Savoye Bistro (SB) (已結業)

假日既中午同朋友黎到天后食午餐，原本想食既餐廳已經滿座，亂咁行見到SB吸引既粉藍色既外牆..食物價錢都吾貴時，就決定入去試下。小妹好中意牆上呢個logo...午市套餐包括蒜蓉包、餐湯、沙律、主菜同店內特製既凍橙茶，要其他飲品就要另外收錢啦。開頭小妹覺得幾驚訝..平時叫set meal 都系湯或沙律二選其一，呢度竟然包晒兩樣😱 真系第一次見🤔🤔小妹簡左個 燒韓式泡菜雞漢堡配薯條 （$78），朋友就簡左 慢煮三文魚柳（$88）。另外跟餐可以加錢配小食，我地一人加左一樣，分別系 黑松露單骨雞翼 同 車打芝士焗大蘑菇。首先上左飲品，我地都簡左凍橙茶。味道其實比我感覺似檸茶多d...但都飲得出橙味既，不過略嫌吾系幾凍。跟住就系前菜啦..一個長碟裝晒三樣野，睇落份量吾算好多，但其實食晒三樣都飽飽地😂個忌廉湯比較稀，味道淡，吾夠濃郁。沙律反而有驚喜，因為個醬汁系好清新、酸酸甜甜既柚子醋，好開胃👍🏻👍🏻單骨雞翼炸得香脆，小妹認為一定要擠檸檬汁先食，如果吾系就會好乾同膩。大蘑菇...芝士拉絲好正呀😍個菇好鮮嫩多汁😋😋黎到主菜啦..個漢堡份量十足😱 好大個呀😱😱雞排好大塊好厚，肉質吾「鞋口」，配上酸酸地既

Groupon coupon, Great dinner and high quality, the place is good and silent w/ crowd of the district. Each dish is tasty especially the juicy of steak! This dinner was for my birthday dinner and it postponed until today. Excellent!

今日同同事食lunch, 黎到呢間環境不錯的西餐廳~幾舒服 幾relax好鍾意呢度既午餐會送埋湯同蒜蓉包!忌廉湯幾滑幾香~ 蒜蓉包沾進湯裡食，好味！食完都飽左一半~吹左幾次，最後等左接近20分鐘，我地既主菜先到我叫左泡菜雞漢堡飽跟薯條，雞係炸雞扒，味道有點似韓式炸雞，不過唔辣的。配合酸酸微辣的泡菜，味道特別，但不會難接受。份量好大！薯條卻唔熱，唔好食！同事的牛肉漢堡更是唔暖的，令人難以接受！希望餐廳能改善送餐速度和食物質素！

買左個幾平的團購，有好多嘢食，不過，總括來說，如果是團購價錢就ok，。但如果用正價，就有好多其他餐廳選擇。首先係蠔，都幾新鮮，個盆仲好靚，會轉顏色。餐湯好似茶餐廳的白湯，無蘑菇的。反而蒜蓉包幾好食。 沙律菜都好新鮮。主菜一般般啦，團購預左主菜係甘上下。牛扒有根所以有啲難咬。叫5成熟的牛扒，煮到8成熟，都無咩所謂。配菜燒番茄反而幾好食，但用上 茶餐廳嘅波浪薯條，個感覺又怪怪地。意粉一般般啦，好大胡椒粉味，係白胡椒粉味，不是黑椒。最正都係個甜品，好好味好滑。總括，高級茶餐廳。坐得舒服，可以坐好耐。

同事之前試過依間餐廳，話個漢堡味道唔錯且份量唔細，今日就即日打電話去book枱啦~ 去到餐廳時，佢地話冇我地book枱資料，但我明明都係早個幾鐘前先打過去，但好在佢話依家都有枱比我地，而且仲可以坐係房入面，冇咁嘈~ 坐低後，我選左陽光牛肉漢堡飽跟薯條餐，有蒜蓉包，餐湯，沙律及凍橙茶~ 蒜蓉包既顏色同平時有d唔同，呈橙色，蒜蓉味略為唔夠，但口感都算香脆~ 而餐湯係忌廉湯，味道都唔錯，入口都幾滑~ 沙律味道帶少少酸味，令人好開胃，而且還有一至兩粒生果係沙律入面，好鍾意~ 牛肉漢堡份量唔細，但牛肉質感有d硬，唔夠滑，令人有d失望，但個醬汁味道都唔錯，而薯條係我愛食既粗薯條，炸得好香脆且不會過火~ 凍橙茶味道ok，茶味都算濃，但唔算太特別~ 可能對餐廳既期望太高，主菜既牛肉令我有d失望，但其他食物既味道都唔錯~ 希望下次再黎可以食到同事所讚既質素~

9月28日, 簡單喺屋企附近食lunch, 呢間小店呀菲之前都同朋友食過幾次, 都覺得呢度不論環境同食物都係有心經營. 今次帶埋B豬嚟食, 估唔到佢又幾baby friendly~ 除左有好舒服嘅high chair, 仲有kids menu提供!::: 白汁火腿意粉配溫泉蛋 ::: $ 68Lunch set配搭同Simply Life有d相似, 餐飲都係定好嘅果茶. 不過就再豐富d抵食d~ 唔洗揀有齊湯加沙律同脆卜卜蒜茸多士! 沙律菜好新鮮, 再配上d時令生果, 輕盈清新~ 忌廉湯有粟米粒, 味道濃而不膩, 仲有淡淡粟米甜香.白汁火腿意粉配溫泉蛋都十分對辦, 溫泉蛋係騰騰震嗰隻! 意粉夠彈牙, 混入白汁同溫泉蛋汁口感creamy, 味道濃淡適中~ 唔錯!橙茶味道豐富, 帶甜橙汁加茶好味~::: 西班牙牛肉小鍋飯配溫泉蛋 ::: $88以鐵鍋承載加上溶化芝士同溫泉蛋, 齋睇賣相已經好吸引! 慷慨嘅牛肉醬包住晒每粒飯, 牛味番茄味濃郁惹味~ 撈埋芝士同溫泉蛋味道更豐富! 又因為而鐵鍋裝住所以飯身可以保持溫熱, 食到尾都仲暖好好~今次B豬仲細, 未食得佢地豐富嘅kids menu...

有一期日日係天后搵食，咩窿窿喇喇都行匀，原來有一間裝修唔錯又大間既西餐廳係左近，行過見餐牌都唔錯，搵次試左去食晚餐～佢既logo design幾特別，用左LED一條條既燈扭成，格調偏向憂鬱既藍色，成個餐廳格局都唔錯，有一邊係石屎牆，樓底好高都幾有空間感，坐卡座既梳化椅加上銅製懷舊播音機都做到復古味，好有外國Bistro風格！我地首先叫左半打生蠔，由負責人介紹當日邊款生蠔精選同各款生蠔既味道特性，我覺得佢地似負責人唔似一般waiter waitress係因為佢地似乎對所有餐盤擺位、落單時間、同客人溝通既位都掌握恰當，識得細心安排，亦就算我地係平日晚上既6點就入去做第一檯客都感覺坐得好舒服～生蠔味道新鮮，介紹既蠔蠔味鮮甜又有海水味，我地試曬3款每款1隻，上菜時建議我地由淡味食到濃味，的確咁樣食唔會遮蓋之後食到既味道，由淡淡爽甜味食到濃郁既海水+creamy蠔味，十分有層次，正！～配上唔錯既house wine都覺得呢個前菜相當OK~跟住我地叫左一個黑豚扒仲有一個羊架，黎到既時候賣相已經好吸引又好大份，首先用小木板送上，黑豚肉扒係超級厚切而一睇就覺得係多汁又嫩滑，Grill得啱啱好，每一啖都

終於到星期六～三位無業遊民好耐冇見，決定要去食餐好嘅！畢竟三個都鐘意食蠔又鐘意食鵝肝嘅人相聚真係百年難得，所以朋友果斷打電話book咗SB嘅晚餐，而我就當然準備好比膽固醇填滿我嘅胃部(食完又有排減哈哈)。Savoye Bistro比人嘅感覺就係乾淨同有格調，梳發位係我哋嘅最好，而餐廳員工亦好好咁幫我哋安排咗(不得不讚就係SB嘅員工服務態度真係唔錯)。蠔呀蠔呀蠔呀蠔呀～如果我冇記錯，員工介紹時係話餐廳採用New Zealand蠔，生蠔size偏細但絕對冇影響倒佢嘅lam lam脷程度。個人覺得，一隻好味嘅蠔=0.5海水味+0.5肉鮮味，當然啦，如果蠔肉大粒dd口感會更好，更能滿足我哋嘅慾望。秒殺完一碟我哋果斷又叫多咗一碟，真係唔好睇小女仔嘅食量～茫果鵝肝小鍋飯頂頂頂頂頂好味呀！平時鐘意食鵝肝嘅我唔多唔少都怕食鵝肝會滯，而加入茫果就完美中和咗，令我想食幾多就幾多！鵝肝漏出嘅油拌落飯度真係好似加強版嘅豬油/雞油拌飯，巧巧味呀～正如上一道飯一樣，如果要算咩水果配搭鵝肝最解膩又唔會搶鵝肝嘅美味，答案一定係茫果、菠蘿或者香蕉。哩個burger配搭我比80分，可惜係我嘅口冇咁大，唔可以一啖咬晒咁多層

天后係有好多好野食既地方，最近新開了一間食法式、美式fusion 菜既餐廳，最鐘意試新野既我地又黎搵食啦！睇下呢度菜式有幾特別先～餐廳外牆用上鮮豔既顏色，好搶眼呀~店側既牆身仲有藝術塗鴉。不過最吸引我地既係店外玻璃既2隻鬼鼠小熊，好可愛呀！！餐廳既裝修同擺設都係偏向懷舊同復古，而且仲有好多影相位，可以影靚相又可以用野。柔和燈光加埋闊落地方，坐係座食野同朋友傾偈都好舒服。另有一間獨立房，可以比一班人用膳、聚會或開小型party 。房內都係偏向舊式裝修，好有味道。呢度都有香港懷舊野飲紅豆冰的紅豆好多好大粒，唔會好甜而且上面仲配有雪糕球美綠恐龍有好多美綠粉鋪喺面，原來下面都跟左一個雪糕球冰柱係用咖啡雪既，所以就黎溶左都唔會令到杯咖啡變淡，好細心呀 ~頭盤叫左法國蠔$58 一隻，好大隻好新鮮，吱啲檸檬汁喺上面食口腔內滿佈鮮甜既蠔味，海水同蠔味適中，飲埋海水係perfect 既！炸雞翼就周圍都有，但呢度係用燕麥炸，就算我地放耐左都依然香脆，而且炸皮好薄。薯條係特別有薯仔味，一問之下原來係自製架！唔怪得知咁好味~Fish & Chip 就食得多，但係fish 係用魔鬼魚炸真係第一次食。魚有3塊，魚

又係lunch hour嘅時間，今日去左食天后間sb，一如既往我叫左個Grilled pineapple beef burger跟薯條，出面熱到癲，呢杯青檸soda救我一命☀️☀️☀️平時朕一d都唔好忌廉湯，呢度嗰個有d水準唔太稀又有個garlic bread跟埋，咁我就飲小小啦。最鍾意塊pineapple d汁索左入個burger度，塊牛就更juicy啦😎其實我真係無一次食得晒成個set😂呢間餐廳唯一唔好嘅地方係要等，如果一行5、6個人，總有一兩個嗰個set要等，咁如果要食就早d出門口啦👏🏻👏🏻

又去試天后既野食，呢間應該都開左好耐下。今日做人地第一檯客，未開舖就入左黎。環境一流，配襯住舊式收音機、流聲機等擺設，別一番風味。叫左兩個set lunch , 咖哩蝦球飯、慢煮三文魚個魚好普通，冇咩特別，蝦球飯都ok，不太辣、蝦都新鮮。野飲就真係麻麻地，特別係凍橙茶，似檸茶多d。沙律反而好好味，超鮮甜！

今次呢餐，無論前菜，餐湯及主菜都好得。前菜是用柚子汁製作的沙律，非常開胃！除左沙律菜外亦有提子及西柚，頗有特色餐湯是忌廉湯，配上蒜蓉多士，真是一流！用上colourful 木板托底，煎pan 上的白汁雲吞配上黑松露醬很香口。慢煮三文魚柳賣相很精緻，肉質很嫩，放上炸魚皮後感覺像條魚尾又一間要encore 的餐廳

午餐包括餐飲凍橙茶一杯，餐湯、蒜蓉包及沙律，主菜有多款選擇，可選飯或意粉類及肉扒類。 若不喜歡凍橙茶，餐飲可加錢另選指定咖啡或特飲。我和同事一行三人，order了一盤 新鮮生蠔及 3份午餐…133.小窩火腿意大利雲吞配黑松露忌廉汁 $78  ...    321.西班牙牛肉小窩飯配溫泉蛋 $88  ...    105.慢煮三文魚柳 $88先來一盤六隻的新鮮生蠔，每隻$42起，即叫即開，原隻冰鎮上盤，看上去色澤肥美多汁，一看便知道新鮮。廚師為我們選擇了三款新鮮生蠔，三款來源地及大小不同(體積明顯有大中小之分)，小女已辨別不出各款生蠔的正確名字，只知他們分別有：先來一盤六隻的新鮮生蠔，每隻$42起，即叫即開，原隻冰鎮上盤， 看上去色澤肥美多汁，一看便知道新鮮。 廚師為我們選擇了三款新鮮生蠔，三款來源地及大小不同(體積明顯有大中小之分)，小女已辨別不出各款生蠔的正確名字， 只知他們分別有：Scottish Rock Oyster(蘇格蘭石蠔), South Pacific Oyster(澳洲蠔)及Blue Point Oyster(美國藍點蠔)。小女分別吃了一隻最大及最小的生蠔，最大的生蠔

今日同同事食lunch諗住食好少少啦。初頭都驚無位諗住食第二間算。不過好彩等左五分鐘左右就有位。不嬲食開慢煮三文魚。今日轉下口味食第二樣野。第一次食佢黑松露小雲吞 個汁真係好正。有好重黑松露味。好cream。不過我覺得我咁大食都有啲滯。佢個針我估係用奶加牛油果啲整。如果唔係無理由咁特別。加埋黑松露真係唔識形容係咩野味! 唔好睇佢細細份。或許因為個汁夠cream或者人地口中既“溜”。已經好飽。我同事食三文魚。慢煮我覺得好健康。但保持到佢魚既味道。跟餐仲有薯蓉同小小紅椒同黃椒。我好奇問下老闆點整雖然講完都唔係好明。但老闆又nice餐前仲要有沙律有湯。不過我食完飽得滯。搞到好眼訓。哈哈哈哈

踏入猴年，緊係要同同事去食餐好喇。今日黎到天后既Savoye Bistro (SB)。一睇Menu已經俾佢個Burger Set吸引住，等我試下佢先！餐湯 + 沙律 + 法式蒜蓉包‧ 餐湯夠"杰"身，飲完已經飽左一半。‧ 沙律份量唔算太多，2、3啖已經食完。不過個沙律唔知有D咩菜，苦苦地，再加埋我本身唔好黑醋，對我黎講唔係好岩口味 ><‧ 法式蒜蓉包 + 原粒蒜蓉，由於我係唔食原粒蒜蓉，所以俾左同事食，雖然佢話係好好味，哈哈，不過我都係唔敢試。但係個法式蒜蓉包就好好味，夠脆，同埋佢搽左好多蒜蓉汁去焗，所以個包好香口。陽光牛肉漢堡配薯條牛肉漢堡入面包左好多料，芝士、牛肉漢堡、番茄、生菜、原塊菠蘿，再加埋個千島醬，真係不得了。我都幾鐘意個漢堡有咁多蔬菜，好似感覺無咁膩。不過美中不足既係，塊牛肉唔夠肉質，好"鞋"好散，又乾身。 如果唔係因為有蔬菜同埋原塊菠蘿去中和返，我諗我未必食得入口。餐後點左杯餐茶 - 凍橙茶，少少甜再帶少少苦澀，為呢一餐開年飯劃上完美句號。