元朗正記茶餐廳 (已結業)

【西貢區】【正記元朗茶餐廳】好耐冇寫過西貢區，一來少咗機會入學校做嘢，二來香港超級聯賽腰斬咗，連入將軍澳睇波嘅機會都冇，咁我就真係諗唔到再有咩理由畀到自己無啦啦走入將軍澳食嘢喇。所以，都係為咗大家可以多啲嘢睇而入去嘅。去到坑口行咗去將軍澳運動場門口懷緬吓往日支持理文嘅日子，而香港單車館亦都係我曾經工作過一星期嘅地方，始終係場地單車嘅國際級場館嘛。不過諗返起嗰時一星期內連續食十餐牧羊少年，諗起都驚，直到而家都冇食。一場嚟到當試吓啲將軍澳運動場附近嘅嘢食，為之後狂睇理文做好準備。見到新寶城對住和明苑嗰邊都有幾間食肆喎，幾啱我呢個目的。有時睇波前後都幾趕要食個快飯，但作為一個 foodie 又唔想食得太劣，所以睇定先都好。見到第一間係茶記就走咗入去，睇 menu 見到「特選芝味餐」有「芝士火腿奄列」就想試，點知佢話冇喎，哎，又唔想諗，所以就要「香茅豬扒炒蛋」，個豬扒都幾細塊吓，炒蛋又唔見得好幫到件事，感覺非常一般嘅。之後係「叉燒米粉」同「凍奶茶」，都真係幾普通料，咁都收我 $50，雖然有兩樣肉類，但街坊食堂嚟講唔算抵。本身想叫多個下午茶，點知見到「禾味燒 BB 鴿」海報，發現佢係同元朗冰室有

hea 踩完單車, 都冇踩左幾公里, 又話下午茶.咁我又志在同班人吹下水.  就咁叫野飲都二十幾, 點個下午茶餐先三十幾, 紅豆冰都只係再加 $3,於是我叫個最輕便O既下午茶餐再加＄３要杯紅豆冰。餐廳內冇洗手間，要拎鎖匙出出面， 呢樣麻煩。

今日哎咗個晚餐C咸魚蒸肉餅, 落單阿姐話冇咸魚,只有土尤同梅菜, 咁我唯有要土尤啦,半個鐘過後,飲品已飲完,但飯未到,因為我趕返工,唯有去埋單,我同收銀講飯未到,個阿姐即沖過嚟話有同我講過煲仔飯要等半個鐘以上, 我趕住返工,如果我知係煲仔飯同等半個鐘,我會哎??收銀跟住就收飲品正價廿蚊, 完全感受到呢間舖既誠意同對客人細心😂😂😂😂😂

同男友黎，我叫歐美早餐，佢叫豬手面。我個歐美早餐係唔錯既，雞扒有d黑椒幾惹味，個茄汁豆就hea d, 就咁罐頭「不」比客，凍既，蒜蓉多士都好香。D豬手就有待進步，我坐對面都見到勁多毛。重點係食完我地2個口好乾，味精太重了！

前晚屋企人懶得煮飯 就去搵間小菜食個快速晚餐見有個四人餐$268 可以叫4個餸 重包人頭餐湯再加野味 超抵食！叫左椒鹽豬扒，菠蘿咕嚕肉，豆腐魚腩煲，西蘭花炒牛肉呢個價錢超值阿🤩

今天和朋友相聚，到了這間在距離坑口站數分鐘的茶餐廳。這間茶餐廳有多種小菜，四人套餐超過20 款選擇，$268 包湯、飯、餐飲，紅荳冰也只加$3！［沙茶西蘭花牛肉」👍🏻沙茶醬不過濃，西蘭花炒得剛好，牛肉嫩滑［蔥油雞］😍的份量也不少，雞件切得不太大，這樣就可以配合香噴噴的蔥油，非常入味［豉汁蒸烏頭］😊很久沒吃過，豉汁多和配以蔥花，錦上添花朋友一見餐牌有炸大腸便指定要吃，相信這菜式也不是間間茶餐廳有。炸大腸沒有色澤鮮艷，炸得可口總括來說，此餐廳CP值OK，如果想試一試風味小菜也可考慮！

街坊茶餐廳🍜開到半夜12點，最適合夜放工嘅一群👍外賣餐牌有多款炒粉麵飯 $45即叫即炒 雖然要等耐少少但即叫即炒熱辣辣♨️而且份量都唔少😋夠哂飽飽😋😉tips: 可預先打電話落單到場再付款+自取食物咁就可以快好多，唔駛等啦~~最愛嘅兩款炒粉麵推介💁🏻‍♀️1⃣星洲炒米其實最最最愛係炒貴刁🙈🙉但$45嘅餐牌內無得揀😕星洲炒米份量大大盒色香味俱全👍抵讚👍材料亦豐富🧐叉燒絲、火腿絲、蛋絲、蝦仁...不會太辣👍2⃣乾炒牛河乾炒牛河炒得相當乾身👍牛肉亦嫰滑，不鞋口👍而且份量都多，多於10塊滑牛👍熱辣辣炒起就食真係超正👍

天氣開始轉涼，又係時候去食煲仔飯🍲正記雖然開左係坑口好耐，不過都係食過一兩次😅聽講有煲仔飯食，就行左過黎試下😀平日夜晚都幾多人，不過都唔洗等位🐮咖哩牛腩飯（$45）+ 🍧紅豆冰（$8）牛腩飯好好食！超大碟😍咖哩汁好香，超好餸飯👍牛腩都好多舊，如果再炆林啲就更好😛不過都好入味💯紅豆冰就反而麻麻地，冇乜味🍲鳳爪排骨煲仔飯（$72）+ ☕兒童鴛鴦（$9）煲仔飯反而好失望🥲雖然料好足，不過唔香，冇乜味🙃豉油應該都溝左水，一啲豉油味都冇性價比好低，唔推介😥兒童鴛鴦就好得意，係阿華田加好立克未見過就試下，不過飲落就冇乜特別/😋食物質素：6.5/10🍽️用餐環境：6/10💰性價比：6.5/10👣回頭率：6/10/📌元朗正記茶餐廳將軍澳銀澳路1號新寶城商場地下G店

I always come to this 茶餐廳for breakfast standard A,B,C set but this time I wanted try their 燴長通粉. But too bad it’s sold out so I had to choose another dish. Seeing me having difficulty in picking another one, the staff their very patiently told me “唔駛急，你慢慢再揀啦”. I saw the lady opposite me ordered 牛筋肚麵, so i just followed. Luckily it was exceptionally good! It us comparable to those 粉麵專門店. The beef tendon was tender n flavourful. The soup base was quite rich.

今日將軍澳發現左間幾好既茶記!!食物味道唔錯, 不過真係零服務...佢早午餐都有牛腩粉麵, 而且味道唔差!!雲吞同牛筋都唔錯, 好過出面好多粉麵鋪添!!湯味道好濃, 不過食完之後會口渴一排!!但係我都覺得唔錯, 最細心係附送辣椒油一碟!!雲吞豬肉同蝦比例大約七三, 豬肉味濃得黎,又有蝦爽口!! 正!!不過午巿呢個真係誇張!!叫左個梅菜扣肉飯!!呢個飯係好味, 但不宜多食!!扣肉入晒味, 而且好多脂肪, 啖啖豬油味!!間唔中食真係一流, 已經好耐都食過!!仲要係覺得好味, 抵讚!!不過餐廳服務差到一個點...全部侍應都喝客人, 好似欠左佢咁...食桌污糟到極, 抹枱果時D野跌晒落櫈...D阿姐仲要話係上手食得污糟咁都無辦法...但係整體味道唔差...

叫幾次叫人寫單，d 人當聴唔到直行直過⋯⋯ 我係禮貌咁叫唔該，隔我兩個身位都可以扮聴唔到，三個人侍應都係咁，唔知係互相推緊波⋯⋯⋯最後我要自己揾個前台落單，呢間野唔會再黎。飯菜都係一般餐廳野，唔算好食。價錢就係60蚊左右一個飯加野飲，但你打開佢個餐具櫃真係嚇死人，有一粒粒未洗乾淨既菜响度⋯⋯⋯，我想叫佢攞杯水洗下，當然又係無人理，我自己出去攞杯水洗，然後聴到有個客又係咁駡個侍應，話叫佢幾次都無反應，阿侍應呢終於有反應la, 大開口就粗口駡返個阿伯，呢間餐廳都算犀利。

夜晚成十點幾 樓下除左m記靜得呢間茶記仲開到咁夜望望個餐牌 發現晚市啲價錢又幾平民喎又多款式選擇 可以買幾款一齊share ✨我嗌左3個外賣 大概等左15分鐘左右乾炒牛河 $35 - 乾炒牛河好有鑊氣 好夠味牛肉好滑 又大塊 而且分量都唔少雖然好油 但食炒牛河都預左架啦!$28雙拼麵 仲跟餐飲同香烤蒜茸厚多士嗌左一個五香肉丁煎蛋同餐肉煎蛋公仔麵餐肉有兩大塊五香肉丁嗰碗有少少辣肉丁唔多但好大粒可惜蒜茸厚多士唔夠脆 同埋唔夠多蒜

今朝（2020年9月27日）食早餐，將軍澳新寶城元朗正記有個男伙記，短髮肥大身材，態度非常差，係度鬧顧客，以後不會光顧。用粗口和顧客對罵，咁嘅對客，係到趕客，光顅了十多年，以后不會光顧。

今晚叫外賣 俾咗錢之後等 一開頭大約五個客人等 20分鐘之後開始多人 外賣出貨唔係照落單號碼順序 等足一個鐘 期間一路睇住出貨區 聽外賣號碼早我一張落單嘅客人忍唔住去問： 「等咗一個鐘 大佬！ 如果要咁耐就早出聲啦！ 」樓面都沒有跟進 收銀員工就話：「個個都要等 係咁㗎啦！」之後佢再等多15分鐘 終於出咗貨 拎到嘢食 前後等咗1個鐘15分鐘我見形勢唔對路 都問一下收銀員工：「我都等咗一個鐘 仲未有嘅？」收銀員工望一望出貨區 再望一望收銀枱 先喺收銀枱嗰度拎盒野出嚟話：「係呢盒啊！」我問：點解唔叫號碼？ 收銀員工輕佻咁話：叫咗啦我離開嘅時候 現場仲有20至30名客人等待中 大家都好憤怒 咁樣就明白咩事啦問題一： 落單嘅時候冇講明大概要等幾耐 積聚勁多人 在場起碼20個客人 唔少人等咗最少九個字 等唔係問題 但係最少要比人知道等幾耐問題二：出貨次序根本唔係根據落單號碼 容易炒嘅菜 就出先 非常不公平！問題三：食物出貨 點解唔係由出貨區丶而係收銀區拎出嚟 收銀員工根本唔會叫號碼 一路只係樓面包裝完 由出貨區直接叫號碼 所以食物根本唔應該放喺收銀處 變成冇人理問題四： 一盒食物放咗喺度超過一個

星期五晚在將軍澳正記買外賣， 因為禁聚令店裏面沒有人，我們在收銀處落單後就和朋友行了出去在門外等候(正正企在門口沒有離開過)，等了很久也沒有人攞外賣出來，所以我朋友就入去收銀處問外賣餐進度，點之個收銀處員工第一句就說我已經叫左你地攞餐啦，只不過你地掛住傾計睇唔到， 有冇搞錯呀，佢在裡面叫我地睇唔到可以出來叫我地入去攞又得，攞個餐出門口比我地都得，使唔使咁串話我地掛住傾計睇唔呀 ，這服務態度和趕客人有什麼分別，不過算吧，因為剛跑完步， 大家都有點攰，所以拿了外賣就走了，講完很差的態度另外講食物的質素， 我們點了兩個外賣晚一個餐欖菜肉鬆四季豆和咖哩豬扒飯， 平心而論兩個餐正正常常嘅質素以茶餐廳來說已可接受，但因為這麼差的態度，我就算再經過此茶餐廳也不會再光顧！