櫻華點心專門店 (已結業)

飲茶好多時都會去集團連鎖式酒樓，但質素比以往差是事實😑價錢更加貴得厲害，反而近年開咗好多小店式茶居☕️價錢平👉但點心質素非常高，應該係地方較細少，坐位有限而專心去做去經營 以下4款✨當天點了的櫻華蝦餃皇，個皮真係好耐無食過外皮軟綿得嚟又唔會過厚，仲皮薄煙韌😋而蝦係爽口彈牙 ✨仲有瑤柱菜苗餃就做到水晶效果💧而餡都幾特別，係紫椰菜配蝦，一樣煙韌的皮帶爽口的蝦 ✨鮮蝦腸🍤係啊又係蝦😂腸粉米漿調得很好，滑順係師父的幾十年功力吧，爽脆鮮蝦更添豐富口感 ✨南瓜蒸排骨🐷推介係因為爸爸話完全食唔到有雪味，聽老闆講成本高在係啤水夠1️⃣這小店開業不夠數月 2️⃣每位點心師父最少30年經驗3️⃣睇到老闆誠意4️⃣爸爸都話由茶葉到點心都無得輸5️⃣格局簡約茶餐廳式6️⃣最重要真係平六樣點心連茶錢，不設加一 $130 （天然呆咁走）

今天放假與阿媽shopping,本來想食steak 不過太多人所以試下這間新開geh 點心restaurant。因爲新開所以環境好，好光好乾淨。service亦不錯，服務員好快開茶比我地。阿媽覺得D茶算幾好。我地點左6個點心，最中意o個個反而吾記得左影相tim,就係蝦多士喇！平時出面好多是炸得好多油，但呢度好乾身，係arm arm 好。我阿媽就中意個棉花雞，話無見過比禁多‘棉花‘ wor!好耐無同阿媽飲茶+傾計，係呢度過左一個愉快geh中午。

無意中睇OPENRICE見到呢間野既腸粉好精形剔透，決定一定要黎食下先得。結果星期日一起身7點20分，諗住訓多陣，但諗起佢，決定即刻起身去太子飲茶。地點都算易搵，入面唔多人，好快有位。即刻叫晒我一早諗好晒要食既野先~MENU: 嚴格黎講唔算特別多野食，但質絕對重要過量。鮮蝦腸粉: 未落豉油之前條腸粉真係好靚，又薄又令，隱約睇到入面既中蝦。配合埋佢既甜豉油，真係幾好味。好滑，有少少黏口，蝦又爽口!!!!好味!!炸腐皮卷: 新鮮熱辣，GOOD!!櫻花流心包: 其實我都唔知個包粉粉地色係唔係有落櫻花撈，反正食唔出。但入面既流心餡就真係好流心啦。佢應該係我食過最流心既流心包，奶黃味適中，但如果有D蛋黃味就更加好啦~~~~棉花雞: 呢個我食左少少，無咩特別。七彩牛柏業: 我覺得D牛柏業好UN，唔夠入味。蝦餃: 呢個係我最失望既點心。食完腸粉後，諗住個蝦餃一定好正啦，點知佢唔係用原隻蝦，只係將蝦肉包，又無鮮味，食落一PAT野，睇之前既食評，D人話係原隻蝦的，唔知點解今次唔係。瑤柱菜苖餃: 菜苖好爽口，但最好味我覺得係個皮。佢煙UN得黎好好口感。皮又唔算厚，但係太薄又食唔出應該既咬口，我覺得呢個皮真

上次見過新開的點心店，今日約埋D朋友入來一試，總體感覺幾唔錯。脆脆蝦多士，真系好有創意，而且味道幾唔錯雪梨鹹水角都真系幾似雪梨，好得意，味道都幾唔錯，鹹度適中。

本來想去近深水埗那間食點心，朋友介紹有間點心店不錯，就一行數人來到， 感覺精緻乾淨， 點心款式 ，不算太多 ，老闆娘介紹幾款，真係好好味。 每款點心，都要製作有時間，即叫即整，保證新鮮。

今晚又黎喇，多左咁多咁多人既？攪到無得坐卡位tim。。。。酥皮叉燒包今日無失望食到熱辣出爐的，雖未及xx運好吃，但也好過附近的好多了，酥皮夠香脆，入面包包幾鬆軟，而重點叉燒汁呢？比平時更香更濃，肉不是好多，但就完全無肥膏，滿足加滿意。咖哩魷魚是日某某全清，所以不評。見魷魚卷刺豬大腸樣，底層有面筋索汁，好刺都唔錯。起碼個汁唔會稀先，最怕水咁味。蝦餃大大隻咁真材實料，皮薄涵靚。重點一定要叫店方俾個辣椒油，點一點畫龍點睛。蝦腸叫左俾多多豉油下，吸滿汁醬的腸粉都好滑身，蝦又大大隻咁，好食呀，一個食曬成碟我都ok嫁。。。。。鮮蝦腐皮卷第四定第五次黎呢度，雖然以前必叫呢個，但就驚爆豆所以無叫過，點知原來某人叫左，見到賣相好靚仔，一上台仲以為佢俾錯。蝦？就唔多食到，個涵刺質感咬住肥豬肉，但都可以接受既。炸得好脆卜卜就係事實，咬落應聲而响，不過無跟醋，所以就點下辣椒油咁，一樣咁好味。今日好多客加上唔係叫左好多，無人送例湯我，但原來有得單買，都不過係15蚊姐，抵，上次送過試過好正嫁，而且無味精。屋企住附近，由初初見佢小貓幾枱到今天十幾台滿座，滙心暗喜。由於唔太餓叫左唔係好多，賣單103相當合理，而且服務

同男朋友放假得閒去行街，經過呢間看似新開張o既點心舖，見D價錢比較平，於是入去食個三點三試下。尤其鍾意個蝦餃同咖哩魷魚，味道正！見點心張紙上面仲有D特別Do既款式，流沙奶黃包，燕窩煎堆？ 下次再同男朋友試先！個人對茶要求高，呢度D茶質素幾高，好過好多新式茶樓。

行經依頭見到間點心店，比佢個門口吸引左，想試下好唔好食，行入去見到店內簡單既傢俱，餐牌上得約50款不同點心，都無乜期望，只好叫一啲平時去飲茶食既食物，黎到即有驚喜，蝦餃皮薄，晶瑩剔透，咬落彈牙，一個字，爽

位於荔枝角道近太子站c出口，店內裝修雅緻清潔，點心即叫即蒸，街坊價錢，食物水準比酒樓還要好，推薦蝦多士、咖哩魷魚、义燒包、珍珠雞。另有蒸飯、油菜、老火湯套餐底食👍👍。

d野唔貴 味道中真係唔錯 好食過一般茶樓服務態度很好！燈光同場內環境中上 蝦餃皮薄嫩滑 牛肉球鮮嫩多汁 鳳爪排骨飯d飯好軟 排骨好嫩滑 不過個人覺得豉油甜左d雪梨鹹水角好得意 外脆內軟唔會太多油整體感覺就係唔錯 會有再想去食既慾望

今次已經係第四次來晚餐了，約好舊同事係度吹水代替多人迫狹的添xx，那邊食物不錯，但多人且台之間太近，也只能快食快走，不太能好好傾計。呢度就好唔同嗱，人客不多地方大仲有得坐舒服大卡位tim椰菜蝦餃第一次見，賣相幾剎食，特別，有別平時菜苗餃，紫椰菜好有咬口，蝦都大粒幾好食。蝦餃例點無得輸，彈牙既。次次黎都有叫。蒜蓉炸蝦春卷無蒜味，但炸到熱辣外蝦肉唔少，沾沙律醬開胃點。金網腸粉第一次點呢個，原來係腸粉包蝦春卷，幾有層次，同我唸既炸兩又唔同。朋友點的雪梨咸水角我沒有吃，朋友說原來入面無雪梨的，只賣相是，插住百力滋個機又幾攪笑。雞腳鄧湯朋食渣又食曬，湯就無清，唔知乜味呢，請自行幻想。咖哩魷魚不過不失的味不濃，有幾塊面筋亦幾淋，如果汁濃郁點會更討好。最後到我最有期待既焗叉燒包乜咁既？只剩微温，不知是我沒有一到即食還是怎樣，對温度有要求的我，見其雖然凍了但叉涵都ok，外層仲幾香脆無淋，竟然食得唔好曬，包朋友底掃曬。店員主動提出要試飲例湯嘛，這是我第一次有次優待，小幸運又黑唔曬bor，豬骨煲得幾清甜兼無味精，幾唔錯，近我家，已來了四次喇，呵呵去過幾次都是女老闆還是女侍應招呼，好熱心下。今夜忽首見一攪笑

之前見到有朋友介紹太子開左間新嘅點心店，咁梗係要約埋朋友仔去試下。一開始好怕好難揾，但原來真係好近太子站，地點好好。入到去點心店環境乾淨，同朋友仔掛住傾解都唔記得落單好彩店員姐姐細心提醒我地點心要時間即蒸，仲介紹點心店嘅特別點心俾我地。我地三個人一共叫左7件點心，計埋茶位都係$142，真係好抵而且味道比起其他酒樓好食，又新鮮，環境又好啲，仲無咁嘈，好適合朋友嘅聚會地點。個人最鐘意食呢間嘅炸腐皮卷(唔記得原名係咩)，外皮好脆，入面熱辣辣，好好味。其他點心都好好味，值得推介！

上個月經過呢度見到呢間點心舖新開，琴日終于有機會試到！全部點心有quality,而且分量足。推介個棉花雞同奶黃包，棉花雞係我食過禁多間之中最多棉花！！！而個奶黃包超多奶黃，仲要係流沙個種，好味程度不下於X好運， 下次經開買個外賣先 新裝修所以好乾淨企理，員工服務態度好。綜合黎講算幾好，會再幫襯。

路經這間貌似新開但裝潢感覺較舊式的點心店，行入店內比其他店光猛，店員服務也很主動殷勤。坐低睇下張點心紙，都幾多選擇，仲有我至愛“家鄉煎薄餅”，可惜當天喉嚨不適。。所以主要叫蒸的點心為主。招牌櫻花流沙包見佢寫招牌，就當然試試啦！賣相幾靚，顏色就像櫻花的粉色，上面有少少蟹籽，本來以為內餡是櫻花味的，點知原來只是流沙奶黃包，好明顯我想得太多了不過味道不錯，幾流沙，奶黃亦香的。蠔皇鮮竹卷這款有驚喜！首先不是用蒸籠裝的，是碟上的！而且好少食到鮮竹卷是脆脆地的，上面只是淋了少少蠔油汁，鮮竹卷皮的口感煙韌有咬口，和平時食開的不同呢！味道不錯，唔會好鹹～瑤柱菜苗餃相信他們是即叫即蒸的，因為上枱時是熱騰騰的，菜苗餃皮都算薄，望落通透，咬入口黏黏的，內餡份量都不少呢，蝦粒亦爽口不“霉”，整體味道幾香。原隻鮮蝦腸鮮蝦腸又係另一驚喜位，腸粉好滑好薄，入面真係原隻蝦，仲有好幾隻！蝦依然係爽口，感覺新鮮，真心推介！鳳爪排骨飯飯質煮得好，不太硬又不軟，是盅頭飯應有的質感。出面很多酒樓或點心店都會把飯煮得太稔，鳳爪都幾好味，排骨就正常啦～下次等喉嚨好番會再黎試下“脆脆蝦多士”同埋“雪梨咸水角”！！見隔離枱的雪梨形狀咸

同d朋友來太子見到呢間新開的點心舖頭，看似普通的舖面入內一試都幾有驚喜位最鐘意個米網腸好脆口，唔會整到出來淋哂，d蝦肉又新鮮，勁想叫多份自己吃另外個脆脆蝦多士同釀茄子都好得吓，都要試！！當然唔少得焗叉燒包啦又係必吃推介而且所有點心都係即叫即蒸~熱辣辣呢d咪有囉，唔會整定放係到攤凍哂再翻熱。而且個舖頭老闆又好好人，勁好服務~6個人都係吃左3百零蚊~都幾抵吃下