2
4
0
以上資料只供參考, 請與餐廳確認詳情
「扣底」、「靚仔」等等的茶餐廳、大排檔用的術語，還真有趣，而現在也真得很少聽見了⋯⋯ 剛剛一聽， 有點懷舊的感覺，而且也很親切！這家餐廳，好像是越是夜，場越旺， 人聲鼎沸！但人人都像是習慣了，不以為然。叫了三道菜：辣子雞煲、蒜蓉小白菜、椒鹽鮮魷腰果九肚魚（三寶）這雞煲是不辣的，裡面的雞⋯⋯⋯乾燥的、硬硬的！不討好，但裡面的青椒意外地鮮甜！加上辣子雞的醬汁，薄薄的，已足夠令青椒的甜充分發揮！這裡的菜類應該都會是好的吧！ 因為一碟滿滿的小白菜， 菜的甜叫我如此的回味！ 加上好吃的白飯，應該難以阻擋！哈哈！最後！那三寶！在它熱騰騰的時候放進口！ 單是說， 已經回味得垂涎欲滴！九肚魚，一咬開「脆薄薄」的外皮， 幾乎溶化了，一不小心就滑進胃裡面！份量上， 還算是挺多的！ 滿足 ！
繼續閱讀
今日又九點幾先放工，就去天恆果邊食野啦！(因為咁夜得返果邊先多d 野食) 唔使等位就入得去，兩個人入到去叫左個醉雞煲 (半隻雞)，烏冬同黎打邊爐，蠔餅同埋一個滷水鵝雜。 好豐富呀！ 個醉雞煲個湯係藥材湯，好好味呀！我同男朋友都勁中意藥材湯。 d 雞都幾多，兩個人食啱啱好！個蠔餅都好好食呀，雖然炸得勁好熱氣，但真係好香口！ 但略嫌佢得太少蠔。烏冬用黎打邊爐真係一流呀，d 藥材湯入晒d 烏冬到真係好好食。 食食下覺得好想食d 滷水野，所以就叫左個滷水鵝雜。(但其實果陣已經飽飽地) 佢黎到既時候我呆左一呆，真係好大碟 (咁當然係同價錢成正比既，哈哈！) 碟野都有幾多鵝同埋其他滷水野，有墨魚呀，有豬腸呀，有鵝腸呀等等好多野，佢滷水得黎唔係好咸，d 鵝都好多件又好多肉既。 我食左一陣就已經投降，男朋友就仲繼續食繼續食，好犀利，最後差唔多俾佢食晒！ 埋單果陣真係飽到嘔，哈哈！丫，本身我地諗住叫啤酒飲既，但係佢話無要出去買，我地因為覺得太煩就無去到買，最後飲左可樂，哈哈！不過我見唔少人都出去買入黎飲，如果你地想同朋友飲下野食下野傾下計既話，咁就買定入去。
繼續閱讀
屋企樓下既其中一間茶餐廳，呀媽非常鍾意食，基本上隔個星期就會陪佢落泥食一次。之前呢間餐廳都叫做大間，有少少似大排檔，因為佢會霸埋出面行人路同單車徑D位泥做，不過近幾個月好似比食環署打壓左之後就好似無得咁做，所以今次去呢到食飯，等位等左好耐！！！！！！！！！！(之前唔洗等)雖然呢間餐廳話就話滷鵝專門店，但係大部分人都係食小菜，打冷只不過係其次！咁呢晚就同屋企人落左去食飯，四個人叫左四個餸，椒鹽雞軟骨拼鮮魷＋小炒皇＋ＸＯ西蘭花炒花支片＋啫啫排骨煲，仲有個豬紅做前菜！叫完餸之後１５分鐘左右就送齊，聞落好香，食落味道更加唔洗講，一個字正！咁多人幫襯都唔係無道理！小炒皇夠穫氣，非常香口。排骨煲Ｄ汁拎泥撈飯更加係一流，多多飯都食得落呀！唯一不足之處就係個椒鹽雞軟骨拼鮮魷，Ｄ粉嫌多左少少，但食落都叫脆扑扑！平均每個餸８０蚊左右，加埋飯同汽水果Ｄ，四個人３００蚊左右啦。總括泥講，味道真係唔洗講，真係一流！抵唔抵食就見人見智啦，員工態度好，普通師奶，同Ｄ客吹到兩句！可惜間餐廳比以前迫左好多(因為無左出面D位)，搞到入面Ｄ座位同座位之間好近，轉個身都撞到人，同埋搞到要等好耐！(因為假日真係好多人食)
繼續閱讀
秋風起~~~~~~~醉酒煲又要黎啦去到樓下打冷 食醉醉醉雞煲 同鹵水雜豬紅 味道不會死咸的 不過很油膩 所以都是一般般的小菜 不會一夾熟碎 算不錯的 酸菜魚 我沒有吃因為樣子並不吸引我 是爸爸想吃的 只見滿滿的酸菜鹵水雜 最愛的打冷食物 墨魚跟鵝腸 鹵水味還可以 芽菜都幾多係底豬耳一般 大腸幾乾淨蠔餅 蠔好大隻既 有個好咸既汁點 啲粉好少 全部係炸粉 芫荽味不重 半隻雞 醉雞煲 雞湯底好味啊 當湯飲 雞都幾滑既 可以叫一隻 不過今次都多野食
繼續閱讀
呢日考完試同個同學黎呢度打邊爐，佢話個麻辣湯好正。佢搞到我流哂口水，於是呢日就去左食啦。麻辣鍋其實料同平時打邊爐既差唔多，有肥牛、雞、豬、海鮮同一菜啦。肥牛有真係好肥，不過幾好食架。而個雞肉就好好味，肉質好滑。海鮮就蝦好新鮮，好爽口。個湯真係好正，初初食唔會覺得辣，但越食越辣。個感覺真係唔錯，個湯比好多酒樓既整得好食。有時候，我會覺得個湯比火鍋料黎得重要。實有下次既，148蚊一個鍋。兩個人都夠食，好正。
繼續閱讀