超市https://coreanmart.com// 二人韓食套餐 ($530) 🇰🇷 /包括🇰🇷蜂巢式五花肉 400g🇰🇷 Chef & Taste 醬醃牛排骨 1pc🇰🇷抱川式醬醃牛排骨 5pc🇰🇷辣泡菜 (中)🇰🇷原味韓式捲飯 1 pack.五花肉超肥美烤香後超惹味油脂超豐富而醬醃牛排骨真係同喺韓國食嘅味道好接近醬料唔唔會過多而失去本身嘅味道但同時亦都唔會好似日式燒肉咁淨係會食到本身既牛肉味總之同首爾食嘢真係好似好似絕對唔需要另外點醬汁已經非常夠味提議大家另外買生菜包住食就更加韓風.另外仲有辣泡菜呢個真係想不停encore每一片都沾到泡菜汁勁入味韓國嘅紫菜捲飯同日本壽司好唔同紫菜卷飯會有芝麻同麻油香🤤餡料方面唔會有好多花巧魚類食材反而將最簡單嘅煎蛋、肉條、青瓜、蟹柳等等放埋一齊已經超級好味而且賣相色彩豐富一到手之後即刻食就最新鮮好味😎有滿滿既滿足感肉類方面就可以冷藏喺雪櫃1-2個月內食用泡菜更加可以放5個月（不過我都係覺得新鮮食最好）另外仲有好多其他嘢可以一

早幾年喺尖沙咀番工成日做到lunch冇時間食都會嚟呢度買個飯卷頂肚今日去開尖沙咀 臨走都嚟搵啲阿珠媽買個kimbap食下買左原味都好好食 仲係以前個味但價錢就貴左好多喇我記得之前買係25依家35？？通脹有咁嚴重咩🥲

lunch諗唔到食乜，所以同同事去咗韓國街買嘢返公司食😋甜辣無骨炸雞個炸雞係即炸㗎，拎到返公司都仲熱辣辣！超好味呀！醬汁酸酸甜甜、小小辣，配埋啖啖肉嘅雞真係一流！韓方豬手店員勁推介呢個豬手，話韓國人嗰個家家戶戶都好鍾意食，所以我哋買咗嚟試吓。呢個豬手係凍食既，有啲似我哋嘅汾蹄，唔同嘅事佢跟咗個甜甜地既醬汁，不過我同同事都覺得個醬麻麻哋，所以就咁食就算。韓國炒粉絲呢個粉絲真係不得了呀，好正宗！一開蓋已經聞到好香嘅麻油味，食落口味道好濃，好食到停唔到口！韓式飯卷（牛肉）呢個飯點都超好食，米軟硬度適中，有淡淡既麻油香味，牛肉加上青瓜、酸蘿蔔呢啲配料，真係非常之咁夾！炒年糕我同事勁鍾意食炒年糕，不過本人就麻麻哋啦！我食咗兩舊年糕，佢個汁都住得幾好，但因為我唔係太食得辣，食咗兩舊已經覺得好辣🤣之後全部都畀晒我同事食。