小肥牛火鍋活魚專門店 (已結業)

物有所值，但欠有漏單情況，服務可以，三五人聚會都可以，8過人以上就要考慮。環境，食材質素是可以的。推介炸魚皮，響玲，堅新鮮及即做，有熱的感覺，牛肉、豬肉放題材料，真的物有所值，丸類材料都是必食東西。一次性的海鮮拼盆質素高，各式材料真新鮮，龍蝦啖啖肉，生蠔清潔，因為我食了一個半生熟的，翌日都沒有肚痛或疴的現象，真人經歷，沒有吹水。特別推介八爪魚，極鮮味又爽口，蜆全部都開口及鮮味。整體來說，此店可以的。

今晚約左班舊同學食飯，因為咁多人唔同口味，所以我地揀左食小肥牛，豬牛雞魚菜就唔少得啦，我地仲叫左好多啤酒，二百幾蚊真係性價比高，雖然我地成班人喺房度傾計，房間隔音都幾好，希望冇嘈到其他人啦

今日媽子生日，我地一家傳統，慶祝生日就打邊爐啦大家可以鍾意食咩就食咩。今次又去番小肥牛，其實已經係第x 次黎，貪佢唔太貴，野食又ok. 外面宜家打邊爐太貴啦，係甘以叫都$4xx 落樓D menu 同之前差唔多。普通叫左個湯底，皮蛋湯底。。。牛就真係必要既，今次叫個手切肥牛，好厚身，都好重牛味，大碟抵食。黑松露餃同鵝肝墨魚丸really highly recommend!!媽媽唔食牛，叫左個五花腩，ok la...善片都好大塊好肥美，不過一碟得4塊，有d 唔夠喉今次無試到d 貴海鮮，d 野食黎得有d 慢，要追先黎，呀姐話今晚廚房得兩個人，d 單多，所以要等下。下次會再食

火鍋放題開到成行成市，唔係放題既反而買少見少，小肥牛都做左好耐，聽講仲有蒸海鮮鍋食呢個星期日男朋友同牛魔王話要食唔係任食既火鍋，於是就尼到尖沙咀既小肥牛啦去到唔洗等位，首先係揀湯底，普通沙嗲湯底大約$70, 唔算特別濃店員送來醬料比我地混醬，常見既辣椒蔥花炸蒜都有，但係炸蒜痴笠笠，唔知擺左幾耐世紀叫左一碟牛頸脊，肉嫩味濃, 份量比想像中多韮菜餃，菜多肉少，每人4隻都幾多豬肝，男朋友話爽滑蝦滑，爽既，不過打得太散，冇蝦肉食左4樣野，飲左兩枝啤酒汽水，埋單過700蚊，唔係一般貴囉

1.海邊珍珠鍋（每人＄98，二人起)份量好多，兩個人食，其實真係幾抵，有齊龍蝦🦐、大元貝、鮑魚、八瓜魚🐙、象拔蚌條、海螺、番薯蜆同墨魚！湯底仲加咗韓國泡菜同蝦米，飲落幾清甜！最重要附放烏冬👍🏻👍🏻👍🏻D海鮮的確算幾新鮮，同埋好大份，不過記住唔洗煮太耐！彤樂評分：8/10＿＿＿＿＿＿＿＿＿＿＿＿＿＿＿＿＿＿＿＿小肥牛火鍋地址：尖沙咀亞士厘道24-38號天星大廈地下地庫A舖／太子小肥牛火鍋活魚專門店／旺角大南街6號璟璜大廈1-3樓／油麻地砵蘭街39-41號地舖／葵涌禾塘咀街109-115號萬成大廈1樓／沙田大圍積信街16號祥豐大樓1樓／大埔舊墟直街4-20號美新大廈地下B1號舖／屯門青山公路新墟168地段嘉華大廈地下地庫A舖／灣仔軒尼詩道418-430號友光大廈4樓營業時間：星期一至日：18:00 - 02:00（尖沙咀）

我们今日差不多六点半来这家小肥牛，点了麻辣和药膳的双拼汤底。进店到出店总共用餐才四桌，也是很冷清的。如果不是有100抵200的优惠券，看到这副惨样可能也不会坐下吃了。吃了十分钟，辣锅底本来就比较少汤，叫加汤，哗啦啦清汤加到顶，鸳鸯都混一起，问可不可以加点辣，副经理说要加钱，真是cheap到飞起。重头戏来了……吃了一个小时突然同伴觉得吃到苦苦的东西，吐出来发现居然是小强！还好大一只！我们立马要影相，服务员箭步冲过来用纸巾包走，我们立即抢回再影。小强哥吃到只剩条壳，同伴差点呕出半条命啊！后面副经理说给我们换汤换菜，喂，谁吃得下啊？还说是不是天花板掉下来。我们估计多半是麻辣汤底隔夜开盖放，小强自己爬进去了。后面都没有怎么吃了，换汤之后吃了两条菜，都担心会不会屙肚。更搞笑是什么啊，旁边走了的一桌，阿姨在抹台的时候突然尖叫，原来又在盘里发现一只强仔！喂，当时一共三桌吃饭，有多大机会两桌都有蟑螂啊！？我们立马付钱走了。原本算上优惠八百多块，副经理说送条鱼算我们六百多，吵了一阵，副经理还提高音量很有脾气，最后给了500加零头。敬劝每晚那三四桌食客也做其他打算的好，老板不懂做生意，卫生不监督，请人不面

有人請食飯 因為佢有七百蚊小肥牛coupon所以選擇咗呢間小肥牛但黎到睇完餐牌，發覺要用700蚊coupon要幫襯最少千四蚊，千四蚊喺佢普通嘅menu裏面根本冇乜嘢可以揀，而且貴所以final都係決定食番任食佢又唔食好似係278蚊就送每人一份嘅海鮮蒸火鍋 好似係，因為唔係我埋單所以唔記得蒸火鍋靚仔嘅，但就唔係出面嘅齋蒸氣火鍋係用湯底滾上嚟嘅蒸氣嘅蒸氣火鍋第一層喺蜆，鮮魷同埋象拔蚌，蜆好食嘅，但係象拔蚌就柴到阿媽都唔認得跟住係元貝同埋蝦，兩款都ok最後係半邊龍蝦同埋鮑魚 龍蝦有少少蒸到過咗火 但係鮑魚非常出色，火候啱啱，好林滑其他都係一般邊爐料， 佢任食嘅部分材料比較少都係大路野，手打丸唔錯嘅，鯇魚都唔錯既牛肉ok啦我接受，咁我哋嗰晚都喪飲啤酒，朝日25蚊支，埋單1750五個人，有人請冇問題啦，不過都叫做抵嘅但呢個環境就喺地牢，一啲都唔討好 而咁嘅價錢，出去有其他唔錯嘅選擇未必要黎呢度

香港的春天真難預料，乍暖還寒的，不過無論氣溫如何，香港人對火鍋都是情有獨鍾。最近「小肥牛」推出了新的海鮮鍋，12款美食，包括龍蝦、鮑魚、原隻八爪魚、元貝等，每位才不過$98 (兩位起)，可以做火鍋，也可以做三層蒸海鮮鍋，價錢一樣，抵食！ 沙灘海鮮珍珠鍋 ($98/位，兩位起)這個火鍋有齊12款海鮮與配菜，包括：龍蝦仔、元貝、鮑魚、象拔蚌條、八爪魚、烏賊、番薯蜆、沙蜆、海螺、日本南瓜、番茄、紹菜。 湯底使用了韓國泡菜，加入了兩匙韓國辣醬，還有本地免治冬菇黑毛豬肉，以及大量櫻花蝦乾，味道十分鮮甜。紹菜完全吸收了湯汁的精華，又腍又甜；我也特別喜歡那些免治豬肉碎，有冬菇鮮香，沒有多餘的肥豬肉，肉香味濃。 店員幫我們逐件將海鮮放到湯裡，由於湯底已很美味，所有海鮮打完邊爐，不用加醬油或其他調味，已經很夠味，我尤其喜歡八爪魚，爽口味美。吃完海鮮，我們意猶未盡，還叫來了兩碟牛肉來打邊爐，一碟腍身油份足，一碟紮實夠肉味，都很有水準。

找緊冬天的尾巴😍😍😍今次黎到小肥牛，食新套餐，可以一次過食十二款新鮮海鮮，有新鮮龍蝦仔，鮮甜元貝，鮑魚，象拔蚌條，好大條，彈牙八爪魚， 烏賊，番薯蜆，沙蜆， 海螺，日本南瓜，番茄，紹菜，仲包埋兩餅烏冬，烏冬滑滑的，又唔酸，正！好抵食！ HK$98一個人，湯底係香濃櫻花蝦海鮮汁，好香濃，食既時候唔洗點鼓油都夠晒味～另外叫左打邊爐必備既響鈴！ 即叫即炸，好脆，但食完好有罪惡感，因為好油，hahahahaha 同出面食好唔同，上碟仲熱嫁～～～

雖然食過好多唔同種類嘅火鍋，但如果有朋友提議想唔限時，總會第一時間諗起小肥牛，而港九幾間分店中，尖咀呢間我都食過幾次！今次用餐係平日星期一，人客真係好少，成場得十枱客左右，少人勝在可以靜靜咁邊食邊傾計！混醬當然唔少得，生熟蒜頭、XO醬、沙爹醬點少得，蔴醬點肥牛係必然之選我哋叫咗個鴛鴦湯底，蕃茄薯仔牛腩併藥膳湯鍋，仲以為蕃茄湯係好濃橙色蕃茄湯，估唔到係切件蕃茄湯，有少少失望，不過湯入面嘅牛腩又幾好味！今次手切本地肥牛同安格斯牛頸脊都要咗例牌，幾個人食啱啱好！手切肥牛比較有咬口，好有牛味！而安格斯牛頸脊脂肪分佈均勻，好滑！兩種牛各有各好！另外兩款必食當然係炸響鈴同炸魚皮，同樣一浸入湯就要攞起食喇！白鱔片得幾塊唔多夠食蝦滑同其他地方好唔同，會有原隻蝦肉响蝦滑入面，仲好爽口㖭，正！魚唇口感有啲似花膠，相信骨膠原成份都會唔少！臨尾再要多個三寶丸，全部係手打，真係特別好味！食下傾下咁就坐咗兩、三個鐘！

山長水遠過到去， 聽到1個人打邊爐都得就好high, 但原來之前幾十蚊任食4個鐘早就完左， 1係散問， 1係$2xx任食， 差咁遠架我兜得過去都半個鐘， 來回都夠我返屋企， 晒我d時間， 又唔早講完左

朋友有 coupon........一行4 人打邊邊.......放工後來到已是晚上9:30.....餐廳只有半滿......不太嘈......可舒舒服服慢慢食......混醬盤也乾淨.....有辣椒/蔥/蒜蓉/沙爹/醋/沙茶/麻油/炸蒜/麻醬.......前菜有花生及蕎頭哩個套餐幾吸引....可惜用 coupon 不可叫套餐.....想豪一豪去.....但想叫既食物也售罄.......鍋底要了蕃茄薯仔牛腩鍋.......牛腩夠腍, 數量也不少......沒有本地肥牛...唯有叫安格斯牛頸脊(大)........肉質較腍......牛味較淡......友人喜歡食丸類.......叫了2碟較特色的.......芝士牛肉丸........雖然沒有拉絲效果.....但也滿足了芝士怪朋友......鵝肝墨魚丸.....鵝肝份量不多, 但食時要小心, 因為也會噴汁.....丸類質素不錯......夠彈牙......所以再加了碟4寶丸......有豬肉丸/牛肉丸/墨魚丸/鯪魚球.....仲有某朋友必叫既午餐肉......我至喜歡食餃子.......韭菜餃也不錯.......白鱔片夠大塊......

之前睇到fb有推介新宵夜放題幾抵～可以食4個鐘仲唔洗100蚊添！！見個優惠一出就梗係去食啦～佢9點開始～只限walk-in去到見到都滿座既～但係我地一話食放題就叫我地等一陣有空位都係比左喲唔係放題既人！！！所以我地等左差唔多1個鐘先入去計番3個鐘食都ok既去到揀左個豬肉同牛肉既餐～除番開每個人都係百幾蚊～夠4個人仲送雞煲添～不過因為係冬蔭功味既我地就唔叫喇但係唔知係咪優惠太新未適應啦～叫親d人落order都推黎推去～我諗之後會好d既由於等到太肚餓～一坐低係咁食左2個半鐘就走左lu～所以就冇相喇我地一致既評價係～一開始揀最平個餐！！咩肉都唔係重點黎重點係任食d野食到！！！！！我一開始係唔想食鴕鳥肉既...但係食完都係好評佢好似滑牛肉咁～仲好食過佢比餐果碟牛仲有肉丸係手打既～入面仲有芝士夾心添真係都幾吸引～但係話既任飲就冇左變左要計錢～不過都算喇～6蚊一樽仔本身佢咁既服務同等既時間都唔想再黎但係試完d野食我都會推介！過多陣等多d熟手既侍應幫手既時候應該好好多既總結黎講算係有驚喜啦！！

見到09:00宵夜優惠,特意黎試下,每人限一碟肉類,配料任食，冇任飲。如果飲野要單叫另計。等到09:11分先可以入座。兩個人食 ，坐圓形台，範圍大，比較舒服。坐低左，首先俾左碟牛肉好地，醬料就自己去拎盤野黎自己加啦、過左陣再俾豚肉。要等多陣先上配菜。響鈴好食，系鮮炸。幾香脆其實仲有少量肉系餐單上可以叫，例如雞肉羊肉。我叫完，不過佢漏單 ，我地都冇再叫，叫左其他配料，菜類多其實呢間只因人手太少，漏單（只系肉類），比較慢，等左好耐。肚餓又唔等得既你就唔好去啦！比較少食肉類而多吃配料，都唔錯既選擇。不過都系平啦，冇任飲就感覺麻麻。如果正價計，大約248一位，雖然飲品都有任飲，但都比較少。如果中意多飲品，就唔好選擇呢間啦呢到兩個人$213總結來講 ，宵夜價錢平，但時間耐，我都系食一次就夠，如果真系想試下 ，就揀灣仔或大埔分店啦。應該好過呢間掛

睇到網上報導宵夜放題好抵食所以去試下, 20:57到埸已經見到十幾人排緊隊, 經理姐姐好忙, 又要收錢又要派飛又要執枱, 所以2115先俾到飛我, 佢會問你食$248放題定宵夜放題, 如果食$248既會即刻有得入座, 呢樣好明白既, 明明見到有不少客人埋單走但都唔派位, 原來唔夠人執枱, 等到2150入座, 一坐低係冇人會理你既, 冇茶水, 醬料要自己搵, 叫人落單後冇幾耐就有兩碟肉同湯底上, 員工係有禮貌既, 接住等左30分鐘都冇野到, 追問話好多單做唔切, 再等8分鐘就有3碟野上, 我地叫既野有一半以上冇嚟同錯, 太肚餓所以唔理同再落一次單, 食物質素係好好既, 手打丸係彈牙好味既, 肉係OK既, 湯底唔錯, 再入既單都係20分鐘後到, 亦係一半係錯同份量唔啱, 眼見有5張枱都追野食, 真係覺得自己已經好好, 起碼有得食, 快手食完埋單走人就算, 埋單都出門口埋費事搞到D員工.其實主因係唔夠員工做野(其實得2個人做野, 有3個樓面都係HEA)同經營模式轉變但運作不變先衰左埋單兩個人$169真係平到嘔