食家推介
下午茶兩個人嚟食 ，叫咗一個糯米飯再加個碗仔翅 ，另外一個就係碗仔翅再加餃子 米線，碗仔翅， 仲有個豉油雞髀 ，另外杯嘢飲熱奶茶要加錢先有得飲， 個碗仔翅就一般， 味道一般好食，唔會好潔，料就一般，唔會話好好飲，個糯米飯，就足料，都幾好食嘅 ，都意外有這水準，好少可以喺大快活食到這些東西， 個鼓油雞髀賣相都幾靚，都幾好食，ok好食，唔係好入味， g餃子就一般，係豬肉餃子嚟嘅， 個湯底呢就係一般，其實係因為本身自己食慣濃味，所以就覺得好淡，其實整體嚟講以快餐店都有這個水準都算係可以嘅。
繼續閱讀
收工番到黎都9點幾，周圍都冇咩野食喇🙄，見到大快活好多位，就入去睇睇有咩食啦。🙈大快活蕃茄焗豬扒就不嬲都好食架啦，不過今晚都係試下其他野啦，叫左個菠蘿咕嚕肉飯（$39）加章魚眉豆節瓜豬爭湯（+$5）比錢之後個收銀姐姐比左個感應器我，叫我搵位坐底之後放個感應器係指定位置就會有人送餐黎，原來而家大快活變得咁先進-0-睇黎我真係太耐冇食過。😂咁我就是但搵左個位坐底，咁岩張枱號同個感應器一樣係33號，不過其實唔洗對番號碼黎坐既，可以隨意咁坐。🙈等左大概5分鐘，有位送餐姐姐就將我個餐送到我面前啦。碗咕嚕肉賣相唔錯啵😮，有d青紅椒襯色，再加小小洋蔥片，好睇又好食。試左舊咕嚕肉，夠酸夠甜，有咬口，好味另外，唔好睇佢碗飯細細碗，都夠食架。而個湯睇個名就非常好喇，但係黎到打開呢，就得番節瓜同一條肉絲仔-0-飲左啖，發現又幾濃味，章魚味好出好好飲，雖然成碗得節瓜，但係好淋，冇楂，飲晒成碗！最後成個餐食晒真係好飽肚，晚餐黎講45蚊都算經濟啦。
繼續閱讀
早上爬完山, 無無聊聊地就來到大快活吃了個豐富的早餐; 早上的大快活永遠都是那麼繁忙, 熱鬧。於是隨意找了個角落來享受我這豐盛的早餐;魚柳炒蛋及雪菜米, 金黃色的外皮, 外脆內軟, 炸得色澤均勻, 而且不會有燒焦的色澤; 配上檸檬片及沙律醬, 減輕油膩的感覺, 酸酸甜甜挺開胃的; 炒蛋, 金黃色而又濕潤的蛋, 蛋香中伴隨著淡淡的牛奶味, 兩者的結合, 使蛋更加香滑, 蛋汁及牛奶汁不時滴出, 簡直是巧妙的混合; 雪菜肉絲米, 米粉及雪菜的份量多, 湯底有少許麻油味, 使你不會覺得湯過於清淡, 雪菜吸完湯的麻油味后, 每條菜都令你感覺到陣陣麻油味, 這可真是一餐色香味俱全的早餐。
繼續閱讀
係屋企樓下食早餐來來去去都係嗰幾間，今次我就揀咗大快活度食早餐。今日我就叫咗一個炒滑蛋加吉列豬扒嘅早餐，其實不嬲都鍾意食大快活早餐嘅滑蛋，因為真係炒得好滑，同埋一啲都唔老，唔知係咪佢因為佢加左牛奶嘅關係啦，但係佢夠滑，淨係呢一點都已經滿分。另外佢嘅吉列豬扒炸得都唔算話好硬又唔算話好林，不過不失。
繼續閱讀
工作中的午餐，快餐店都係一個好選擇，出面可以泊車（當然要睇住有無抄牌）有開揚落地大玻璃，樓底高，唔會焗促，裝修簡潔光鮮（橙橙橙）在門口睇餐牌，選擇都好多，午市都有煲仔飯 ，不過食物價錢幾貴，我叫「菠蘿咕嚕肉飯」唔包飲品都$36（+$5有例湯，+$12有飲品我不如去7-11買支飲品好過 ）落單之後坐低等叫號碼，好快就叫！去櫃台取食物，賣相唔錯，橙紅色肉塊配黃色菠蘿，綠色爽脆青椒，白色洋蔥，仲有紅色辣椒，色彩繽紛，視覺上幾開胃！白飯一大碗，我一定食唔晒（唔記得叫少飯）好在同學食到，無浪費！ ！食一塊咕嚕肉，醬料酸酸少甜，薄薄地掛住肉肉排無骨，淋身，咬落有肉汁，菠蘿係罐頭菠蘿，甜但淋嘅，其他蔬菜好多，全部爽脆，配鬆軟白飯一流！收銀小姐好笑容，櫃台店員好爽手，雖然我無叫飲品，櫃台會自動比杯水我！快餐都可以食得好滿足！
繼續閱讀