112
24
26
港鐵太子站 C2 出口, 步行約1分鐘
繼續閱讀
電話號碼
37021663
營業時間
星期一至日
11:00 - 02:00
以上資料只供參考, 請與餐廳確認詳情
食家推介
學完日文同男朋友去食飯，男朋友話想食生勾勾，之前話係太子見到有間小店，感覺好隱世，所以就決定去一試究竟。兩個人滿心期待入到店舖，店面好細，我地兩個上左樓上坐，整間店都充滿日本FEEL，佈置得好精緻好有情調。自選壽司飯印象中魚生飯要叫足$130先可以（但差少少價錢都可以），自己自問唔係咩魚生都喜歡食，呢度選擇都唔係多，叫左兩款三文魚，甜蝦同埋蟹鉗先勉強落到單。另外男朋友就揀左吞拿魚、海膽、中華沙津。一上菜個時，見到滿滿材料舖滿碗面，心諗一定會好好食流曬口水。點知一食落去，「個飯咁熱既喂？」，我期待個飯係少少凍既，又或者我都知有魚生飯係常溫，但真係未食過個飯咁熱，似係岩岩煲好勺出黎咁，而且唔係珍珠米，亦都無加醋係入面，EXACTLY就係一個平時食既白飯。個飯熱到放係上面既魚生都半凍半熱咁，食落去真係百感交雜。自己黎講真係幾鍾意食三文魚，對三文魚都無乜要求，但呢個三文魚夾落去係碎架，夾唔起成舊。其他甜蝦、海膽、吞拿魚都係一般，最好食竟然會係中華沙津，sosad。免治雞肉棒雞肉棒味道一般，外層芝士同咸蛋黃碎加番少少分。另外，仲叫左扇貝同埋吉列炸蠔，扇貝味道還可以，無粉絲失色左少少，炸蠔自己無食，男朋友話都可以。我地實際上叫了三個小食，兩個魚生飯，同埋兩杯飲品（樽裝烏龍茶同波子汽水），唔算叫得少野，但埋單見到張單差唔多$600，呢個價錢已經可以去間舖面靚、質素高既餐廳食野。但係呢個舖既食物質素完全唔值！！本來好少比負評，但今次真係唔寫唔得。今次當係比錢買左個經驗，之後都唔會再幫襯。
繼續閱讀
價錢貴-3人食$800....唔飽肚，呢個價錢去食放題或者自助餐都可以了....睇到張單都諤然😡唔好食-招牌蟹膏飯！影相就幾靚，食落淡而無味，串燒味道非一般的淡。全餐除左條香腸太咸，根本淡而無味。簡直不知所謂！份量少，款式少- 百無！壽司及刺身呢d基本野都無，屈人食貴價串燒，串燒仲要無乜款式。飲品鍾類少，無咩選擇。座得逼-3人逼系後巷食野，隔離系廁所，無下次囉！好評個推咩人，大家心里有數啦！結論系：入黑名單。永不幫襯！
繼續閱讀
話說我星期日 我同我Dfriend 嗌左幾個便當 啦然後我就坐咗喺樓上慢慢等啦 我等到差唔多一個鐘我落去搵過阿姐問吓我個便當整好未 跟住佢話差唔多 然後我再上返去慢慢等啦 等下等下又過咗半個鐘跟住我落去問佢 佢就走入廚房問過好後生嘅廚師 點知佢未整好 不過我都體諒佢 因為我見到佢好忙 跟住我同佢講我等到唔耐煩好嬲話要退錢啦 點知阿姐同我講俾咗錢一定要食 我嗰陣時真係o左我心諗廚師又未整點解唔可以退錢 阿姐服務態度超差 我覺得需要培訓下
繼續閱讀
中華沙律normal燒菠蘿normal元祖拉麵豚肉無味，湯底無味燒牛舌算係唔錯既一款燒雞翼無味，仲要帶血，唔熟，講左話唔要，要退。佢轉頭話幫我再燒熟佢，我就話我唔要喇，同埋咬過仲燒番，最後先話取消。燒雞腎同上一樣唔多熟，而且唔太新鮮，咬左舊口感好差帆立貝差貨，口感梅梅地蒜蓉燒扇貝蒜蓉唔得，扇貝唔係原隻燒，剪開，口感唔新鮮北海道蟹柳壽司唔知係沙律醬款，不過唔多得，完全無蟹柳味海膽壽司舊飯黏到一舊，海膽唔係放雪櫃？食落唔凍，係室溫感覺，口感一般，可能唔新鮮燒茄子好普通，無出面燒得好食小插曲：我地order左成20分鐘，先出得中華沙律，拉麵同燒菠蘿。隔離位遲我地20分鐘到，但佢地早過我們有燒既串燒，我問佢點解隔離遲咁多order都有串燒，我地個d仲未有，佢話跟下先，跟完就拎左未熟既雞翼同雞腎來。
繼續閱讀
我地等到40分鐘，已經好肚餓，門口大姐話”好快”等多幾分鐘有，等到50分仲未有野食，開始覺得唔對路，再問個大姐，其實仲要等幾耐？！點知問多兩句大姐先話師父未翻到🤬🤬🤬🤬，癡線嫁，佢有冇病丫，廚房冇人，你夠膽叫客入去坐，個大姐唔係以為有客會等到你地d師傅翻，再等埋你開爐再煮野食丫？！🤬🤬🤬唔該做餐廳有d時間觀念，如果師父返唔到咁早,就唔好開鋪開11點啦，做翻晚市算把啦，好心你地d員工再培訓過啦， 明知廚房冇人就唔應該招待客人入去坐， 應該一早入去前同客人講清楚，唔駛阻人時間， 如果唔係之前幫襯過兩次，都覺得呢間野夜晚野食ok， 見你哋開晏晝，打算再幫襯，點知搞到成肚火，冇下次囉！！！PS(見到仲有3張枱有客坐係門口，同我地一樣，白等，等到天荒地老都唔知等緊乜)
繼續閱讀