10
0
0
港鐵太子站 D 出口, 步行約2分鐘
繼續閱讀
營業時間
星期一至日
11:30 - 15:30
17:30 - 21:00
以上資料只供參考, 請與餐廳確認詳情
呢間鋪雖然地方不大，但是內在環境舒適，整潔，而且裝修有特色。食物系非常有特色既糯米飯，味道有D似台灣的魯肉飯，用料豐富，有香菇和肉碎，加上脆脆油條碎，非常香口美味。豆漿都系非常濃郁，豆味非常香。本人推薦大家都去試試。而且，老闆加入健康元素，飯糰可以配秋葵，符合現在健康飲食文化。價格非常實惠，幾十蚊已經可以食得飽飽，大家都去試下。
繼續閱讀
因為上次有好嘅體驗，所以今次再嚟試其他嘢，而今次我試佢嘅糯米肉餅漢堡，另外小食就要炸雞塊！因為佢個漢堡係即叫即製，所以要比少少耐心等，於事就食住炸雞同飲豆漿先，雖然個炸雞唔夠脆同冇乜味，但佢個蕃茄香草汁應該係自己再做的，因為我食到有啲茄蓉響裡面！之後主角終於出場，如果佢個包裝紙可以印埋佢哋個Logo就完美了！我急不及待打開嚟食，因為啱啱做好，所以係熱辣辣嘅，糯米漢堡上下外層都煎到有少少金黃色，你食落口食會有少少好似食煲仔飯啲飯焦嘅味道同感覺，肉餅調味唔錯仲有少少咸魚味道，而且保留住唔少肉汁，再配埋新鮮蕃茄和生菜，食落一啲都唔乾，完全改變左我對rice burger 舊有嘅印象！非常之好食！但再有心機再好食都好，都比佢店員用手機播嘅歌破壞曬，佢用嘅音量足以炸爆全間店，我同朋友傾開，原來佢之前都有同様經歷！我好希望如果負責人有留意到依個食評，應該加以留意一下！
繼續閱讀
經朋友介紹留意到呢間小店，主打糯米飯既一間餐廳仔。可能係新開啦，暫時款式唔算多，不過睇圖都幾吸引既。咁我就試左個糯米飯團。雖然睇落幾細份，但係可能係糯米既關係，都算填到肚既。味道方面就好香，佢有臘味係入面都可以話係成功既關鍵。原本我以為食落口會好黏，點知原來一d都唔黐牙。臘味同其他肉算好多，令到舊飯糰好多餡。加上佢d餡分佈得幾平均，唔會一啖飯一啖肉咁。作為下午茶絕對係個唔錯既選擇。不過間店就細左少少，可能要排隊先食到
繼續閱讀
之前聽朋友講過關於呢間糯米飯舖嘅故事， 話間鋪係由幾個係溫州嚟香港嘅年輕人開嘅，除咗傳統糯米飯之外， 仲有一啲新嘗試。終於有機會同朋友一齊去試試一去到， 間舖雖然唔係好大， 但係有一種溫暖嘅感覺。 餐牌上主力有4 款糯米飯， 我唔係好肚餓， 所以就揀咗糯米漢堡。個漢堡用紙包住再放係木盤上面，感覺好清新。 一打開張紙， 就見到煎到金黃色嘅糯米。 個漢堡除咗有一般嘅番茄同生菜， 中間嘅唔係普通漢堡扒， 除咗肉仲有其他材料。仲有佢唔係好大個， 啱啱好可以一啖咬哂全個漢堡。雖然佢將平時漢堡包嘅『包』轉咗做糯米飯， 但係食落去唔會好飽飽滯滯咁。佢比平時嘅飯漢堡好，因為係用糯米飯，所以咬完都唔會散。中間塊肉因為加咗其他材料，食落感覺幾特別，味道幾清新，唔會好乾同好油。加埋番茄同生菜，係一個幾好嘅新配搭。雖然舖仔細細，但係唔駛等好耐，店員嘅服務態度都好好。下次有機會一定再嚟，試下佢嘅甜糯米飯。
繼續閱讀
曾於雜誌中看到有關這間sticky house的報導介紹，依稀記得它是與糯米飯有關的一家小店，當時的我已經心郁郁想去試食，或許我是個糯米怪，尤愛食臘味糯米飯，芒果糯米飯等😁但總是沒有特意抽時間去！今天與友人逛太子一頭，終於的起心肝去試一下。雖然於太子站出口附近但舖頭位置比較偏僻了一點，不處於大街上。不過行數分鐘便能到達！舖頭招牌挺有特色，很western fast food的感覺但裡面賣的卻是他們從溫州帶來的糯米飯，我幾喜歡這活力的感覺😊店舖裏的座位不多，但感覺舒適，還是挺闊落的，店舖裏還會播放著寫意的音樂，作為食客的我們感覺很有holiday mood的這裏的糯米飯都真是很有特色的，有一些更不是大家平常接觸或想像的糯米飯做法我選了一陣，想食個特別的，於事我點了個甜的（傳統糯米甜飯），友人點了個米堡。這個甜飯充滿surprise，雖然賣想不及其他鹹食來的繁華，但它的配搭是挺新鮮的。糯米飯上灑上香香的芝麻，配以脆口的油炸鬼片，整個飯再撈以砂糖，味道十分特別，又是甜的，又是脆的，再加以油炸鬼的點點鹹味令我難以忘記👍👍沒嚐嚐友人的米堡就不作評論喇😉綜括而言，今趟不枉此行，它將會是我糯米飯家族的新成員。Anyways，我真心希望大家系糯米飯fans又好，系sweet tooth又好，也能嚐嚐這特色小吃😉
繼續閱讀