不倒翁中日火鍋料理 (已結業)

想不到去年年底試完這間<不倒翁中日火鍋料理>之後，今年就沒膽子再外出打邊爐了，唯有睇下相寫下食評回味下。當晚七時左右去到餐廳時，以為是旺場時間但居然客人不多，我們兩個人被安排坐四人坐位，所以十分寬敞舒適。點好菜後，便送上各款醬料讓我們自行'混醬'，我通常只是簡單地，加些葱花和蒜粒在豉油裡，以免掩蓋食材的鮮味。不過先來的'花甲海鮮湯底'的味道實在是超清淡，初時都要點些豉油加味，內裡海鮮都新鮮但花甲就比較細隻，另外招牌四寶丸，除鯪魚球加左陳皮味道特別些外，其他都好一般，日式野菜籃就正常新鮮，水餃皇我們點半份，來到變一份，八隻如果我們兩個人分，實在太飽會吃不下其他菜式，四隻份量就剛好，但味道沒太大特色，手切肥牛脊位是全晚最出色的配料，具口感又有肉味，肉質嫩滑但又並非和牛那種入口即溶，有些後悔沒有點大份，羊肉丸羶味夠濃，放進火鍋後好快浮面以為食得，但原來要煮好耐才熟，西瓜汁清甜好飲，但好多泡亦唔夠涷，好像飲要很久才能飲得到底層的果汁，最後加左個田雞件，等了許久原來是即點即劏，味道確實好鮮甜，但上桌前灑了些鹽令肉塊不斷抖震，感覺十分恐怖，我只能閉眼，並盡速將所有田雞件放進煲內煮熟

近期天气開始轉冷，朋友提議找邊爐，到了尖沙咀地铁行出了I square, 看到不倒翁中日火煱，便到這𥚃試試！樓層在國際廣場23樓，要在地面乘电梯上禮賓部3樓再轉升降機才到達。店內全玻璃外墙，光線柔和，能看到維多利亞港夜景，地方寬躺，感覺舒服！朋友說想吃龍蝦，另一位又想吃雞，便了點了蕃茄粟米龍蝦鍋和花雕醉雞鍋。2款鍋底用料新鲜，龍蝦大隻多肉，雞鍋肉質味道鲜美，不倒翁手切肥牛，牛味濃厚肥瘦適中。 爽脆黑柏葉口感爽脆彈牙，招牌水餃大大件，內有原隻大蝦，整體來說火鍋用料新鮮，服務不錯，下次會再帶朋友來。

眺望維多利亞港夜景，欣賞住幻彩詠香江fing噹噹，真係賞心樂事。我哋叫咗個養生花膠雞湯底，侍應會係你面前幫你煮個湯底。等待湯底嘅時間，就食左個象拔蚌刺身，坦白講，呢個象拔蚌刺身係我近年食過最高質嘅一個。食物方面，呢碟四寶丸同手切牛質素非常高。當然價錢都係唔便宜，尤其入面有一款黑松露牛丸真係好好味。不得不提個肥牛真係好好食，有厚度，好有牛肉味。另外桶蠔真係超級大隻，店員仲好細心提醒咁大隻蠔大約要滾7-8分鐘，夾上黎時食蠔都仍然係成個碗咁大飯，好鮮味。

上星期，原本庆高采烈地预订了 : 一条海鱼花金鼓 ($3800)、澳洲龙虾 ($3800)、象拔蚌 及 火鍋。 今晚，一行14位家人，准時来到庆祝生日。 由始至终，我一直都向酒家经理及职员清楚強烈表明要求 : 我最紧张条花金鼓鱼，切勿蒸得太熟，因為这样会不好吃、浪费了这么贵价的新鲜海鱼！ 並且，前几个月帮襯，已经试过把鱼蒸得太熟了！ 所以，今晚我不断跟店舖职员讲 : 一定要叫师傅唔好蒸条鱼蒸得太熟！！！ 点知，今晚条鱼蒸得又老又嚡，仲衰过以前多多声！！ 连一个5岁小孩都话嚡到有渣，拒絕进食！！ 結果 : 呢间店舖嘅厨房师傅，原來一係完全唔会尊重、唔会理会客人的意见及要求，师傅钟意点煑就点煑！ 话之你！！！ 另外，一係师傅根本无料，所以，質素差係自然㗎啦！ 今晚，叫咗两个汤底 : 豬肺汤及椰子鸡汤，淡而无味！ 呢D咁嘅店，我唔会再帮襯预订高价食物了！ 费事令自己激气又破财！

週未晚市惠顧，點了胡椒豬肚湯底，味道淡如水，連濃湯寶開的也不如。食物質素一般，300 多元的牛肩夾肉只是二檔貨，跟稻x 200蚊的也不如。服務差劣，對餐牌上食物認知不足，有足夠人手在吹水，在客人面前互相投訴指罵，管理明顯低質。一定不會再去。

是晚，肚腩一行四人嚟到iSquare打個邊爐。閒日夜晚此店唔算多人，我哋被安排坐到窗邊卡座。眺望維多利亞港夜景，欣賞住幻彩詠香江fing噹噹，真係賞心樂事。我哋叫咗個養生花膠雞湯底，侍應會係你面前幫你煮個湯底。等待湯底嘅時間，就食左個象拔蚌刺身，坦白講，呢個象拔蚌刺身係我近年食過最高質嘅一個。新鮮就不在話下，佢係夠晒大條，師傅刀工亦都非常好，切到厚度剛剛好，夠晒咬口，個種鮮甜系口腔爆發出黎真係會停唔到。旁邊啡色嘅膽同內臟，店員會主動提出幫你熟食處理，我哋選擇咗椒鹽炸。二食的確係唔錯！雖然系桶蠔，佢係大隻過你手板，亦都洗得非常乾淨叫嘅嘢唔多，叫左肥牛，手打丸類，雲吞同蔬菜籃，樣樣都好有份量有質素。我發覺食好嘢可能比較專心嘅關係，通常都唔會影太多相講多少少會推薦佢個雲吞，半隻手掌咁大，我估裏面有大約六至八隻鮮蝦！分量十足總結此店價位中上，無開酒嘅情況下人頭都要四位數，不過絕對物有所值

一直想飲茶，但係返工又就唔岩時間。我以前試過釣魚翁，知道不倒翁都係同一個集團，就估計質素應該係差唔多⋯⋯就先一入到去，面對住一塊大玻璃。食客可以出去露台坐底睇風景。之後坐底都係問下飲咩茶呢啲基本野。但係杯、筷子、碗，全部都係裂既⋯⋯凹凸不平野食好快到。星期一至五會送人頭蝦絞乙粒。蝦蛟應該係最好食，雖然談不上皮薄多汁，但係叫做不過不失。其他食物都係普普通通，無咩特別。要講下既係春光得意腸，它係特點黎，入面係炸春卷，但係入面一啲都唔脆，而且個皮厚到過份。。。。大蒸薄入面係荷葉飯。飯係蛋飯底，材料足雞件食落無雪味，係種種失望入面 算係咁⋯雖然盛惠200大洋。 藥膳魚肚，幾特別啊⋯⋯哈哈哈哈哈。。。食食下個飯俾我發現到好似有條頭髮～ 不過自己做餐飲都明唔係100%避免到～呢個係要問先有嘅好稀紅豆沙總結，呢餐2個人食左$466，係真係好貴，選擇又少。坐落尖沙咀旺段，落住大玻璃風景，又值唔值得呢？

不知所謂！個個咁嘅唔知店長定經理(矮，瘦),服務態度差到呢，我想叫隻牛肉船試下，佢一句就話唔好叫吖你食唔到咖，叫手切啦，我再叫d乜佢都話唔好，又話難食個d，我叫刺食d剌身又唔凍嘅！d餃類大粒到粉果咁，食一粒仲食得落其他野嘅！九唔搭八，我訂枱講明要望靚景色，個晚成個場數埋得個四五張枱有客坐，個場咁大，8成吉枱，佢比張角落頭我坐仲要有柱阻住啲景色，問佢可唔可以換位，佢就話，成個場最靚咖位比你坐咗啦！明明隔離嗰度就大把枱冇客嘅，開揚冇遮冇擋咖！我張單宵夜時段都要8千幾蚊吖，使唔使受你d咁嘅氣吖，忍到埋單，問下有冇邊張信用卡做優惠咋，仲要比佢一句頂埋嚟，你已經宵夜時段啦仲想要優惠！冇病吖，我張單8千幾蚊都食得起吖，問下都唔得吖，不倒翁老闆們你地眼光咁獨特吖，請d咁嘅人打理間舖！咁怪得舖位咁靚都冇客唔爆場啦！

每逢聖誕節及新年前後都食到飽飽滯滯, 難得母親仍然想吃牛肉火鍋, 仲指定要呢一間。尖沙咀出名泊車艱難, 最近只有一個海港城。至於 isquare 個 parking, 要留車匙, 比佢代泊, 但又經常 full! 所以尖沙咀對揸車的我們來說有 D 不方便。記得幾年前去過, 但因為夜晚去, 印象不太深刻。今次早上來吃火鍋, 真係第一次呀!先來大桶蠔!我不吃的。家人試完說沒有蠔味, 不過不失!牛肉分機切及手切!這是金牌手切肥牛 (脊位)! 有香濃牛肉味也很滑。這款機切的頂級雪花肥牛, 牛肉味也濃, 有少少咬口, 因為帶有少少牛根的部份。韮菜雲吞比較普通, 不是我杯菜!招牌鮮蝦水餃大大隻。蝦肉勁大粒超爽口, 好味。墨魚滑 ok!最後 encore 兩大碟牛肉, 再加水餃。不過呢碟機切頂級雪花肥牛比較肥, 不合格。另一碟金牌手切肥牛 (脊位) 還算可以。

這是一間可以望到海景的茶樓，可是我們的座位都被很多人阻隔着未能看到海景。所以我跟一班朋友唯有專心享受點心。比起其他酒樓他提供的點心質素非常好，而且做功細緻，雖然價錢稍貴但物有所值。

友人返黎香港所以揀左位於尖沙咀iSQUARE既不倒翁中日火鍋料理食返餐好既開得係尖沙咀 iSQUARE都預左佢唔會平但既然俾得錢食物都會預左唔會太差餐廳裝修好中式加上一個落地玻璃望向維港景色一流無得輸食物方面呢碟四寶丸同手切牛質素非常高當然價錢都係唔便宜尤其入面有一款黑松露牛丸真係好好味另外我地仲點左水餃皇、即炸響玲、豚肉片等都係偏靚既貨色埋單每人 $400呢個價錢唔算抵食但呢個地段食好少少都要呢 d 價位

高質飲茶選址 呢間餐廳環境不錯，又望海 樓底極高、俾人一種舒服嘅感覺！ 可能因為我哋一早預約嘅關係 職員安排我哋坐望海嘅位置茗茶方面有不少選擇 我地叫左比較特別嘅人蔘烏龍 入口甜 回甘 老人家特別喜歡👍🏻我哋都叫咗唔少嘢食 我認為比起一般茶樓嘅質素 佢算上乘 特別好食嘅係咸薄撐 好多酒樓都煮到又油又淋 呢度香脆可口😋另外推介嘅就係超級多蒜籠仔海蝦飯 飯底係炒飯 多蒜好惹味 海蝦新鮮 忍唔住要添飯！午市仲要送埋糖水 咁嘅服務同環境質素 🉐！午市仲要送埋糖水 咁嘅服務同環境質素 🉐！

跟大佬一起來香港的好處就是美食隨便吃，這頓時代廣場的食通天11樓【不倒翁】，出電梯就能看到，晚上6點多人不是很多，店內燈光比較昏暗，不像我們內地的店都敞亮敞亮的，正因為這樣吧，進了就讓人自然的沒有高聲說話的慾望。我們坐在靠牆的一側，眼望去另一側坐窗邊看夜景應該是很棒 第一次來不會點菜的我，點了個豬肚雞的鍋底，上來就是滿滿一鍋，被自己傷到了，另外點了個肥牛和生菜，還有一個什麼魚不記得名字，應該是店裡最貴的，1380一條，服務生確認價格的時候我還以為是全部的價格，這些個加起來2220！價格真的不美麗，點評人均500不到的店，被我們吃出了人均1000 + ....對了魚是把魚肉片好上來的，平鋪在冰塊上，魚片可以涮，魚骨和魚頭可以做椒鹽的...服務還不錯吧，時不時有服務生過來告訴我們魚肉不要煮太久，還附贈聊幾句天，餐後還上了小碟西瓜......關鍵是面對那一鍋子東西我們起始都覺得是吃不了必然要浪費的，然而吃著吃著竟所剩無幾，天啊，不知道會不會被議論這兩人太能吃了點，捂著臉出門，不是我吃的，你看不見我......

之前聽過不倒翁好多次，前幾日終於第一次同家人去試試，一入去望到海同燈飾好令☺️餐牌唔算太多款，所以我地都好快簡好野食：）最後我地簡左個沙嗲同莞茜皮蛋相拼鍋🥘另外叫左手切肥牛，桶蠔，招牌水餃，黑豚肉，日本烏冬，蔬菜籃油金魚刺身等等😋😋不得不提個肥牛真係好好食，有厚度，好有牛肉味🐂🐂另外桶蠔真係超級大隻，店員仲好細心提醒咁大隻蠔大約要滾7-8分鐘，夾上黎時食蠔都仍然係成個碗咁大飯，好鮮味😋😋整體黎講服務，環境，食物都好滿意，如果想坐得舒服又食到高質食物一定要試下🥰👍🏻

一直想試不倒翁，今日終於有機會，一睇餐牌就知佢係比較貴價既火鍋，有埋刺身食，要咗個好保身既藥材花膠雞煲個煲有半隻雞、4粒花膠，還可以啦幾like佢啲混醬，因為有XO醬，唔係間間火鍋會提供至於火鍋料，全部都好新鮮，一食落口就知佢有精心㨂過用料，手切肥牛係靚牛肉、脆肉鯇食落口真係又厚又脆、響鈴皮薄個雜菜籃都唔錯，$88好大份；反而最麻麻係個丸，佢係粒粒都手打，連牛丸都係用新鮮牛肉打（睇佢未煮熟時係紅色就知，下圖最右手邊個4粒），不過就食落唔夠味總結，不倒翁坐得舒服，座位寬闊，尖沙咀呢間仲睇到海景，但食物係偏貴，我地無叫海鮮，埋單都一人400+，好左佢食材夠新鮮，所以都食得開心