上品火鍋料理

營業中

休息中

昨晚兩口子到上品火鍋料理打邊爐，雖然致電book位時，工作人員態度一般，非常敷衍，不過因為今晚想吃高質邊爐，所以繼續原定計劃。是晚有「加拿大A級象拔蚌-蟶子皇海鮮餐（二位用）」，特價988元。餐內已包括大部份想吃的食材。湯底可選擇88元的鍋底，但我們補差價選擇了冬瓜豬骨瑤柱湯，湯底質感厚厚的，挺滋潤的感覺。先來炸響鈴，鬆脆，能充分吸收湯底的美味。三文魚刺身，新鮮，亦切得厚實。加拿大A級象拔蚌清爽美味，一點也不帶腥味。熟食海鮮有蟶子皇和海中蝦各兩隻，花甲公和珍珠蠔各四隻，份量足夠，擺盤亦非常漂亮，可以好好打卡，當然也是新鮮的。肉類可三選一，我們選了本地鮮肥牛，牛味濃郁。鮮製四寶餃和手釀四寶丸都有不錯的口感。餐內還有時令蔬菜，一盤滿滿的有三款，新鮮爽脆。當晚正好有復活節優惠，我們以一元換了櫻花牛刺身一盤，擺相不錯。這片刺身薄薄的，味道尚可，目測新鮮度上應該是可以刺身的，但試了幾塊之後，覺得牛肉的味道並不突出，只有沾點的醬料味道，所以我們最後還是將它放入火鍋中煮。就當用一元試試就好了。我們也額外選了清酒三粒米720ml，價錢尚算合理。反而我最開心是他們有支裝可樂，打邊爐飲可樂始終是絕配。總的

港遊幾日輕輕鬆鬆嘆個出色港式火鍋：香港朋友推薦的這間火鍋店。星期四晚上來光顧，店不太繁忙，可以優閒吃。食物新鮮，價錢尚算合理，海鮮即叫即劏，朋友推介南澳洲龍蝦，加拿頂級大象拔蚌，確實是鮮甜超推介👍🏻。不得不提這裡餃類很不錯，韮菜餃，黑松露餃，灌湯茄蓉包，皮軟糯餡料足。這次我們點的菜不多，下次要再嚐嚐其他東西。總括來說，這店也可說是性價比高，不錯！

黑面阿姐服務差劣，有禮地問可先上蔬菜，一臉嫌棄問：吓？咩話？食物份量少，索價$9X 鵝腸得10條8條... 牛肉份量極少，非常失望...而且味道又不是特別出眾，去附近XX棧好過

今次去咗上品烚啲溫暖又開心嘅食鍋體驗🍲，一坐低就點咗個必試嘅麻辣湯底，辣得啱啱好，又夠晒香，個湯滲入っ晒每樣食材裹面，啖啖都暖笠笠。講起個上品牛肉拼盤，嘩，簡直係眼前一亮！好多唔同嘅牛肉部位，切得薄薄地，一下就熟。食落去，口感係咁嘅彈牙，每一口都鮮嫩得滯。龍蝦同鱔片就更加驚喜，新鮮嘅龍蝦爽口得黎仲帶少少甜，鱔片嘅Q彈就完美搭檔，滑溜溜咁喺口裡化開。再講講小食，脆皮牛腩真係令人驚喜，脆皮啲聲音可以聽到，牛肉部分又唔會太硬，丁點疏失都無，食得出佢哋嘅爐火純青。至於脆皮芝士蝦丸，咬落去時裹面啲芝士拉絲拉到好過癮，蝦丸外層那層金黃酥脆簡直係大滿足😋。落底，呢間餐廳嘅氣氛正到不得了，啲員工又nice，整體嚟講，係暖笠笠同開心嘅一餐，絕對值得再嚟幾轉！👍🍽️

打邊爐就食得多，但搵一間高質嘅火鍋唔簡單今次我哋湯底揀咗，湯底揀左原鍋花膠雞燉翅群鍋，聽落啲材料都好高級，但係其實只需要$238，價錢相當抵食個鍋一嚟到已經可以當湯飲，即刻補補身先😍 花膠就啱晒女仕啦海鮮方面，嗌咗2磅8安士嘅象拔蚌，大大盤，新鮮爽口，擺盤好適合打卡吖。眼見每枱都基本上有叫象拔蚌刺身，睇嚟真係相當受歡迎牛肉拼盤，就可以一次過試晒咁多款唔同牛肉，拼盤有七款牛肉，每一款都好腍，又夠晒濃味 啱晒一大班人食啦黑松露餃子，入面有滿滿嘅黑松露，夠晒重味，鍾意黑松露嘅朋友一定唔可以錯過。新鮮炸響鈴，每一塊都比平時食嘅更加薄，口感一流，索埋啲湯汁，非常推介其中有兩款特別出眾，芝士蝦丸同埋流沙汁墨魚丸，唔係周圍都食到㗎，入面嘅芝士/流沙汁，非常飽滿，食嘅時候記得小心呀☝🏻桂花蚌/珊瑚蚌，真係最少要嗌一樣呀，夠晒新鮮爽口，淥十幾秒就食得，爽口彈牙，一食就知佢係真係好新鮮其他食材亦都唔特別講啦，但係都好新鮮同埋足料，唔會話嗌完一碟都唔夠食。份量每款都唔會少

我們一般夜晚節目就係去打邊爐 呢間上品都已經唔係第一次 可以吸引到我哋encore 全因有保證食過冇問題 唔中伏 價錢公道 最鍾意去佢呢個湯底 蕃茄牛肉拼四川麻辣鍋 食辣嘅 夠重口味 唔食辣嘅 蕃茄都濃鬱 因為我哋四個 對辣嘅都有不同要求 但湯底最緊要夠濃。桂花蚌，海中蝦蟶子皇，雪花肥牛等等..........一定佔一席胃 環境唔算美輪美奐 所以價格 我覺得算平民吧 仲有冰凍啤酒 打邊爐必備 埋單幾嚿 飲飽食醉 真係冇投訴 去兩次老闆就混熟 唔使招呼 過嚟飲兩杯大家都好高興

一行三人乜都想食，提議打邊爐，上網搜查，見到就入去試下，估唔到食材新鲜，叫左條老虎班鮮嫰，滾兩滾已經好好味，牛頸脊好滑同有牛味，不是一般冷凍貨，丸類手打彈牙，餃子飽滿肉質都可以，蔬菜新鮮，三個人雖然食得唔多，不過都好滿足，下次可以約埋一大班人來可以叫多些食物

第1次食野比人呃錢，就送我嘅第1次食評比上品。首先起門前有多個套餐，入到去只提供一個，而且底部細字顯示只有星期1至4提供，當晚係星期6，咁做咩張d套餐放起出面釣人，咁之係要散叫啦，咁就散叫吧！而食物方面極之普通，叫左個象拔蚌刺身，腥到用左黎打邊爐，其他食物份量超細份。最有印象係服務質素，由入場到埋單果位操口音嘅呀姐塊面都係黑嘅，就算我地唔該前唔該後，直到走都唔會有一句多謝。而埋單果陣感覺佢有d古怪，所以拎左張單返屋企慢慢睇，一睇之下，原來佢個加一係唔知點計出黎嘅，收多左廿幾蚊，之前聽過有d餐廳會出埋依d古惑野，估唔到真係會中招。保證冇下次，而且會同你大力宣傳，898

天后有很多好餐廳選擇，已不是第一次來這間餐廳。跟好姊妹相聚，當然要選好質素一點的。但撞正情人節正日，要抵吃一點，就特別不選西餐，選打邊爐。前一天訂座已有四人卡座，整潔寬敞，與旁邊桌子有一定距離，可安心談心而不怕被打擾。食物方面，選了這個海鮮拼盤，份量兩個人剛好，賣相非常吸引，非常新鮮，海鮮上枱的時候仍是動的，加多碟肥牛及雜菜已經非常足夠。海鮮拼盤留下的魚架，還可加錢用椒鹽炒，多一個佐酒小食。其實天后有兩三間打邊爐，這間算是中上價錢，但食物質素及環境對得起這個價錢。

因為疫情少了出街晚飯，我差點忘記這個美味火鍋店…. 這裹的樱花刺身牛肉真係超正, 其實此店的火鍋料非常新鮮。除咗刺身牛肉，仲有鮮魚刺身和花膠翅群雞湯底我哋都一定要叫，每次都係飲完2-3碗雞湯先開始食。

野食係ok但份量少 入去攞位態度已經唔好 唔叫海鮮 態度就更加惡劣 跟住就企係度望住哂 眼光唔友善 之後落錯單同佢講 態度就更加唔洗講 我唔係歧視有口音既人 但態度差個兩個都係有口音的 其他都還好 真心講唔建議去 唔應該比錢買難受

食物算係ok ， 新年要睇你夥記面色做人，好似一定要叫高級食材，如果唔係夥記全無反應，究竟係老細教定係火嘅本身有問題定係間公司係用佢啲服務態度咁差嘅員工做嘢 ，服務態度零分， 侍應態度唔想開工可以唔開，唔可以對客人咁冇禮貌， 落單叫嘢全部反應， 老細多得你啲夥記唔少， 入去火鍋店係咪一定要叫海鮮，龍蝦，鮑魚， 象拔蚌高價食材先會服務態度好啲， 一定要叫你朋友唔好再幫襯，如果唔係咁受氣， 食完俾小費仲要反起雙眼， 大佬唔係欠你哋呀

Booked a table for 9:00pm. Arrived at 8:55 and was told I can’t come in because my reservation was a 9:00pm! Waiting for five minutes and was told that I had to wait for another 20 minutes. One of the staff had a terrible attitude and was completely rude. I’ve been going to this restaurant for years but I won’t return.

今日又係我銅鑼灣食神微服出巡的時候今日家姐話俾我聽呢一間上品好抵食咁就試吓啦。睇過我食評都知道，首先講吓揸車嘅環境。清風街仲要睇你彩數，泊遠少少都應該冇問題，近來抄牌都幾嚴可能為咗六月派消費券。講真嘢食幾好食亦都好抵食，5人食$1000。等阿姐嘅禮貌真係要學吓，喺譚仔嗰啲Style…一坐低馬上講折扣只可以食45分鐘。7:00必須離座，還要你應承，攞豉油同調味品嘅時候，話中有話，說好趕時間啊快啲啦隔離嗰台都要，6:15再嚟提示，阿姐食一餐講四五次，喺30分鐘裏面都唔夠，隔離嗰台已經發晒脾氣，你嚟到我呢台，亦都係咁樣你想點樣呢？可知道我哋做大食評家，出來食飯已經好客氣，都怕得罪人，得罪餐廳老闆。但冇辦法啦都係要比負評！喺食平左，但要受氣，大家自己諗。補充一句，食物出品幾好唔錯！還有一點，6:50幾分外邊仍然冇人等位，如果有人等位先咁緊張，對不對？

慶祝同事升職所以去打個邊爐，搵左間呢間火鍋唔係任食既，諗住散叫食物質素會好啲🤣。去到環境都ok，但座位有啲逼。一行4人大約食左2k，每人除番$500蚊左右。比任食就算貴少少，但慶祝同事升職所以食好啲，久唔久一餐都ok既。同同事食所以都無認真影相，所以都拖左一排先打番呢個食評，望番佢社交平台 menu好似加左價…下面既價錢係舊既，俾大家參考下。🔅黃金炸響鈴 ($78)黃金炸響鈴真係無得輸！好脆好香鹹蛋黃味，正！🔅蟶子皇(四隻) (時價-$168)蟶子都大隻，幾新鮮👍🏻。🔅頂級本地鮮肥牛 ($388)牛味幾濃，牛肉都唔韌，唔錯。🔅手工丸類丸類幾出色，夠彈牙又夠大粒👍🏻。💬要留意用Openrice book係無折仲要有限食2個鐘😱，正常打電話去book應該唔限時🤣。散叫火鍋黎講都ok，唔算特別出色，性價比都唔算好高。