6
4
2
以上資料只供參考, 請與餐廳確認詳情
同行五個人，係星期日夜晚十點左右去食，好多人，排咗陣，舖面裝修還可以，但係坐得好迫唔舒服。我叫左個朱古力窩夫，賣相唔錯，但食落窩夫完全冇朱古力味，係一啲都冇。個雪糕就食得出入面有冰粒，而且融得好快同味道淡，似係用水溝淡左。同行友人點嘅心太軟同梳乎里唔錯，但燒賣唔好食，仲要冇醬。服務方面，職員一啲都唔醒目，一開始叫完野食就俾左一堆刀叉湯匙同茶匙我哋，都唔知啲餐具邊個打邊個，餐具唔夠想問佢再拎，啲職員冇野做企喺度見到你望住佢都冇反應。食物質素一般，但價錢唔平，冇元朗抵食，但點解呢間都咁多人呢？我諗係因為附近幾條屋邨好多後生仔女，但係冇乜糖水舖，求過於供唔憂做。總括而言唔抵食，冇必要我都唔想再去。
繼續閱讀
去搵朋友 經過見到間西式甜品鋪 吸引左我入去 價錢都係40~50左右叫左個WAFFLE 配雲呢嗱雪糕我覺得似係意大利個種雪糕 唔似平時個隻雲呢嗱味WAFFLE 好香蛋味 鬆軟佢啲朱古力醬加埋CREAM 一流而且佢會有水果伴碟唔會覺得濟咁既價錢絕對抵食食完好飽肚 推薦！
繼續閱讀
放工路上很想食窩夫，便與老公去了這間甜品店。去到老公建議叫窩夫層層疊，但要$78，估計好大份，便叫左這份。來到時見有三個大雪糕球和一個小球及三件窩夫，雪糕就一般，有點是牛奶公司那些平平地的雪糕，但窩夫則好好味，不會太硬得個脆字，也不會太淋，軟硬適中，很滿足。附有少許士多啤梨，但真係少左點。地方就一般，有點癡立立，係好唔舒服，好像搞到對鞋好污糟。
繼續閱讀
為了就各人放工的時間，唯有將近捨遠地在天水圍區相約食甜品。選它是因為開得夠夜，因為五個女人一旦相聚，就有說不完的話題。叫了4個甜品及一杯飲品(沒有拍照)1. 綠茶冰：出奇的綠茶清香，最能喚醒被其他甜膩痲痺了的味蕾，十分推介2. 巧克力Waffle: 期望之內，窩夫挺脆，淋上楓糖漿(不須加太多，會挺甜)，再配上好快融的雪糕( 天氣真是很熱)，不錯。3. 綠茶心太軟：又是綠茶啦！驚喜的是裹面是綠茶融漿，甜而不膩，但旁跟的一球綠茶雪糕味道有點「不綠茶」4. Tiramisu Pancake: 一上來，我們都看呆了--巨型漢堡甜品！中間夾著custard & 香蕉，pancake 皮鬆厚，一人吃了兩件，就好膩了總括來說，這是一間值得繼繽支持的餐廳
繼續閱讀
前排約左個朋友聚舊，為方便就腳就揀左樓下既一間甜品店。因為間舖新開加上我平時住宿舍，呢次都係我第一次食呢間既甜品，所以都係純粹試下，諗住無咩驚喜。咁我同個朋友就叫左個''冰天雪地芒''同雜果涼粉。''冰天雪地芒''簡單D講即係綿綿冰，份量足，好好味，４０蚊算抵食！而且好重芒果味，唔剩係得Ｄ冰。而雜果涼粉味道同其他甜品舖差唔多，不過真係勝在夠大份，一個人食真係有機會食唔晒！可惜Ｄ生果有Ｄ酸。另外幾欣賞間舖會係黑板手寫Menu，好有心機！同埋員工態度好，快手快腳！可惜係間舖就細左少少，唔係假日都仲可以接受，假日多人既話真係轉身都唔得。
繼續閱讀