48
11
9
| 餐廳: | Davinci Cook |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
電話號碼
26513822
營業時間
今日營業
12:00 - 14:00
18:00 - 21:00
星期一至日
12:00 - 14:00
18:00 - 21:00
公眾假期
12:00 - 14:00
18:00 - 21:00
公眾假期前夕
12:00 - 14:00
18:00 - 21:00
以上資料只供參考, 請與餐廳確認詳情
有關獎賞計劃
優惠
88折
【將軍澳】$100 通用現金劵，歎盡中西日美食 **無限兌換**
$88
$100
招牌菜
食家推介
有時一大班朋友7到8個，都唔知去邊到搵食好。去大商場，食個零鐘又會比人趕走，又嘈又傾唔到計。今次發現雖間喺坑口村嘅小店，環境美食都好適合太耐無聚嘅朋友們。車打芝士焗松露薯條 $68真喺絕對推薦，芝士醬配上黑松露炸得熱辣辣嘅薯條，小前菜必點之選。喱到啲芝士醬真喺食到最後一條薯條都仲有，附帶嘅茄汁基本上都冇點過。達文西沙律🥗$138只能說這份量真喺夠哂6-8個人食，雞肉醬汁幾惹味，用料都好豐富，絕不馬虎，有牛油果、雞蛋、蜜桃、小蕃茄等等….白酒煮青口 1kg $198份量十足，圖中只喺1/2kg的量松露蘑菇燉意大利飯 $138黑松露味，味道唔錯，多人食嘅話，每人一笑啖分享吓，如果唔係可能真係會太滯香蒜蜆肉炒扁意大利麵 $128呢個意粉有少少辣，開頭一食落去都會覺得太辣，但係食食吓有幾香口覺得幾夾，蒜香加少少辣汁溝埋落蜆肉上面簡直一流，值得一試美國珍寶恐龍燒排骨 Full $288呢個燒排骨一上枱，簡直係嚇親所有人，絕對係比佢個份量嚇親，絕對性價比極高好抵食香脆蜜味豬手 $228皮脆肉嫩，但就有啲太鹹，反而冇乜蜜汁味道餐廳內部環境
繼續閱讀
如果不是朋友介紹的話我應該不會發現這間位於坑口村的意大利餐廳😳餐廳就位於一幢村屋的地下最裡面有Bar枱 旁邊有梳化位置很舒服帶寵物的人更可以選擇坐在室外的位置呢🤗這裡在假日的中午12pm-2:30pm竟然有提供午市套餐❗️包括前菜(湯或沙律)、主菜和飲品 性價比很高👍🏻而且還可以再以半價add on其它小食🔹️ 美式燒豬仔骨 $118伴碟的薯條切得幼身 卻炸得香脆豬仔骨火喉拿捏得不錯🤩 應該使用了BBQ醬 超濃味🔹️ 法式紙包焗蒜椒石斑柳 $108石斑柳的肉質很嫩滑😋跟蒜椒及其它香料一起用紙包焗讓魚柳都吸收了它們的香氣同時令魚柳不會流失水分 很美味😍伴碟的grilled vegetables加了不同的herbs也烤得很乾身🥰🔹️ 白酒煮藍青口0.5kg $74 (半價換購)這裡的青口沒有用能保溫的鍋上 而是用普通碟上藍青口味道正常 加了大量蒜和洋蔥湯汁沒太多白酒的香氣 質地比較稀 (嚐不出來有沒有加cream)用普通碟上讓湯汁更難留在青口裡🔹️ 法式楓糖焗芝士 $89 (半價換購)在金文拔芝士(Camembert)上放上山核桃、葡萄乾和楓糖漿搭配香脆的吐司一起吃軟軟的芝士配上又甜又脆的山核桃和烤過的Toast這樣的組合一定又邪惡又好吃🔥🔹️ 醬燒牛肉蘑菇薄餅(大) $188Menu很貼心有標明大size的Pizza是14吋 (可切8 slides)上桌那刻真的覺得很大點單時還可以選擇要意大利薄批還是普通批餡料有紫洋蔥、火腿、牛肉、蘑菇Pizza都開宗明義是使用BBQ醬的醬燒牛肉口味了所以整體味道偏濃味新鮮即烤的所以咬下餅底還是很香脆👍🏻這裡的工作人員態度十分親切常常很友善地跟我們聊天 很有人情味如果下次再來 我會encore Pizza和紙包焗石斑柳
繼續閱讀
坑口區食到厭，走去坑口村周圍覓食發現呢間西餐廳，無記錯，應該平時叫外賣，叫過呢間，都幾好食所以走入再食多一次1家3口，點了1個2人set dinner，再加一個pizza，食到肚仔好滿足頭盤揀2款我地揀左白酒煮青口同煙肉菠菜釀啡菇（跟主菜上）先來青口味道好夠，隻隻青口好鮮甜好入味，估唔到頭盤都咁大碟呢個雙色pizza，抵食呀本身一個中size（10寸）pizza，加多$10，有2款口味，鍾意食pizza嘅可以咁叫，試多啲😋😋😋我地今餐叫左六式芝士+達文西pizza達文西pizza個邊勝出，比較惹味，停唔到口我地仲叫左house red wine，今日係呢一支紅酒好易入口，好香醇不過要快飲，到用餐尾聲就會走晒啲味，味道怪怪（應該唔可以攤太耐）另外再叫左跟餐嘅fruit punch俾小朋友我自己就叫Ginger ale(好想試cocltail，不過有啲貴唔太值）主菜等左一陣就上喇，嘩好大堆頭，打卡一流相機食先頭盤煙肉菠菜釀啡茄係度呀，好大隻，好重芝士，好有口感相片右邊係肉眼扒5成熟配雜菜切埋上真係估唔到，煎得好香好juicy，一試難忘雜菜係扒嘅底下，有幾片翠肉瓜，青瓜，茄子，都煎得好香口，好出色相片左邊係羊架，煎得非常好，尤其係羊架嘅邊，微燶再加埋少許脂肪，脆脆地咁放入口，真係回味無窮好彩叫左，羊架嘅肉和脂肪分佈好好，又大件，又唔係“蘇”羊架跟薯角，都炸得好脆好香口，食到停唔到口食完都同餐廳嘅職員（唔知係咪老闆娘，唔記得左問）講聲好好味，即時講左俾餐廳廚房知，下次有機會，真係想請主廚出來見下面，的確真係好好味，要當面稱讚下下次一定會來幫襯，到時要留胃口食埋個甜品p.s.餐廳好闊落，坐得好舒服，食左一頓豐富又美味嘅晚餐，超開心
繼續閱讀
好少去坑口村, 去完將軍澳醫院探病,發現這裏有西餐食。 我在等人時，有蚊，有蠓週圍飛，在屋村有這些正常，我見到佢在隻碟上，轉吓轉吓，返肚，得意，望完唔死，叫老板娘換碟。 這裏一杯酒要$88，一枝约$258-$398, 當然一枝抵，點咗枝 California， 我對美國及澳洲酒都係唔鍾意，今次改觀，易入口，smooth。 達文西至尊薄餅$118 small， 菠蘿， 燈籠椒， 火腿，香腸，fata cheese, 冇問就上咗薄脆批，我個人喜歡食厚，皮薄過餅乾，味一般。 鐵板南印度烤雞薄餅卷$128， 南印度咁特別， 原來係鐵板洋蔥豆豉青椒炒雞柳， 有忌廉醬 牛油果醬就少啲, 薄餅一啲都唔香， 質麻麻，比起Oolaa。 法式紙包蒜椒焗石斑柳$168， 最唔抵， 打開啲紙包見濕立立舊魚柳， 有香草冇香，鼻塞咗？冇蒜椒味？，肉滑 冇魚味 冇石斑魚質感，配菜烤脆肉瓜，青豆苗, 2粒蕃茄切開。 喜歡幫襯小店, 中式西餐無問題，最重要好味，價質對等。
繼續閱讀
✨Davinci Cook📍將軍澳坑口村第三排33號地下村屋黎講 坑口村都算叫做有d野食係覓食途中 見到哩間意大利菜今次就黎試試哩間隱世餐廳😂▫️車打芝士焗松露薯條 $68薯條上到枱仲熱辣辣🤤夠哂香脆 而且份量都多表面滿滿既芝士都拉到絲🧀熱食時候會食到小小既松露味 但因為松露醬太小所以松露味比芝士掩蓋左 變左唔太夠味🥺▫️松露忌廉蘑菇湯 $58本身以為就咁一碗湯 點知上到枱有埋蒜蓉包🍞睇返menu先知 其實蒜蓉包係要加$45先有但餐廳送左一舊蒜蓉包比我地配湯 有小驚喜😚至於個湯 松露味同忌廉都好夠 不過如果杰身d會仲好飲！😋▫️牛肝菌忌廉煮蜆 $158一黎到見到 哇好多蜆😍仲要好多肉 唔係淨係得個殼 係餐廳食蜆最怕遇到既就係得d殼冇肉既😖醬汁係牛油配搭埋忌廉 真係好邪惡😆 加埋洋蔥粒成件事就冇咁膩餐廳送左兩舊蒜蓉包 點埋個醬汁 好令人回味😋牛肝菌都有好多 平時蜆好小會配搭埋牛肝菌 但佢地出奇地又好夾😂至於蜆處理得好好 完全食唔到有沙👍🏻 因為蜆好新鮮 食得出有海水味 配埋個醬汁就略為咸左小小😗 但都好好食！▫️蘑菇燉意大利飯焗釀燒烤菇（2pcs）$138一黎到真係有驚喜～ 本身預期係 飯會係底 然後面會放大蘑菇食物上枱既時候 覺得哩道菜真係好有創意！大蘑菇係底 意大利飯加燒烤左切粒既菇係中間而表面係燒烤左既芝士 加芝士粉同麵包糠 最後再配搭埋松露醬所有食物材料都好夾 好好味 有驚喜！🤤▫️鮮果沙冰 $68有幾隻口味選擇 蘋果、橙、檸檬、芒果、乳酪今次就選擇左芒果味🥭沙冰質地好creamy 唔會太甜好夠新鮮既芒果味 而唔係芒果醬既味😗🔸總結．成餐飯都算滿意😋 係坑口黎講算係一間高質既西式餐廳 環境清靜舒服👍🏻 可惜既係地理位置真係幾隱世下😗．價錢合理 食物份量都好大份😋 而且質素都唔錯👍🏻．餐廳有室內同室外，如果有養狗狗想帶埋佢地一齊食野就可以坐室外🐶
繼續閱讀