25
10
8
| 餐廳: | 譚仔三哥米線 |
|---|---|
| 資訊: |
為鼓勵食肆透過提供食物份量選擇和採取減少廚餘措施，與顧客共同從源頭減少廚餘，環境保護署推出了「咪嘥嘢食店」計劃，參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼，以供張貼於店舖內和宣傳，供顧客識別。此計劃全年均接受申請，申請費用全免。
詳情可瀏覽：https://www.wastereduction.gov.hk/zh-hk/waste-reduction-programme/food-wise-hong-kong-campaign
營業時間
今日營業
10:30 - 21:00
星期一至日
10:30 - 21:00
以上資料只供參考, 請與餐廳確認詳情
譚仔三哥推出左全新嘅「三哥酸菜鯛魚米線」同埋2款限定小食/特飲🥰，連著名樂隊五堅情 邱鋒澤都已經試咗🤟🏻：-1️⃣「三哥酸菜鯛魚米線配1餸🐟🍜($51起)」(全新限定)建議配魚片頭，魚片頭爽口彈牙，湯底食到客家酸菜的酸味、鯛魚片嘅鮮味同辣香蘿蔔乾嘅香味，辣度由5小辣起🌶🥢 ~Rice noodles in spicy and sour fish soup-2️⃣「香烤豬柳🐖($16)」(全新限定)豬扒有孜然粉、辣椒粉等調味，外層焦香微辣，咬落肉質嫩滑，有10 小辣、3小辣同原味揀~👍🏻-3️⃣「椰香奶蓋咖啡🥥☕️ (原價$17/ 加配價$13)」(全新限定)第一次係三哥飲咖啡！咖啡同椰奶好夾，同埋好解辣🤣~👍🏻
繼續閱讀
去左奧海城行街，行到肚餓但海港城餐廳又較貴，呢排想慳啲錢即刻諗起譚仔三哥，上網查附近真係有三哥，即刻衝過去螺酸湯米線配海螺片及麻辣豬皮加豬肉豆卜期間限定，湯底味道唔錯，豬皮夠入味，海螺片份量多，好滿足腐皮豆卜素煳辣湯中辣米線三哥推出素湯底已經一段時間，真係覺得好貼心，素食煳辣湯都不失鮮味同滋味，平時三哥都用紙飲筒，有埋素食就更加環境友善土匪雞翼 （細）各間分店嘅水準都好穩定，好香好好味，好多時係其他舖頭嘅雞翼都無熟透，雖然唔會肚痛但就無咁好味，所以始終最愛三哥雞翼口水三素口水雞汁涼拌豆卜木耳同冬菇，辣辣地好惹味，份量合理夠頂癮又夠飽又夠平又好味，抵三哥咁成功
繼續閱讀
大角咀呢一間譚仔三哥曾經係我心目中最好食嘅三哥因為係以前出餐又快 外賣order叫米線冧D都一定會做到十足十 並唔會求求其其出餐但係係最近呢半年 唔知係因為疫情關係定係店長轉左人呢一間譚仔嘅職員 手腳變到勁慢 明明樓面有四個人 廚房永遠都係得返一個人每次都係一碗一碗咁出餐非繁忙時段 外賣自取 都至少要等15分鐘晚餐時間 外賣自取更加去到30分鐘相比起以前繁忙時間極多人排隊外賣自取時間都只不過係10分鐘 相差極遠唔好以為依家要等咁耐係因為好多人排緊隊只不過係人手越來越少廚房好似得一個人識煮咁 如果係近呢半年有去過呢一間譚仔食嘢嘅客人都一定會身同感受本人喺呢三個月都食咗起碼五六次 每一次都會見到有唔少嘅客人等到發脾氣 亦會有foodpanda嘅外賣員同譚仔職員嘈交嘅畫面原因好明顯就係因為等候時間極長
繼續閱讀
💕水煮湯鴨血米線+墨魚丸 身為三哥fans嘅我點可以唔去試三哥新出嘅水煮湯底，仲有我勁中意食嘅鴨血😋，今次呢個水煮湯係5小辣起跳，水煮方式整出黎嘅濃湯配合埋鴨血，香辣宜人，而且豆卜仲吸收哂濃湯嘅精華🥺，呢個米線本身已經配左鴨血同埋豆卜，我另外再加左墨魚丸！米線除左配水煮湯仲可以揀其他湯底，不過想試下鴨血米線嘅朋友仔我會推介你地試埋個水煮湯，同鴨血好夾呀🤤🤤
繼續閱讀
大角咀果頭都幾多野食，今日去左大全街食譚仔三哥米線，叫左一碗雞肉米線，一碗牛肉竹笙米線，要胡椒湯底加3小辣。店員服務都好好，由於朋友唔係太舒服，要求走韭菜和走芽菜，米線要煮林啲，佢哋都做到。另外，佢地新推出的熱情果烏龍茶超正，好好飲！
繼續閱讀